麗都讌客 (已結業)

七月是身邊很多朋友的生日月份,意味這個月將有很多的生日飯局/酒局要出席!打頭陣的是六月尾橫跨到七月一日的賀宴,地點設在荃灣荃新天地二期的麗都讌客!此前有朋友一早致電與酒家共商菜單款式,主要根據每人攜帶之酒度身訂製十人份量菜式!是日晚上七時半左右,主角與朋友們都到齊了,是時候上菜了!第一道菜鴻運乳豬全體;豬皮香脆,中間的油脂份量適中,底下的肉質也夠爽滑不起渣,每吃一口都差不多被煙燻味包圍著豬肉與豬油的香味,互相提升!配上酸度稍高的紅酒,更是越吃越滋味!這道蒜茸粉絲蒸扇貝,食材很新鮮,帶著鮮甜味;蒜茸與粉絲的融和度頗高,加上扇貝的汁液都被粉絲吸收了,有著蒜香與海洋精華的味道;所以個人認為粉絲才是此道菜的主角!至於這道青芥末脆蝦球,據酒樓經理介紹是其廚師自創菜式,那真要細心品嚐一下!面上的青芥末醬不知經甚麼工序處理過,沒有了那種刺激感,但保留著清香味;脆蝦球似乎是將炸天婦羅的方法中式化,脆皮似用麵粉做成,也算是炸得薄而脆,而裡面的蝦肉保持到爽口彈牙,整體來說真是不俗!加上喝著香檳配此脆蝦球,酒中的果味與酸度令蝦肉更顯鮮甜!而這個薑葱鯇魚腩也算做得細心;將其炸至裡面較為幼身的魚骨也夠鬆脆,配著

終於做晒功課 可以鬆一口氣了立即做個孝女同媽媽飲個茶先叫個好耐無食嘅燒鴨米線先 又有脾位🖖🏼媽媽至愛炸兩 粉皮滑滑的 不過偏厚油炸鬼脆脆的 加埋甜麻醬 夾左！炸豆腐 熱辣辣豆味濃 推介重有鍋貼同糕點 都好食嘅最後叫左中伏嘅芝麻糊 難食到一個點完全無芝麻味 得個樣 廚師加左個《憲》食落勁奇怪 一個字 勁差！

今晚6個大人, 2個1歲左右大的BB食晚飯, 原本想慶祝母親節, 點知係“慶”😡對於2個剛滿1歲既BB, 職員朱先生(黑衫)堅持收1位茶錢, 茶錢事少, 在拍下此相片作記錄之時, 卻換來這位職員一句粗口...(哂X氣)實在不明白職員朱先生說是公司規矩, 2個bb當1位菜錢計算, 是出於咩理由 (搭車未滿3歲都是免費的吧？)最後值得一讚係今晚在場最高級主管梁先生(黑衫)聽到投訴後, 已同意作出調查此事, 並同意一星期內回覆調查結果, 梁主管實在專業👍

係楊屋道打完波後 勁肚餓 一齊走去city walk搵食朋友話要食中菜 第一時間諗到麗都可能重係新年期間 都幾多人黎食飯喎西蘭花炒斑塊 青綠色嘅西蘭花入口爽脆斑塊肉質軟林 略嫌凍左有啲腥⋯ 咖哩炆牛腩 咖哩中帶有香濃嘅椰汁味醬汁唔算太杰 入口甜中帶辣 送飯一流牛腩同牛筋炆得非常入味 牛腩肉質軟林牛筋有嚼咀 兩者入口都好香牛味唯獨薯仔應該係後加嘅 爽甜而不夠入味⋯薑䓤爆魚雲 魚雲走油後再炸 炸得非常脆身連骨都炸到似薯片咁脆 但魚肉依然嫩滑師父工夫了得！食到尾都唔覺鍋底有太多油👍🏼 麻辣啫啫排骨煲 裡面有洋蔥 雲耳 豬肝 蓮藕 同排骨 預先用南乳炸過嘅排骨再加入麻辣鍋中食起黎有南乳嘅味道同香脆之外 入口亦唔覺肥洋蔥 蓮藕同雲耳吸收晒麻辣嘅味道 入口爽脆之餘舌頭重傳來陣陣嘅麻辣感😋😋😋

星期天又要做回孝順女 跟媽媽到荃新天地的讌客吃下午茶 點了她最愛的炸兩 又軟又滑的粉皮包著香脆的油炸鬼 的確吸引四色點心併盤 荳苗餃同蝦蛟 外層表皮薄得晶凝通透 餡料十足香煎窩貼係我最愛 又薄又脆的表皮 包著十足的粟米豬肉生菜等餡料還有 墨西哥叉燒包 雖然表面甜甜的皮比想像中少 不過內裡熱烘烘的叉燒 的確加分不少不得不提 今天由下單到上點心的速度都超級快 感覺食品非常新鮮 其實孝順可以好簡單✌🏼️

