麗江雲南米線

營業中

休息中

今日放學放得早，返到天水圍就同媽媽去食麗江呢間野每次去都成間鋪滿哂位，今次算係等得快，等左幾個號就入到大家黎呢到食最好唔好一大班，我諗唔會有位比到你咁多人，最易有位就係1-2個今次叫左碗麻辣米線，黎呢到為既係兩樣野，一 係佢既湯底，真係好正，係我食過咁多間米線排得上頭三，二 就係佢個雞翼！必食！個雞翼炸得岩岩好，兩隻都係加五蚊咋，真係一定要試但大家預左呢到服務唔會好好，咁多客人要招呼，個個都趕頭趕命，最好諗定食咩先入去，唔好浪費佢地時間，如果唔係會燥底

我叫左勁辣米線黎食。湯底紅度似色素食落麻味過重 辣味完全被遮蓋咸味也太重手所個湯的味道平均完全錯誤油份極高一啲都冇辣鍋的香味不推薦給喜歡吃辣的朋友。唯一好的是等位快 唔駛排太耐就食得

每星期一定要食一次 每次行去前都要拎定位 坐得迫但都係吸引好多人食小貼士:去前記得打去拎位先丫每次必點 雞翼 蘿蔔 小食豬肚絲 豬紅雞翼炸到好脆又有肉汁😋蘿蔔超甜又夠冧豬肚絲夠麻又夠辣豬紅好有口感，唔係間間米線舖豬紅都好食，但呢間真係推介！小食麻辣雞如果夜食既話要訂定先，有時放工番到去8點已經賣哂lu，麻辣雞食完番尋味👍🏻湯底有酸辣麻辣清湯都好正第一次食唔好太辣丫

愛吃麻辣的我。不能錯過的米線出色的麻辣湯底-大中小辣小辣已經覺得好麻餸有好多款揀，但係自己偏愛肥腸肥腸食落一啲都唔腥，好正雞翼似係炸嘅，但係又唔會落左太多炸粉，仲要係即叫即炸，食落仲熱辣辣酥肉淨係平日先有賣，炸到博博趣麻辣豬肚絲

成日見好多人排隊就朝早試下30蚊蒜泥白肉8塊左右有啲貴咸到爆，冇蒜味，蒜泥太少難食到食淨一半個阿姐一開始問我要唔要匙羹我話冇所謂，佢放低然後見我淨食白肉問都冇問就拎走隻匙羹然後又有個阿姐話比隻匙羹我度住啲汁其實想點😓😓成件事好唔舒服

今日放假就同媽媽去食呢間米線。雖然之前係呢間舖頭有過不愉快經歷。 重記得上次我排隊比錢，排到我比錢果陣，個老闆娘又幫人落單，又去寫外賣，又收外賣錢，完全無視我排隊比錢。之後我比完錢，同佢講，我好聲好氣，同佢講，唔該下次跟反排隊次序去收錢啦，之後就走了。之後我轉身走，佢竟然恥笑我喎！之後我媽就再話佢，有咩咁好笑？我個女好認真同你講！ 上次之後，我地都有再去食野啦，一直都冇咩野啦...點知今日重演反上次既情節。今日我地食完，個老闆娘去左廁所，佢個伙記幫手收錢。 咁我企係比錢個位，見到個伙記幫緊人落單，我就等一陣啦。點知突然有人打尖叫外賣，個收銀又真係幫佢落喎！重要收埋錢！ 我O曬咀望住佢啦...佢先問我你點？嘩！真係有咁既老闆娘，有咁既伙記！如出一轍啊！有錢都唔收！咁既待客之道我就真係唔明啦！

