麥當勞 (萬事達廣場)

營業中

休息中

路過麥記, 看見display上有新o野, 即管試試新登場的黑芝麻芝士餅加杯Caramel Latte, 黑芝麻味道不太濃, 被芝士味蓋過, 外表不是人人可接受, 驚喜不大而杯Caramel Latte就保持水準, 職員對特別要求都一一做到, 態度不錯, 只是在叫號碼取食物時有點像餐茶廰伙記, 有點不像麥記出現的招呼...

今日(3-7-2010 Sat)同男友o係屋企附近玩完一輪後,都要返荃灣買o野喇,我o地搭巴士過海,o黎到美孚都2:00pm,大家都口喝,於是o黎麥當勞買啲o野消暑,我鍾意食佢$2.00o既新地筒,真係又除薯餅外係另一招牌美食,又滑又香,真係好正.但呢樣食完一樣會口喝,男友聰明地買埋汽水.呢杯係咩o黎呢?佢話咩青蘋果新地,上面o既新地唔使介紹,而青蘋果呢,呢次中招囉,飲唔到任何青蘋果味,只係一杯梳打汽水都算,最慘係好難飲,真係好難飲,攪到最後我要食舊冰o黎過口.今次計分只就o個杯青蘋果新地畀.服務:1.睇見男友排隊買o野食都等好耐,但前面只有一個客人,唔明點解要等得耐.2.男友o岩o岩拎o野過o黎,我接住新地筒食第一啖,就有兩個人為麥當勞兒童之家賣獎券,真係有趣,叩人買獎券唔係問題,但都要o岩時間o掛,我坐o係o度咁耐佢都唔叫,一到我手食唔方便攞錢同想享受時,就o黎叫我買,可唔可以o係適當時間做?

呢期M記既巨無霸餐只係廿蚊，平時唔會食既我都俾佢咁既價格吸引左。呢日都唔算多人，好快就搵到位。巨無霸其實都唔係好巨，個汁醬都唔差既，算幾好食。牛肉唔算太大塊，但好有肉味。呢個已經算唔錯啦。但要彈既係，個生菜唔係太新鮮，唔係太好食。薯條無乜特別，唔使點講。其實都唔錯既，廿蚊你仲想點呀。

呢晚食完飯，三條友拉大隊上老友家打機兼打庄，玩到12點幾又肚餓，當然就係麥麥送啦﹗叫左成百五蚊野食，佢話大約一小時就會到，都唔爭在打多兩鋪機就係啦﹗等了又等，最後有個隊員明明雄心壯志話要食雞翼都頂唔順要入房訓覺，兩點幾麥麥送先送到﹗嘩，老實說老友就是在麥當奴下面，其實如果佢地0的聯絡做得好一點的話，有咩理由叫0個幾個包要0的客等成兩個幾鐘﹗我又真係唔信樓下成點都仲忙得咁緊要﹗不過算啦，懶又唔肯落街買就係有呢個情況，好在薯條都仲熱而我個雙層魚柳包仍然香脆，咁就算啦﹗

一個字... 唔掂！ 個cashier淨係顧住收錢...都唔諗住幫人執碼, 我order 個魚柳包又要幾耐時間呀？真係唔出聲佢都唔會執囉唔該！take away 返公司食, 點知一打開杯熱朱果時...我真係再多次唔該晒佢... 杯野好似俾人飲左兩啖咁算數... 一睇見個魚柳包... 真係包到離晒罩...點解我鑊鑊食親老麥d 包都pack 到好似a dump of shit 咁嫁有次仲離譜, 我叫全餐但係連餐具都唔俾我...係咪玩我呀... 搵手食咩, 好在自己有對筷子咋唔係真係要搵手拿黎食囉

今個weekend來了兩次, 一個人, 開始閉關苦讀, 想起食時, 只有親切的老麥. 一訪: 星期六夜晚 11點幾, 係外國既世叔找我飲花酒, 回來食個包仔....屋企有茶有水, 打算一個魚柳包算. 不過沒有優惠, 13個幾一個包仔....講落都幾貴.......再訪: 星期日中午, 落街買少少野之餘, 又來吃包包. 久未正式踏足麥麥, 不經不覺, 一個麥樂雞餐已經要24大元. 久未幫襯, 發覺麥當勞在不知不覺間, 加了幾次價. 食物依然, 服務依然. 人流依然. 零晨12點之後, 一樣不斷有人出出入入. 只可惜那個雙層至尊, 深夜時份, 那能吃下此等巨物.今時今日, 窮到要食麥記這句話已經不合時宜, 窮的話, 去快餐店食個飯更加經濟.

