麵尊

營業中

休息中

麵尊車仔麵每一次經過銅鑼灣登龍街，都唔難見到人龍長長，霓虹燈色彩突出嘅車仔麵店。我講緊嘅係麵尊車仔麵。當你想簡簡單單食一餐，有咩好得過經濟實惠，又能夠自主自由選擇，又暖笠笠飽肚嘅車仔麵呀。米線忠實愛好者，今晚仍然揀咗米線底。再揀咗有住家感覺，豉油雞中翼。配搭彈牙墨魚丸。為咗增加冬日打邊爐嘅感覺，再加咗芝士腸，皮脆爆汁。新嘅一年開始，應承過自己要過得健康，所以連食車仔麵都會加時菜，增加纖維嘅吸收。飲品就叫咗蜂蜜柚子茶，冰凍得來滋潤。蜂蜜嘅甜甜蜜蜜，再加柚子嘅酸酸美味。一邊食車仔麵，一邊飲呢一個凍飲，就有一種舒暢嘅感覺。