麦玉子 (已結業)

今日嚟到一田超市行街，行行吓好肚餓，咁岩比我見到加麥玉子，主打賣玉子燒，今次有機會一於試吓啦，推介必食依度嘅玉子燒😍💕我同我朋友兩個人叫咗兩個餐第一個係豬扒玉子燒set，套餐勁豐富，有齊燒豬扒、火腿玉子燒、麵豉湯、飯，依度嘅玉子燒真係好好食，煎到好滑好香蛋味，同我去日本食到嘅一樣，而且依度嘅豬扒唔會un，肉質彈牙，配上上邊嘅燒汁食一流😁👍🏻仲有麵豉湯可以撈飯食添，正！另外一個叫咗嘅係玉子牛肉飯，一樣咁吸引，玉子燒依然都係咁滑咁香口，牛肉飯好香牛味😚食完超飽超回味👍🏻總括來講呢餐真係大滿足！價錢平，行開街過嚟食晏晝同夜晚飯又方便，而且職員服務態度好好，以後行過街都會再嚟依間食💕💕💕

來到了觀塘，因為想找比較便宜又特別的晚飯，就去了一田找，看見了這餐廳有二人餐，感覺可以免卻了選擇的煩惱，就食呢間，其實之前都食過這店的玉子燒，今次個餐可以試埋佢個牛肉飯同炸豬扒，二人餐只可以揀兩個都係牛飯或者兩個都係豬飯，唔可以一牛一豬，玉子設定係原味，其他就要加10蚊，我地要左原味同牛飯,玉子好味，好滑，蛋味都好香，而牛飯覺得正正常常，唔太特別，又冇乜汁，個炸豬扒都可以，不過不失，唔算話好出色，始終都係蛋最好味，二人餐有成兩罐可樂再加兩個面豉湯實在太多了，發覺其實唔洗叫二人餐，一人一個燒玉子餐其實仲好。

夜晚九點幾在觀塘，就隨便走入 APM 超市搵野食。見到呢間，有玉子兩個字，就試下。叫了一個玉子壽喜牛肉飯，等左好快就有喇。呢度只收現金或八達通，差點唔夠錢食飯。玉子壽喜牛肉飯，都可以。牛肉味不錯，但牛不是太淋。玉子，反而普通，可能太有期望？反而，最想讚既係個飯。我本身對飯冇乜大興趣，不過呢度個飯一粒一粒，好有咬口，加入左其他米，令到食落覺得幾好𡁻，加上有小小壽喜汁和加左七味粉，個飯的確好食，好驚喜。

午餐.想試這間玉子燒好久了今天午餐終於有機會了.櫻花蝦玉子燒 $59下單後等了大概5分鐘應該是即叫即製蛋是挺滑的可惜比較鹹而且頗油櫻花蝦味亦沒有很突出要差不多要$10件其實頗貴應該不會有下一次了可能原味會好一點?嗯 有機會的話再試試吧

因為逛APM 的一田而發現有玉子燒的套餐，心思思下試了兩個套餐！玉子燒原味+套餐F(燒汁牛肉）玉子燒（原味）比較甜及可能大份，不能完全KO!燒汁牛肉炒菜：OK玉子燒櫻花蝦+套餐B (和風豚肉野菜）玉子燒櫻花蝦：每口也有啖啖櫻花蝦，有一種幸福的感覺！和風豚肉野菜：味道比較淡，但豚肉炒得不錯！我最喜歡反而是綠茶🍵，喝一口就像吃綠茶雪糕咁！

Mugi Tamago is a food stall hidden inside Yata, a Japanese supermarket in APM. I missed it the first time, and found it after walking around Yata for the second time.Mugi Tamago is famous for their tamagoyaki, Japanese egg roll omelette, as well as barley rice. They seem to be a nice and healthy combination for dinner. There are also quite a lot of seemingly healthy bentos and snacks option in their fridge, which appeared to be more money worthy than the set I ordered… I was kinda hungry and dir

經過一田超市，有輕微肚餓，超市入邊有間麥玉子，見乾淨企理，叫咗一碗宗田鰹魚玉子咖喱湯烏冬，但是沒有咖喱味，只有鹹味，入邊有兩件魷魚，超硬！根本𡁻唔到！玉子蛋尚可OK！

已經去左好多好多次玉子口感好好，蛋厚而又鬆軟，加餐嘅豬排飯抵食，豬排高質 冇筋又有咬口，多肉又唔厚麵粉仲有最特別係個秋葵沙律真係一流，每種菜都有別於出面食嗰啲沙津，呢個健康好多 同埋唔係一般沙津菜加生菜 別有心思！

