麵匠風龍

營業中

休息中

每2個位為一組，每組前面都會有冷水冰茶各一壺同埋各樣既調味料同辣芽菜。辣芽菜同入味同埋都幾辣。叫左蝦味噌湯拉面套餐跟左碟餃子(4隻)，湯底好濃厚同埋有一大堆櫻花蝦同粟米，好足料！所以湯底幾鮮甜又不會過咸。叉燒燒到剛剛好，上面灑左小小蔥花增加佢既香味。因為係分開另上所以唔會比湯浸到冇哂焦香味，同埋都幾大塊，唔洗唔捨得食。而餃子我就覺得不夠燶，唔夠脆。但總括黎講都係不錯的。下次會再試其他既拉面同小食。

我不嬲都唔好拉麵，覺得又鹹又油又滯。朋友介紹風龍，剛好去開個頭就試下啦！不！得！了！佢令我對拉麵完全改觀呀！原來認真去煮，拉麵可以好好食！我係香港食過幾間出名既拉麵，本來都放棄架喇....因為我味精敏感，成日食完唔舒服。而味道又未好至我可以犧牲頭痛同減肥去交換...講返「風龍」，佢好似係我第一篇食評....?!因為真心感動︰1) 個兩片叉燒，煎到好香，另上，食既時候唔會淋晒...仲係外面脆脆地`香香地，咬落去又多汁。2) 個蛋...好飽....全隻溏心蛋，poster 話係用日本蛋，蛋黃好香。3) 個湯....我唔講喇，睇相啦！成碗清晒！呢間拉麵，食完要由灣仔行去中環...太好食....好食到要飲晒所有湯....餐廳環境似傳統拉麵店，不過D 櫈坐得好舒服！以後會 mark 佢變做我灣仔飯堂！

今天到灣仔辦點事，路過這間個性小店，六點準時開店.點了招牌拉麵，麵軟硬適中，很好味，配上餃子，及沙律及可樂.完美配合.老闆及店員都很nice ,座位舒適.大家要支持下.

真材實料的拉麵（有豬骨味及蝦味味噌兩款選擇），湯底濃而不鹹而且完全不油膩，吃完之後沒有口渴感覺，豬肉片沒有油＂益＂味（雖然豬肉片有時剛煎完有點點油膩，今日的豬肉片就不油膩，可能是不同師傅煎？）。另外，餃子皮薄多汁（食完才發覺忘了影相^^"），兩樣食物加起來是我最喜歡的配搭！每星期也會來這店吃一次^^"仔仔及老公也愛吃！蝦味噌拉麵加芥辣蝦沙律／小龍蝦沙律是老公的最愛配搭！而且是真日本人主理，店面裝飾及待客有日本風味！後記：如果能維持茶及水常常冰凍就更好，今天夜了去惠顧，喝到室溫的茶覺得有點失色了。

收工做完運動特別餓，想死d飽肚野，諗起朋友推介過上年新開ge麵匠風龍，即刻衝去試試。平日夜晚9點去到唔洗等位，吧檯底有勾仔，掛好個袋後叫返碗蝦味噌拉麵先。格局同其他拉麵店差唔多，坐吧檯可以一覽廚房運作，望到大大個壓力煲，我估湯底唔會差得去邊。等左一、兩個字就有得食，飲啖湯先，蝦味夠濃，鹹味剛剛好，唔油膩，幼麵有咬口唔會煮得太淋，兩塊分開上ge叉燒一肥一瘦，較厚身，帶焦香。另外亦試左辣芽菜，辣得過癮又開胃。最後飲晒碗湯，唔口渴，有料到！

之前經過呢間拉麵店見到入面既裝潢好特別，十足十日本既特色，今次終於去試下呢間拉麵店！全店得16個座位（如果我冇數錯既話🤪），全部都係望住廚房整野食，由煮麵到遞到你面前都望到曬，所以好放心，有咩唔對路都即刻睇到！個碗會放係熱水淥拉麵果邊整熱佢，所以全程食麵個碗都係熱辣辣，超細心！呢到淨係提供2款拉麵：豚肉/蝦，所以追求多選擇既朋友仔就未必岩你地喇，但因為我有選擇困難症同埋唔食得蝦，所以一睇餐牌就知要叫啲乜😆🤟🏻套餐包埋一款小食同一隻溏心蛋，我同男朋友嗌左兩個套餐，小食就一個餃子一個小龍蝦蟹籽沙律。- 豚骨湯拉麵套餐個湯好濃好好飲！啲麵有用計時器，所以每一碗既水準都會保持到，然後就會見到店員係到fik走啲水，好神奇佢點整啲麵都唔會跌落地🤔🤣一食落去啲肉好好味，勁香！然後望到啲豚肉原來係店員續塊續塊煎出黎，一路食一路睇住佢煎，好想叫佢再加多啲肉俾我🤣🤣🤣（留意返平時我唔太鍾意食肉）- 餃子冇乜咩特別，不過不失。佢係用一部機器計曬時自動會出煙，所以應該個個食落既餃子都差無幾🤔🤔🤔- 蝦味噌拉麵套餐我唔食得蝦俾唔到意見大家，但我聞落去真係勁重蝦味！偷偷lam左啖湯，好明顯係用蝦煲出黎（放心我la

