麵匠風龍

營業中

休息中

拉麵控又出動啦！今次幫襯灣仔嘅良心小店--麵匠風龍~蝦味噌拉麵套餐 $115湯底蝦味濃郁，麵幼掛湯，糖心蛋夠入味，加埋櫻花蝦乾同粟米粒，更添風味。火炙叉燒好香口，唔肥脷，個人推介加蒜蓉醬一齊食，仲正~套餐小食揀咗小龍蝦蟹籽沙律，味道好似博多拉麵別天神，蟹籽夠脆，小龍蝦肉爽甜，用紫菜包埋嚟食，好好味~豚骨湯拉麵套餐 $105豚骨湯相對冇咁濃，有啲似豆乳湯，有豚骨湯難得有嘅清新感覺，I like it~小食揀咗芥辣蝦沙律，蝦肉爽口彈牙，但芥辣味唔夠出，不過不失啦~

平日經過永遠大排長龍難得今日見客避開lunch hour見有位立即把握機會gogogo！店內有自助冰水/冰茶，非常貼心❤️出面熱到死，坐低即刻飲杯叫左個豚骨拉麵set🍜豚骨叉燒拉麵 + 芥辣蝦沙律湯底超香濃，飲左好多重點係個2塊叉燒，唔知道煎定燒香左肥瘦均勻，但燒過又逼D油脂香出來好正仲有隻溏心蛋！煮得啱啱好兼蛋味重👍🏻👍🏻另外個芥辣蝦沙律都好掂，平時通常都係食芥末章魚，但蝦更爽口得來又唔會有筋，驚喜😋😋😋下次再試埋個味增蝦湯拉麵

香港好少食到正既拉麵湯，呢間真係唔錯！佢地款式唔多但煮得好快，價錢都唔貴。本人要求高既，覺得餃子同蛋可以有進步既空間。最讚賞係佢地服務態度真係好好。突然間拎左一盒頭繩叫我扎頭髮😂嚇左我一跳但真係好細心🥰一定會再幫襯，要加油喔

第一次去，見餐牌只有2款麵，覺得有少少奇怪。同友人一人叫一款，點知2款都好好味！湯底同塊叉燒都好好味，好大碗下，最驚係咁大碗都食哂我地2個全碗食哂，連湯都差少少飲哂！仲有店員都好有禮貌！下次會再黎

到訪日子為平日晚上未到7點店已經9成滿第一次幫襯 諗左好耐食邊個味 豚骨定味噌 最後同朋友都一齊選左豚骨 轉個頭已經一條隊。。。係，一條隊十幾人在等碗麵一到，哥哥已經好貼心咁提醒，小心湯好熱，然後叉燒送到又提醒，我幫你放上面每一句都係用心既提醒！香噴噴、熱辣辣既拉麵仲有我最愛既糖心蛋 OMG湯頭非～常～濃～厚！很好喝！飲完唔洗喪飲水亮點真係叉燒，輕輕燒過既肉有種油香，拎埋黎香味已經撲鼻，食落口不得了，肉肉軟稔，好好食阿！因為太多人等，快快食完比下一位，做個高質香港人！最後埋單同店家一個微笑，講多句辛苦晒，換黎全店笑容滿面既多謝晒 bye bye 香港人。太有愛！加油！

係慕名而來的！今日要排隊，都等咗差唔多30分鐘！不過都係值得架！食完仲多人呀！講番個麵吖，我地兩個人每款叫咗一個，我嘅海老味噌非常濃郁，但係唔會得個咸字。有兩件豚肉，一件係叉燒，另一件係瘦d嘅，油香四淺，配埋個生啤真係好正！如果多一塊就好了😝今次冇叫套餐，驚食唔曬，$70幾$80一碗拉麵，你可以話唔平，但個質素比得上响日本食！會再幫襯，加油💪🏻

