麵匠風龍

營業中

休息中

終於在第四次順利來到「龍風」！情況雖有點抹汗，但還好可趕上三時前的落場時間入座，隨後過來支持的客人只好等待晚上營業時間了！「風龍」以日本漫畫火影忍者為題，座位後排一列擺動的紅布，營造出忍者的神秘與氣勢！「風龍」餐單很簡約，提供包含拉麵一碗與小食一款的套餐，每份套餐圴為 HK$115。拉麵備有豚骨湯和蝦味噌的選擇，而三選一的小食為餃子、芥辣蝦沙律或小龍蝦蟹籽沙律。 老公和我要齊了豚骨湯和味噌蝦湯兩款口味！乳白湯色的是豚骨湯拉麵，附有紫菜、玉子、木耳和蔥花，叉燒是分開盛上的！而蝦味噌拉麵色澤較豐富，湯底帶有味噌的淺黃，而粟米粒和櫻花蝦令畫面變得更立體！習慣先呷一口湯頭，帶有輕輕蝦香的味噌蝦湯底要比豚骨湯來得富有層次，而兩款湯底濃稠適中、不會過鹹，且十分順喉！個人一向喜愛具嚼感的麵條，「風龍」的麵條對我來說無疑是過軟一點！薄身的叉燒不像是烤過，反而有點煎香似的，總之跟平日的叉燒口感截然不同！玉子的流心程度還不錯，若然味付再濃厚一些，相信會更美味！老公和我也愛上既惹味、又帶爽感的辣芽菜，幾乎給我倆吃光一整瓶，愛吃辣的朋友必定要一試！小食選了小龍蝦蟹籽沙律和餃子！老公和我也偏愛小龍蝦蟹籽沙律，將

之前行街見到有間新拉麵，觀察咗一排都keep住有人龍。感覺應該安全今日灣仔見完客收工再次路過。自己一條友，見餓餓地，即時入去醫肚。見到餐牌野食，跟銅鑼灣的<別天神>好似！坐低掛好袋，叫咗個蝦味噌拉麵餐，有小龍蝦沙律，味噌打麵，义燒，免費麥茶任飲。老實說，食物水準高質。湯夠熱，味濃好飲，沙律配埋紫菜，义燒另外燒過，覺得有誠意。食飽飽，大滿足極力推介，有下次。唯一建議改善的，是張紅色單人櫈。座位size偏細，以及座位的高度怪怪地，有點釣腳。

十月第四個星期一晚上，天氣微涼，灣仔。旅遊回來後生病了，友人知道後就說下班後帶我去吃拉麵。灣仔其實臥虎藏龍，這小小的地方其實是香港拉麵店集中地之一，有別於隱身角巷處，小店位置就在軒尼斯道大馬路旁，木底黑字的招牌跟門外裝潢醒目，方便易找。敞開木門，陣陣豬骨湯香氣撲鼻，晚飯時間，店裡客人不少，需要等候一陣子，這時候就趁機看看等一下點甚麼。有兩款拉麵套餐，搭配一款小吃，也可以單點拉麵，看到小吃很吸引，我跟朋友就每款都點來試試。芥辣蝦沙律，爽口彈牙的新鮮蝦子配上自家調製芥末醬，惹味充滿鹹香，怕太辣跟鹹的話可以搭配青瓜片一起吃，增加口感又開胃。小龍蝦蟹籽沙律，上面灑上點點櫻花蝦，旁邊的海苔原來已經切好方塊狀，不像一般的長條形，賣相精緻，海苔味濃，很容易蓋過海鮮本來鮮香，方形就方便客人一口一份，讓海苔跟小龍蝦的味道互相配合起來。蝦味噌拉麵，吃拉麵慣性動作就是喝一口湯，香濃細滑又黏口，有一隻半熟玉子，蛋黃流心度一流，而且很入味。拉麵上有蔥花，香甜玉米粒和櫻花蝦，份量還很多，麵條為幼身拉麵，更能吸收香濃的蝦湯底。叉燒有別於一般鋪在拉麵上，它們是另外用一個碟子上桌，一咬才知道原來輕煎過，多了一重香口的煙

