麵尊

營業中

休息中

今晚試了間裝修風格前衛，舒適乾淨小店。未到7點就已經要排隊😍😍🥰店員都好有禮係排隊時間比定餐紙。所以飲品好快速就到。車仔都當然配上可樂就是最佳拍檔❤️❤️❤️☺️我就點了大尊，都好豐富，有豬紅，夾起來唔散開。讚。唔腥，咬落又口感，不錯👍🏻羅白大大舊，入味，清甜得來無渣，正咖喱魚蛋，咖喱味香濃，大粒。可試仲有紅腸、菜，一提豬皮都超正吸晒精華，令到豬皮更入味。大尊size份量都多麻辣湯底就最正。夠麻加超辣。自己又心思思再加豬腸。果然厚身得來好淋身，另外雞翼尖都不可不試😍😍😍😍朋友就點了酸齋，超正。大大舊酸味一流。只是覺2舊有點不夠喉。下次再叫。咖喱墨魚夠爽。牛柏葉夠滑身。值得一讚。整體好滿意。咖喱湯底偏小甜。咖喱味香濃。可以一試

依家車仔麵都食過幾次每次去都要排隊質素都穩定💯蘿蔔牛腩牛柏葉幼麵 $44蘿蔔係必叫!味道清甜而且冇渣❤️口感都幾好唔會太淋 又唔會太硬🥰牛腩唔係太入味而且本身冇乜牛味😔但份量都幾多牛柏葉就正正常常但都係冇乜咖喱味比較失望🥲幼麵就好似雲吞味嘅麵底下次都係叫翻油麵🤣湯底都幾濃郁加埋腩汁好惹味而食完都唔會好口渴☺️整體性價比幾高經過不妨試吓👏評分：68回頭率：70（高性價比）

平時都好鐘意食車仔麵，呢排多左去銅鑼灣登龍街，見到麵尊門口長期都排晒隊，今日趁收早就約埋阿女去幫襯下，6:00已經去到銅鑼灣，唔洗排隊就有位 。點餸紙都有好多餸選擇，每款大約$10-12，我地每人叫左3餸加麵底，連一罐飲品，加多一份炸魚皮，埋單$130。麻辣湯底，唔記得叫中辣🤔，味道八角味較濃，但辣味唔多夠，今次湯底有些少失望，不過3餸就搶番分數，尤其咖哩魷魚🦑同牛栢葉⋯⋯好爽脆，炸魚皮都值得一讚；下次一定要記得order中辣，相信會更加惹味😋

呢間走懷舊風嘅車仔麵店，牆上放滿經典嘅掛牌，裝修上落足心思，過咗lunch time 都坐滿哂人😍 當然要試吓車仔麵最開心就係可以自由選擇餸或主食🤩 呢度選擇有成三十多款，醬汁都有三款咖喱辣、麻辣、及腩汁，真係要慢慢揀😝第一樣要揀嘅就係酸齋，好少有嘅餸料😍，酸酸甜甜，口感煙韌好開胃；不得不試豬紅，夾住唔好散開，食落嫩滑清香；蠔油冬菇，煮得好腍好入味；蘿蔔大件，清甜無渣；另外仲有厚切港式午餐肉、滷水雞中翼等，湯底清澈見底，清甜而且唔油膩。

