麥文記麵家

營業中

休息中

昨日午飯帶了契媽吃麵，好耐無去，每次吃完都好幾個月先會再來，點了豬手撈麵一碟…四隻大豬手，加埋個麵吃完，即時滯了。回味無窮。炸醬撈麵一碟…少少辣，望落好少醬，吃完先知道夠吃。價錢貴，所以要想吃先會再來，如果可以再便宜些就好。

見openrice咁多人話豬手撈好食，去試一試！果然不錯，面夠爽口，豬手夠肥夠入味！豬皮好彈口，根又夠膠，仲有少少瘦肉....嘩！一碟成四大舊！食完好滿足，充滿罪惡感！

某星期六下午, 與朱老闆突然麵癮發作, 人在佐敦不作他想--麥文記是也!是日就點了雲吞麵及豬手撈麵,雲吞一淡一口, 鮮蝦亦爽口, 屬坊間上等貨色!南乳豬手, 一碟麵四大大舊豬手, 相當有看頭, 南乳香氣滿溢, 豬手炆得十分入味而且相當淋身. 屬上佳貨色! 誠心推介! 連同席之朱老闆亦讚不住口, 更分享了一半豬手!湯底有淡淡蝦咸鮮味, 應該用上蝦殼餚湯之用! 至於麵底屬普通貨色, 鹼水味略重, 要加多一點醋才可!

這次去麥文記食的雲吞麵, 水準很高, 會是香港其中最好的一間.雲吞皮簿, 蝦是用海蝦, 味很鮮很濃. 亦很香麻油味, 收畫龍點睛之效.湯底很清, 沒加味精. 亦不似一般的雲吞麵的湯底, 很搶喉.唯一失色是麵, 較為平板, 但亦是上佳之作.

18/10/2008兩點令個時出面已經有人排隊喇好快就有位坐我地叫左雲吞河同埋豬手麵仲有碟芥蘭雲吞河食落又真係不過不失味道及不上麥奀不過計size既話呢間叫做正常d我覺得呢間唔係雲吞最好食反而係佢既豬手唔會食到南乳既怪味又唔韌又唔會腍芝芝一d都唔肥d皮仲好彈牙tim

<白天>九月中旬某天的下午, 光顧過麥文記這家大師級的雲吞麵家一次, 食的當然是招牌雲吞麵了, 然後再到隔鄰的澳洲牛奶公司食凍茶加鮮油多, 發現有食客原來都是麥文記食, 然後過來飲野, 兩店能並存那麼久, 看來並無惡性競爭之餘, 反而互惠互利呢!講番主角, 雲吞麵的SIZE, 相信就係老一輩所講的「細蓉」, 細細碗, 廿四蚊, 係唔飽的(如果唔係點解仲要食鮮油多喎), 但雲吞不算細粒, 蝦肉亦足, 咬落竟然有好強的麻油味, 對於一個不太喜歡雲吞麵的人來說, 也是很有吸引力。更難得的, 是麵爽兼冇梘水味, 所以爆棚都係好合理的事。<晚上>昨晚, 因事要到佐敦, 反正有點餓, 又去了麥文記。阿姐落了單後十分鐘, 我的雲吞麵仍然不見影踪, 但見又是爆棚, 等啦! 點知等到, 一咬雲吞, 咦, 冇晒麻油味嘅? 一挾住麵, 咦, 點解有淡淡的梘水味嘅?簡直係雙重打擊, 可怕過金融海嘯。最後, 連去隔離飲奶茶的興致都冇晒(都話佢地唇寒齒架啦), 並且決定, 只會揀日頭去麥文記!

出開o黎佐敦, 想食o野但又唔想去澳洲牛奶公司受侍應o的氣so... 於L小隊o既隊員介紹下, o黎o左試依間麥文記叫o左招牌雲吞麵 ($24)見到得一個飯碗咁大o既碗... 難怪OP o既人話... ..."一早都知麥文記係貴價麵店, 話貴全因為份量太細, 一碗麵就算係女仔都會食唔飽"不過... 一碗都有4粒雲吞, 係o的麵少o的je~而且粒粒雲吞都成隻spoon咁大隻, 入面仲要有成隻蝦o向入面係每粒雲吞入面都有原隻蝦... 難怪咬落粒粒都咁爽!!!!我係餓住去食依碗麵的...~1400先開始食... 直至到17xx返到屋企先覺得肚餓...如果係驚唔夠飽... 可以+$10... 叫大"拥"... 多個麵底+2粒雲吞整體我係滿意的!! 而且侍應叔叔好好態度我見對面台小姐碗麵好耐未o黎佢會自動跟進, 唔洗等客吹先去睇!!絕對值得一讚!!

