麵尊

營業中

休息中

天氣涼返，最好就係食返碗熱辣辣嘅湯麵，所以去咗食車仔麵～呢間車仔麵食咗好幾次，不論堂食或外賣都要排隊。不過車仔麵一般都好快食完，所以都唔會話排好耐～每款餸10，叫2-3個餸加多個10蚊麵底，30-40蚊一個lunch，係呢區嚟講真係好抵食，啱晒我呢啲窮L打工仔！呢間個豬紅好入味，非常推薦～另外之前試過冬菇酸齋都好好味😋 都有d餸係做得冇咁好，例如牛腩太鞋，豬頸肉水準飄忽，油麵太硬等，湯方面可以揀咖喱辣/麻辣/腩汁，個人推薦咖喱辣～呢個價錢食個lunch，要求都係唔好咁多🙈

平時喺登龍街食薯粉就多，今次去咗登龍街另一間車仔麵😆😆😆叫做麵尊☺️之前成日都要等位，所以一直冇機會試！🥲今次終於可以一試。裝修好唔似車仔麵鋪頭！但係，其實佢同車仔麵都冇咩分別，一樣係填紙仔，揀自己想要嘅餸同埋麵。我揀咗芝士腸、紫菜、墨魚丸。我老公就揀咗貢丸、豬紅、魷魚😆😆😆偷食咗老公一粒貢丸。😆😆😆😆貢丸真係好好味。爽口彈牙，而且勁重豬肉味。😍😍😍下次我一定要再叫貢丸！份量來講，作為下午茶應該有啲多😂😂😂但係如果係午餐來講，應該好足夠。我仲叫咗腩汁同麻辣，好香口😍😍😍差啲飲晒成碗湯。其實佢可以揀淨餸，但係又自己口痕想食啲麵😂😂😂下午茶嘅話，可以唔叫麵！至於坐位來講，坐得唔算寬躺～不過大家嚟食碗車仔麵，都唔會坐得好耐，所以都okay☺️絕對會再幫襯😍😍😍

 ☕️ 食物：👍🏻👍🏻👍🏻👍🏻 /5💰CP值：👍🏻👍🏻👍🏻👍🏻 /5 🤵🏻 服務：👍🏻👍🏻👍🏻 👍🏻  /5 🛋 環境：👍🏻👍🏻👍🏻/5 個人最怕排長龍，但朋友介紹呢間車仔麵係非試不可，特別係佢個隻麻辣湯底，令人一試難忘，果然名不虛傳，同埋排隊既時間都唔會話要好耐，有班朋友傾下計，時間都過得快既～價錢實惠，除左湯底吸引，食物質素都好高質 ！！五香牛腩五香牛腩都煮得好入味同埋好易入口，如果以一間食車仔麵既鋪頭，而唔係專食牛腩既食肆黎講，佢地既牛腩可以講係超水準，值得一再口味既餸咖哩魷魚 魷魚新鮮爽口，配埋個湯底同麵食都唔錯 蘿蔔蘿蔔發揮到應有既水準，甜而冇渣，係食車仔麵一定要配備既餸黎～蠔油冬菇又係食車仔麵一定會點既其中一個餸 ，入味香口

麵尊車仔麵我由佢以前響上環舖已經開始食，真係好得，每款餸都好食，尤其係佢哋可以選咖喱辣同麻辣，我差唔多每次都叫咖喱辣，真係唔錯，外面冇乜地方食到！有時自己心郁郁都忍唔住專登坐車去上環食！到佢銅鑼灣店開咗，真係開心死我！因為我自己住附近，所以幾乎每個星期都食一次，真係會食上癮！我每次都會叫多蔥🤣🤣因為我真係好鍾意食蔥，廚房真係好好，次次都比好多我另外必會叫咖喱魷魚🦑，佢哋份量唔少，爽脆好食！仲有滷水雞翼🐔，大大隻又入味😻豬大腸，佢都會比好多件，好入味豬紅🐷，件件size好均勻另外好多時我都會叫甜酸齋，好正！又係必食！🙈🙈🙈實在太多款餸我都想叫但一次又叫唔到咁多😩😩如果你有選擇困難症嘅真係要諗好耐🤣🤣🤣