喺呢個橫風橫雨嘅日子入面，我決定入去食碗車仔麵！平復一下心情，邊到都唔想去！😂😂😂喺登龍街平時成日都會食薯粉，今次轉戰食麵尊。見到佢有一碗叫大尊，一碗叫小尊，好似好多人食，但因為我唔食豬紅同蘿蔔，所以放棄咗叫佢😂😂記得以前去星林居，因為啲餸份量好少，每次都要叫10個餸。今次我叫咗芝士腸、雞翼、咖喱魚蛋同埋貢丸，然後汁方面，我叫咗咖喱辣同埋腩汁🤭mix埋一齊好似好正🤭🤭先講芝士腸，佢真係誠意之作，好多車仔麵嘅芝士腸只係普通脆皮腸，入面並冇芝士，但係依間麵尊！入面嘅芝士腸，的而且確係有芝士😍😍。另外，不得不提嘅係，貢丸！超級好食，勁Juicy！😍😍😍有口感，美中不足嘅係，只係得兩粒，下次我一定會叫兩份貢丸。咖喱魚蛋我就覺得冇乜特別，而雞翼係好入味，大大隻！咖喱辣嘅湯底，佢用一隻匙羹，裝起左一啲辣醬！二腩汁湯底，本身甜甜地，勁好飲，不知不覺我飲咗半碗😂😂車仔麵來講，佢唔算好平，但係質素好高。絕對係會有下一次再幫襯！

依間車仔麵啲人只要一幫襯就會讚不絕口☺️因為甘簡單既野食都做到真心好食，所以啲人大推😘今次眼見小店出左辣椒醬同咖喱醬，希望番屋企煮野食既時候可以令到野食既味道得到昇華🤣.今次買左辣椒醬🌶買既時候店員教左我食前先要將辣椒油同膏拌好，先好拎出黎用👍🏽食麵既時候加左依隻辣椒醬，真情係成碗麵既靈魂❗️隻辣唔係只得表面既辣，食落去辣會到到喉嚨🤣辣度真係好夠，平日食麵，食魚蛋，燒賣加埋佢一齊黎食👍🏽

如果要揀一款食物代表香港，車仔麵絕對可以入選👑方便快捷，又多選擇，啱晒香港人。食過咁多間車仔麵當中，麵尊係企鵝妹成日想回頭再食嘅一間!雞翼尖/豬紅/豬大腸/蘿蔔/油麵/腩汁加麻辣 $52 (8.5/10)⭐️雞翼尖: 如果要喺咁多款餸入面選擇，企鵝妹首推雞翼尖!! 鹵水汁甜甜地好入味，入口已經骨肉分離好正🥰⭐️豬大腸: 好邪惡，但邪惡嘅野總是好味😂清洗得乾淨冇騷味，而且炆得軟淋唔會咬唔開👍🏻⭐️豬紅: 夠實淨，唔會一夾即散，亦都唔會腥~⭐️蘿蔔: 今次有少少失色，以往食係甜d嘅，今次就爭dd，不過都係完全冇渣~⭐️湯底揀左加腩汁，夠味夠濃郁但唔會死鹹，加埋麻辣汁夠晒惹味，揀左少辣啱啱好😍🌶🐧企鵝妹食後感:企鵝妹最鍾意食麵尊嘅鹵水野，每一樣都鹵得好入味🤍而且湯底味道剛好~仲要係少有的良心車仔麵，未試過嘅推介大家去試下~🐧企鵝妹推介指數: 8.5/10

今次去銅鑼灣登街附近 唔想食得咁heavy 又咁啱見到麵尊無人排隊 所以就去試試入到去坐低原來裏面已經有幾多人 不過位置都算多 又唔使坐得好迫 整體唔錯餐牌得一張紙 簡單又方便 想食咩餸就圈啦首先揀左咖哩辣係會用匙羹分開上比你 廢事浸哂落湯 可以比你自己慢慢試辣度加落去 不過浸落去之後發現唔係幾夠辣 所以要求要多一羹😂加完之後就好完滿啦 一啖湯一啖麵一啖餸💛蘿蔔好入味 好稔同埋無咩根 仲要大大舊💛豬頸肉份量差唔多 切得都好厚身又有油脂味💛雞翼仲入味 又夠稔又無雪藏味 可以食幾隻豆漿用密封膠杯 唔係用杯斟的💛 會有下次嘅車仔麵店 留意佢哋只收現金

