麦玉子 (已結業)

午餐黎到apm foodcourt,見到我最愛既明太子就心郁郁！其他組合都幾抵，麥子飯好似好健康！幾張抬，應該唔預好多人堂食，可能預人叫外賣多旁邊有d飯團可以揀，打工仔想平平地搞掂一餐都ok,飯團十零蚊，唔夠再嗌多個！要等單叫，等呀等呀等，終於到我好豐盛咁樣，可惜期待值太高有少少失望，玉子燒好油，唔知係明太子油定係點，朋友話上次叫原味唔油既！雞蔬菜豆腐普通質量，沒有什麼好吃，不熱，菜不是很新鮮，最好吃是個飯😹

今日同朋友去左一田試玉子燒，12點半左右到，已經滿坐。落左單要等20分鐘先有野食～玉子燒份量都幾多，自己食嘅話都食唔晒。玉子燒切到大細不均咁。咬落口好好味，好juicy，冇煮得太熟。明太子都好多，微辣。跟餐有飯同湯～總結黎講都幾值得試☺️

今次係一田開餐！今日係正式開業！日本正宗師傳仲會不定時現場即點即制🙈店家坐位大概有8人左右，企係到食都得😗想食留意返 1️⃣芝士火腿/明太子/櫻花蝦玉子燒 $59 評分: 7.5/10 用左日本雞蛋，鰹魚汁，日本國產米，日本大麥米黎製造玉子燒🤤款式口味都幾多！今次試左幾款，櫻花蝦幾正🍤鹹香更突出玉子既甜味🧀芝士火腿既芝士都幾重，少少膩💥明太子份量都幾多，鹹香幾出 *另可加$8至$25就可以配套餐架，有飯有湯同餸 2️⃣金澤百萬石卷蛋糕 $25 評分: 6.5/10 蛋糕幾鬆軟，cream都幾香同滑，但我中意奶味重d 3️⃣日本MOCHIMOCHI銅鑼燒 $15 評分: 7/10 忌廉芝士，抹茶紅豆忌廉，草莓等😜外層少煙韌，抹茶紅豆忌廉既抹茶味幾出，夠滑，唔太甜，若餡量多番d就更好 4️⃣柚子汽水/鹽味汽水 $26 味道都唔錯，柚子味幾fresh，另外鹽味唔算重，但少少既鹹味幾得意

麥玉子✨Apm一田新寵😚玉子燒芝士栗米hkd59💸老實講，索價真係有啲貴..而且味道都唔值😞雖則真係好大一份，不過期望愈大失望越大😰佢食落起味道有啲似韓國既雞蛋卷，偏甜😀入面啲芝士栗米都算多既～啲蛋都好滑，好食既，但如果佢可以加啲紫菜/茄汁/沙律醬會更好😂因爲就咁一份蛋咩醬料係到都好乾...真係除左左甜味就乜都食唔到啦☹️你話30蚊都可以接受到，59呢個價錢就真係誇張左小小😐試過就算嚕～

之前行過一田，見到有間新開既麦玉子。玉子外貌十分吸引，今日收工終於有機會試下第一日開張果日，老闆話佢地既材料黎自日本，即叫即整，搞到我好期待，不過最後食到既時候，有dd失望。玉子有好幾種味道，煙肉馬鈴薯，芝士火腿，葱蝦柳，櫻花蝦等。我地兩個人叫左一客明太子玉子，等左大概10分鐘就有得食。外表100分呀！食落去個味道好得意，個蛋卷甜甜地，個d明太子就咸咸地，個玉子好厚，好多層，落足料。今日師傅好大方，落左好多鹽，咸左d。另外，留意個盤係反光，好多油，呢度扣左唔少分，希望下次師傅唔會咁慷慨。我地兩個share 一個都覺得有d濟，可能加20蚊配個餐會好d，多d野食下無咁單調。如果個玉子無咁咸同無咁油就perfect喇，但我會再黎挑戰第二隻味架！希望到時有改善。

今日晏晝去左apm食呢間周圍都大推既玉子燒店，但去到得大約8個位，以為一定要坐佢附近既位置，原來又唔係，等左一陣好彩有兩個人走，前面己經好多人買左，收銀姐姐話而家落單要等8個字，即刻o哂，諗住買外賣返公司食，但得舊玉子燒可以拎走，個套餐唔拎得走，唔甘心就咁走，唯有照等，最後都係等左半個鐘多d，仲趕得切既，但食得快到想嘔而且佢張枱設計根本係一人座位黎，張枱都擺唔落咁多野，但野食我覺得都幾好味，但無d人吹到咁勁，個收銀姐姐都幾好人，係咁話唔好意思

本身諗住去朝聖試下玉子，點知有驚喜既竟然係銅鑼燒一打開就有好香既熱香餅味，食落もちもち口感加cream, 非常正，cream cheese 味就相對無咁甜整體感覺同一般銅鑼燒既鬆軟口感唔一樣，非常有驚喜

新開張，玉子燒又好似好正，心諗住一定要試下，早一晚太肚餓又多人排，店員話最小要等半個鐘，唯有打消念頭。今日下午見有時間去排。都係一樣話要等半小時，好我等，行左一陣超市返去坐底，望左佢地出單好耐，好細間既地方企了六個員工，2個爐，原來得1個人識整，4個企係度出菜叫飛嗯......終於到我啦，店員提我個盤比較滑要小心，嘩，係超滑，的碗好似溜冰咁，嚇死我。可能真係大期望，一見到個賣相已經好失望散既喂，好試埋味先....嗯...食埋啖飯，無驚喜。 飲兩啖湯，好咸。我食多2塊蛋已經唔想再食.....因為表面咸既，里面無咩味，係碗白飯幾好味。

新店開場，必去看看。早前已在第一店黃埔店試過，女兒已讚不絕口，今次再來位於APM既一田超市內-麥玉子。傳媒效應，人流甚多，堂食位置已坐滿。點了一份原味玉子燒，加個忌廉卷蛋。玉子燒即叫即做，蛋味豐富，食起上來有陣日本的風味。而最愛的，便是令人一試難忘的忌廉卷蛋，蛋糕皮包住如雪糕般凍凍的芝士，實想再吃..............

在 一田 超市行逛 , 發現有新店鋪開張 .... 麥玉子 Mugi Tamago 所售賣的玉子燒是採用北海道產雞蛋及日本四國〈土佐清水市〉特製鰹魚汁燒製而成， 師傅是來自京都，有十多年烹燒 玉子燒 的經驗 ~Menu ~店裏有售的玉子燒會有6個基本款+1個APM限定款的囗味：原味、明太子、芝士火腿、芝士粟米、櫻花蝦、葱蟹柳、APM限定的日本煙肉馬鈴薯~ 明太子玉子燒 $ 59 : 玉子燒是燒得鬆軟，外層微焦而内裏是滑軟，吃落有鰹魚汁的鮮甜，明太子餡的鹹辣更與玉子燒的味道搭配得恰到好處 ~店內正進行新店優惠：由即日至8月21日，凡惠顧滿港幣60元即送一個銅鑼燒 ~本篇完 ~