豬骨湯有重味精似開粉麵唔夠口感，腍其他野不外如是店員服務普通。老闆扮㗎仔但又唔似上面乜啲食評咁手鬆？唔知講咩好我就覺得好多地方好食過佢不過，有得選擇，總好過去大快x

星期六收工同同事食，間中經過想試好耐，於是我地2個決定試下，菜單選擇五多，我地決定一人叫一個五同嘅拉面，個人鐘意櫻花蝦湯拉面，湯底濃郁，食物新鮮，d面又彈牙，义燒同出面烹調五同，一定再食吖

一碗好食既拉麵需要好多野去配合：無味精但濃郁既湯底、爽滑彈牙既麵條同惹味既配料，我自問唔係一個拉麵專家，但仍然想介紹呢間店舖俾各位朋友仔試試。一入到呢間店就已經覺得好似去左日本咁，食客正正就坐係圍住廚師煮食既地方，透明度咁高代表廚師對自己出品好有信心，唔介意食客全程望住佢地點樣處理食材，咁開放式既設計食客又食得安心，廚師又可以直接觀察食客既反應。晚市既時候只供應兩款湯底既拉麵，分別係豚骨湯底同埋蝦味噌湯底，兩款拉麵都有兩塊叉燒同一隻半熟蛋做配菜，如果跟餐仲可以係三款小食入面揀其中一款，我地梗係會幫各位朋友仔試晒兩款拉麵同三款小食啦。拉麵麵條既口感正常，唔會太淋或者太硬，但兩款湯底都略嫌唔夠味，不過店家好細心咁係枱面預備左味粉、蒜蓉同埋辣芽菜做俾客人自行調味，不過小心辣芽菜比較辣，最好加左少少睇下頂唔頂得順先啦。另外，我認為作為配菜既叉燒同半熟蛋都唔錯，叉燒經過煎香，帶脂肪既地方食落有油香但唔會感覺太肥，半熟蛋味道適中唔會過鹹，蛋黃部分仍然保留嫩滑。最後就介紹小食啦，分別係餃子、芥辣蝦沙律同小龍蝦蟹籽沙律，估唔到令我地一致讚好既會係個兩款沙律，芥辣蝦沙律既味道清新，蝦肉爽口彈牙，最啱做開

尋晚去會展睇亞洲音樂節，本來諗住求其搵間茶餐廳經過見到呢間拉麵店，地方骨子冇乜人。佢哋只主打兩款拉麵👉🏻海老味噌拉麵 & 豬骨湯拉麵，如果套餐有三款小食可以揀，分別係煎餃子六隻，芥末蝦沙律，蟹籽小龍蝦沙律。我同朋友叫咗套餐，揀左第一同第三款小食。 煎餃好味細細粒，好欣賞蟹籽小龍蝦沙律，配襯紫菜食，啖啖小龍蝦肉加上蟹籽口感😋，不過我略嫌紫菜太細塊。拉麵方面，海老味噌對我來講比較醎，不過煎香左另外碟上嘅叉燒啊實在太美味，分量似一塊半，流心蛋冇醬油浸制過，雖然冇乜特別，但煮到啱啱好都OK，我有試朋友嘅豬骨湯底😍好濃郁，我比較鍾意💕。另外佢除咗冰水外，仲有冰箭茶👍🏻又幾好。

灣仔區是香港拉麵集中地之一，其獨特之處是大街大巷會好明易發現拉麵店舖，風雲丸如是，一幻如是，這間新店麵匠風龍亦如是。由於拉麵店比起其他類形的食店所佔的面積不多，灣仔屬於舊區加上舖頭貴租地舖偏向狹長形，拉麵店正好適合進駐，所以灣仔區的拉麵舖越開越多。這間新店麵匠風龍開設在軒尼詩道，幾條巴士綫的停車站就在麵鋪門口，不愁没有生意。麵匠風龍餐牌别天神餐牌這間新店餐牌主要提供兩款主食及兩款副食，和博多拉麵別天神一樣，不只數目上，款式近乎一樣，連價錢都是一樣。我親口問過麵匠風龍的店員，他們皆否認和别天神有什麽關係，但我總是覺得兩間店是有關係的。首先，我發現其中一個主厨曾經是九龍别天神的厨工。當然有另一個可能是厨工滿師想創業，老鋪批准以同一模式經營，所以名字是換了，但以别天神今日的多間分店模式經營，似乎要獨立的可能性較為細。另外别天神較有特色的辣牙菜及蒜泥麵匠風龍也有，而且風味辣度相若。拉麵~叉燒兩間也是比一般麵店的略細，連即用即棄的木筷子也是相同的。在商業營運的角度看，經營副綫品牌無可厚非，只要各有特色便可，特别是在同一區域同一地段甚至同一條街，若兩間相同品牌的店在同一條街道經營，彼此的利潤便會