我同朋友去時代廣場，消閒購物，都有一D戰利品，要搵地方醫吓個肚仔，大熱天時好想食番碗麵，就自然掛住附近有間麵尊，去到門口已經有幾個人輪候等入坐，我哋等咗十分鐘左右，可以入去坐低之後，就攞咗落單紙圈咗大尊要粗麵加牛腩汁要蔥，炸魚皮一大包，炸魚皮好香脆，要保存得非常好，先至有脆卜卜效果，另外一個都係粗麵，五香牛腩、蘿蔔、豬大腸、豬紅、酸齋，豬大腸鹵得好入味又夠林真係好好食，豬皮食落口還有啲爽口、我最怕食到太林滑潺潺一啲口感都無，師傅控制得恰到好處，我鐘意！五香牛腩炆得夠林入味食落口無渣，酸齋係我每次食車仔麵不可缺少之一例有，飲品一罐雀巢檸檬茶一罐可樂，埋單出門口已經有很多人輪候等入坐，麵尊在銅鑼灣地點真方便。

一個人食嘢最好就係食拉麵或者車仔麵今日想食平少少揀個車仔麵黎食排咗好多人但係一個人嘅好處就係唔使排隊直入都係叫返平時食車仔麵嘅正常嘢. 大腸蘿蔔豬紅去返碗麵先一嚟到超多餸成碗麵啲餸都係滿㗎.大腸冇臭味，滷水味冇大埔嗰間三不管咁濃.反而淡淡的滷水味同個面好似融合埋一齊咁樣.蘿蔔非常鮮甜冇查一夾上泥好似會散開咁樣非常好食.豬紅有冇咩特別正正常常.我最鍾意嘅都係佢個湯底好甜嘅豉油香味好少車仔麵都成碗湯飲晒CP值最高三個餸連埋面都係$40 喺銅鑼灣食飯都算又平又抵食

吃過麵尊也有數次了，每一次都能保持相若水準。初次幫襯時覺得以車仔麵來說算貴，但後來各大米線麵店均大幅加價後又未見麵尊的價格有大變動，現在反而覺得很抵食！特別是在銅鑼灣地鋪。我們一大一小，姐姐很細心地安排了坐入面側邊大張啲枱。今日叫了大尊，配米粉及腩汁。材料有魚旦，大大細大粒；豬紅，三塊很入味：豬皮，切得四四方方的兩塊；蘿白，入味，有兩舊；紅腸，兩塊；生菜,四至五塊；整個配搭很地道。午飯時段12時半後開始排長龍….

（2021年8月到訪）話哂都銅鑼灣地段 揾到<$100又比較好坐的餐廳的確唔多🤔聽到好多人大讚銅鑼灣麵尊 🤔一年前食過一次覺得好普通唔明點解大排長龍😐一年後因為朋友想食就試多一次 比多次機會佢🥲但都係失望 而回 首先講番 環境、價錢、服務都很不錯的👍🏻唔洗逼逼夾夾 👍🏻環境衛生👍🏻店員親切有禮 只不過食物就麻麻了… 🥲（可能我揀唔岩人地話好味果啲？ 但車仔麵都冇理由專做幾款餸掛）🔸湯底： 好清 得豉油加糖嘅味道🥲完全冇腩汁味 🥲唔知係咪太多客人 佢做唔切 😐🔸河粉： 係偏薄身嘅河粉… 煮得太淋.. 易碎🥲🔸五香牛腩：上枱果吓呆左.. 因為佢個樣跟本就係牛肉片 唔係牛腩.. 係咪呢間店對牛腩有唔同嘅理解😥… 又冇腩汁味冇牛味🥲好失望！份量又少 食開港式牛腩河大大件嘅真係唔好叫 會失望🔸冬菇：正常 好細粒 係偏甜嘅🤔🔸墨丸：普通 冇咩印象咁多人排隊的黃店 網上又咁高評價 好多人食過又話好味🥲點知…