去灣仔工作知道網上面有好多人推介特意去一試 果然冇失望一入去場內 得十幾個位 等嘅人仲多過座位但都無損排隊嘅人想食拉麵嘅心哈哈等左15分鐘 因為一個人所以好快有位叫咗個海老味增拉麵套餐配餃子等待期間可以望到師傅煮拉麵嘅過程過冷河之後兩隻手fing兩個拉麵嘅動作相信去過嘅食客 都會知 好有型差啲開食 唔記得影相新鮮熱辣送到 湯底好濃 上面仲有櫻花蝦拉麵麵質彈牙 掛湯能力溫泉蛋超好食 餃子香口 點醬汁一流係食飽飽買單嘅時候隔離有個白色嘅盒仔寫住貼tips box我放左個銀仔係上面 之後就。。。隔離兩個女仔都忍唔住驚叫好得意呀！建議大家可以試吓

屯門牛最近多咗過海，既然去為良知發聲，當然選擇同聲同氣嘅餐廳我哋到達時大約12點半，店內已滿座，而且有10幾人排緊隊，不過店內翻檯速度極快，半小時便可入座。一齊點咗蝦味噌拉麵套餐$115，小食揀左餃子。點餐後幾分鐘已上齊，全部熱辣辣。除咗拉麵，麵內嘅配菜有：櫻花蝦，半熟玉子，粟米，紫菜同蔥。叉燒同餃子都係分上。先嚐一口蝦味噌湯底，有非常濃嘅蝦膏味，湯底鹹度適中，麵條有咬口而且根根分明，掛上湯汁同櫻花蝦後鮮美無比。叉燒帶有微焦，係上碟前煎過，再灑上青蔥。由於煎香時將肥油逼出，因此食落唔會覺得油膩，花小小功夫已可大大加分同行朋友最like半熟玉子，蛋黃同蛋白都帶少少流心。店內使用蛋味十足嘅日本蛋，食得十分安心。套裝附上嘅餃子有4隻，香脆而飽滿。連湯都飲晒，再飲埋店內提供嘅凍麥茶，滿足之餘，又夠鐘出發去健行。或者有一日我哋會被禁足，但我相信店內同路人都唔會忘記呢個夏天，呢一句「香港人加油」。

有同事同我一樣係拉麵控。之前佢同我講過佢呢間覺得好食，所以有日OT 完就黎食。黎到都九點幾，竟然都有五六個客。叫左蝦湯拉麵。蝦湯好在雖然好有蝦味但唔油同唔杰，如果唔想食好濃嘅拉麵就啱啱好。啲櫻花蝦都幾多，不過始於覺得蝦湯同粟米唔啱。幾鍾意佢啲特幼拉麵。塊叉燒係分開上嘅，燒得好香但都幾油。蛋合格。衛生方面十分好。感覺好乾淨。最唔鍾意係張櫈太高但又冇得較高度。趴響度食。總結：如果想食唔滯嘅蝦湯拉麵，呢度都係唔錯嘅選擇。

難得出到灣仔，當然要食呢間啦😏去的時候剛剛好有最後一個位，後面牆身有得掛袋~坐低無耐就到office放飯時間，開始多人排隊🙈.🦐蝦味噌拉麵套餐$115🦐*跟餐有一款小食，我選了小龍蝦蟹子沙律🥗蝦味噌湯好濃郁，鮮味十足，又唔會太鹹❤️叉燒預先煎過，肥瘦適中，油脂香而不膩👍🏻溏心蛋生熟程度都幾好😍蛋汁呈半流質狀態😍而拉麵係幼身嗰隻，掛湯力唔錯，唔會過淋~食完都幾飽肚，服務態度幾好，食物質素又好👍🏻整體嚟講，可以回訪🤪🤪🤪.食物質素: 🌕🌕🌕🌕🌘食物顏值: 🌕🌕🌕🌕🌘性價比: 🌕🌕🌕🌕🌘回頭率: 🌕🌕🌕🌕🌕

