麵尊

營業中

休息中

今日要去銅鑼灣買嘢，所以下午去咗登龍街的麵尊食晏～～去到門口，要排大約15-20分鐘左右先可以入座，人山人海。在排隊時點餐，入座後10分鐘就有得食。豬頸肉🐷：用滷水醃過，但醃得太耐，結果令豬頸肉變淋，肉質太老，無咬口。滷水鴨腎🦆：都係用滷水醃過，鴨腎爽口入味。仲有惹味嘅蠔油炆冬菇、酸齋同河粉，配咖哩辣汁。咖喱辣湯底因為被滷水汁同酸齋的酸汁中和，不會太辣，香濃而有層次。因為門外仍有大量人群等候入座，所以大家都係快快食完離座，亦都因為咁，難得地享受到片刻嘅寧靜時光。——————————————————————————————餐廳評分（5分為最高）美味：🐤🐤🐤🐤環境：🐤🐤🐤🐤🐤服務：🐤🐤🐤抵食：🐤🐤🐤🐤可達度：🐤🐤🐤🐤

收左工7點左右去到等位，等左10至15分鐘左右就入座。等緊位既時候已經可以寫定點餐紙。入座後好快d麵都黎。每次唔想念食咩就會叫既大尊 -$42 (4/5) 有齊豬紅，蘿蔔，咖哩魚蛋，紅腸。豬皮，菜。豬紅，紅腸，豬皮都好正，蘿蔔勁淋勁入味，唯一美中不足就係有小小渣。咖哩魚蛋就相對普通。友人分別點左比較特別同值得一試既配料有: 炸魚皮👍🏻貢丸👍🏻魷魚👍🏻仲有豬腸👍🏻全部都好好味😋總結: 佢個湯底 (我加左腩汁同小麻辣) 真心正，明知唔健康都忍唔住飲左2啖。值得一讚係服務態度幾好，比起傳統車仔麵店好太多，有禮貌。好多配料都好正，下次要再試多幾款😋😋😋

下班時頓覺很想吃肉一番以消除壓力 便四贏閒逛 尋找獵物🤣 途經麵尊 看見店內客人寥寥無幾 立刻把握機會入內試試馳名車仔麵！點了蘿蔔、酸齋、五香牛腩、豬頸肉、濃汁香菇貢丸、咖哩魷魚🦑 麻辣汁✨ 湯頭很甜 牆上還貼有可免費加湯的memo 〰️五香牛腩是一片一片的 很冧身 老人家也能吃的牛腩！豬頸肉醃得甜甜的 爽口彈牙 不錯吃！蘿蔔鮮甜冧身👅酸齋就是正常的味道 過過口癮也是不錯的選擇！濃汁香菇貢丸好好吃！！彈牙 爆汁！ 香菇和豬肉的味道不分上下 非常濃郁！！我最喜歡這個！咖哩魷魚🦑的咖哩一早被濃湯洗刷乾淨了🤣 份量也不少 可以更爽彈〰️枱上附有很多調味料 包括辣椒油、醋、豉油等等；用上即棄筷子🥢感覺上更衛生！辣椒油🌶️則是較為失色 不香不麻不辣的〰️可能是店家的麻辣醬做得太出色了🤣-店員大部分服務態度殷切又勤快〰️衛生也不錯 😌

<牛腩咖喱魷魚豬頸肉米線腩汁麻辣小辣多蔥> $40 已經係第四次食🤣 野食好快黎到 叫多蔥真係好多蔥真係好滿意 牛腩超多舊 好誇張 每舊都唔細 至少有6-7舊 佢地個質感唔同一般嘅牛腩 係好似啫喱 而且好入味 讚 咖喱魷魚都有5-6條又好多 有少少咖喱味 最讚係超易咬 唔會韌 最後有三舊豬頸肉都好厚身 好食❤️ 個湯底好似無以前咁好食 但記住一定要加佢嘅辣椒醬 叫左麻辣都要加 超正💕 唔係好食得辣都可以落少少🥳整體：唔貴 又好鬼高質嘅車仔麵 有驚喜 又乾淨 坐得好舒服 最緊要啲料超多 好誇張🤩🤩

