麵尊

營業中

休息中

我好鍾意食車仔麵，所以都有去港九新界唔同地方去啲好出名嘅舖頭食車仔麵，其中不論位於上環或銅鑼灣嘅面尊都去過好多次，因為係比其他出色好多，必食車仔麵舖一定入頭三甲！但係面尊有一個經常令我失望嘅地方，就係油面好快冇晒，有幾次三點過後去食就已經話冇晒油面，所以如果早去嘅油面一定係首選，另外餸菜方面首選係豬大腸，雞腎，同埋牛柏葉，次選可以係魷魚，魚蛋，或者蘿蔔。湯汁我就一直都係鍾意食有咖喱味嘅湯，但係都有試過腩汁，都非常出色

出cwb必食車仔麵🍜平日都大排長籠🙈今晚經過唔洗排隊即刻入去😄睇餐牌都幾多餸選擇🤔🤔揀咗3餸🤤🤤試返D熱門嘢😳白籮蔔、豆卜、豬頸肉、加蔥、米線、腩汁🍜先試個豬頸肉好淋身爽口彈牙連邊邊肥豬肉都唔韌夠入味👍🏻豆卜索晒湯汁一定好食😋蘿蔔好新鮮非常清甜👍🏻腩汁湯底淆得好濃郁👅米線質感煮到啱啱好👍🏻難怪每日都咁多人排隊😮搭罐雀檸🍋🍹今餐都幾滿足😋下次再試其他餸先‼️

這食店很多時都要排隊，所以筆者一向冇乜耐性，今次2:40pm 見冇乜人，一支公唔使等，首次過來探索一下⋯⋯一支公雖然唔使等，即時入坐，但全店每張枱都坐滿，所以非繁忙時段，這食店都算相當受歡迎。大大隻字的牆上面餐牌，清晰簡潔，一讚。拎起點餐紙選出心中所想⋯⋯食店設有”大尊” 和”小尊” 的預設什錦選項，方便一些怕麻煩的食客，眼見都幾多食客選擇。自選車仔麵~由於招牌項目 未納入”大尊” 之內，所以筆者決定自己揀選心想項目。酸齋:酸甜度適中，惹人喜愛。豬大腸: 有膏夠腍且入味一讚。咖哩魷魚: 質地夠爽，但略嫌未夠入味。蘿蔔: 帶一份清甜，唔會太多糖份醃煮。米線質感較為煙靭，愛煙靱者會喜歡，但未是筆者喜歡的質感，所以下次筆者會選米粉或粗麵。整體來說:銅鑼灣地段，大衆化價錢，難怪時常大排長龍，整體上店員都很有禮貌，眼看一些長者到來，不只一次，店員都很有耐性替他們選擇填漏咗的醬汁和加葱與否，值得一讚。

麻辣醬同咖哩醬正，少少都已經好夠辣勁😋湯底嗌左腩汁唔會過甜，飲左好多啖湯😝配菜份量都夠多，質素都ok，嗌左牛腩、豬大腸、豬頸肉都唔錯，三餸對一個女仔嚟講都好夠飽👍🏻

🔹銅鑼灣//麵尊🔹人均約$68🔹▫️豬大腸/蘿蔔/蠔油冬菇/豬頸肉米線 $54佢嘅份量都偏小，嗌咗四餸都食得晒😂😂個人覺得蘿蔔係最好食嘅冇咋夠林，但係未去到超級入味嗰種🤣豬頸肉幾爽，其他覺得普普通通～🔹好飽評語嗌杯凍檸茶$19少少貴😂😂豆漿就$14🤣大致上可能港島唔係好多車仔麵？唔係去到值得排隊嘅車仔麵😂🤣不過大致上都不過不失最好食嘅！🧠回頭指數：7️⃣🧏🏻‍♀️打卡港女：6️⃣🌬冷氣溫度：6️⃣🚽廁所評價：⏹🧾性價比呢：8️⃣

每個餸都係$10-12 嗌咗個五餸麵 加埋都只係$66係銅鑼灣食晚餐嚟講 都算係幾平價🙌🏻難怪平日夜晚8點幾 都等咗15-20分鐘豬頸肉 $12都幾厚肉 但係就有啲硬🤔咖喱牛柏葉 $12好爽口 咖喱味都幾香炸魚皮 $12正正常常啦~幾香脆 份量都幾多豬大腸 $10好淋好入味 好味耶時菜 $10係好淋嘅唐生菜 啱晒我米粉 $10湯底 可以揀加咖喱汁/麻辣我揀咗咖喱辣辣哋 都唔錯啦~今晚去到已經無晒豬紅 所以大細尊都無得揀下次有機會再試

