麵尊

營業中

休息中

麵尊車仔麵每一次經過銅鑼灣登龍街，都唔難見到人龍長長，霓虹燈色彩突出嘅車仔麵店。我講緊嘅係麵尊車仔麵。當你想簡簡單單食一餐，有咩好得過經濟實惠，又能夠自主自由選擇，又暖笠笠飽肚嘅車仔麵呀。米線忠實愛好者，今晚仍然揀咗米線底。再揀咗有住家感覺，豉油雞中翼。配搭彈牙墨魚丸。為咗增加冬日打邊爐嘅感覺，再加咗芝士腸，皮脆爆汁。新嘅一年開始，應承過自己要過得健康，所以連食車仔麵都會加時菜，增加纖維嘅吸收。飲品就叫咗蜂蜜柚子茶，冰凍得來滋潤。蜂蜜嘅甜甜蜜蜜，再加柚子嘅酸酸美味。一邊食車仔麵，一邊飲呢一個凍飲，就有一種舒暢嘅感覺。

喺銅鑼灣返工嘅朋友一定會食過呢一間麵尊。仲記得小弟當初第一次食麵尊，呷第一口湯震撼左小弟嘅味蕾。從來未諗過港式車仔麵嘅湯底，竟然可以咁鮮甜。如果唔係同行友人勸我小心健康，否則我真係可以成碗飲晒。呢度啲食嘅配菜個人認為有三樣第一酸齋第二豬頸肉第三蘿蔔。相信食車仔麵揀酸齋嘅朋友並唔多，但佢配搭鮮甜嘅湯底可以話係天作之合。呢度用嘅豬頸肉同坊間嘅豬頸肉簡直係大相逕庭。佢嘅豬頸肉冇咁油膩冇咁彈牙，但係肉味十足。蘿蔔真係有如食神所講咁，有揀過，冇渣，清甜。推薦！

<麵尊> 📍銅鑼灣🔸蘿蔔超級淋甜、無渣 😋🔸咖哩湯底夠辣、有後勁聽身邊朋友講「麵尊」呢個朵好耐，但一直都未有機會試。今日自己一丁友正好，黎個快食陀地野！😋揀左咖哩湯底（中辣）夠辣！仲有後勁！🥵 越食越熱，不過車仔麵就係食呢種刺激。油麵爽身，無煮過龍。車仔麵餸唔貴，承惠$10-12一款。車仔麵經典配餸 — 紅血、蘿蔔、豬皮，咖哩魷魚、魚蛋一定唔小得。豬紅無腥，但略未夠入味；蘿蔔淋甜，無渣🤩🤩🤩 （Must have item)；豬皮大路，無咩出色之處；咖哩魷魚，彈牙、爽脆。🗒漏單：咖哩魚蛋 😢 無計，唯有下次再試下啦Overall係一碗好食嘅車仔麵，必食蘿蔔，超甜、無渣！好味 😋😋😋後記： 我見好多人叫咖哩牛柏葉，第二次幫襯終於試到，大大塊，好爽口，好味！魷魚同牛柏葉好似好受歡迎，晚市好快就會售罄，大家記得把握機會。🤭

世一車仔麵！麵尊既咖哩辣真係世一 一定要叫咖哩辣但要注意麵尊既咖哩辣都偏辣 唔食得辣既人要少少🤏辣好喇暫時未食過一個車仔麵既咖哩辣好食過麵尊😍咖哩辣配埋佢個甜甜地既湯底真係好正😍🫶🏻因為住得唔太遠所以keep住一個月食幾次。餸黎講個人鍾意蘿蔔、豬頸肉、豬紅同貢丸。蘿蔔夠清甜😋而麵底我通常叫粗麵 粗麵好出色由上環鋪食到依家銅鑼灣鋪 食左咁多年都係咁好味☺️👍🏻👏🏻好少係OpenRice 寫食評但因為太鍾意食麵尊 食左咁多年之後先決定寫一次希望可以一直keep住個水準 加油！💛

每次跟朋友講起車仔麵，我就一定會推介麵尊， 由以前光顧至今，這間車仔麵店都一直大排長龍，可想而知其吸引力。今晚跟朋友到銅鑼灣逛街就介紹他到這裏試試。我們二人分別各點了五餸，互相交換後便成為十餸麵，可謂全港最強！這裏的湯底不會過鹹，反而有少許清甜味道，今次選了麻辣小辣，麻味不太強，但辣度十足，越食越過癮，辣味配上多款肉類更能帶出肉質鮮味，令味道層次昇華。豬大腸 - 鹵水汁炆得非常入味，豬大腸處理乾淨，沒有丁點豬燥味，口感彈牙有油香，至於肥膏亦處理乾淨，不會過於油膩。蘿蔔 - 蘿蔔炆得非常腍身，清甜並沒有苦澀味，而且切件亦大件，夠咬口。酸齋 - 正常發揮，爽口彈牙，味道酸酸甜甜亦幾索湯汁。咖哩牛柏葉 ‐ 咖哩味香而不會過辣，牛柏葉煮得腍身，爽口彈牙，與咖哩烹調時間足夠，十分入味。豬頸肉 - 豬頸肉爽口，肉質不會乾身，有少許油和香但又不會過於肥膩。豬紅 ‐ 豬紅切件大小適中，屬於一口份量，處理得宜沒有怪味，配上湯汁味道不錯。午餐肉 - 午餐肉屬於厚切，有咬口，若果能煎香後再放入車仔麵就更加好。墨魚丸 ‐ 彈牙可口，裏面有墨魚粒，令到質感更有咬口。咖哩魷魚 - 跟牛柏葉一樣，爽口彈牙而且魷魚煮