鍾意食車仔麵嘅無人不曉久仰「麵尊」大名⋯終於難得一個人去銅鑼灣可以試食車仔麵🤩人龍已經見到⋯好彩算快有位店嘅收費劃一$10/份，但最低消費$38，唔飲野嘅我唯有揀多樣餸啦 3餸麵$40店員細心問我係咪第一次食 同我推介豬頸肉 雞翼 牛腩 真係好nice! 由於我一定會叫蘿蔔 酸齋，試食唔到咁多款最後揀咗牛腩 佢話算多同埋冇牛筋 好稔嘅 冇牙婆都食到😆第一次食叫左蘿蔔、牛腩、酸齋 本來係叫伊麵 但冇哂咁食米粉啦！佢出名係個麻辣醬 仲可以買樽返屋企嫁！我比較重口味 所以兩個汁都要哂咖哩辣同麻辣！送餐時發現原來都幾大碗 份量算多 銅鑼灣區$40 好抵食！牛腩食落去真係唔係好似 睇相都覺得似牛肉片🤣🤣蘿蔔唔係我心水 我鍾意偏爽嘅因為 酸齋正常水準 整體都好食個麻辣醬其實冇咩辣，但係好強烈嘅花椒味好彩我有叫咖喱辣， 湯底有味好多，不過我覺得冇咩辣 問店員可唔可以加辣佢就好驚訝😦問我食唔食得辣🌶️我話ok呀 加多兩匙辣各一丫😆食完時收碗 店員再次驚訝 🙀你食得都好辣下，我哋再加兩匙比你都食哂😂😂😂😂😂乜平時好少人加辣？食完覺得個辣醬都唔錯 但未至於驚為天人 因為我食過呢種椒麻醬 食物方面唔係好入味

最近睇到某個foodie嘅IG post搞到我心思思想再去😆呢幾次去都係食「大尊」(HKD42)一碗車仔麵有晒我鍾意嘅嘢豬紅、咖喱魚蛋、蘿蔔、紅腸、豬皮、菜只有揀麵類就搞掂 唔洗煩😆😆湯底我多數會加腩汁食麵嘅時候直接飲埋啲湯完全冇問題(飲完之後我完全唔覺得口渴😁)豬皮、蘿蔔整到好入味最緊要係喺銅鑼灣呢個旺區以咁嘅價錢就食到碗質素唔錯嘅車仔麵另加墨魚丸+$10午飯時間去真係超多人嗱嗱聲食完碗麵就走喇(因此啲相都係求其咁影🙈)⭐️只收現金⭐️不設加一

第三次到訪銅鑼灣麵尊，仍然保持水準🤤每樣餸都好好食，好難選擇🤣 佢地嘅車仔麵可以揀麻辣汁、咖喱汁同腩汁，特別推薦麻辣汁同咖哩汁，夠晒香濃🥰豬大腸•魚皮餃•咖喱魚蛋•雞翼尖•咖喱牛柏葉•米線（$60）用左咖喱做醬汁嘅魚蛋同牛柏葉本身已經煮琴到入晒味，再配埋麵尊自家製嘅咖喱汁，令味道更香濃✨ 豬大腸係必點餸之一，洗得乾淨，冇豬臭味👍🏻豬大腸•蘿蔔•咖喱魷魚•五香牛腩•油麵（$50）蘿蔔超有驚喜，清甜無渣，煮得夠腍，無論配咩湯底都係好好食😚，推薦！ 牛腩炆得夠腍同入味，唔錯😆淨豬頸肉（$30）麵尊嘅淨豬頸肉係一塊塊咁上，肉質鬆軟，用醬汁炆得入味，唔錯✨