這款新口味嘅新地，D 綠茶味好濃，但係濃得嚟又無草青味，紅豆又夠腍，配著香滑嘅軟雪糕，真係幾好味，係麥當勞推出咁多款口味中最好。

自己不曾試過試勻麥記做 promote 的調味粉和麥香雞醬汁，不過今期唔知發乜神經，居然能於推廣期內試完 3 款調味粉和配醬。昨晚男友有要事來到美孚，我在等候他期間獨自來到麥記，買了一個麥香雞餐，要了日式芥末醬和加喱調味粉。我依照指示，將薯條和麥香雞一併放入袋與咖喱粉同 shake，再蘸日式芥末醬吃，味道是徒有 wasabi，而完全沒有咖喱香，失敗。日式芥末醬不是太「啃」，與麥樂雞出奇地夾，當然，我還是喜歡傳統的甜酸醬。

久唔久就會食下麥記，始終由細食到大，屋企附近就有間。板燒雞腿包：個包用長身果種，雞扒去皮，幾健康，而且用黑椒醃過，好夠味，幾香，加埋少量沙律醬，生菜亦唔少，唔錯。麥香雞包：呢個麻麻，雞炸得唔夠脆，而且好細塊，冇咩雞味，生菜亦較少。shake shake薯條：選左港式燒味同加＄１要埋法式蔥香，前者完全唔覺得係燒味味，只覺得有少少甜，唔得，後者好好多，一打開即聞到好濃既味，食落亦香口。

假日第二天，趕及11am 前買早餐，選了四號餐（$18.x），係三片熱香餅、一片豬柳，飲品選了pancake 的情人：美式咖啡。三個字：好味道，麥記的hot cake 雖然好薄，但很puffy，氣孔挺多，是打發得宜？加入soda water？還是火喉適中？那經打發的奶油亦是好特別，自家是作不到，當然深知這是processed 的化工食物…，但化學品能為色、香、味添光，亦未嘗不可！？麥當努的熱咖啡從來都係我杯啡，少一份港式酸味，多一份美式strong，my favorite！========================題外話：冬日早餐，最最懷念兒時在Vancouver 獨個兒起床，給一家人作pancake breakfast，由拌粉、免油煎、上盤、洗碟，一腳踢的冬日假日早餐。之後，一家人駕車到Costco 入物資的快樂情境。某天跟女伴談起，她說她想吃我作的pancake breakfast。不知怎麼，我居然整唔返昔日那種味道，結果還是請McDonald's 代勞。

嘩，最近都吃過好多遍M記sundaes & McFlurries, 無他... 全因他好味又抵吃!!Milo McFlurry: 已經沒有mr.wong喜歡的Cappuccino了，原來是限量的?? 那就試試新o野啦. 這個出奇地沒那麼甜，比Cappuccino還來得清新! 內裡加入了一點Milo粉抹，做出swirl的效果, 一點美祿粉，一點淨軟雪糕的吃法, 蠻香而且甜而不膩。吃著吃著就發現裡面原來還加了一塊塊的Milo Chocolate Bar!! 太surprise了..! 口感頓時變豐富了!!Encore!!

1. 環境都OK，平時都唔駛等好耐位。2. 味道係正常麥當奴水準，依樣我對佢有信心。3. 呢間麥當奴服務真係印象中較差一間，當然唔係佢員工態度唔好，只係我得呢度買外賣早餐，緊係希望快啦。呢間員工做真係好慢好慢，前面個阿伯為搵毫子畀錢，竟然個counter度搵幾分鐘，收錢個阿嬸仲叫佢：「慢慢搵，唔駛急。」排緊隊個個「Ｏ」晒嘴。最後搞大一輪我終於走得，點知打開之後發現冇畀到薯餅我，唉！已經最少係第三次漏啦，印象中第二間麥當奴未試過。4. 非常抵食。5. 非常乾淨。時間：　７月２１日早餐（外賣）人數：　１大消費：　１８多元

試新出品, 芒果新地的“芒果醬”杰杰的，味道很假，只有甜味，一點果味都沒有，還以為在吃藥水呢。軟雪糕依舊美味，久不久吃一杯也不怕膩。要芒果的還是叫mango-dipped cone啦。

是晚又是外賣二人世界之夜。挽著兩袋外賣回家路上，黃生知我“窿野”，不吃過甜點心情總會差點什麼。便問我想買什麼回家....想了想...提出了意見卻被他ban了!! 其實是他自己想吃M記雪糕!! ha!一向不是我ice-cream選擇纇別之內，我順他意提意要個McFlurry吧！Cappucino McFlurry: 第一口已經覺得咖o非味極濃, 算是幾香~ 可能我們把它雪過，口感比原來結實，更冰，更冷，我比較喜歡。不算滑，可香濃奶味挽救了這點。越吃就覺得越甜....份量少我都oko既! 喜歡軟雪糕但不太接受Sundae的我也居然吃了大半杯! 見平平地, 下次還是試旋風筒...提子味!

受廣告影響，今晚唔食田園沙律，改食「麥樂雞餐：九件裝」（$26.3）。份量驚人的九件麥樂雞，炸得好差，唔脆唔熱。醬料選了「芥末醬」、「馬來沙爹醬」，沒啥特別。倒是「薯條」最正宗。汽水只是一杯普通Coke Light，講真果句，無飲管飲有冰塊的汽水，都幾唔方便！