食過幾次麵尊，今次再食唔知點解覺得冇以前咁好食咁雖然豬紅仍然好入味，豬腸亦都大大舊麵底比較少，食量較大人士真係要加底先夠飽叫了四餸加一罐可樂埋單$62旺區依個價錢都預左不過食完出嚟見到要排長龍我就覺得唔值得排隊了

銅鑼灣車仔麵選擇都唔少，今日經過登龍街見到麵尊就試試佢我簡左3個餸加油麵，再配埋麻辣同腩汁，佢個麻辣真係好好味👍🏼唔係平時出面食到果種，食得辣既話可以叫佢比多辣你。我簡左豬大腸，豬頸肉同牛腩，豬頸肉好大塊，而且都多，豬大腸同牛腩都好淋，而且佢餸同麵既份量都好多，雖然價錢唔算好平，但以呢個價格有呢個份量同質素就好值👍🏼環境方面唔算好大，但都算乾淨企理，而且都幾多人黎食，相信如果繁忙時間有機會要等位，下次黎開呢邊想食車仔麵都一定會簡佢

車仔麵真係香港嘅其中一個經典🤟🏻，由細食佢食到大都唔會厭。今次嚟到銅鑼灣好出名、成日大排長籠嘅🍜「麵尊」，當日平日下午嚟到成間鋪都係客，好好彩😚有最後一張枱唔洗排隊。平時夜晚都會見到佢大排長籠，所以大家都要有定心理準備要排隊先有得食喇！·🍜酸齋 + 五香牛腩 + 咖啡牛柏葉 + 伊麵 HKD$46🍜豬大腸 + 蠔油冬菇 + 咖喱魷魚 + 濃汁香菇貢丸 + 油麵 HKD$56🐖淨豬頸肉 HKD$35·個人覺得配餸裡面😍酸齋係必點!! 酸齋好索汁，酸酸甜甜好好味😋！牛腩🐂又係炆得勁腍，軟綿綿咁唔會咬到攝哂牙隙😆。蠔油冬菇軟綿到化開咁😻，一咬開就咇哂啲汁出嚟，好食😋。咖喱魷魚🦑同咖啡牛柏葉嘅咖哩真係唔講得少，好香好名辣🌶️，有一下唔小心俾啲辣嗆到！特別想講原來用伊麵🍜做車仔麵底係咁好食，麵底比平日食到嘅干燒伊麵更加腍🤩，條條都軟綿綿但又唔會一夾就散，仲好掛汁，勁愛呀💕！另外仲散叫咗一碟豬頸肉🐖，塊塊都好大塊有厚度，份量足夠3個人share，口感爽嫩帶點嚼勁👍🏻，不錯啊。·食得辣🌶️嘅朋友仔一定要試下哩度嘅咖喱辣😍，辣度好足好濃，超級惹味！店家仲好貼心咁將咖哩醬料放喺匙羹🥄分開上，大家可因以

大尊丸巧 （搞爛 gag?! ）心大心細就揀咗大尊，裡面有六款餸：豬紅、蘿蔔、咖哩魚蛋、紅腸，豬皮同埋生菜。全部都合理正常發揮，夾埋好滿足，豬皮爽口彈牙，仲要豬紅唔騷無臭味喎，好食～（p.s. 呢度既豬大腸都好味架）麵尊個湯底真係好正呀😚😚😚 湯底腩汁香，惹味得黎呢但係又唔滯，唔係好似榮記咁濃味反而帶點清，係真係可以飲既湯底 （飲完可以免費添加㗎）仲有個油麵都好出色，唔會太冧又有咬口。唯一令我次次都好苦惱嘅係究竟要麻辣定係咖哩好呀？

豬皮+酸齋+咖哩魷魚+蘿白+粗麵 (麻辣)第一時間飲左啖湯先 , 湯底係編甜的 , 如果鐘意甜湯的一定鐘意 , 哈哈本人就好鐘甜湯所以覺得好食 , 麻辣醬係放埋一邊要自己攪勻 , 麻辣味唔係好勁, 小小麻小小辣。配料方面豬皮好淋又索湯係唔錯o既選擇 , 酸齋係車仔麵必叫的味道正常發揮 , 咖哩魷魚夠爽脆好味 , 蘿白唔算好甜但都ok , 總好過浸糖水 , 偷左朋友個送～豬大腸，豬大腸都好好食，勁淋完全唔洗點咬無臭味好食！不過4送車仔麵黎講算貴 , 4個送+凍飲 $76 , 同埋份量唔大 , 男仕應該唔夠飽 , 只係下午茶份量 。最後個炸魚皮都好食勁脆，浸落個湯索左小小湯更好味😋

