麗江雲南米線

營業中

休息中

咁啱要入天水圍 順便試下朝下聖嗰日晏就4點到 都等咗20分鐘但食完覺得?????🤡係咩事🤍雲南麻辣米線 | Rating: 6.8/10叫咗小辣 加豬耳同炸醬 正常嘅餸 米線口感係適中偏稔 唔算太有咬口湯底ok香 但比較淡味 係特登嗌多份炸醬撈落去都唔夠重口味表示唔太滿意🤍雲南小鍋米線 | Rating: 4.5/10我諗應該係我第一次喺呢個社交平台比fail嘅分想像下一碗落咗辣椒粉嘅水 完全唔香Yes就係咁喇！已經唔想多講男朋友對食冇乜要求都覺得唔好食🤍麻辣雞($36) | Rating: 5/10想像得好美好佢應該似係口水雞啲fd冇花生芝麻蔥花唔緊要 應該有汁掛Er 但如圖佢係一碟搽滿辣醬嘅雞雞太肥 唔入味 脂肪同皮已經佔咗半碟 /本身都懶得打食評但諗諗下好唔憤氣 點解咁樣會排第一🥲作為荃灣長大嘅人我基本上係米線養大的求其入一間都好食過呢間好多🥲心目中嘅排行榜仍然係雲貴川風味(唯一)第一如果我係特登走入嚟食嘅話應該會嬲咗😀

朋友話呢間係天水圍名物鋪面細細 但勁多人排隊好彩朋友打咗電話去拎飛叫咗雞翼腩肉酸辣米線加蒜泥白肉兩隻雞翼會另上朋友話雞翼係必食的確係好香 又入味 皮又脆😋😋腩肉同米線都好食嘅同埋好足料不過個人覺得佢嘅白肉好瘦所以食落有d乾同un🙈除咗好快上菜之外佢服務都唔錯 做街坊生意 鋪細人多但個姐姐都好體貼朋友唔小心跌咗條匙羹落地下我地都未開口 個姐姐已經拎咗條新嘅黎🥰因為地方細 真係坐得有d逼客咁多 姐姐都幾忙 但都咁體貼 真係好好👍🏻

大部分天水圍居民有去過新北江商場都會聽過「麗江雲南米線」呢個名🤤筆者平時食米線都係去開譚仔多，但去到「麗江雲南米線」好多人等外賣等堂食，所以坐低試試佢😂睇睇餐牌先一坐低見到個價錢相宜，覺得叫多啲都唔肉痛，不過今次就叫兩碗米線，一碗小辣嘅雲南米線，一碗清湯加炸魚片同豬潤，叫多左個蒜泥白肉。✔️店面人手足，落單快✔️店面姐姐服務有禮✔️食物夠熱！✔️米線份量充足✔️米線夠滑✔️米線有本身都有唔少配菜，包括少量炸醬🥲友人聲稱碗小辣唔辣sosad 🥲白肉份量少，肉未算軟，蒜泥份量不足🥲小店環境逼總括之言，食物水平中規中矩，服務幾好，價錢中道，但坐位擠迫。

全全全世界最好食既米線😍我係好鐘意食米線既人 成日會跟住米線群組介紹去試唔同既米線而依一間係我由中學到依加都仲食緊食左好多年無論佢有幾逼夏天有時食到流哂汗無論佢等位要等粒幾兩粒鐘我都無辦法戒甩佢😚🧚🏻‍♀️ 肥腸豬肚雞亦米線 $44我叫左大麻辣～佢湯底係勁濃同夠麻 但又唔會食到口乾以前細個食酸辣都一樣好好味份量好足～中學時友人教我走芽菜會比多啲米線😂依個理論唔知堅定流不過我每次都叫走芽菜 哈哈！大腸係我最愛既配菜 一黎洗得乾淨二黎夠入味個湯真係好出色 愛米線既一定要食！評分：10/10😍🧚🏻‍♀️蒜泥白肉 $35又係每次必食小食！蒜夠重 個汁又夠味我慣左會用啲汁撈面食真係超級正😍 佢唔能夠無左個汁佢唔同譚仔個種得口臭蒜味係蒜得黎有⋯⋯唔識講總之好有層次試過外賣無左個神汁 即刻變左烚肉評分：10/10🧚🏻‍♀️雞亦其實係跟米線但佢個皮炸得好好食 所以補一張相真係世界上最好味既米線食左好多年都唔會厭😍😍