由6月初開始，先知有呢間拉麵店，當時行過舖頭，見到玻璃窗貼滿良心既標語，與香港人同路。一直都無去試過，於是專登搵日收工去左試一下，支持一下香港少有良心小店。店入面唔大，10幾個位，但整體感覺舒服。同一般拉麵店一樣，座位下或者後面都有位掛袋，而店內全部都係與香港人同行食客。叫左個味噌湯拉麵套餐配小龍蝦蟹籽沙律，見到張餐牌感覺同之前食過間《別天神》有啲似。小龍蝦沙律上灑左好多櫻花蝦，加埋紫菜食，味道好配，好好味，啖啖肉，岩晒我啲食肉獸，但又唔會太heavy，做前菜剛剛好。蝦🦐味噌沙拉麵上面啲櫻花蝦一啲都唔孤寒，每啖湯都會有好多櫻花蝦🤤湯底亦唔會覺得太咸，溫泉蛋亦好靚好流心，配上拉麵同肉好夾幫襯良心小店

平日放工後去都要等位嗰日我自己一個人去 好彩唔洗等位咋餐牌得兩款拉麵揀豚骨湯或蝦味噌拉麵 可跟套餐我食呢個蝦味噌拉麵套餐 (HKD115)有一碗拉麵 兩塊叉燒 小食三揀一(餃子/芥辣蝦沙律/小龍蝦蟹籽沙律)我揀咗餃子 一份有四隻呀食完成個套餐好飽😋下次會再去試吓佢哋嘅豚骨湯拉麵🍜

蝦湯面一啲都唔油膩，勁香濃。真材實料。面質好幼滑。蛋係日本蛋。叉燒分開上。食材都應該大部分係日本嘢。食得出好有心機整!!裝修格局幾乎同日本拉麵屋無異。座位後有掛勾。

老闆有良知係最基本幫襯嘅條件，但多次路過未都排長龍，今日一個人，得幾個排隊就幫襯下，總果喜出望外！蝦湯底一流，叉燒無得頂，麵當然係不錯。除此之外，服務態度亦很親切，加油呀老闆，港九新界各區需要你嘅分店！蝦味僧拉麵一定值得一試蝦味僧拉麵一定值得一試蝦味僧拉麵一定值得一試重要嘅要重覆三次

之前行街見過好多人排，今日特登係佢6點一開嘅時候去食。一去到就有位，店舖細細地，只有一堆高枱，我腳比較短，坐到吊哂腳咁。叫左一個set跟餃子同一個散叫麵，set係碗麵有蛋同多個小食。個豬骨麵湯底好正，唔會太多味精。另一個蝦味噌湯底個味道都唔錯，之前試過特登去尖沙咀試啲過江龍蝦湯底麵，好難食，又怪又唔夾，但今次係呢到試食，反而又好味喎。不過我就唔太喜歡呢到啲叉燒，係特別分開煎完送上黎，我鐘意食唔煎過，平日普通拉麵嘅果啲叉燒多啲。？餃子普通煎餃。但總結都係正嘅，食拉麵我覺得個湯底好重要，推薦。

平時灣仔番工，一直都未有機會食好出名的麵匠風龍，一試就知點解咁多人排隊叫左個豚骨拉麵，香港周圍都有的豚骨拉麵，本身都冇咩好期待，但呢個拉麵，出奇地濃郁得黎冇其他拉麵店咁油，湯又好傑😍😍，見到其他人普遍都會再叫替玉😱😱，但我實在太飽食唔到落去😱😱溏心蛋都好溏心🥰🥰，食完有幸福的感覺至於最驚喜係舊豚肉，平時食搵麵舊豚肉就一般，麵匠風龍舊豚肉係燒的，所以特別惹味另外，set有三種小食選擇，今次簡左餃子，餃子🥟煎得好靚，見圖都睇到，又唔會太厚，值得一試❗️

成日係店外個巴士站等巴士 (垃圾黨鐵) 一直都想試 但成日都趕巴士番屋企冇機會！但近期見佢咁有良知 咁就要當然要去懲罰佢！ 見到呢間小店門外個poster 已經好吸引😚😚一個都不能少！ 好入正題！ 佢有兩個選擇豚骨同蝦湯 我同老公一人揀左一款個蝦湯好濃好香 個豚骨就相對淡味 吾岩我呢啲重口味人仕叉燒好厚 好香 不過略嫌有少少少少乾 成個Set 仲連高汁餃子 都係$115 正有時食拉面做晚餐會吾夠飽 但呢間絕對吾會！佢個茶都沖得好好

行過見到店鋪出面啲poster咁大膽貼出黎唔用金錢懲罰你都唔得啦💛食到你地無貨賣！位置方便就係電腦城附近星期六日去開灣仔中環金鐘行街嘅真係要試下啦兩星期內食左兩次都唔厭蝦味噌拉麵湯底蝦味好濃郁 好惹味！豚骨拉麵就有一陣好香嘅牛奶味叉燒🥓係現場即燒肥瘦好適中 厚厚地有啲油份🤤燒到有好香嘅焦脆味套餐配嘅餃子🥟皮薄仲煎得香口有得任飲冰茶鋪頭海報裝飾好靚🥰推薦俾所有真·香港人食香港人加油💪🏻🇭🇰