🔖座位唔算好多，但食完碗麵侍應都會好快幫你收野，都唔會坐太耐，所以就算要等，都算好快可以入座。而且一入座就比order紙，基本上碗麵10分鐘就有得食。🍽豬頸肉有6-7塊，好夠味，d汁甜甜地，d邊位比較肥，食落好罪惡😂🍽炸魚皮用膠袋一袋裝住，舊舊都大大舊，好脆，口感覺得佢好新鮮😋🍽車仔麵小編揀左河粉會比較容易索哂d湯，不過如果需要加湯可以隨時同職員講。重口味既我，加哂3種汁。（腩汁、咖喱汁、麻辣汁）💡d餸其實有好多款，今次我食左豬腸、牛柏葉、美味齋、牛腩。覺得每樣都好食，特別係美味齋，索晒啲湯汁食落去超正。😋食物：️9/10🤵🏽‍♂️服務：8/10🍴環境：8/10💰消費：$60🤩性價比：9/10

⭐蘿蔔、豬頸肉、牛腩配幼麵 （咖喱辣） $51 ⭐味道：7/10👧🏿👦🏻: 蘿蔔有3大舊，鮮甜冇渣👍🏻 豬頸肉較簿唔算入味，一般🤔牛腩好味濃，唔韌，有水準👍🏻湯底係較清唔油膩，咖喱辣幾香口，但奇怪係冇得簡辣度，職員一開頭用匙羹裝起啲辣自己落，其實唔會夠喉，所以叫職員比多羹.. 建議放枱面自己落仲好😝⭐豬大腸、雞腎、豬紅配河粉 $51 ⭐味道：6/10👧🏿👦🏻:豬大腸乾淨冇異味，可試👍🏻 雞腎冇乜特別🤔豬紅唔散，但冇永年嘅好食，不過不失🤔河粉應該係最後幾份，好碎，要用埋匙羹先食到～～～～整體評分～～～～抵食：8/10環境：7/10服務：7/10

車仔麵是香港人最愛一碗麵內，配料多少依隨個人慾望這裡的白蘿蔔煮的非常入味，口感軟爛、味道清甜入口即溶還有雞翼尖跟豬頸肉都滷的好入味，特別是豬頸肉，很爽彈讓人吃完一塊又一塊然後再配一罐可樂或凍飲滿足！

我叫左個豬皮，牛柏葉、魚配粗麵。豬皮夠乾淨，無毛。牛柏葉同魚都好爽口。粗麵夠晒蛋香味。湯匙上係佢地既自家制名物辣醬，佢地既辣醬真係幾辣，貼心既店家，但得黎好過癮，配埋湯底認真一流。另外仲有必點既魚皮，每次都無令我地失望。魚皮脆卜卜，唔會有油益味，大推

如果講起車仔麵一定會諗起麵尊🚩 大尊 （米線）$42入到黎每款都想試但係又唔知揀咩嘅朋友可以試吓呢個有晒最基本車仔麵嘅材料豬紅 蘿蔔 咖喱魚蛋 紅腸 豬皮 生菜我認為個蘿蔔係真係好好食有兩大嚿 入晒味之餘而且冇渣豬紅就鹹鹹地好Q彈👍豬皮就偏硬咗少少🤏成碗車仔麵份量都好多湯底就正常 唔會太鹹亦都唔會太淡抵食‼️‼️🚩 豬紅 滷水鴨腎 豬大腸 河粉 $42必須推介豬大腸 豬大腸入邊有少少肥膏 正‼️而且極入味同埋爽彈😍😍😍加上滷得非常入味鴨腎都有好多嚿👍質地幾爽而且唔硬🤪🤪‼️‼️‼️河粉質地唔會太淋🚩豬頸肉$30痴線一上枱見到勁多嚿好Q抵食‼️‼️‼️平時食燒豬頸肉就多啦呢一個係滷水豬頸肉滷得非常入味而且肥瘦適中‼️‼️‼️唔會太油膩食完一嚿又一嚿大大力推介‼️總結時間🥰高質車仔麵每次經過都會見到好多人排隊證明咗人氣保證👍👍👍

位於銅鑼灣登龍街的分店光顧過幾次，座位不多，座位之間狹窄不過吃車仔麵都是貪圖快捷方便，影響不大◭四餸車仔麵 $50 🅙🅙🅙🅙/5
點了豬大腸、白蘿蔔、魚皮餃跟麵根白蘿蔔很甜，沒有渣豬大腸也滷得挺入味，夠軟也喜歡它們的麻辣汁⚎⚎⚎Recommendation 🅙🅙🅙🅙/5⚍⚍⚍

今日係銅鑼灣行街，又係時候醫肚，去登龍街望下有咩食，見到麵尊今日唔係咁多人排隊就去試下。豬紅 豬大腸 五香牛腩 咖哩牛柏葉 米粉$50豬紅軟嫩，豬大腸好入味甘香，牛腩炆到夠林，牛柏葉好爽口，個咖喱都幾惹味，米粉索晒湯汁後好好食，湯底味道都濃，啱晒重口味嘅朋友。另一碗就叫左豬大腸，墨魚丸，雞中翼，五香牛腩，米線 $50墨魚丸彈牙，雞翼都好入味，不錯嘅💓另叫左碟蠔油生菜🥬 $20份量都足，翠綠清甜，配蠔油係perfect!豆漿 $12都大杯，夠凍，都重豆味，飲落不算太甜。