基本上我淨係食一間車仔麵就係麵尊除咗地理位置好之外（時代廣場隔離街就已經係），好重要既因素係佢夠乾淨整潔，一啲都唔嗱喳/頹！其他車仔麵根本冇得比！自己一個人食嘅話，我最鍾意就係坐窗口位，可以fing fing腳，絕對唔需要怕走光，亦都唔使怕尷尬同出面嘅人你眼望我眼，佢哋嘅玻璃上下都貼左磨砂👍🏼👍🏼令人食得安心自在食物選擇算係好大路，其中我最推薦嘅包括五香牛腩，豬紅，酸齋同埋豬皮！至於湯底，咖喱辣係辣得黎幾香，不過就要小心啲，如果飲啲湯，最好攪勻先，如果唔係可能會辣親😆😆豬皮非常柔軟，但又唔係爛蓉蓉，最重要係冇毛！同酸齋一樣，吸晒啲湯，超正！五香牛腩冧得黎好入味有時仲有入口即溶嘅感覺又唔會太肥，啖啖肉👍🏼👍🏼至於豬紅，補充鐵質一流，每一次食都新鮮冇怪味😎😎整體來講各方面都好合我心意，就算有時要排隊，或者外賣等嘅時間耐少少，我都覺得值得

/ 零 死 角 之 良 心 車 仔 麵 /꧁麵尊💛꧂ #黃店推介要數香港的經典美食，相信車仔麵都是表表者。在五、六十年代時因小販會推著木頭車在街邊擺賣麵檔而命名「車仔麵」，又因為麵檔通常位於暗巷路邊，衛生程度不佳，所以又叫「嗱喳麵」。時移世易，今天的車仔麵再沒有車仔，不過仍然是香港獨有價廉物美的特色麵食。而麵尊雖然並非老字號，但味道絕對地道，時不時見到長長人龍，人氣絕不惹小！༄༄༄༄༄༄༄༄༄༄༄༄༄༄༄ꔚ 五香牛腩|蘿蔔|時菜|豬紅|米粉 (咖喱辣)$𝟻𝟸湯底加了腩汁，味道比一般的甜但不會過鹹。另外加了不少人推薦的咖哩辣，味道似港式咖哩膽，直接食的話有頗重的香料味。店家貼心地將咖哩醬分開的放在匙羹上，客人可因應接受程度調較辣醬分量。初以為不太辣，但撈好後發現都頗辣呢哈哈 (平時五小辣𝘮𝘢𝘹)食車仔麵配料必選蘿蔔、豬紅、牛腩(⁎⁍̴̛ᴗ⁍̴̛⁎)蘿蔔大大舊，夠腍又無渣，味道非常清甜，而且是天然的甜，絕非浸糖水的死甜味。豬紅煮得非常入味，口感實淨。夠爽又唔腥，分量仲幾多添。牛腩炆得超腍！入口即化！仲略帶甜味！超級推薦！生菜分量亦算多。呢個價錢真是足料又抵食(˶‾᷄ ⁻̫ ‾᷅˵)好滿足！ꔚ 咖喱魚蛋|

麵尊，可以說是我吃過最美味和吃得最放心的車仔麵。這裏環境算舒適，高高的樓底和枱與枱之間不算太密，重要的是服務和食物都有水準。炸魚皮另上，不用擔心會變淋，咬下去很脆，點一點湯底更好吃。生菜新鮮爽口。豬頸肉份量不少，肥瘦適中，非常入味。蠔油冬菇有水準，冬菇香味與湯底很配搭。有咬口的米粉，與腩汁配合得完美，愛吃米粉的必定明白外面好吃的米粉難求。腩汁是車仔麵的靈魂，令一碗麵提升到另一個層次，配上蔥和辣椒油，又是另一種美味。大尊 $45豬紅很滑很入味，蘿蔔香軟，咖喱魚蛋頗香辣，魚肉爽實。還有紅腸和爽軟美味的豬皮，油麵有蛋香之餘也夠滑。還追加了香軟入味的豬大腸。礦泉水$8