位於apm一田超市內的小餐廳，旁邊只有大約10個座位，就算平日的午餐，也要等一下位。厚燒玉子本身有很多款，多數$59，我揀左粟米芝士味。玉子夠厚身再配上芝士我覺得好食+$20變套餐，可以配烏冬或飯，仲有炸雞

星期六放假一家三口過海濕平親子吓，玩完行完街已經6點幾有啲攰又唔知食咩好，即想到去apm一田超市買啲熟食回家當晚飯，行入去初頭已經拎咗壽司、炸物之類點知再行就見有個檔位係食玉子燒，即時心心眼不如試下啦！搵個位坐低之後拎個餐牌睇睇，玉子燒有好多口味既另外可加個定食餐跟湯、飯同一款餸，最後我哋選了“玉子燒日本煙肉馬鈴薯”這個是apm限定的，一個“玉子燒蔥蟹柳” 套餐E（漢堡）套餐F （魷魚鬚）,一碗“滑蛋烏冬”一個“無添加野菜餃子”,超級豐富玉子燒新鮮即做...入口好滑好嫩好香蛋味好正，阿女食完一件又一件而餃子都好香口整體水準好好，起碼可以嚟呢度止止渴唔駛去日本食都得。

雞蛋,一向給予我飽滿之感。蛋香撲鼻而來, 又滿佈口腔, 實是高度享受。 所以對於玉子燒,我一向都躍躍欲試。觀塘一田百貨內的麥玉子, 路過數遍,都因肚子沒空間,無暇惠顧。此日,胃部難得的空餘,使我毅然點一份芝士玉米玉子燒。價錢雖略昂貴,但份量之大,算是值得。說回味道,看重蛋香的自己,不覺其在蛋香的出眾,且用油亦多,反有約吃越膩之感。我邊咀嚼邊思考,不知是否吃蛋多了,習慣那份香味,才讓我對蛋如此入迷。玉子燒,不過是多用幾隻蛋,配料亦是平凡不過(芝士玉米)。老說喜歡吃,只因自己饞嘴而已。蛋有不同的製作方法,總有些自己是不太喜歡。這個玉子燒的味道,我只會說不過不失,配搭恰當,而不會盲目作褒貶。我們,又怎會完全喜歡或討厭一樣事物?

本來對一田內的餐廳沒甚期望, 但當你降低左expectation突然食到咁高汁的野食係加倍開心放工後過來堂食, 發現不少上班族過來買玉子燒外賣, 驚覺佢剩係玉子燒本身的份量已經夠飽其實但我同時叫了整個set係包埋飯完全超級飽, 食唔晒我的玉子燒係有薯仔& bacon, 蛋本身好香滑, 食到不停口下次我只需單叫一份玉子燒已經可當一餐但我由落單到取餐之間等了20-25分鐘..實在是太耐了..應該要改善

我男朋友好中意食麥玉子成日都話想食麥玉子，話價錢合理又幾好食。麥玉子主打玉子燒，我都覺得佢最好食係玉子燒，其它野食都只不過係中規中矩。順帶一提，佢入面個廚房好細，我諗只係夠位做番d簡單加熱工序，所以有時加熱既食物有機會會中間仲有d凍。我今次叫左個烏冬，麵身軟硬適中，玉子好食，但冇咩特別，另外叫既果個玉子好食得多，個漢堡排好似混左好多粉咁，冇咩肉味。但整體都ok既，但唔會再起麥玉子食多次烏食haha食番玉子！

本來想食一個甜品，見到佢有幾吸引，同埋今日有九唔知，買來試吓，食一啖，真係覺得好奇怪，將由，咸嘅嘅丸子，好後悔好後悔啊，以後都唔會買。好似食緊鹹湯圓一樣，好奇怪好奇怪切唔好食唔好食。。

一個人食晏，求其食個快餐就算。行過見到呢間專食玉子好似唔錯，選擇多價錢平，一於試下。佢得大概10幾個位，幾個人黎就冇排等。餐牌都多選擇，有飯有烏冬，價錢由$40幾至$70幾不等。由於好鍾意食吉列豬扒嘅關係，冇揀到佢嘅招牌玉子燒，點左吉列豬扒滑蛋麥飯。$54嘅飯，冇加一，性價比好高。豬扒唔係薄如紙，有一定厚度，有咬口。炸粉唔會好厚，唔錯。滑蛋加左洋蔥同煮，個汁甜甜地，送飯一流。原來麥飯係好似平日屋企食嘅燕麥米咁，都幾有口感。