麗江雲南米線

營業中

休息中

好少黎天水圍 見行完山就搭架小巴去到天水圍食野🤣🙈雲南酸辣米線（小辣）$28 + 腩肉 $6 + 雞翼 $6+ 熱飲$3 （華田）（合共$43）佢既酸辣 唔算好辣 😌但一食個辣你屬於激進派 一食即辣個種 但唔會疊加辣既程度 啲酸係岩岩好。 🥰腩肉非常淋 😍好似食緊拉面個啲肩肉咁誇張 😂男朋友仲話食過咁多間米線既腩肉 呢間既腩肉係暫時最好食既🙈 所以個腩肉做得好出色！ 雞翼就覺得一般般 唔會太柴但又唔會有肉汁流出黎個隻🤣雲南麻辣米線（小辣）$28 + 腩肉 $6 + 豬肚 $6 （合共$40）腩肉同上一碗一樣水準🤣👍🏻 而佢既麻辣反而係一飲完第一下出既味道係咸味之後先有少少麻辣味 😗亦都唔算好辣🥰 都唔會好麻 覺得可以再麻啲👌🏼 豬肚食落去個下估佢唔到 平時食開都係淋的 佢係彈牙爽口既😨 個口感又唔錯喎😬麻辣豬耳$32成碟都覺得比較油 但佢又唔係落花椒油喎 因為唔麻 食完淨係覺得唔辣唔麻凍既 彈牙既豬耳！🤔總括，味道不錯 而且店員都非常熱情親切🥰

天水圍呢間米線舖自開業已經好多人，都唔知要排幾耐先可以入去坐低食到底十幾年來係點做到日日都咁多人風雨不改？！因為人太多，除左十年前食過一次之後就無再食過。事隔十年都已經唔記得個味道係點了，所以就決定買多次食！今日未夠十二點就黎到排隊買外賣，當時已經有少少等位/ 拎外賣了，真係十分誇張一打開個膠袋已經要讚一讚，就係個外賣碗係高質架BOR，唔似普通買外賣用埋D 發泡膠碗今日我叫既係酸辣米線小辣配秀珍菇走芽菜除左有秀珍菇仲有D腐竹同肉碎秀珍菇既份量都唔少因為叫既係少辣，所以係稱唔上辣的，湯既味道唔算好濃，食曬成碗麵都唔口渴有DD酸味，雖然佢既酸菜就唔係我鐘意食個款，但係都算好食米線既軟硬適中，係我喜愛既軟硬到，最緊要唔會浸到太軟食到斷下斷下雖然我上網睇過其他人講麻辣會好食D，可惜我就未試過，俾唔到評論其實十年前食既時候我都唔係好明白點解呢間舖頭咁多人排長龍，十年後再一試都係同當日抱住一樣既想法不過唔係唔好食的，只係每個人口味唔同，如果次次食都大排長龍我就會支持其他食店LU～

-由中學食到依家，都依然不減人氣條隊都仲要愈排愈長鍾意食辣既朋友一定要黎試下-口水雞係冷盤小食，雞肉好嫩滑，特製既辣醬好入味雞翼同酥肉都炸得夠酥脆豬肚絲食落都夠爽脆彈牙-一個月冇食，就會好掛住佢隻辣味🥰溫馨提示：可以先由小辣開始食起！P.S. 唯一可惜既係店面太細，有D逼

天水圍食得入口嘅餐廳不多，麗江雲南米線質素已算不錯。座位較擠迫，適合快食！今次選擇小窩米線小辣湯底，蘿蔔夠入味，配上炸魚片和豬潤都不錯。加埋杯凍檸茶，成為$51

唔記得已經有幾耐嘅習慣 - 習慣每星期都要去食一次麗江覺得要分享呢間我經常光顧嘅小店至少食咗10年嘅米線店，非連鎖，初初阿姐態度好串，而家知佢哋係真性情，不過佢哋真係唔休冇生意做。長期都好多人排隊，位於天水圍，係偏僻啲，但係街坊生意都做到咁耐，keep住客似雲來，就知佢真係好味尚記得有朋友生日，問佢正日想食咩，佢話「麗江」當食過越來越多米線，有時聽到人話南記/譚仔好食，我覺得比起麗江真係爭幾條街......有時比機會其他米線店，食完都覺得晒咗自己嘅quota🤭麗江認真製作，湯底濃郁，麻辣味製得非常正，尤其係「麻」，麻味突出，食到麻痺好爽！唔單止米線，小食都係比出面好食必食雞翼同蘿蔔雞翼係炸，炸得勁酥脆，肉嫩美味我細妹唔食蘿蔔，除咗麗江嘅，佢係一年四季唔係當造季節都揀啲冇絲嘅蘿蔔，好腍，入味仲要好抵食！咁多年加完價而家$50左右食到3餸米線+飲品👍🏻其實仲有間米線都係好top，不過冇位坐，只做外賣，又係喺天水圍，喺天瑞街市小食店其中一間，叫「小雲南」，係麗江嘅另一番風味，又係個湯汁製得好出色👍🏻

🍜腩肉雞翼紅腸中酸辣🍜天水圍嘅朋友一定食過呢間啦掛😌中學生涯成日食佢，有個情意結❤️就係佢打開左我邁向重口麻酸辣新世界嘅大門🤣食一次就上癮，仲記得中學嗰陣仲傳話唔知係咪有落藥😂佢隻酸辣味真係好正，好酸好惹味😛😛😛腩肉普普通通，但次次都忍唔住點佢😂佢個米線底多到好好好誇張，次次都食唔哂要share🙈.食物質素: 🌕🌕🌕🌕🌘食物顏值: 🌕🌕🌕🌕🌑性價比: 🌕🌕🌕🌕🌘回頭率: 🌕🌕🌕🌕🌘