「尋找好好食嘅車仔麵」旅途終於完結了。我宣布位於銅鑼灣登龍街嘅「麵尊」將會係我心目中三甲之內。主食：牛腩、花菇、雞翼、紫菜、米線（加腩汁）特別講牛腩：用巧妙嘅刀工劃開僅僅相隔一毫米嘅刀坑，入口感覺更加細膩。軟林林嘅肉質吸晒湯底嘅腩汁，造就出銅鑼灣「牛腩之皇」。花菇：花菇先浸蠔油再放上米線上面，入口味道更香。魚蛋、豬大腸、豬紅、油麵（加麻辣汁）食材新鮮優質，麵質軟硬適中，麻辣汁香辣可口。飲品：夏日熱辣辣，仲要食新鮮煮好熱辣辣嘅車仔麵，當然要配合冰涼感十足嘅冰凍飲品。檸樂冰底凍利賓納上菜夠快好貼地，店員樂意答問題。裝修懷舊有風味，味道超班舔舔脷。

呢間車仔麵非常出名，成日都大排長龍，所以今日喺佢12點開門就已經到咗等入座！🤩兩碗車仔麵都好好食，沙嗲醬小小辣但好香香料味，配上車仔麵非常惹味！😛🍜蘿蔔無渣，爽甜；齋就吸晒湯汁好入味；豬頸肉滷得入味，容易吸開，肉質爽得嚟又腍。🐷雞翼滷得入味，食得出滷水香料味；生菜、魚蛋正常。🐥加錢追加凍豆漿，食麵點可以無豆腐！豆味香，甜度適中，一啖麵再配一啖豆腐真一流！😋😋🥤呢間車仔麵嘅餸都好俾心機去熬製，值得支持💛💛💛

每款餸同埋麵都係$10 ，除咗伊麵/公仔麵係$12（係，車仔麵好少可有伊麵揀）湯可以揀腩汁/麻辣/咖喱辣，仲可以加蔥。每人最低消費$38～嘢飲就貴啲🌟雞翼+蘿蔔+生菜米粉（配腩汁）$40湯清甜，唔會過鹹或者過濃。滷水雞翼有兩隻，好入味。蘿蔔有四至五件，大舊得嚟好腍、冇筋，又夠味，蘿蔔係必叫👍🏼 西生菜唔係好多塊，但係勝在新鮮、翠綠。米粉不過不失，份量適中。🌟豬大腸+五香牛腩+咖喱魚蛋+貢丸+蘿蔔伊麵 （配腩汁加蔥）$62 豬大腸入味爽口。五香牛腩好腍，冇牙都咬到😆咖喱魚蛋唔係細細粒彈牙個隻。貢丸正常，伊麵好彈牙👍🏼🌟淨豬頸肉$30份量好足，每塊都好大件又入味😋必叫👍🏼總括呢間黃店裝修雖然新派、時尚，但慶幸仍然食到懷舊味道嘅車仔麵。每樣餸都好入味，特別推介蘿蔔、五香牛腩、雞翼同埋豬頸肉👏🏼車仔麵來講，麵尊係我心目中嘅三甲之內，個湯同埋蘿蔔可以更加出色。味道: 8/10性價比: 8.5/10服務: 9/10環境: 8/10

今日lunch 好想食車仔麵,但銅鑼灣嘅選擇並唔多！去到登龍街門口,見到冇乜人排隊，就行入去食！入到去服務員好快咁樣安排咗位置俾我哋！地方企理，光線充足。呢間車仔麵係自己take 餸既，我揀咗豬大腸，洗得好乾淨，冇異味，爽口彈牙👍🏻豬紅，整得好入味👍🏻👍🏻雞中翼，好夠淋同埋滷水味重😋😋咖喱牛柏葉，爽口，彈牙，超咖喱味😋😋炸魚皮，脆卜卜，好香口👍🏻👍🏻其實有選擇困難症既朋友，可以揀⭐️大尊⭐️豬紅，蘿蔔，咖喱魚蛋，紅腸，豬皮，菜+粉麵 $42⭐️細尊⭐️豬紅，蘿蔔，咖喱魚蛋，豬皮$40咁就唔洗心大心細啦！😎😎