本身好中意食蝦湯拉麵香港賣蝦湯拉麵嘅舖頭唔多見到依間有 咁緊係要試下啦特登避開晚飯時間 諗住唔洗排隊點知9:30去到 前面都有成10個人等緊🙈不過舖頭入面都有位企唔洗企係喺街到熱住等😆咁就睇定menu先啦拉麵有兩款: 蝦味噌拉麵同豚骨拉麵小食有3款: 餃子、小龍蝦蟹子沙律同wasabi蝦沙律可以淨係單點或者要set 包括拉麵、溏心蛋同小食我要咗set: 蝦湯拉麵 + 餃子 ($115)另外要杯生啤 ($35)唔想叫野飲嘅話都無所謂每隔幾個位就有一壺水同一壺麥茶 好貼心😊蝦湯拉麵好味!😬湯夠濃 唔係死鹹 飲好多都唔口渴個麵煮得啱啱好 而且分量都好多仲有3大塊叉燒 如果肥d就好喇🙈餃子都好味 熱辣辣 煎得好香👍🏻加埋杯生啤 完滿!❤️抵佢咗多人排隊 一定會再返嚟

於當今的營商環境，夠膽表明立場，無畏無懼，值得支持！Btw,食物水準都高，平時一碗拉麵一百蚊係average ,呢度一百蚊係set,拉麵可配一種小食，有餃子🥟or蝦沙律選，入面包包嘅配料一啲都唔馬虎唔會將張價就貨，3塊叉燒燒得好香，再加埋全隻糖心蛋，鐘意佢個蝦味噌湯，又有我喜歡既櫻花蝦，唔太喊！推推！！！ 仲要唔收+1添，我weekday夜晚去都唔係好洗等位如果大家經過灣仔可以考慮去試一試~~#良心小店 #抗爭都要食飯

12:30，尖峰時段，門口店內都排緊隊。唔通真係咁好味？餐牌非常簡單，一係豬骨味broth，一係蝦味broth；配一款小食。Wasabi 蝦沙津幾有趣！味道偏咸，應該係有啲miso做調味。Wasabi 味唔係太overpowering，唔太攻鼻。加埋青瓜一餐食幾清新。其實一間拉麵店突登有部煎餃子機麵幾用心。Typical 中上嘅餃子。又唔係真係驚喜滿分🙃。蝦味湯底非常濃嘅蝦頭膏味。蛋今次有點點太熟，但都保持到好滑。蝦干仔好多。麵質al dente。叉燒係一塊豬腩一塊豬肩（應該係），一次過食晒兩個cut。總評：好食呀！風味亦佳！不過下次麵係off peak 先黎😂

從前，當我們要從云云食店中找出優秀之作，我們會用環境、食物質素、服務等等去篩選、評價。不過，最近在一片低氣壓之下，食客開始多了一個選項——顏色。筆者本身較少到灣仔品嚐拉麵，即使路經都很少有意欲進店，更惶論要在網上留下片言隻字。只是，看過網上地圖後，這晚和男友試試軒尼詩道這家麵匠風龍。「匠」——意即造詣高深，而一所拉麵店能自稱為「麵匠」，想必有其過人之處。一打開餐牌，只見食店售賣兩款麵，一款蝦湯，另一款豚骨湯，簡單的餐牌設定，對嚴重選擇困難症患者（如我）實屬好事。最後，我和男友各點不同拉麵，希望試真當中的味道。先說說隨餐附上的小食，我們從三款小食中，選擇了煎餃子與小龍蝦蟹籽沙律。若然比較兩者，小龍蝦蟹籽沙律相對較出眾，不單賣相美觀，沙律呈球狀，面層灑上一層蝦，視覺上已猶如開了胃。一吃下去，紫菜與沙律的味道相當配合。作為餐前小食，沙律味道清新，沒有喧賓奪主，讓人更對主餐有所期待。到主角拉麵出場。初時以為拉麵看起來較幼，份量不夠吃飽，但最後卻相當飽足。飽腹感來自濃郁的蝦湯與麵條混合的滋味，再加上滑溜的溏心蛋與豚肉，每一部件都做得物有所值，讓人回味。吃過拉麵，看看男友那邊，發現他早已把豚骨湯喝