每次都大排長龍嘅《麵尊》，要等齊人先可以入座🙈，我哋等咗大約15分鐘左右就入得去🤪，雖然唔係特登慕名而來，而係純粹想醫飽肚，但呢個食物質素值得再come back!😙豬頸肉+豬大腸河粉 加豆漿 (total$42)睇到啲餸嘅份量就知非常抵食‼️😋🐽點餐時朋友話豬大腸係必點，一於試試佢🤤豬大腸有五大嚿，滷得好淋好入味，果然係必食，推薦‼️🐷豬頸肉都有三大塊，又係滷得好入味，爽口唔柴，略嫌脂肪部份有啲多，不過整體都唔錯🤪我點嘅係河粉，夠爽滑，有水準😚亦試咗少少朋友嘅米線，比出面嘅米線更彈牙😍鍾意食米線嘅一定要試吓🤤🤤

經過銅鑼灣，見呢間車仔麵店好似幾多人食又唔使等位等太耐又見佢好多款餸可以揀，就同朋友決定食呢間， 排隊等咗大概15分鐘就已經可以入得，排緊隊嘅時候會好細心咁，俾定張紙你圈低食啲咩，咁坐低之後好快就有得食同朋友啲餸撈亂食，另外再嗌咗一個淨炸魚皮share，呢間車仔麵啲餸同個湯底都唔錯朋友覺得最好食係個炸魚皮， 一路食一路讚午餐肉好抵食， 餐廳厚切啖啖肉咖哩魚蛋都好彈牙，鹵水鴨腎都好入味，好好食豆卜都正，因為個湯，個豆卜索咗啲湯，所以個豆卜好入味朋友都話個咖哩辣汁，同個腩汁湯底都好味，下次經過銅鑼灣一定要再encore呢間

每次經過登龍街都計畫下次一定要吃車仔麵，今日計畫終於實現。餐廳樓底高，可以彌補地方空間感不足的問題。為了方便上班族，這裡設有不少單人座位，可以對著窗口慢慢吃。每款菜統一$10，如果不想思考，也可以選擇大尊車仔麵。我們點了兩碗車仔麵，這碗配料有咖喱魚蛋、咖喱牛柏葉、蠔油冬菇、美味齋、豬頸肉和豬紅。麵底是油麵。我很喜歡湯底，濃郁而香，豬頸肉厚厚一片，入口彈牙爽脆。另一碗是紫菜、豬大腸、五香牛腩、雞中翼、咖喱魚蛋、濃汁香菇貢丸車仔麵。雞翼很入味。牛腩更似牛肉，煮得很軟，很入味。麵底是米粉，另外加了腩汁。豬大腸特別好吃，洗得乾淨，軟軟糯糯得口感很好。

好開心試左呢間車仔麵搵得返細個食街邊車仔麵嘅味道🤤我係平日未夠七點時黎到當日唔使排隊 我叫左5個餸豬紅 豬腸 牛腩 蘿蔔 山根 配米粉加辣🌶🌶 呢d都係我平時食車仔麵最愛嘅餸唯一對我來講美中不足嘅係呢度嘅魚蛋唔係陳皮魚蛋所以我揀左山根五個餸都10分好味最喜歡就係豬腸 同牛腩😍好軟腍入味呀蘿蔔非常清甜車仔麵湯底 👍🏻👍🏻👍🏻 濃郁朋友就點左豬皮 魚蛋 豬腸 豬紅除左好食 仲想讚下 豬皮豬腸都處理得好乾淨食完一次 已經諗定下一次幾時再去食😋

