麵尊

營業中

休息中

⠀所有餸都唔hea 煮到好入味又好食👍🏻推薦豬紅 蠔油冬菇⭐️腩汁湯底好夠味😆不過麵嘅份量有啲少 唔夠飽😶‍🌫️每人最低消費$40鋪面較細 多數要同人搭枱 但有膠板⠀#銅鑼灣美食 #車仔麵 #hknoodles #hkfood #hkfoodie #foodiehk #foodie #noodles

平時食晏時間經過呢度成日都見到一條人龍喺度等😌就會心諗係咪真係甘好食呢😏✨米線✨ $10正常發揮✨豬頸肉✨$12有別於平時嗰d燒豬頸肉呢個豬頸肉就腍身d幾入味但就比較肥膩🐷份量幾多👍🏻✨蘿蔔✨$10煮得幾腍無渣幾清甜✨咖哩牛栢葉✨$12 🐂正常發揮➡️湯底揀左腩汁麻辣🌶👅麻辣醬好細心甘用隻🥄分開左辣度好夠😂我都係倒左4份1醬落湯已經好夠味個湯都幾濃味帶d甜口我覺得如果無咁咸會好好多🤣食完都幾口喝🤭

下晝三點幾嘅時候，落住綿綿細雨，打算去食刀削麵暖一暖個胃，行到去嘅時候發現呢間餐廳竟然外邊冇咗條人龍，馬上行去門口，可以即刻入座，諗都冇諗就入咗去因為我已經bookmark咗好耐，但次次嚟到見到條人龍都放棄咗，今次竟然唔使排隊就入到去-咖喱魷魚滷水雞翼蠔油冬菇油麵，睇咗唔少YouTuber介紹冬菇係必嗌嘅餸，平時食車仔麵都唔叫冬菇嘅我，都想一試，果然真係好好食冬菇入晒味，細細粒，一啖一粒，令我覺得車仔麵配冬菇都幾好食，咖喱魷魚的份量很多食到尾都仲有，而滷水雞翼係我想食，非常淋，已經入晒味，入口已經骨肉分離-特別要介紹嘅係個麵底，個油面係煙韌㗎，我真係未食過咁樣嘅油面，非常難忘，仲有個湯底唔好睇佢咁黑以為好鹹，其實好正常，唔鹹，店入邊仲貼住一張紙寫住如果加湯可以免費唔使怕羞

難得出走唔想浪費時間就同老公去食個 quick lunch ❤️見無乜人排隊就去咗食麵尊！車仔麵有多款麵底同埋配料選擇，每款都係平均十蚊左右，價錢親民。身為有選擇困難症嘅兩公婆為咗唔好令自己心大心細，就叫咗佢哋嘅”細尊”同另一碗自選餸菜。其實餸嘅份量都頗多，而且食材入哂味，絕對唔係煮落去浸兩下嗰啲。豬大腸好乾淨食落無肥糕👍🏻 微微煙韌，蘿蔔完全冇渣好甜。湯底望落清澈見底，唔太油。飲落好清甜。我哋加咗咖哩辣，辣味非常適中，易入口忍唔住都飲多幾啖 。

上網有見到其他YouTuber介紹，同埋見到有咁多好評，期望都幾大，但結果覺得普通料咁囉。今次黎到叫左一個三餸麵同一碗大尊，大尊入邊有豬紅、蘿蔔、咖喱魚蛋、紅腸、豬皮同埋菜，都係啲普通料。另一碗嗌咗個三餸麵，豬大腸、五香牛腩同埋咖喱魷魚，咁佢個豬腸都幾入味，送面一流啦，牛腩就正正常常唔係話好un，咖喱魷魚就普普通通。個湯底可能有五香牛腩既關係，加左腩汁，比大尊個湯更濃味更正，所以個湯底都不錯。總括嚟講，只係普普通通嘅車仔麵，如果唔使排隊都可以試下。

成日經過都排晒隊難得今次有位即刻入去試吓先車仔麵啲餸咁多選擇真係令選擇困難症患者好大挑戰😂3餸1麵 -42叫咗豬大腸，豬紅同魚皮餃豬紅大大粒又好滑豬大腸唔會整得太過淋特別想讚一讚個麻辣唔好睇佢細細羹以為佢無咩嘢撈勻成碗之後都真係幾麻不過我好鍾意😋😋3餸1麵 -44朋友就叫咗蘿蔔，咖哩牛柏葉同豬頸肉蘿蔔都清甜豬頸肉比想像中大舊厚肉好多😋個人都幾鍾意個湯底甜甜哋加啲麻辣送米粉好好食不過朋友反而唔太鍾意佢咁甜生菜 -22份量都唔少不過蠔油有啲多搞到好重口味😅下次都係叫返腩汁好了生菜大部分都係爽口清甜嘅