同個朋友去開天水圍影相，之前見到open rice介紹天水圍好食點，見到依間米線好似幾吸引，就搵黎食啦。初時都同個朋友夾定叫一碗一齊食，因為唔太肚餓🤔點知見到餐牌寫住最低消費$35，就諗住叫個$44碗米線都得啦，點知原來係每人最低消費$35，個職員要我地叫多個小食啦😅之後都叫左兩杯野飲，我地叫果碗係酸辣蟹柳、腩肉、腐竹、翼尖米線+蒜泥白肉蒜泥白肉覺得好咸🙈食落唔係太吸引，酸辣湯底都係一般，酸同辣味都唔突出，腐竹同平時食ge好唔同，有點兒過硬，其他料都無太特別吸引話好好食咁但小店都會多一份人情味，見員工同好多熟客有傾有講，老闆娘都好好，因為我地食完先發現大家身上唔夠錢🙈依個情況都係第一次遇到，跟住同老闆娘講可唔可以一個人留底，另外果個去撳錢，老闆娘都話好啦，留底一個啦😅情況都有d尷尬

每次經過呢度都見到多人到爆炸， 所以冇咩意欲等。見今日星期六有時間，所以等咗好耐都照等。 睇完openrice食評揀咗signature腩肉蘿蔔肥腸， 蘿蔔真係好似食評所講，鮮甜冇渣。 腩肉都叫做唔係死鹹， 有啲似食緊分題嘅感覺 肥腸 嗰啲 脂肪都清得幾乾淨 加 分。米線就真係爽滑比起一般出麵食到的米線都好。 唯獨是環境真係。。 又逼又熱 如果 如果唔使等咁耐我相信我會經常encore。 又或者佢可以考慮租埋附近嘅鋪咁就唔使要人等咁耐啦

不知所謂到極點 污糟到一個點今日收工 去到新北江4點 平時呢間野多人排到爆 唔會排隊 但今日竟然有位 之後同老婆就入去試下 叫左2個麵同白肉 最初食時味道幾好 仲諗著加多個辣雞 食到中段時驚嚇一幕出現 發現成隻生物係湯度 即刻反胃 全部唔想食 同返店員反映 店員望一望 立即筆走隻小強 同廚房佬講（加左料）不了了之好希望呢間野好好改善衛生情況 唔好食壞人 集體中毒真係牌都釘埋你 我返屋企仲痾左轉 貼錢買難受講都唔想講 鬧都唔想鬧 無下次 機會都唔想俾 去第2間食好過

又係時候同大家去天水圍食好嘢！其實堅係多好嘢食㗎！而喱一間#麗江雲南米線 ，救命呀😱！次次都要等好鬼耐先食到㗎！所以吃貨夫妻醒目，下午茶時間先嚟食，等得快d!當然，佢係冇下午茶餐嘅！😂今次等咗10分鐘就可以坐低喇！不過家唔好預會坐得好舒服，因為係土小店嚟嘅，地方好細，而且因爲太好生意，大多數都要同人搭枱㗎！😉唔鍾意坐咁迫嘅朋友都係唔好嚟喇！.💜雲南酸辣米線3餸(HK$41)!米線煮得啱啱好，好爽嘅！👍🏼吃貨妻最怕食淋晒嘅嘢！夫妻二人認為個湯底聞落好香，但食落個味俾辣味蓋過晒，反而食唔出應有嘅香味🤔!個人比較欣賞佢哋嘅餸多d😂!腩肉好入味，而且d肉好稔好易咬！👍🏼肥腸真係好肥美，而且應該鹵咗好而，味道鳄腩肉一樣正！😋蘿蔔呢就勁清甜，一d筋都冇！😆雞翼好香脆，加上上面嘅香辣粉，好惹味！❤️至放肥牛就一般般喇，正常都係嘅，因為直接落㗎嘛！😂 ..❤️炸醬、炸酥肉（每款加HK$5)!喱兩個我哋後加嘅，姐姐好好人，當我哋第4個餸計！🙊🙊齋嗌貴好多㗎！不過平時如果食炸醬都記住要嗌另上，因為精髓在於佢個汁，少少甜甜哋好好味！如果放埋湯碗就食唔到個味喇！😉而個炸酥肉就勁喇，吃貨夫話食咗兩粒就忍唔住係咁食喇

