麥當勞 (萬事達廣場)

營業中

休息中

麥當勞真係可以話係由細食到大, 耐唔耐就想去食下薯條, 魚柳包, 麥樂雞, 麥旋風等. 最佩服係水準keep得好好, 間間分店味道都好相似, 而且仲拍得住"梗有一間係你附近", 好方便.潮流興健康, 呢度都推出田園沙津. 本身我唔食沙津醬, 再者田園沙津只有菜都要差唔多廿蚊, 好唔抵咁, 所以一直都無試過. 呢排係聚會中無意間試到田園沙津, 醬汁可以揀沙津,千島同香草汁, 頭兩款我都唔, 諗都唔洗諗就要香草汁啦. 首先,盤菜都幾大碟, 我地幾人share都夠, 菜好新鮮同埋種類都好多, 再加埋帶酸香草汁, 係麥記其他食物度都未食過有呢款汁, 好新鮮醒胃, 好味wo! 突然間對田園沙津加晒分呀!估唔到開咁年都仲有驚喜!

潮濕溫熱的黃昏，沒啥食欲，結果跑入麥當努，點了客田園沙律，和一杯菠蘿雪碧特飲，共$27.8。好fresh 好爽脆，邊吃邊覺涼透心。結論係田園沙律，有可能係全美孚最對味的食味！愈簡單城好味，因為不容易做得難吃嘛！

趕tender 的季節，加班至晚上八時半點，回到美孚巳經九點。大快活差不多打徉，嫌連續粥店唔好坐，於是入了麥記。\點了雞香雞（$8）、田園沙拉（$18.3）、細汽水（$5），合共$31.3。在M 記而言，唔算便宜！沙拉即叫即製，幸好今晚的蔬菜尚算新鮮爽脆，$18.3 算合理！有好多kids 走來走去，唔算太吵，增添生氣。似乎係細蚊仔都喜歡M 記！忽然想起寄宿留學英國的小表弟妹…！v

平安夜玩到三點幾，冲完涼但訓唔著，於是晨早七點半鐘落樓買早餐回家食。麥當努和大家樂，女伴選了後者，是因為她知道我喜歡美式熱咖啡！買回來的是兩客「Big Breakfast」（$19.8/客），冬日清晨，陽光普照，天朗氣清。食麥記係撞手神，質素異之大係法估計。今朝，豬柳juicy、炒蛋既乾且「鞋」、English Muffin 正常模、薯餅居然唔油膩亦脆口、熱咖啡正常味道。

因為軍曹玩偶，以及一句「happy meal 低至$15」，所以幫襯。開心樂園餐（$15）：最平的組合係「漢堡包」、「細薯條」以及細汽水。味道依舊，係小朋友份量。我等男生當然唔夠！

加班至八點半，故亂吃份晚餐。點選了「六號餐」（$21.3），是煙肉蛋漢堡、薯條、飲品選了Coke Light。煙肉蛋漢堡好似細個左！？係我超肚餓？還是縮左水？但嘉頓交來的english muffin 應該係standard size 播！！！薯條幸好熱和脆，難得地份量足秤。四分鐘內吃完走人，速食晚餐！

我之前食過小龍蝦蛋沙律三文治，覺得幾OK，不過始終芒果比較健康，所以試下。果日星期六，放工去麥當勞買三文治，大約13:45左右，芒果三文治已賣剩半份，我要剩底果半份；小龍蝦系列三文治都有分1份($26)/半份($14)同垃圾食品唔同，所有三文治都係賣曬就無。龍蝦芒果最快售罄，大約中午就無，而龍蝦蛋沙律晚上，收工時間重剩少少。配搭清爽，只可惜芒果得果幾丁粒，食到最底就食到有沙律醬。雖然只有半份，不過就已食飽左我，彼為健康～如果可以供客人選擇走沙律醬多芒果更好。

一連四日，麥記推行‘買一送一’優惠！週二晚上，與老爸飯後落街煲煙時，看見此廣告海報。老爸二話不說便建議入內！點了是日優惠「麥樂雞」（$11.9 / 六件；買一送一）和「草莓奶昔」（$5；細），埋單$16.9，抵！若不是老爸相告，都不知原來醬汁都有幾款，我們要了甜酸醬和芥末。麥樂雞就是炸雞塊，沒啥特別，要讚的就是今次的隔油功夫做得好！以及價錢抵。草莓奶昔細細杯，好cutie！若不是有優惠，我應該唔會幫趁這些不瘦降食品！