食過一次普通打邊爐見到上一次的食評仲係自己哈哈哈今次唯獨唔同係食左個雞煲4個人去 送半隻雞煲又唔洗加錢 即刻去試試啦點知真係好surprise 隻雞真係好好食 特別個醬少少辣岩岩好 d雞一d都唔'鞋'又滑又好食 用埋d醬落湯打邊爐真係好好食比上一次第一次食的仲抵仲正不過肥牛真你超級肥但係都叫好多

因為要存錢關係同埋一班搵平野食的同學打左個又平又抵又好味的邊爐老實講，今時今日仲見到$98全包包加一任食地點仲要係大商場入邊 實在少至又少所以如果以呢個價錢 首先唔好抱太大期望本身都知道會係普通的打邊爐但係點知去到比想像的好除左tick紙仔仲可以自己出左出邊拎菜等配料重點重點係可以自己混醬唔會得豉油咁悶有沙嗲，豆瓣。。。真係比想像的好食當然其他配料都係咁上下唯一有兩樣好鍾意哈哈哈第一一定係男仔最愛的肥牛講到明肥牛 真係好肥 不過唔緊要 有埋個沙嗲醬好食好多另外係墨魚丸好彈牙 又爽其實好多配料都好新鮮又有雪糕同啤酒等飲品呢個價有呢個服務真心俾個Like了！

星期天的下午，一個共聚天倫樂的時間。我和家人來到了麗都𣄃下的總統酒樓飲茶。炒米粉餡少，十分乾口。鮑汁雞腳雖然並非鮑汁，但滷水汁也很香濃，雞腳亦淋口入味，不錯。菜肉雲呑皮厚，餡不多，用上普通雞湯作湯底手拉米皇腸皮很黏滑，入口煙un，配上麻醬和甜醬十分好吃。牛肉腸粉和手拉的腸粉用了相同的皮，可惜皮厚餡卻少，只吃了粉團味。糯米雞飯散，餡料不新鮮，一吃便知道是放了好一段日子的貨色。沒有試過潮洲粉果，但家人讚得新鮮。但這個價錢能吃到這個份量，算是相當實惠的選擇。

還記得二月尾，在屯門卓爾居的麗都總廚忽然結業了。不過我都是從員工被公司拖欠人工的報導才知道此酒樓已結業。明明在酒樓結業前的一星期我都有去過飲早茶，那時候都不覺得有任何結業的先兆呢。雖然麗都總廚的食物不是好吃又不是太差啦，基本上都可以，最緊要夠平嘛，現在公司附近又少了一個可以飲平茶的地方。不過其他分店仍在，今天在看戲前就去了麗都總廚的"姐妹店"(相信是吧?)：麗都讌客。荃新2期的一樓連帶有三間酒樓(麗都總廚﹑麗都讌客及潮樓)，有好幾次在周日十點左右前來，看到三間酒樓都不需要等位，所以如果想飲茶不等位就過去2期找找看吧。周日的優惠時段是九點半離座計，不過我們入到去都已經十點了，而午市價錢並不會太狼，其實麗都集團的點心價錢比其他大集團來說是平很多的呢。點心﹑粉麵飯﹑小食﹑燒味等等，食物款式眾多，我們共點了五款點心，都可吃到飽飽了。豆沙煎堆仔$11.80，煎堆外層沾滿黑白芝麻，攤了最後才吃但都沒有影響其口感，煎堆仍帶點脆，入面的紅豆餡仍是暖暖的，份量很多，最緊要不太甜，作為餐後甜品都不錯。煎窩貼的模樣並不是元寶/彎月型，竟然是扁平的。皮子煎得不夠香脆，不過餡料味道很討好，有椰菜和豬肉，以椰菜的

今晚原本想打邊爐，不過最後去左這間食晚飯。一坐低，侍應招呼都幾好，今晚有特價$58冬瓜盅，我以為係細細個的，點知係好大個，夠4-6人食，賣相很好，味道清甜，冬瓜燉得好淋，裡面有蟹柳丶草菇丶蓮子丶豬肉粒丶燒鴨絲丶夜香花丶絲瓜粒，材料豐富，$58係超值！我另外點了蒜蓉蒸茄子，茄子清蒸可以食到本身的味道，有一點點蒜香，可口！燒味拼盤有叉燒丶油雞丶脆豆腐丶海帶，成碟最好食係脆豆腐，係熱同埋脆，唔係果啲一早炸定攤凍左果種，外皮脆裡面滑，點少許醋來食，非常美味！素鵝，賣相都幾好，但不及富臨，內裡有芋頭丶紅蘿蔔丶木耳丶芹菜丶冬菇粒，咬落好脆的腐皮，餡料豐富好食，而且唔覺好油，好好食！整體來講，我覺得好食，價錢合理。

