麥奀記 (忠記) 麵家

營業中

休息中

放工時間行過中環,見到呢間店門口貼左好多名星合照，就走左入去試。雖然可叫細/大碗，但兩者價錢都唔平。因為唔系好肚餓，所以叫左碗細，唔洗等好耐，落左單好快就有。雲吞好足料，美中不足系份量真系有d細，如果for下午茶就夠，正餐既話真系要叫大碗先夠飽。

聽講咧間雲吞出名，牛腩都唔錯。1點前到左，即刻有卡位坐阿姨服務好好，熱情有禮貌。叫左牛腩雲吞麵，餐牌仲有牛筋可以揀，我話好糾結，阿姨聽到就話比「三拼」我。牛腩牛筋各一半上到黎肉既份量唔少，雲吞係底，有四粒。每粒都有蝦仁味道唔錯。不過我D牛筋好碎，基本上無一塊完整既筋 朋友就有一大舊而且唔韌無咬口，失望。牛腩都唔錯既，但唔算出色。麵既份量都唔少，女仔食足夠，男仔我諗要加20蚊加底啦。油菜（菜心）新鮮唔老，算係咁。So far so good啦。隔離有D價錢差唔多/平少少既餐廳，應該唔會再幫襯。

好朋友陪我上完瑜伽，帶我食少少野，佢非常鍾意食這間雲吞麵，推介雲吞。她叫了雲吞撈麵，我叫咗雲吞粗面。雲吞足料，實在蝦肉出乎意料的彈牙爽口。我喜歡粗麵，因為愛它chewy 的口感，而且沒有鹼水味，軟硬適中。唯獨我覺得我的湯比較油膩而已。老字號，屹立咁多年，總有佢原因。大家有機會都可以一試。店舖位於橫街內，門口仲有一些小販排檔遮住，要小心找。

我覺得係好味的雲吞麵。麵不太硬，湯清有味，雲呑蝦爽鮮、皮滑不散、大小適中，而我是點了全蝦的。全走介蘭亦正，新鮮有質素，且無鹼水味。唯一可以話我不太喜歡的，係湯內有太多的油。如果可以走油就無得頂。（純粹因個人不喜歡油的食物，其他人可能覺得恰到好處）店舖是舊式經營，無誇張門面，也沒有什麼裝修。卡位多，坐得舒服的。保持水準，與幾年前第一次來，同樣好味。不過，一麵（大雲吞趟）一菜就$87了，始終都係中環。

前幾日經過上環永吉街附近見肚餓就試下，間鋪都係普通舊粉麵店咁既格局，環境一般有d細，坐底後冇招呼，水欠奉，算了睇餐牌，既然間鋪係主打雲吞就要試下，如果主打果樣都唔得咁唔洗試其他，於是就叫左細雲吞麵，d麵黎到見到係有少少O咀既，因為冇諗過只係得一個細飯碗，恕我見識少食咁多次粉麵都未見過咁細碗，唔知最近d麵價係咪好貴所以唔捨得落咁多，味道方面都係一般唔算好有水準，d麵只係一兩啖就食完，同一價錢下有大把比佢優勝既選擇，可能佢只係sell所謂既老字號，唔會再試。

麥奀記 忠記今次來到上環既麥奀記食牛腩麵。麥奀記有好多間，但係唔係間間都好食。江湖傳聞呢間係最老字號，其他都係那間舖頭老細既親戚。呢個世界就係咁，正所謂窮人鬧市無人問，富人深山有遠親。你做得好既，搵到錢既，咪有人認親認戚 lor。講返碟牛腩麵，我鍾意面身夠硬，所以食粗麵。加上唔鍾意 d 麵浸住，就叫撈麵。旁邊呢碗係大地魚湯，點解食撈麵要俾碗湯你呢，就係怕你 dry 過頭，濕一濕 d 麵，容易 d 入口。佢 d 大地魚湯真係好香，你好少可以係外面食到呢個味道。真材實料係無得呃。呢間野 d 牛腩非常淋，如果你有機會食到 d 筋呢，你會覺得好似化左咁，個人覺得非常好食。麵本身已經有少少腩汁跟，個人喜好鍾意落多一兩匙潮州辣椒醬，非常野味。