一早都知麥文記係貴價麵店, 話貴全因為份量太細, 一碗麵就算係女仔都會食唔飽.之但係佢既雲吞就真係幾好食嫁.反而個麵同d湯就好行.油菜d菜都好靚, 係唔順氣加1蚊既蠔油都係細碟到你唔信.根本就唔夠我點哂碟菜.唔值law

都聽說這裡的雲吞麵出名，是日食量不大，正好來一試。我倆點了雲吞河和水餃麵，各$24。水餃麵︰水餃蠻爽口的，因為水餃內有雲耳嘛。麵我覺得有點硬，而且很幼，我不太吃得慣呢。雲吞河︰等了又等才到，想必是漏單了。河粉是完全無味，而且是碎碎的，都是我不好，人家是麵出名的但我偏偏選河粉，是自討苦吃。雲吞就不錯，主要是用蝦做成，蝦肉爽口彈牙。坐得很擠逼，服務也是普通，我也不覺得特別好吃。

在九龍區，一想到吃麥氏系麵品，首選自然落到麥文記。七時許，人多得不得了，趕著吃個南乳豬手撈替待會「漿糊翅」打定底。飯市，台前幕後忙得不可開交，見慣大場面的老伙計正忙著「分流」工作，亦不忙跟熟客閒聊幾句，對偶這生客亦一面笑容。等了等，四塊連蹄的南乳豬手放在粗身竹昇麵上，這裡的麵與旺角麵家是近親，配搭起平民豬手感覺比作幼細蝦籽撈風味來得粗豪有個性。豬手厚肉南乳味入骨，稠餬的南乳汁拌起爽韌鹼水蛋麵吃，濃郁南乳香將微量鹼味剔除，比較起坊間水汪汪南乳汁，這裡做功很認真，偶爾路過也會買件外賣回家細嚐。豬手夾起很「贅手」，味道多年不變，皮豐腴而肉入口不著渣，炆得很好，喜歡吃豬手的朋友可以買個淨豬手外賣，不錯的。喝埋碗鹹鮮的大地魚湯解膩，大滿足，待會宴席可以打蓋睡了。

去食晚飯,叫左碗雲吞麵碗野黎到,真係呆哂啦, 得個飯碗咁細, 隻碗真係連一個正常公仔麵都放唔落雲吞...係就係幾好食,但唔覺好特別. 北角好麵膳12蚊碗雲吞麵唔會輸比佢囉d麵....好硬! 完全唔覺得爽口彈牙, 只係覺得 好似未煮熟咁......咁就無左24蚊!食完唔夠飽, 仲要去食餅雞旦仔頂肚, 陰公!

昨天經過佐敦,有點肚餓,便到這店吃淨鮮蝦雲吞.一碗有八粒,全隻雲吞都是鮮蝦,喜歡吃蝦的我覺得好好味,雖然一碗要24元,但實在值得.一定會經常來食,也會推介給朋友食.

一入去有卡位,我就第一次嚟食,老公已經食過喇 牛腩撈$34 牛腩好"林",好有肉味,牛根好滑,麵帶爽口炸醬撈$24 我真係要係lee度反映一下,首先,味道ok,一見到就O哂咀,竟然係咁細細細...................碗,大過隔離既蠔油碟少少啦,自問"不"大食既男或女,都要叫多一兩碗先至會飽肚淨雲吞$24 蝦真係好彈牙,有7粒,d湯好濃好夠味九菜花$12 九菜花好脆口好爽,蠔油都好味可樂一支$8雖然食物都有吸引人之處,但係咁既SIZE收咁既價錢,真係有點卻步.............

晚飯時間人在佐敦, 雖然見澳牛竟然有位, 之不過見到隔籬有麥文記, 忽然想吃碗細蓉, 便決定今晚食雲吞麵做晚餐! 一坐低即刻叫碗雲吞麵 ($24), 眼見店內有九成滿都知要等, 但等到我之後來的都有得食, 而我還要呆等, 我就好唔順氣! 仲要係我催咗兩個阿姐三四次, 等了我接近 15 分鐘碗麵先至來, 真係有冇搞錯! 不過碗麵都算 OK, 蛋麵爽口彈性特強, 不太覺有鹼水味。雲吞是放在麵下的, 是傳統的做法, 不過沒有留意有沒有用匙羹墊著。雲吞共 4 粒, 舊式雲吞是小小的, 有散尾（但好像沒我以前在麥奀吃的長），餡料不大吃得出有豬肉, 是以蝦佔多數的; 蝦肉新鮮味爽, 而看著一盤盤新鮮生雲吞從後欄拿出來更是新鮮保證（衛生另計）。當然這裡的比起對面十餘元一碗的雲吞成雲吞麵是貴了一倍，不過這兒長期爆滿人氣旺盛，我應該沒有來錯地方，不少自由人跟著旅遊書來吃呢。後加一碟芥蘭走油 ($11)（要蠔油的是 $12），這次有個阿姐見我等得耐就即刻拿來給我了。芥蘭是粗壯的可以，所以吃下去也有點硬和韌，只好跟自己說會吃多些纖維喇。

麥文記麵我差唔多一星期 嚟呢間野食1次 但係我就第一次寫呢間野食評 我很喜歡食這裡蝦子撈麵.麵不單夠彈牙蝦子滿碟都是水準不錯呢.....食過番尋味