麥奀記 (忠記) 麵家

營業中

休息中

唔好中計呀! again比班自命食家嘅友仔吹到曉飛咁，好似唔食唔得咁！湯係甜，不過唔該食過真係好嘅先比comment 啦。。。搞到人專登揾佢。。。不過冇choice之下還可以去食半碗嘅。。。麥奀雲吞麵世家食到尾Ｄ麵仲彈牙，呢間到一半就淋咗,佢Ｄ湯係鮮甜，不過Ｄ雲吞就差Ｄ啦。。。平過麥奀雲吞麵世家$4lor。。。but香港區都係銅鑼灣麥奀Ｄ雲吞麵最正!

沒有豬肉的雲吞怎能稱為雲吞!!就等於熱狗不用香腸改用午餐肉又怎算是熱狗!!!沒有豬肉的雲吞稱為鮮蝦麵才對。本人絕不欣賞沒有瘦肉的鮮蝦麵食，10元一碗也沒興趣。

下午沒吃午飯, 黃昏時段路過, 原本想去沾仔記, 見沾仔記幾滿, 又見對面麥奀記無乜人, 便入去一試.最平的雲吞麵都要二十五元!麵和其他鋪頭不同, 沒有太多鹹水味, 吃上去有少少油香味, 好明顯加了豬油入麵粉, 比一般出色.湯, 沒有鹹水味, 是清湯, 亦沒有嘗出味精.雲吞四粒, 只有原隻大蝦, 沒有豬肉, 比較細隻. 個人認為, 雖然大大隻雲吞未必好, 但沒有豬肉的'皮包蝦'實在算不上雲吞, 即使大名氣都係咁講.二十五元, 細細碗麵, 味道可以, 雖不至於名過於實, 但絕不抵食.

我覺得呢碗雲吞面係我食過o既最好味的一間！本身好憎有肉的雲吞，食完會作嘔……呢間竟然無肉，得鮮蝦，正！雖然好細粒，但真係好好好好食！d面又爽又彈，湯底都幾正！食完好滿足，21蚊係抵的！推薦，5個正！

我最鍾意坐近收銀的卡位看師傅淥麵, 從師傅的專注眼神, 認真態度及繁復的步驟, 令人覺得原來煮面可以好專業. 就以我曾嘗過的麵店, 包括所有得到2001美食之最大賞的麵店或同屬”麥奀記”的分店中, 此店(永吉街忠記)的雲吞麵暫時應是最合我心意. 香, 爽, 鮮! 物有所值.

12月3日14:30到機利文新街買茶，便到這裡來碗雲吞麵。可能時段關係，客人不算多。雲吞：全蝦中粒雲吞，無豬肉，蝦大大隻，有鮮味。麵：銀絲幼麵，有極淡的鹼水味。湯底：灑上黃，入口鮮美，可惜吃完麵後，不到五分鐘極口渴>m<以這價位得到的質量，有點兒失望。

尋日12點多少少去左試，d雲吞麵真係好正。話細碗，但係無想像中咁細啦，都ok既。未食到雲吞，先試d面，超正。無鹼水味，又爽，好似細細個食大排檔果d面咁。d雲吞又真係好，細細粒，好爽。有d人吹到佢好好食，我都認同真係好食，不過其實係家陣其他舖d雲吞麵真係越黎越唔得喇，比較之下，先有咁既效果喇。

聽閒阿姨話幾好食，於是食晏便走入去試下~一入去當然叫了個雲吞麵啦! 個湯底真係幾好味，D麵幾爽，D雲吞幾好味，D蝦應沒有漂過(但不幸地有兩粒雲吞D蝦發霉)，好蝦同肉的份量配合得好巧當，我也叫了兩碗吃，其實不是我大食而是實在太細碗了，一碗只有兩口麵，真是少到你不敢相信，要有心理準備D野食不會大得去邊~

四點鐘，約左朋友要睇些文件，午飯吃得不多，正好吃點東西，一諗就諗到食碗麵，在中環就當然非麥奀莫屬。去威靈頓街麥奀太揚，退而求其次，就來永吉街呢間。叫了碗牛筋麵，下午茶不用吃太多，來碗小的可以了。柱候牛筋炆得腍，黑漆漆杰杰的好入味，仍然有水準，汁底還有陳皮，當然香好多。麵即叫即淥，爽口彈牙，又無鹼水味，亦係示範作。比起十蚊﹝定係十一蚊？﹞兜的沾仔當然好過，連價錢相若的黃枝記亦技術擊倒，後者麵是淥定的，邊有得揮？朋友見我食得開心滿意，睇睇下野都忍唔住叫碗雲吞麵來吃，都話無介紹錯。埋單43蚊，係唔平，但有水準的麵食，唔係痞大排檔的話，都要番咁上下價錢。要平，街頭巷尾都有權記或雲吞成之類的，但當然唔係這回事。

1. 雲吞: 皮薄，餡料基本上全是蝦，蝦爽口，不錯!2. 水餃: 比雲吞大粒，餡料以蝦、粗冬菇絲和豬肉，美味非常。整體上，食物不錯，但略貴，凈芥蘭$16，凈雲吞水餃$28(各4粒)。

過晒食晏時間至係中環拾下拾下定醫肚。眼尾射到某小巷內有麥X記字樣，此乃雲吞麵之品質保証，不過明明記得係威靈頓街架?一餐半餐，話之你正牌冒牌啦!雲吞麵有大小超任揀，有大食大囉!麵是半透明橡筋狀，合眼緣，咬落索索聲，晒!湯亦對口，雲吞皮夠薄，餡料以大蝦切粒為主，夠彈牙!坊間麵店有的以整隻大蝦作秀，有的以整隻細蝦取其鮮甜，當然以大蝦彈牙，衹是各施各法。但俺還是喜歡細蝦夾肥豬肉。整体印象仍以威靈頓街麥X記較佳，唔想跩斜路，亦可到此!不過雲吞麵仍以細碗較合適，因為食到後尾，大碗的麵會浸淋左D。

原本想去九記,點知星期日不開門,四圍行去左Lee 度.叫左雲吞麵及牛根牛腩麵.D麵幼細,彈牙,好爽,好好食.云吞細細粒,6粒,蝦多肉少.牛根幾"林",牛腩非常一般,可以不理.連d湯都好好味,幾乎飲完. 但大碗成$31,價錢偏貴!

我次次黎呢度, 只食一大碗雲吞麵.其他野偏貴, 牛筋冇乜特別, 不如幫襯第二度.雲吞麵就真係鮮味無比,抵佢賣貴D! 非常同意淨係湯都拋離其他鋪頭遠一遠! 不過我阿媽食開大粒雲吞, 就嫌佢細粒同貴.

我食過幾次真係超正,d水餃和雲吞簡直回味無窮呀!連d湯都好味過人成條街~其他他雲吞店無嘢好講啦!雖然係貴咗dd一碗面成23元仲係食幾啖就無晒嗰隻,但係我寧願佢收貴d keep住d水準好過難食無晒d客喎~服~加埋杯嘢飲就唔抵啦!最好唔好係佢到買飲品啦!

It is already added in the database long time ago.http://www.openrice.com/big5/sr2.htm?shopid=9678