每次週末經過登龍街，都見到呢間車仔麵排長龍，趁今日平日無咁多人，就試試佢👅 排咗大約10分鐘就入得﹝米線﹞$10 🍜﹝雞中翼﹞$12 🐥滷水唔夠入味，但肉夠嫩滑﹝五香牛腩﹞$12 🐂好驚喜！睇落似手切牛肉，牛肉味好香，食落好淋，肉質好嫩滑，唔煙韌，唔會痴牙，入口即溶，好少食到咁種牛腩，推薦👍🏻﹝蠔油冬菇﹞$12 🍄好入味，爽口！蠔油味好香﹝咖喱魷魚﹞$12 🦑咖喱味好香好，唔會太辣，幾過癮﹝生菜﹞$12 🥬麵底$10，再揀餸菜，大部份餸都係$10至$12，份量都ok。加左腩汁個湯底鮮甜帶有牛肉汁味。整體高質素，價錢都抵食，性價比高👍🏻

之前成日經過登龍街見到呢間排長龍嘅車仔麵店已經好想試,但一直未有機會試到.咁啱今日經過附近做野終於有機會黎食返碗車仔麵.麵尊車仔麵車仔麵配料選擇好豐富!有30款可以選擇,有選擇困難症嘅我都揀左好耐.除左平時基本嘅粉麵選擇外估唔到佢地都有伊麵可以選擇.蘿蔔白蘿蔔煮得夠腍得黎又唔會有渣,白蘿蔔味道清甜又充滿水份.咖哩牛栢葉牛栢葉爽口又吸滿咖哩香氣,咖哩相當入味,香辣惹味.墨魚丸墨魚丸彈牙而且內裏帶有墨魚粒令墨魚丸咬落更彈牙.豬皮豬皮乾淨而且滷得夠香,質感相當彈牙而且吸湯力彈強.炸魚皮炸魚皮好香口又脆,唔會炸得好油.伊麵伊麵煙煙韌韌而且吸盡左咖哩汁香氣.車仔麵仲可以額外加咖哩或麻辣汁,令車仔麵更香.

一直都有聽過這間位於銅鑼灣登龍街這條食街的人氣車仔麵店，記得餐廳長期都要排隊，這天剛巧中午12點來到附近，就來砰砰運氣，時間尚早果然可以直接内進。餐廳的面積不大，當時大約兩成滿，只有我自己一位來用餐就被安排到高檯就座。今次我點了一客三餸車仔麵，包括酸齋($10)、咖喱魷魚($12)、滷水鴨腎($12)配米線($10)，腩汁加少少麻辣醬，多葱，共$44。第一啖的湯底有點腩汁味，但麵尊的特製麻辣醬更是明顯，雖則我只要求加入少許辣醬，醬汁的辣勁仍然突出，味道都是ok的。吃著吃著，發覺不怎麽食得出腩汁，而是辣味的甜湯底，因此湯底只是普通而已，沒有特別之處，唯要求了多葱能夠增加車仔麵的香氣。餸菜方面，我覺得份量都是慷概的：酸齋有兩大件，味道不算很酸同時吸收了湯底的甜辣；鴨腎大概有6至8件，每件都是切到有一定的厚度讓客人吃起來有口感，質地也做得夠淋又帶少少爽口；咖喱魷魚就有大概10件，浸進湯底後仍有一點咖喱味，味道略輕，質地爽脆。總括餸菜來説，我覺得這三款菜式味道都是不錯的，而米線就正常發揮，保留了口感不會做得過火太淋。考慮到登龍街以及附近的食肆林立，無疑麵尊在價錢和抵食度都是優勝的，如你袋裏的預

麵尊真係唔差，湯底、秘製咖喱同埋麻辣汁、再加埋配料都好好食，特別係豬大腸好林，豬頸肉口肉有口感，豬紅好入味，但係有少少鹹咗啲，牛柏葉爽口，雞翼好食，但係匙羹同筷子真係Hea咗啲，如果好似拉麵嘅筷子匙羹食起上嚟就會爽好多 😋