在上環上班其中一個好處是可以吃到香港地道、有歷史的餐廳，而麥奀記（忠記）雲吞麵就是我香港必食美食名單的其中一間。餐廳環境狹窄，不多座位，如果人多時，可能要跟別人「搭桌」。如果不是疫情，當然就可以了，但在疫情下仍然跟別人無距離吃飯，真是令我一邊吃一邊心情忐忑不安。所以如我是獨自一人，我一定不會再來光顧。牛腩雲吞撈麵$79⭐️⭐️⭐️⭐️麵跟雲吞是正確的擺法，將雲吞放底，麵在其上，旁邊就是牛腩和牛筋，再配送一碗大地魚湯。湯底有濃郁的大地魚味，但胡椒粒過多而蓋過其鮮味，而韮黃有炭烤的味道，不過喝完有口渴感，所以都沒有加湯。麵條值得稱讚是沒有鹼水味，但太過於乾身，吃起來是一團麵餅，而且沒有味道，當時麵底是最難吃，所以我即刻放入湯浸濕。雲吞一口大小，包完整鮮蝦，只有一成豬肉，皮薄而有鮮味，但其中一粒已經散開，不完整。最驚喜是牛腩牛筋，顏色深，顯示醃製得非常入味，而且肉質非常軟霖，牛筋甚至不用咀嚼就可以滑入喉嚨，非常好吃。這一餐我最滿意的就是牛腩。

有兩間麥奀記雲吞麵，大家都說是正宗的。兩間我都有試，但我實多喜歡麥奀記(忠記)為唯一的正宗。我叫了一碗大的雲吞麵，雲吞不是大大粒那些，而是細細粒，一口一粒那些。麵質非常好彈牙，湯底非常好味，我食完一定會飲晒些湯。我朋友便叫了一碗細雲吞粉，再加一碟菜。這餐要$127,唔平，但實在太好味，香港一定要留住這間雲吞麵舖。些侍應好有善，也有禮，多謝前，多謝後，比起別一家的不同，因頗寸，食完便要你走。我覺得食物和有人情味這家才是正宗的雲吞麵店，一定要食，非常好味！

因為要去附近睇中醫，所以近排成日食。我本身好鐘意麥文記。但呢間嘅湯底有好濃嘅大地魚味，好正！我本身細食，一個細䈶啱啱好。D麵係面所以彈牙唔會淋。雲吞爽口鮮味，仲有必要嘅九黃（唔係一般嘅蔥）！正呀！！！😋

「一個人食lunch系列」下雨天，永吉街的露天商店都沒有開門了冬天，今天下很大雨中午一點鐘來到，客人不多，幾位而已進店一邊是茶記的四人卡位另一邊是大細圓枱，可坐六人的單拼面食可選大細碗價錢大概相差$20細的是正常屋企的飯碗大就是面店的大細了枱上有雜誌介紹牛腩是由秘製的柱候醬煮成的當中有用到果皮牛筋雲吞河粉 $69我比較貪心一點要了個雙併牛筋，軟滑！雲吞有4粒皮少蝦肉多蝦大隻，爽彈與平常食的大不同美味！

食物出品的確唔錯，同佐敦既麥文有得比，只係老婆話鹹左少少，我覺得用“重味”會合適d。員工非常細心，我同老婆去食，落完單，老婆去洗手間，好快就上左一碗麵，我覺得出奇，點解唔兩碗一齊上，原來呀姐見我老婆未出嚟所以唔落湯入碗麵，怕影響麵質，所以等佢坐返埋位先再上！ 但老闆係門口食煙吹返入去真係要主意一下！

系韓國搵到香港既嘢食真係係我地尼啲系韓國留學既學生既一大安慰，味道真係好正！但係個價錢就有啲小貴對於留學生黎講有啲負擔，如果平翻少少，真係想日日食因為系韓國真係好少香港菜，仲要好味既。希望可以推出學生優惠啦Ps.因為韓國嘅鋪頭冇地方俾我哋留言，所以就喺香港嘅鋪頭留言！

沒有太大期望，所以未致於失望。雲吞咬落係爽的，因為裡面全部係大大隻🦐麵亦好爽，但總覺得欠缺d甚麼。炸醬麵中規中矩。但有d嘢一定要讃，e度嘅服務態度非常好，喺其他同類店舖中難有對手👍🏻

一碗大容雲吞麵要$60，麵係可以食，湯夠熱只是偏鹹，不要期望應有雲吞麵湯底味，至於雲吞，可以放口食如果你可接受鹹到苦口的味道。 扺唔扺食？在以上情況你都食光，是抵的。我食光麵，$30算吧，因食午餐也人少少而冷氣十足。

又係一個落雨既晚上，傍晚時份經過中環肚餓都會諗起呢個忠記既雲吞麵。平時食開佢地既麵都彈牙，而且冇乜鹼水味，應該煮麵個陣有過過冷河的，口感不錯。但今次淨叫左碗雲吞水餃，沒有麵。一開始緊係飲左湯先，湯味好濃，味道都幾重，少少咸同有胡椒味，感覺有點味精的味道，但大致上是ok的。雲吞皮很薄，入面的餡料只有一隻原隻的蝦，蝦既size中等，新鮮爽口，而且鮮甜，幾好味。水餃都係有蝦作為餡料，但入面仲有豬肉同菜，蝦同樣彈牙新鮮，幾好味。店面不大，但環境都ok，唔會話好迫，雖然價錢算比較貴左少少，份量都不大，但以雲吞麵黎講，佢味道算係好唔錯。