我其實唔太鍾意食米線 如果雲x香我入都唔會入，不過麗江雲林米線係好味到我可以飲晒湯。間鋪環境比較窄，得幾個位，所以次次都要等10幾個～但係我覺得係值得等～我每次都會食 腐竹 雞翼尖 蘿蔔 雞翼～小麻辣～蘿蔔好清甜好淋 ， 雞翼尖都係好入味好淋～ 雞翼係另上的 煎雞翼👍🏻👍🏻👍🏻 個湯底一流 同雲x香/譚仔的唔同～ 試過一次後上左癮

由中學時期就食到大了！咁多年質素都冇變過。街邊很多酸辣米線，但說起天水圍，麗江必定是第一🤤🥰獨特調配的湯底不是只有辣，更是濃郁有層次，有肉碎腐竹等配料，麻辣酸辣一樣好味。食得辣嘅朋友建議食中辣以上，麻辣湯更是令人辣得上癮，試過返尋味。不過建議帶紙巾，以免滿頭大汗。麗江的蒜泥白肉同口水雞都一樣惹味，白肉不肥偏瘦，雞夠嫩滑，醬汁調配一流！不過麗江唯一缺點一定係人多，鋪頭十分擠迫，不過可以外賣解決。

天水圍捐窿捐罅都會搵到好嘢食， 新北江呢個商場臥虎藏龍， 今次搵到食米線嘅地方。第一次見呢間等位人小小，等一陣就入得， 鋪頭細細食客背脊貼背脊。我揀咗酸辣米線， 豬耳、豬紅、墨魚丸、加份酸菜， 怕太辣叫定凍檸檬茶。米線嚟到習慣飲啖湯底先，唔覺得太酸，辣度恰好，食到最尾辣度有小小流鼻水。米線配菜有芽菜、韭菜、腐皮， 腐皮比較有咬口唔係我鍾意嘅狀態。 豬耳入味份量多，外軟內爽脆。豬紅口感佳、墨魚丸味濃，質地唔算彈口。 酸菜另上份量頗多，味道咸味重於酸味，撈入麵就啱啱好。我想要多啲芫茜令碗米線香啲，承惠1蚊，一兜滿滿。 檸檬茶驚喜有水準。

Please be mentally prepared for the messy, chaotic, long waiting, and pedestrians elbow your chest during your wait. Your wait will be well-deserved. Of course, don’t expect you need not to share table.The numbing spicy chicken is really the state-of-the-art dish of this restaurant. I guess at this price, it offers you so much more. It is not overwhelming spicy, but like a disciplinary daddy, that is strict but merciful at the same time.

米線精出場，琴日早左起身，去新北江商場剪個靚髮，剪完都係十一點，d人都未起身，所以麗江裡面仲有位，平時見d人排隊排到阻塞道路架嘛，咁咪入去試下，嗌左碗小窩米線，送就有蘿蔔、豬耳、腩肉。整體尼講，個湯係好唔錯，因為食唔到有好勁味精，米線都煮得適中，唔會太軟或太硬，送方面就反而無咩特別，所以我覺得其他食評食得有點兒太過。。。間野就係好窄好窄，又好焗，店員服務態度極差，所以如果你係果種食埋氣氛果隻食客，我就唔推薦你去。

成個天水圍，最好食一定係麗江！由中學開始食，食到依家出左黎做野，定時定候都要去食，個湯底真係不得了，超級正，最中意就係食窩小麻辣，黎麗江一定要食辣！真係好好味！必食蘿蔔腩肉雞翼，最中意佢啲腩肉一啲都唔肥，又入味。不過麗江既小食，我又覺得一般，出面普通都食到，冇咩特別，所以通常都唔會叫小食食。同埋佢啲位真係超級迫，個鋪位真係太細啦，同埋長期都超級多人，試過晏就唔記得打去book, 等左成個鐘先有得入😣😣😣不過都值得既，因為真係好好食！

#新北江麗江雲南米線呢間雲南米線不得了‼️好多人山長水遠都走過黎食口水雞係必點 item雞肉嫩滑多汁，件件都沾滿特製既辣醬雞翼、肉燥同酥肉係即叫即炸，酥脆香口仲咸咸地甘米線既湯底辣得好出色係會令人上癮既味道💗腩肉同豬大腸滲曬d 辣汁，好好味😋--評分： 9.3 / 10

呢間超好食！又平又正，即炸雞翼$6/2隻，認真勁抵食🤩真係食過翻尋味🤫d蒜泥白肉勁好食，原本我自己就麻麻地鐘意有蒜嘅食物，有次我個frd喊咗碟嚟食，叫我試下，結果呢個又意外地好食😗簡直好食過譚仔呢間野！去天水圍一定要食！環境方面，鋪頭就偏細，好多時都要夾枱🤨但係唔會影響到d咩🤪服務方案，就同譚仔差唔多la，其實真係冇咩可以服務到你嘅😂缺點呢就冇咩，只係每次去都幾多人，咁就證明到佢真係幾好食la😂

呢間如果入天水圍既話就一定會食，腩肉，羅白，雞翼，酥肉，呢幾款都必叫，米線有口感，個湯底又好味，通常黎都係叫麻辣湯底，佢個湯底都偏辣，我叫小辣已覺得夠晒不過可能好多人好忙，老闆娘係惡死啲😂😂同埋好逼，如果帶小朋友既話就唔洗諗黎呢間食啦