今日訓醒，兩口子就去食呢間米線，第一次食，去到門口間野幾細，坐既位置好逼，但人都有心理準備，一坐低餐牌攞上手十秒，已經不停吹你叫野食，連有乜送都未睇完，是旦叫左腩肉同腐皮，一個就貢丸加肥大腸，凍檸茶，肥大腸三件，完全唔肥，求其堆一碗，貢丸差，唔信自己去感受下，凍檸茶，茶無茶味，檸檬直頭無味，我坐係到食D姐姐行黎行去招呼客人我唔介意，但大家就一就，不停撞落D客人，我見佢行到我就閃開，佢就大窯大擺，我係客，俾錢你受氣，應有禮貌直頭無，對唔住我錯，我俾錢買難受，完。

試過呢間真係會上癮😋😋🍜蘿蔔 朱土 小小麻辣 - $36最愛就係蘿蔔，小妹食過咁多間得呢間蘿蔔有蘿蔔味😂唔會俾湯底或者其他掩蓋左蘿蔔本來既味道，重點係小小麻辣既湯底真係好好味，其他舖頭叫小小麻辣又會加埋酸囉，呢間真係情有獨鍾😍😍🐔招牌菜：麻辣雞 - $28必食啦下話！冷盤黎講最喜歡這個，佢啲麻辣真係好過癮，雞既肉質頗滑的 記得要打電話book位，真係好多人，會等到傻咖

係新北江搵食真係好麻煩。。。如果想食米線麗江係我的首選。。。通常都係外賣反屋企食， 因為坐的地方真係唔舒服。。。我今次叫左腩肉清湯米線，加碟麻辣雞，凍檸茶。。。通常我會放d 雞係d 米線洗一洗，因為對我黎講太辣，d 米線又有小小辣，所有野都剛剛好。。。麻辣雞係一份份無得話想要邊個部分，我唔食雞皮，所以有時有一半都食唔到， 用湯沖一沖依然有雞味同辣味。。。鍾意食辣的朋友更唔可以錯過佢的麻辣米線， 辣得黎好過癮

本人無辣不歡，有次同樣係麻辣愛好者嘅同事就介紹咗呢間雲南野俾我試。麗江雲南米線位於新北江商場裏面，唔係區內人行唔熟其實都幾難搵，不過可以問下街坊，好多都好樂意向你指路。講返呢間食店，同事一早就已經叫我要預留口水雞同訂位，因為晚市實在多人，口水雞亦係must try item。我亦乖乖聽話照做，唔洗位，真爽！第一味口水雞，中辣。無想像中咁正，可能期望大，失望大。呢度個口水雞無平時果種酸味，上面撈咗d辣粉，但又唔係好夠辣，好彩肉還算滑。一般。第二味蒜泥白肉，一食落口好大陣媽咪麵味精味。甜甜地，肉口會太肥，蒜都夠。尚可。最後係卜肉，食唔慣，脆漿多過肉，仲要係肥豬肉，唔識欣賞。後來同同事feedback 返，原來口水雞係要叫大麻辣先正，下次有機會，又咁啱經過，又咁啱想食都可以去試下口水雞。

在九十後朋友推薦下到此一嚐，平生首次進入新北江商場，七分香港老舊商場加上三分東門，置身場中，不知今夕是何年，感覺有點迷幻 。於平日晚上七點到達，朋友交托先致電訂位便可以不用等，但是次到來還有空桌，也未見人龍。雞翼分上值得一讚，但論及味道及賣相，與路邊小食店那些一次過炸起很多所以要放很久才賣完的奄奄一息炸雞翼一樣，差。炸酥肉是肥豬肉上粉漿再炸，炸得脆身兼且油量不多，味道有點像豬油渣。需致電預留的口水雞地位超然，肉質嫩滑但口味清淡，既不夠麻也不夠辣更不夠咸，未知是否只選了中辣之原故。湯底方面選了一酸辣一麻辣，酸辣湯底不值一提，麻辣方面能跟到譚仔八九成。未能一會傳說中比湯底更麻更辣的服務，作為米線小舖，我覺得店內各人的服務都交足了功課。溫提要排隊的朋友：譚仔是不用排隊的。