對天水圍人嚟講，應該無人唔識得麗江米線，係新北江嘅一間細細地米線，位置唔算好多，但人氣依然依舊由以前讀中學放學嚟食，到依加出咗嚟做嘢幾年放工放假都過嚟食，人龍無小過之餘仲keep到水準，又有回憶又好味🥳🥴每次嚟到都係叫麻辣小辣米線，麻同辣嘅感覺係完全並存！仲有一定要嗌嘅就係蒜泥白肉，佢呢度嘅蒜泥白肉同其他地方有啲唔同，個醬汁簡直係靈魂之處，甜甜酸酸咁配埋腩肉，但一啲都唔肥唔膩，仲可以拎個汁嘅撈埋米線食𠻹

呢間野係天水圍開咗好耐 永遠都係大排長龍我食開中麻辣 個陣麻味真係好過癮 鍾意重口味重麻既人 一定要試每次都必嗌雞翼羅白 雞翼好香口 羅白都好清甜 但近排細舊咗小食入邊最鍾意蒜泥白肉 個肉係厚切嘅瘦肉 啱曬鍾意食肉嘅人 個汁都好惹味 最緊要係爆多蒜！除咗蒜泥白肉 呢間嘅酥肉都出名好食 正常就晏就3點後有得食 但老闆娘話最好前一日打定留酥肉 咁就唔驚無得食因為店面都細 所以食起野上嚟有時會撞到左右嘅人 野食出餐都算正常 多人嘅時候就要耐心少少等

自細喺天水圍長大嘅米線控對新北江麗江米線應該唔陌生門面超級細長期門外都塞滿排隊等位嘅人湯底其實唔係特別出色不過佢有浸特別嘅味道 好似榴槤同芫荽咁鍾意嘅人好鍾意唔鍾意嘅人就會好唔鍾意推介一定要食酥肉(唔係成日有)同蒜泥白肉

有人推介話呢一度食啦好好食個喎但係我想講 我食完之後只係想講中伏從來未食過一間米線店嘅雞可以完全冇味所謂嘅香辣雞就係白烚嘅雞雞係雪藏味上邊鋪咗少少辣粉但啲辣粉係冇辣味同埋冇味呀完全唔明呢個香辣雞發生咩事之後講吓佢啲米線勁幼一啲口感都冇仲要米線主導好淋完全唔掛湯湯底先係劣質中嘅劣質湯底冇味嘅剩係得麻辣，而佢嘅花椒亦都唔係做得非常之出眾呢度呢坐到好迫你的搭枱店員雖然有禮貌而佢嘅湯好熱嘅呢個都係出邊米線店譚仔係好少又好熱嘅湯反而食星林居或者雲貴香啲湯都係好熱嘅

呢間雲南米線係我至愛。 耐唔耐都會去幫襯。不過佢太多客啦。通常都係會外賣自取，最好打定電話order定，咁就唔使等咁耐。佢嘅湯底味濃兼大大碗。份量十足。最鐘意食多酸小辣。每碗都有小小芽菜、腐皮都已經好味。同佢嘅蒜泥白肉 同酥肉 都係十分出色。👍🏻👍🏻

💛麗江雲南米線💛🌟香辣中翼雲南米線+ 大辣《$34》🍜湯底都好夠甜，酸味偏重，飲落唔會口乾🤤都證明佢唔係味精湯😚！！我個人好鍾意佢酸味夠，但同檯既肥仔就麻麻地，覺得湯底太酸啦！辣度好啱小編呢啲重口味怪，辣味好出，正！😍🌶雞翼入味，但兩隻都細隻咗啲，不過34蚊平平地一大碗，唔怪得成日咁多人排隊！😊🤤—————————————————————🌟紅腸腩肉米線 + 小辣 《$38》紅腸正正常常唔多講啦～但腩肉都幾好食，醃得夠鹹香，又俾足三大舊，老實講，真係良心黃店💛🤤！好啦，除咗位有啲窄，小編會再幫襯佢！—————————————————————