聽聞呢間係香港港島區高質車仔麵小店之一！每次經過都見到排長龍, 所以趁住平日夜晚應該冇咁多人嘅時候嚟試吓 (我哋6:30pm去到已經要排隊, 不過等咗大概10分鐘就可以入去)！想知道點解佢哋嘅人氣可以一直保持咁高！主打車仔麵, 麵條可以揀油麵/ 幼麵/ 粗麵/ 河粉/ 米粉/ 米線/ 伊麵/ 公仔麵, 食材嘅選擇都幾多, 湯底可以揀清湯, 或者加腩汁、麻辣汁、咖喱辣汁。鍾意食辣嘅我會建議加自家秘製麻辣醬汁, 麻得好過癮, 幾惹味的~車仔麵湯底好夠濃, 入口有淡淡滷水味, 我揀咗粗麵, 麵條軟硬適中, 充份吸收晒腩汁同麻辣味。推介冬菇同白蘿蔔, 滷得好入味, 冬菇嘅菇味好濃, 白蘿蔔炆得好腍, 好索湯, 味道清甜濃郁。配埋杯凍豆漿, 好滿足嘅一餐呢！

同朋友去灣仔睇show，諗住都係附近搵食～ 呢間車仔麵好出名成日聽，所以就過嚟試試佢😂 平日夜晚唔算多人等位，兩個字左右都入到座！🍽自選車仔麵 - 豬皮/咖哩魷魚/鹵水鴨腎配米線 ($44)值得讚係魷魚同豬皮好入味，幾好食嘅！鴨腎都夠味但少乾。湯底味道我覺得中規中矩唔算太濃郁，後來加點辣醬就OK😂 不過整體嚟講碗車仔麵唔算特別好食，湯同餸都係唔太夠熱，結果所有野好似格硬擺埋一齊嘅感覺😌米線份量都少，女仔食完都唔太飽肚，呢個價錢性價比有點低！

銅鑼灣有幾間好食嘅車仔麵可以選擇，我個人至愛就係麵尊雖然每次嚟到都要排隊，但你食過之後下一次一定甘心樂意再排🥢我揀咗三餸米粉 + 菜（$66）食車仔麵就要點喺屋企煮唔到嘅餸，豬大腸必試，非常入味又乾淨😋 牛腩都好淋，唔黐牙🤓 咖哩魷魚爽口彈牙😛 朋友點咗蘿蔔，試食一舊，係勁甜！有入口即溶嘅感覺，推介👏🏻話說我都幾喜歡食麻辣，而佢個麻辣醬雖然得一少匙，但你只要每啖放1-2mm 咁細粒就可以帶出好香嘅麻辣味，滿足☺️

💭平時食開上環麵尊，銅鑼灣分店反而未試過，呢日口痕就去排隊食啦，一如既往既好味😋我覺得呢間車仔麵個湯底夠甜味道好足！係呢度食d 要時間入味既餸係點都唔會失望架👍🏻🌸豬頸肉 豬大腸 冬菇 米粉 HKD 40豬大腸同冬菇係我每次食麵尊必點既兩個餸！因為豬大腸同冬菇都煮得好入味🔥每次食都會覺得好滿足！豬頸肉都係必點之一，啖啖肉又唔會覺得鞋口！記得記得要加咖哩辣，惹味好多！食車仔麵個人會減米粉，唔會un 胃之餘米粉又細到d 湯汁👍🏻👍🏻😋🌸咖喱魷魚 紫菜 魚皮餃 粗麵 HKD 40咖哩魷魚都係其中一樣必點既餸！每件魷魚大細切到剛剛好！紫菜同魚皮餃係比較common 既車仔麵之選，加落碗車仔麵都係無得輸😋😋😋喜歡飽肚感既朋友可以揀粗麵😽因為揀粗麵好頂飽😄

銅鑼灣高級餐廳有好多，但有時想食本地食品，車仔麵係我嘅不二之選。之前已經食過麵尊嘅車仔麵，我特別鍾意佢哋嘅咖喱湯底，原來佢哋連咖喱醬同麻辣醬都有賣💓麵尊嘅自家製醬都係新鮮製造，無添加防腐劑，想買都要睇吓啱唔啱時機，我都預訂左幾日先有貨⭐️銷魂咖喱醬一打開已經好香咖喱味，老闆提我一定要撈勻先用，撈好之後肉眼已經見到好足料，煮完麵加半湯匙落湯底已經好惹味，係香辣咖喱奪魄麻辣醬啱晒鍾意食辣嘅朋友，芯爸基本上每一餐都會辣椒油送飯，呢隻麻辣醬唔使用好多，已經可以將餸菜昇華，如果打邊爐加少少落去做湯底都好好食溫馨提示，開封之後嘅醬都需要擺落雪櫃冷藏，存放一年都可以🥰