麵尊係我其中一間最鐘意既車仔麵，鋪頭係銅鑼灣登龍街，算係呢一帶最抵食既餐廳😆餸大部分都好食既，不過牛腩就好伏🙈湯底腩汁香濃偏甜，亦可以加咖喱辣醬同麻辣醬，上枱果陣會將醬放係匙羹到，兩種我都試過，都係正常地好食，唔會話好有特色，但佢個麻辣醬同湯底係幾夾，油麵爽口冇咩鹼水味麵 ($10) 每款餸 ($10)通常車仔麵既餸我都會揀啲炆煮既餸，我覺得咁先可以睇得出餐廳有冇比心機去煮每個餸。蘿蔔冇渣，炆得軟淋入味，亦有蘿蔔甜味😋豬紅煙韌有咬口，一咬落去香甜既汁爆哂出黎，係暫時食過車仔麵最好食既豬紅😝冬菇爽滑入味，同豬紅一樣咬落去會爆汁，好好食😋貢丸爽彈有肉味，都正之前有食過豬大腸同牛腩，豬大腸比較肥，同埋膻味比較重，我就唔太鐘意膻味重既豬大腸🙈 而牛腩真係好難食，完全冇牛味，味道同煲完湯既豬肉係冇分別，質感好似用超多鬆肉粉醃過既肉咁，好懷疑果舊係唔係牛腩黎，舊舊我都要跟埋麻辣醬一齊食先食得落🙈價錢: $50/位環境: 6/10味道: 7.5/10性價比: 7.5/10

夜晚喺銅鑼灣搵又平又好食嘅嘢似乎有啲難，不過麵尊真係可以做到好多人嘅長期飯堂！除咗係黃店之外，佢嘅質素都唔錯～ 舖頭雖然唔係特別大間，坐得幾舒服(・∀・) 📌米線+墨魚丸+牛腩 (~$30) 首先要讚湯底！👍🏻甜甜地仲有少少腩汁味，好好飲但係唔口渴。米線軟硬適中，食落彈牙爽口。成碗份量都唔少，CP值好高！😆 📌白菜仔($20) 🥬 出街好驚食菜因為好多都煮得唔腍，味道好「清新」不過呢碟就煮得啱啱好，係熟咗嘅質感，配上蠔油味道錦上添花～

喺銅鑼灣想食平平哋嘅嘢，就揀車仔麵🍜🍜🔸粗麵，咖哩辣揀咗咖哩魚蛋、豬紅、雞中翼、酸齋👍🏻 粗麵彈牙，咖喱辣揀咗多辣，整體味道比麻辣出色少少，👍🏻 豬紅嫩滑有驚喜💯 酸齋軟熟我都好推薦💯 魚蛋同雞翼都唔錯👍🏻🔸幼麵，麻辣揀咗濃汁香菇貢丸、蘿蔔、豬皮、五香牛腩👍🏻 幼麵吸湯，麻辣揀咗中辣，唔係辣到流晒汗嗰種辣，應該個個都啱食👍🏻 貢丸濃味，蘿蔔清甜而且煮得勁冧又無渣🥰 豬皮同牛腩都好入味🥳

同朋友係銅鑼灣shopping, 突然開始落雨, 於是係附近搵間餐廳食野, 順便避雨。見到呢間主打車仔麵餐廳, 門外出現人龍, 羊群效應下我地又排隊入去試試。每位最低消費$38, 全日無加一, 可自由選擇唔同配搭同埋麵底, 每款都係$10, 相對銅鑼灣地舖黎講, 價錢算合理。我就揀咗油麵, 豬大腸、豬紅、雞中翼、咖哩魷魚、咖哩牛柏葉, 再免費加調味料, 咖哩辣、腩汁、蔥油麵熟透, 軟硬剛剛好所有餸菜都幾好食, 而且很入味,豬大腸好林, 雖然有少量豬大腸中有油層連帶, 但食落又唔會太油豬紅爽滑, 份量多。雞中翼質地好林, 輕輕咬就容易骨肉分離。咖哩魷魚、咖哩牛柏葉: 兩款都好爽口, 而且咖哩好惹味。額外加咗咖哩調味, 用匙羹盛好, 可因應自己喜歡辣度和濃度加入湯底, 非常滿意!朋友所選嘅配搭跟我差不多, 只有少許分別,豬皮入味爽彈; 鹵水鴨腎爽而不韌; 五香牛腩好林另外order咗兩罐雀檸。