麗江經常都滿座，門口好多人排隊等位。所以今次平日茶餐時段去買外賣自取。唔洗等太耐。15分鐘就有得拎。今次叫左三餸，有豬耳、炸醬、大腸，酸辣 小辣米線。$48。個湯底係岩我口味既酸辣，有腐竹、芽菜、韭菜、酸菜。大腸好大塊，有5舊倒，炸醬好香，好好味，可以話係必食。豬耳爽口開胃，同樣好食。成碗食曬無浪費，個人覺得豬耳同炸醬係必食。聽聞酥肉係大家都推薦既餸，可惜個日話無曬酥肉了。唯有下次先試啦~總結係，呢間係幾岩我胃口既米線。

-去濕地公園又想試下當區黃店就揀左呢間麗江，佢喺新北江入面，排隊嘅位好窄，基本上一架紙皮車行過都已經冇位企，等左9個字左右終於有位，食完之後覺得唔值排咁耐🍜雲南酸辣米線 小辣 $28 腩肉 $6 肥腸 $6 = $40入面有好少嘅芽菜、腐竹、酸菜、韭菜、炸醬（肉碎），腩肉切得偏厚身，肥腸比得好少，4嚿左右，個酸辣湯過酸，佢米線比得好多，相比起嚟嘅餸好少，覺得應該要平衡啲🍜雲南麻辣米線 中辣 $28 豬腸 $6 豬紅 $6 = $40同樣入面有好少嘅芽菜、腐竹、酸菜、韭菜、炸醬（肉碎），豬腸切得偏幼身，豬紅，我個人鍾意麻辣多啲，因為香好多，不過都係米線同餸比例唔啱，米線太多🐤麻辣雞 $36凍食嚟😌，雞都有幾多，不過我覺得一啲都唔辣，其實兩餸已經好夠做，小食可以唔洗叫🍹凍檸茶 少甜 $5普通，冇咩茶味🧋凍奶茶 走甜 $5麻麻地

特登去天水圍吃呢碗傳說中嘅米線平日朝早10點45分到都要等位😆叫了兩碗小辣麻辣米線一碗跟腩肉、雞翼、豬耳一碗跟秀珍茹、雞翼、炸醬一上枱（咁大碗😆）湯底夠麻但５夠鹹,冇乜味米線口感好,5會偏冧雞翼醃得夠味豬耳爽口腩肉覺得還可以...酥肉5可以當一個餸,所以另叫一碟酥肉小食有D驚喜,食5停口🤣總括黎講係0K嘅!

自從上次去完荃灣唯一雲貴川米線之後，就好想去每區試吓唔同出名嘅米線，今次就去咗天水圍~•腩肉蘿蔔酸辣米線 (少少辣)HKD40份量比想像中大碗 湯底屬於比較清淡 每碗都會加上一細匙羹嘅炸醬 配料有芽菜 芫荽同正方形狀嘅腐皮😂 米線唔會煮到好淋 湯底比較清 酸辣味唔算出腩肉大塊得嚟冇脂肪 食落唔算辣蘿蔔切到一口大小 咬落好甜而且冇渣•當日食嘅時間係平日嘅6:30 唔使點等位 但係平時每次經過都有四至五個人等位想食可能要避免繁忙時間啦•見每枱都叫炸雞翼/酥肉 相信係必食之選🚩麗江雲南米線 (天水圍)天水圍天湖路1號嘉湖新北江商場一期1樓C45A號舖

💛黃店🔱今次要介紹嘅食物就係位於天水圍！📜”麗江雲南米線 (天水圍)📌 地址: 天水圍天湖路1號嘉湖新北江商場一期1樓C45A號舖🕐營業時間:10:30-21:30🍽分店地區: 天水圍📝評價💬📢 中意食米線既朋友仔冇理由未食過麗江😉😉我由中學開始就已經愛上💛 不過就真係吾就腳😏 去開天水圍都要食🥰🥰🥰真係大愛 勁推🤩🤩🤩放假口痕都忍吾住 一試過就返吾到轉頭💛💛酸辣同麻辣都各有各好 湯底好香濃 超足料 次次都簡吾到落手就會同朋友一人一碗😛 配料多 推薦大家食腩肉👍🏻👍🏻👍🏻 小食叫左蒜泥白肉 份量多過譚仔好多每塊肉都厚d 更加入味 勁中意佢個汁 有少少甜甜地又麻麻地🤤🤤🤤好多層次既味道💛真係好多人排隊 記得預返時間等位👅🤣🏵環境指數:⭐️⭐️🏵味道指數:👅👅👅👅👅🏵抵食指數：💰💰💰💰🏵回購指數:❤️❤️❤️❤️❤️