朋友結婚原本係好開心嘅事，原本全日都懷住好心情，結果因為依件事令我失去笑容…當時係中午食飯休息嘅時段，新人安排眾人喺讌客進膳，亦被酒樓安排坐喺台邊嘅檯，突然喺進食期間，聽到台上鋼琴聲，原來有小朋友喺度玩，我心癮起，因為琴音唔算大聲，所以亦貪玩地走上去彈，玩咗一兩分鐘，女經理黑面走埋嚟趕走我，仲話我唔係細路，當我知衰起身一望，亦有一個職員黑面瞪著我，其實我知道我貪玩唔啱，但如果佢哋可以用溫和一點嘅語氣，我一定會向佢哋道歉，亦唔會放喺心上，但係此情此景，實在難以令人下台，酒樓作為服務業，應該有恰當嘅對應，好歹我都係一個客人。所以唔會有下次，因為我唔會再嚟。

親友回港相聚，是日安排晚飯在這店，飲茶來過幾次，晚飯就是第一次。菜單如下：上湯燴龍蝦、脆皮燒鵝皇、火龍果香檸冰梅骨、古法蒸黃、蟲草花木瓜燉烏雞、南瓜什菌燒豆腐及薑蔥干煸花膠筒。上述菜色，最好味的是上湯燴龍蝦，最貴又是這道菜，因為以海鮮時價計，每兩30元，不過非常鮮甜好味。其次是脆皮燒鵝皇，皮脆好味。其它菜色都屬OK。

久不久都會來這酒樓飲茶, 貪佢個商場星期日中午多數都有位泊車, 兼且呢度d點心都ok, 價錢又唔貴因為多左人幫襯, 呢度d檯都擺得幾逼,不過勝在唔需要搭檯, 食得都幾舒適, 侍應態度都幾好,人手就真係有d唔夠, 要叫幾次先有人加水, 無計la, 將貨就價, 要提一提, 呢度個環境都幾乾淨, 人多但又唔係好覺好嘈!真係唔滑, 只係齋腸粉, 蔥呀蝦米呀咩咩都無.....豉油又只係生抽個飽焗得好香, 上檯時仲熱, 叉燒好甜好味古法馬拉糕 - 夠甜, 夠鬆軟, 個賣相好似以前食果d馬拉糕, 夠深色, 不過唔知點解件糕上檯時會分左上下兩截腊味糯米飯 - 味淡, 少配料, 麻麻地煎蓮耦餅 - 煎得乾身, 係魚肉多, 唔係一"舊舊"粉, 蓮耦粒新鮮, 爽口, 味道又好, 讚!以同茶餐廳相同的價錢而食到一個午餐, 都幾抵食.....質素又可接受!

其實食物.服務都唔算差.只可以說入得口!要求高一些也會給一個喊..飽汁雞腳:味道只得死鹹.花生,勁多..幸好雞腳也入味.炒雜菜:有點亂來,不是炒.是灼熟的..上枱時只是否微暖,一般.雞飯:的雞也有肉味,無肥油.飯軟硬度適中,上枱時都是不夠熱..只是像平價飯盒的貸色..埋單110元...不便宜..但坐得舒服

成個過程我地食左2個鐘...我地基本上係度煲湯..狂叫加水都冇人應...侍應態度差劣..叫襯都黑口黑面...除左收錢埋單個一刻態度突然360度轉變講句 '不如我幫你地埋單啊~?'野食方面唯一幾款肉類 ..係似rubber band的肥牛..超多油魚皮餃...同埋貢丸條..同幾款所謂新鮮手打的丸...其他雞肉...羊肉...豬肉係叫左3次單都見唔到一塊...叫個waitress黎問到底可以叫乜...佢仲話'你總之叫啦..你叫咪有囉'...但叫3次都冇...好心冇野食一開頭咪講囉...不過一開頭話明冇生壕..冇鮮蝦雲吞都可以接受...但俾埋d咁的水準..咁少的選擇..唔怪得你越開越多間啦...不如你搞個素食火鍋算啦..再唔係整過張單...唔好扮多野食囉...9點入場都預左唔多野食..預你漏單...但冇預冇野食囉...唯一可以讚的係見到個湯底真係有豬骨...其他真係讚唔落手..講真..其他點心..小菜我唔知...但火鍋真係完全唔得...作為一間大集團..係得Citywalk開業...做到咁cheap...食物完全冇stock...waitress服務態度又差..你間'頂'級店鋪可唔可以考慮下