有新拉麵店，決定去試吓！點知一入去，一個客都冇，搞到好淆底，但黎到就試下佢啦！要咗個味噌蝦湯拉麵，加蛋。有驚喜！碗麵一黎到，湯超濃，放咗1分鐘竟然有薄薄一層油凝固到，證明碗湯超級濃厚。個麵難得係我鍾意嘅硬度，冇鹼水味。而且叉燒竟然係分開上，好特別。不過要浸下湯先會好味啲，淨食有啲乾，但個滷水味好岀，第一次食得岀拉麵叉燒有咁濃滷水味！蛋半熟夠軟身，不過比較淡味，可惜。。。絕對可以再嚟食，趁佢仲唔使排隊嚟多幾次先

平時lunch帶飯嘅我今日冇飯帶，諗住自己一支公求其食啲嘢，仲要之前個週末食左燒肉同打邊爐滯住滯住，差啲去左間粥店食粥清腸胃嘅時候俾我見到哩間新開嘅拉麵店，坐吧臺又唔驚一個人食嘢要搭檯尷尷尬尬咁就入左去食喇～叫左個最普通嘅豬骨拉麵（忍唔住加左隻糖心蛋😛），一開頭以為碗麵冇咩配料會好齋，但係食落去啲味道同份量又OK喎～ 奶白色嘅湯底一啲都唔膩，唔會有層油響面果啲，清清地味道啱啱好。塊紫菜一開頭都冇咩留意由得佢浸落啲湯度，之後食落先知味道非常濃郁，就算浸落湯底度一段時間味道依然響度，而且口感唔錯。我第一次食拉麵啲叉燒係分開上，另上嘅叉燒係幾香嘅，啲醬油都好好味，係個人覺得鹹左啲。哩間拉麵係用幼麵嘅，麵質一開始食嘅時候係好煙韌，冇諗過幼麵都可以有咁嘅口感，不過我慢慢食嘅時候，啲麵一路浸住啲湯咁食就變返軟軟地我自己比較鍾意嘅麵質。有冰水/冰茶任君選擇本身腳短坐吧檯會有少少辛苦😅整體係唔錯嘅，我本身都係鍾意食哩啲清清地嘅豬骨拉麵，價錢就同其他拉麵店大同小異，午市套餐可以加幾十蚊就有埋沙律/餃子，不過今日太飽冇試到。

Amazing Japanese noodles, much better than tge ajisan in Austrilla . I never try a ramen whIch its soup base was like drinking a bowl of salty hot milkWith those friendly Japanese stuff ;these ramen shop will be my must try food in Hk before I go bk

今日晏晝嚟到灣仔返公司做嘢 咁快又到lunch時間就周圍睇下附近有啲咩好食 。本來同事話去一間素食自助餐;75蚊任飲任食好似好抵咁, 不過我本身唔係好鍾意食素嘅人,所以食肉都係適合我D但係見到一間叫風龍嘅拉麵店,呢個名馬上喺我腦海中出現。 因為我記得多年前日本書嘅時候試過一個月靠依間日式拉麵店維生 因為佢真係平靚正記得買一個麵;老闆仲可以送多兩個面底㖭一入到去就有一個日本女侍應招呼我入去 店舖面積唔係好大只有吧檯 基本上只有兩款一種係豬骨同埋佢蝦味噌拉麵 我記得大概十年前喺風日本風龍食嘅時候好似都係淨係得豚骨同埋蒜油拉麵非常簡單 不過佢呢度做多左龍蝦沙律小食。見佢有個拉麵套餐就即管試下啦 有小食又飲品又有拉麵 雖然對比日本真係貴咗成一倍有多,不過人離鄉賤物離鄉貴冇辦法啦開頭見佢呢個龍蝦沙律平平無奇點不知一食落去原來係新鮮龍蝦肉配上非常之彈牙嘅蟹籽;食落去有一種非常清晰嘅感覺 呢種感覺我真係之前都未喺其他食品食到。而且係最緊要兩個字新鮮 因為好多坊間嘅消息大部分都係用製成品同埋冰鮮嘅所以食落去其實得雪藏味同埋冰鮮味; 呢個沙律你係真係可以食到一種係深海的味道!!!!!再加上可以放入紫菜裏