第一次食呢一間麵尊（之前都係食上環果間），呢間無論店面同埋店員嘅態度都俾上環果間好今次照舊叫左油麵、四個餸（大腸、豬頸肉、酸齋、蠔油冬菇），加蔥、腩汁同咖哩醬（必加！！！），再加左罐zero可樂，盛惠64蚊。酸齋唔似出面齋鋪果啲咁酸，少少酸味同啲湯底好match，今次第一次試冬菇，估唔到都炆得幾冧、幾入味！（下次可以再試）豬頸肉今次稍嫌有啲過肥，而大腸就冇咩特別，但係整體都係好好食咖哩醬（同埋麻辣醬）絕對係必加，除咗係因為免費之外，仲可以令到成碗麵昇華～

呢間長期係港島區非常受歡迎嘅車仔麵，長期都好多人排隊，所以難得去一轉港島點都要試下。我哋成三點食都仲係要排隊。由於👦🏻太餓，佢食咗好多嘢，加配料再加底加到$96🙈。蘿蔔、豬紅、蘿蔔係每次必叫，蘿蔔可以吸收晒啲汁，酸齋亦都非常推薦。不過對於要排隊嘅食物我一向興趣不大，所以今次三點食，排一陣先同👦🏻試下🙈。

天寒地凍食咩好？歎返碗熱湯車仔麵就夠晒暖笠笠啦☺️一碗好食嘅車仔麵無論湯頭、醬汁、餸料同麵底都好重要而麵尊呢一方面的確做得唔錯👍🏻湯底係淡淡醬油味，味道清甜加一勺秘製咖喱醬/麻辣醬再加爆蔥花湯底更顯濃厚🧡飲落順口唔死鹹兩位寶編各自揀咗3款配料🎉即係可以試足6樣餸大滿足啊😌✨咖喱魷魚、豬紅、豬大腸豬頸肉、雞腎同咖喱牛栢葉係我哋心水之選豬紅煮得夠入味，入口脆嫩鹵水方面豬大腸同豬頸肉鹵得岀色入口即化，炆得香濃軟腍魷魚牛栢葉煮得剛好爽脆平時食開油麵底嘅我今次突破試大家推介嘅伊麵底加咖喱醬😆食落鬆鬆軟軟意外掛汁💦咖喱醬用油爆過惹味銷魂啊下次要再試埋麻辣醬汁呢-🍜麵尊🏡地址: 銅鑼灣登龍街18號V Point地下5號舖☎️電話: 2326 3062🕙營業時間: 11:30-21:30 (Mon-Fri); 12:00-21:30 (Sun & PH)———————————————🌿以上圖文由Bobowannaeat版權所有，轉發需授權喔🌿鍾意我的分享請 ᴄᴏᴍᴍᴇɴᴛ, ʟɪᴋᴇ, ꜱʜᴀʀᴇ & ꜱᴀᴠᴇ ❤️🌟繼續關注我的貼文請𝙁𝙤𝙡𝙡𝙤𝙬 @bobowannaeat (ㆁωㆁ*)

匪夷所思，點解有人會覺得依家係全香港最好味嘅車仔麵？仲要幾百個好評？其實非常之普通，仲有系幾難食。今日見到唔使排隊，第一次食。咖喱魚蛋完全冇味，感覺好似滾水煮出嚟。咖喱魷魚冇咖喱味。冬菇又唔入味，仲要有啲硬。豬紅得個咸字。酸齋同出邊齋舖嗰啲一樣味，搞唔明仲要話必食。 我叫咗麻辣汁加腩汁，水汪汪。其實總統戲院附近有間好多年嘅車仔麵，好食過佢好幾十倍，嗰度雖然污糟坐得又迫，老闆有鄉下音又惡，不過好味好多啦！

平常經過常常看到超多人排隊很好奇味道🤨這次終於來試試看了甚至一個人來不需要排隊 Yeah🤟🏻真的很適合1-2人來🔹️ 大尊 $47 🍜有選擇困難症的我直接選了配好的車仔麵「大尊」這樣配好的應該不會太差吧🤭配料有豬紅、蘿蔔、咖喱魚蛋、紅腸、豬皮、生菜我選了至愛的油麵 & 咖喱湯底(少辣)聽說這裡的咖喱湯底很特別它的咖喱頗辣的 而且辣味有後勁質感偏稀很容易入口 果然很不錯👍🏻個人比較愛裡面的豬紅、豬皮和咖喱魚蛋豬紅完全沒腥味 口感Q彈❤️咖喱魚蛋麵粉的比例少 有魚味豬皮超爽口入味😍紅腸比較普通 (可能因為本來已經是製成品)白蘿蔔的口感我覺得有點太爽了 也不太入味😪我比較喜歡淋到入口會化開的口感留意到很多顧客都自選車仔麵我想我下次會刪掉紅腸和蘿蔔 然後點酸齋試試