今天午餐，吃了「麥當當」的新品飯tastic 牛肉米堡。$25.8 的「飯tastic 餐」包：牛肉飯tastic、大粟米杯、Coke Light米飯部份當然並不如廣告中所說的「粒粒呈現金黃焦烤」，而是又濕又軟又油膩的米飯餅，韓燒牛肉乾燥如牛肉乾，份量亦少得可憐，相當不濟！名字絕對係改得妙，價錢不便宜，但食品質素亦不敢恭維。

外賣兩個紅豆批，外脆內甜，雖然不是粒粒豆，但都好味！今次比番個笑它啦~

為了換公仔，一個人要了豬柳漢堡餐，餐飲轉了蜂蜜雪梨茶。收銀位姐姐重覆問左我幾次係咪轉蜂蜜雪梨茶，又問左幾次係咪堂食，留心d好唔好。。。跟住食食下，發覺托盤上面張紙好"巢"，係似比水整濕左乾番甘樣，三份一張紙係甘。o下？乜果張紙係re-use架，點知張紙掂過乜？心諗：包薯條有些會外露的，掂到張紙，都好唔衛生啊~

週二晚上，家裡沒做飯，便獨個兒到這裡。原打算買烤包和沙律回家吃，見是日優惠「買烤包或沙律，送麥樂雞六件」。故此，只買了客沙律。田園沙律（$18）：店員說即製，要等十五鐘。無問題！十分鐘後，收銀的那位妹妹仔，雙手把那沙律呈上給我。回到家一看，份量比半年前食的那趟少三分一，仲要無芝士，可怒，可怒！麥樂雞（免費）：六件足秤，無花無假。難以相信，一間歷史悠久、流程系統化的快餐店，水準會飄忽不定，就連食味、份量都可以「無出其左，估你唔到」！===============================另：曾經試過在這兒買McFlurry ，久等五分鐘，只得半杯，跟經理投訴，更換另一杯！員工士氣低落，工作極度不認真。相對之下，McCafe 員工略勝少許，較主動積極。

許久沒帶小表弟去玩，週五早上跟他看「哈爾移動城堡」前，他要求吃「開心樂園餐」作早餐。電影散場後，他要求再吃多次。原來，為的是「哈姆太郎」玩具！這兩頓「不瘦降」餐：他吃有玩具送的「開心樂園餐」；我則隔岸觀火地，呷著咖啡，吃著提子鬆餅和雜菜沙律；看他如何以「吃」來解破「不瘦降」之迷。我的咖啡、鬆餅、沙律一般水準。倒是他的招牌「不瘦降」煎炸食物，質素相當飄忽參差。怪哉！早餐（$20.5）：選了兩片裝的熱香餅、高鈣芒果鮮果乳酪（加$3）、熱朱古力熱香餅唔熱唔香唔軟；乳酪細細杯要加三蚊；熱朱古力唔熱兼稀釋。三款食品都唔掂！午餐（$18）：選了芝士漢堡、細薯條、細酷兒汽水（加$0.5）芝士漢堡的芝士份量恐怕連半塊都冇；塊漢堡牛肉好油好羶兼質感「粗糙」；細汽水冰塊佔三分二，汽水體積恐怕連一百毫升都冇！三款食物連基本質素都達唔到！若不是有玩具送，想不到吃「不瘦降」食物的原因！

尋日買左個雞扒烤餅($14.50)同蜂蜜雪梨茶($8)，雞扒烤餅內夾左雞扒、紅蘿蔔絲、生菜及醬汁，唔算好食，好普通。蜂蜜雪梨茶就唔太甜，都ok.....另外，我覺得個包裝唔好，本身係用一個類似蘋果批既盒裝住，又直立擺放，令到所有料都跌到盒底，食左一半都未食到雞扒。題外話：有無食家知道，邊度有新鮮wasabi (即山葵) 買？麻煩各位食家，知道的話，請e-mail去bibilala@yahoo.co.hk Thanks

來麥當勞,我只食軟雪糕,還是兩蚊一杯那種!年紀小時很喜歡食麥當勞,尤其巨無霸套餐,還要加大.現在想起,也覺危險.