麵尊 麵尊原身位於上環蘇杭街，早於2010年已經開業。老闆至小係車仔麵fans，堅持選用新鮮食品，最終獲選香港十大車仔麵店，於銅鑼灣擴展新舖，更有不少名人過來捧場🙌。 銅鑼灣店裝修新穎，呈懷舊風格，門口有個類似戲院門口嘅招牌設計版，加上粉紅霓虹燈，以及古屋設計嘅廚房上菜窗口，充滿新鮮感又有返回80年代嘅感覺。空間感迫切，有四人搭枱嘅情況😬，但畢竟係lunch time，呢點可以體諒嘅。 點餐紙含蓋嘅餸菜唔算多，但應有盡有，肉/菜/丸/餃/麵嘅價錢統一十元正，但飲品就要另計。有選擇困難症嘅朋友又可以揀餐廳調配好嘅麵🤣。豬大腸/豬紅/鴨腎/蘿蔔/幼麵 $50 價錢親民，而餸嘅份量也頗多，尤其係豬紅都有7舊，由其喺銅鑼灣黎講性價比好高🤑。但衛生方面就有改進空間，咁啱見到有個職員dan毛巾， 湯底平時都會跳過唔講，但呢個真係堅野。湯底望落清澈見底，油份唔多，飲落清甜鮮明，帶有豬/雞骨味，冇乜味精，加上麻辣醬後令湯底辛麻而惹味，加哂又唔會過辣，而我都飲咗大半碗🤯。 豬大腸有五片，外皮如豬手般軟腍，入口即化，內裏則似豬肚具有嚼勁，肥美而香口，帶有類似滷汁/醬油嘅醃料味，有種獨特而不搶口嘅甜味，可以

之前見到youtube有人介紹，經過又成日見人排隊，所以對佢好大期望😙今次叫左酸齋、冬菇、魷魚、粗麵，湯底係腩汁，酸齋好林身，口味係偏甜既，整得幾好😋而冬菇都幾入味，而且都幾林，魷魚就中規中矩，冇太大特別。而個麵底都幾好，食落幾爽口，硬度適中，加上佢個腩汁既湯底，個湯底幾濃味，但又唔會太咸，整體感覺都唔錯。不過可能太大期望，又覺得未有其他人講到話咁好味，但都可以一試，只係未必值得排好耐隊去食🤔

麵尊地址: 銅鑼灣登龍街18號V Point地下5號舖電話: 23263062🔹🔹🔹🔹🔹🔹🔹🔹🔹🔹🔹🔹登龍街作為銅鑼灣嘅食街，餐廳菜式包羅萬有。日式、韓式、台式、打邊爐、酒Bar，講得出都有。只要有少少選擇困難症，都會企咗起度唔知揀乜好。啱啱食咗個回頭度極高嘅餐廳！🥳🥳7點幾到餐廳門口，已經有廿個人排我前面。大約等咗五個字就入座。每人最低消費$38，每款餸同麵底都只係$10。銅鑼灣真係無乜幾何有呢個價位嘅食肆喇。因為起銅鑼灣黎講，呢個價錢實在太大眾化，我以為會好細碗，所以當佢上枱時我係好驚訝佢咁大碗㗎！💫揀咗四餸車仔麵（$50）豬紅，紅腸，蘿蔔，濃汁香菇貢丸跟河粉蘿蔔炆得淋同好入味，無筋無渣！香菇貢丸咬落去瀑汁，爽口彈牙。豬紅都好入味，咬落去脆口。紅腸就普通啦。💫另嗌咗雞翼尖（$20），鹵得好入味！💫飲品係單點嘅，嗌咗凍奶茶。茶底同奶嘅比例剛剛好。成日去茶餐廳揀少甜，個甜度都唔啱口味。呢度嘅奶茶本身無甜，要自己落糖水，省卻左落單嘅時候講無糖走甜少甜果啲！客人可以逐少落，調較到最啱自己嘅口味😋。

這天和朋友來麵尊午餐，坐在面向外街的高椅上，看著路過的遊人往來，多了份悠閒的感覺。幾次來惠顧，這裡的服務員都是非常有效率和有禮的。四款餸加油面 $60四款餸都很美味，豬紅沒有腥味，豬大腸香軟入味之餘沒有異味。雙份共四隻雞中翼肉質夠滑也入味，還有腸仔配油面。大尊 $42 +$10大尊的六款餸包括滑滑入味的豬紅、軟甜的蘿蔔、大粒爽彈的咖哩魚蛋、紅腸、爽滑的豬皮及生菜。我也加了美味的豬大腸，配有蛋香又軟韌適中的幼麵，十分滿足。凍豆槳$13這個響鈴牌豆漿，有香濃的豆味，喝過一次，再次遇上必點呢！