太耐冇去過日本，喺香港又好小搵到間好食既拉麵。日日返工都一定會經過呢間舖，lunch time一定滿座而又有客人會繼續等，咁就知道間舖頭好食程度去到邊👍🏻👍🏻👍🏻👍🏻👍🏻👍🏻今日3點食飯時間就走左過隔離舖食碗拉麵。企喺門口已經有去左日本既感覺，入到去個格局同日本既拉麵店一樣。一個人嗌左個套餐試試，有喺日本食既水準👍🏻👍🏻要讚下個豚肉，好juicy，一啲都唔會過油或者過乾😋👍🏻平時唔食蛋黃既我，因為見流心蛋所以一試，正👍🏻以後lunch又多一個選擇👍🏻👍🏻

食左佢個蝦味噌拉麵套餐，小食選了小龍蝦蟹籽沙津。單點拉麵為$75 - $85。套餐為$105-$115，有多一個小食。個湯底真材實料。叉燒係煎過嘅，融左嘅豬油食落口好香口，有食和牛嘅感覺。半熟蛋係用上日本蛋，蛋味香而且可以放心食用。小龍蝦蟹籽沙津配上多塊小紫菜，等你可以夾住沙津黎食。從小小嘅細節就睇得出呢間係一間有heart嘅餐廳。值得推介！p.s. 請留意餐廳營業時間：12:00-15:30， 18:00 - 22:30。中間有落場時間。

老實講, 呢間拉麵店一點也不起眼, 即使經過都唔多覺眼網上看到一些關於這家食店的comment, 而且就我返工地點,大部分香港人一定會先上來openrice看看食店有幾多個笑笑/喊喊,看到全是笑笑. 0 個 OK, 0個喊喊, 二話不說lunch time就來品嚐一下!幸運地不用等位, 餐牌非常簡單, 啱晒唔想用腦又有選擇困難的人.Bar 台前面對住3個靚仔, 各人負責不同工作料理拉麵:煮湯:料理叉燒:好快就有得食喇!先嚐嚐豚骨湯, 濃度適中, 不油膩此拉麵店沒有供選擇拉麵軟硬度, 湯的濃度, 等等如果你要走蔥可下單時告知這款拉麵偏幼身, 口感很好配上很溏心的溏心蛋= 絕配!終於輪到叉燒:有兩片, 一睇就知好食啦我食飽飽喇! 大滿足!下次試味噌湯!PS. 想講一下, lunch hour 12:30開始要等位, 如果唔想等太耐請12點左右就來到喔~我埋單大概1點後面有成10幾人等緊位, 所以我都拿拿臨食完讓個位比其他食客.最後,香港人! 加油!

Waiting list 繼續努力排隊中呢間由4月已經出左名架喇咁我又要出灣仔行書展所以就去試下啦好在我算早收工早去到, 坐低冇耐就好多人排緊隊啦咁我地都好識做食飽就走俾其他食客食到好味嘅野 只有2款拉面咁我地一行三人我叫蝦味噌拉面, 其餘2人叫豚骨味噌我本人其實唔太喜歡食拉面就係因為我食得淡而出面好多店既湯太濃太多味精但呢間湯好味但唔重味精(至少我食完個晚冇追水飲)唔會過濃但我覺得豚骨味比蝦味淡所以跟據個人喜好去叫 拉面粗度剛好可以掛晒湯軟硬適中唔同湯唔同配料豚骨就配木耳蝦湯就配粟米及蝦米好在我叫蝦湯因為我好鐘意食粟米 我地其中2個係餐, 分別配了煎餃子及小龍蝦沙律我地鐘意煎餃子多過沙律但其實個沙律都好食既有凍水或之凍麥茶自助

每2個位為一組，每組前面都會有冷水冰茶各一壺同埋各樣既調味料同辣芽菜。辣芽菜同入味同埋都幾辣。叫左蝦味噌湯拉面套餐跟左碟餃子(4隻)，湯底好濃厚同埋有一大堆櫻花蝦同粟米，好足料！所以湯底幾鮮甜又不會過咸。叉燒燒到剛剛好，上面灑左小小蔥花增加佢既香味。因為係分開另上所以唔會比湯浸到冇哂焦香味，同埋都幾大塊，唔洗唔捨得食。而餃子我就覺得不夠燶，唔夠脆。但總括黎講都係不錯的。下次會再試其他既拉面同小食。