車仔麵最緊要係咩？喺配料呀🤣你食過佢既豬頸肉一定會返轉頭😋😋😋依間車仔麵長期都勁多人😅排緊隊都已經叫你mark 定menu 食d咩😂🍴兩餸車仔麵 $30湯底揀左麻辣😆本身湯底係滷水汁甜甜地👍另加滷水雞翼同豬大腸😋每款餸都係$10✨分量多抵食又入味😻🍴豬頸肉 $30🐷 炸魚皮 $20🐟因為太好食所以要另外嗌豬頸肉小食😆😆一碟應該有7～8舊😍仲要係好大嚿好厚😂滷水汁入哂味 ，真係啖啖肉👍炸魚皮就同出邊差唔多係大塊啲😆而家夜晚冇得堂食都值得去嗌外賣返屋企食💛

好耐之前聽過呢間成日要排隊，18:30去到已經有條小人龍，食過先知不得了🤯📍咖喱牛柏葉、豬大腸、豬頸肉油麵（腩汁）呢間勁就勁在佢唔止出名嘅好食，係每樣餸都好好食😆😆😆先講個麵，唔會太淋或太硬，最重要係竟然冇乜鹼水味👍🏻其次個豬大腸十分出色，好入味，每一舊都好有咬口，唔係得層皮，必點呀！豬頸肉都幾厚身，咬落去，醃料唔會太濃蓋過左😚咖喱牛栢葉，辣度有少少勁，唔食得辣嘅要小心，但好神奇嘅係佢個辣味黎得快走得快🤩唔會辣到食唔到其他野呢間絕對會再encore!

今日去銅鑼灣行街，特登去登龍街，食下呢間好出名嘅車仔麵 ---- 麵尊。 今次冇嗌佢嘅特色大尊同細尊，反而係點咗啲自己想試嘅配菜。一碗係豬紅 咖哩魚蛋 五香牛腩 河粉 配麻辣汁，另一碗 豬大腸 蘿蔔 酸齋 香菇貢丸 咖哩魷魚 米粉，都係配麻辣汁。落完單唔駛五分鐘已經上麵，而且係熱辣辣。配料方面，咖哩魚蛋嘅 咖哩味唔算好突出，但係魚蛋彈牙。蘿蔔有驚喜，好甜而且冇渣。牛腩炆得好淋，入口即溶。最欣賞嘅都係河粉夠新鮮，而麻辣汁夠辣惹味 👍🏻

💛長期要排隊既車仔麵🚗終於有機會一試究竟～老銅黎講4、50蚊食得飽飽算幾抵不論麵類定餸菜都劃一係$10@通常啲車仔麵都唔會全部同價肉類果啲通常都要$10起所以呢到都幾均真🥰仲要每款份量都好足當日閒日晚市都等左半個鐘至九個字😮晚市攻略係要8點後就會少好多人排！———————————————————————————💛餸✔️蠔油冬菇：呢款都有6粒左右～蠔油甜甜既味道同冬菇最夾🤪而且炆得入味又夠軟✔咖哩牛柏葉：好似比較少係車仔麵檔係咖哩配牛柏葉～牛柏葉夠爽口而且入味✔蘿蔔：冇根又入晒滷水味 冇得輸 喺食車仔麵必叫✔豬大腸：食豬大腸最驚佢洗得唔乾淨🤭但呢到食就冇怪味仲入晒滷水味～份量都幾多又大舊👀會想encore😛✔️豆卜：無容置疑嘅索汁item！起馬都有5、6舊✔️豬頸肉：叫$10有三大塊～想食肉推薦呢一款！雖然睇落肥膏多咁但食落都唔算！想食多啲仲可以叫淨豬頸肉$30🤩💛湯底咖哩辣：我試左佢既小辣～應該得五小既程度😮想食辣啲可以揀中辣！果種咖哩味飲落係溫和而暖胃🤰麻辣：聽朋友講麻辣都唔錯的～而且同佢既擺出黎任落既辣醬唔同💛麵底我試左米線 軟淋得嚟食落仍有咬口朋友試油麵 夠彈牙亦唔會覺得油——————

今次專登黎到試吓食好出名嘅車仔麵麵專😊真係好多人㗎，要排咗一陣間先入到去，不過安排得好好排緊隊嘅時候已經揀好餸，坐低一陣間就會送到黎👍🏼豬頸肉唔係好肥，忟得好冧好入味豬紅唔會一夾就散，煙煙韌韌，唔會有血腥味酸齋夠晒入味，少少酸味好醒胃大腸唔係好多肥膏喺入邊，有啲咬口但係冇渣魷魚好爽脆，味道都好夠，份量好多雞腎薄薄地好易咬到雞翼尖隻隻都好多肉，又入味冬菇好香好有菇味辣汁小小都好夠辣，調味一流仲叫左個麵俾小朋友食，可以揀清湯，一啲都唔咸，小朋友食得好開心