麗江雲南米線

營業中

休息中

呢間米線舖， 真係好旺，無論等位定等外賣時時都好多人。佢地個麻辣米線真係好好味，又香又辣，我都只係食到中辣，仲要唔可以吸D米線入口，要小心食好易辣親雞翼又係好好食，相信係生炸嘅。豬紅好滑，呢兩樣次次都有叫=力佢個肥腸其實都好出名，我D朋友話好食，但我個人唔喜歡但酸辣就唔好食，所以只食麻辣就啱架喇但佢地方真係超屈質，差唔多坐到背貼背，而且有時人多佢地老板親態度唔多好，但大多數時間都OK嘅但佢個米線實在係太好食，所以都有一大堆介意嘅人

睇番張圖都好想再食，呢間係我每次番天水圍必食既餐廳，蘿白，雞翼，腩肉呢三樣餸係必叫😍😍完全入晒味，不過有時個師父唔知咩事會失準，煮到個腩肉又老又鞋😭😭😭另外酥肉又係必叫既，但佢好似假日係唔會供應😫，所以我通常係假日黎都好少機會試到。而且呢間一碗既份量好大，食足十年都冇減少到個量（不過有加價🤣🤣）見有人話呢啲變差左，其實就應該冇既，只係咁岩黎食時撞正個師父狀態不佳姐我諗😂😂😂😂

食左差唔多三年仍然可以日日keep住黎食咁制。選材高質不在話下，而且價錢又便宜。老闆娘堅持不開分店，源於想keep住食物質素。不想只是為左盈利而令食物質素下降。重點係老闆娘又好人，有人情味！每次一坐低就會有人招呼你。落完單後，不到5分鐘就上齊野食！做到真真正正既快，靚，正！順帶一提，因為長期都好多人既關係，如果想唔洗等位既話，我強烈建議你打電話拎定位，咁就可以食到好野之餘，又唔洗浪費太多無謂既時間！

呢間麗江位於天水圍新北江，不論幾點，佢都真係排隊排到長龍。琴日，我的起心肝去排隊！我叫左蒜泥白肉，同埋要左碗墨丸米線！米線湯底好濃，而且好大碗。蒜泥白肉好有驚喜，佢除左好多蒜之外，個汁係甜甜地，而d白肉半肥瘦😍😍終於明白點解咁多人排！

食過咁多間米線中，呢間算係最低分嗰一批，食品口感未好其他評語中好，大失所望，如果想食好味嘅米線，就一定唔好揀呢間。其次係員工態度，對客人呼呼喝喝，極不友善，貼錢買難受，慘過向佢乞。

朋友話帶我嚟食佢中學回憶嘅一間米線外賣🥡見到都好多人等外賣喎好似都唔錯喎！好多餸嘅選擇仲有唔同嘅辣俾我揀添😳😊最後叫咗豬紅、紅腸、雞翼米線酸辣底線另外一款叫咗豬腸嘅雲南酸辣米線🍜整體來講都唔錯而且米線嘅份量都好足夠😁叫外賣都只係需要等左唔使10分鐘就有得拎啦☺️👍

小弟住在天水圍。其實麗江雲南米線我早已經由10年前開始吃，吃到今天仍然繼續吃。可想而知，它的質素是如何。相信住在天水圍的朋友都知道這間店鋪的名字。它是天水圍區內質素最高的平民餐廳！餐廳環境：先從餐廳環境開始說起，它在新北江商場的1F，沿著主要通道前進就一定會看到。因為在餐廳的門口永遠都有長長的人龍等候。在這裡給大家一個提示，就是可以打電話拎位置先，這樣便可以大幅節省時間！其次，餐廳位置狹窄，小心自己的物品，比較容易弄髒，不建議第穿華麗服裝來吃。食物方面：我吃了十年左右都是叫「米線，小麻辣，配炸雞翼（必吃），再加酥肉（星期一至五才有）或肥牛。我嘗試過香港各大雲南風米線。麗江雲南米線仍然是我心目中的No.1。另外，餐廳具有人情味，也是我其中一個鍾情於它的原因！

*吾想排隊記得早少少打去拎位*麗江雲南米線*心心朋友好中意食米線既，佢今日帶我黎麗江雲南米線，誠意推薦我食酸辣湯底米線。*想食依間既朋友仔，記得到達前十分鐘左右打去拎位先，到左先落單都可以。*我點左好多人叫既腩肉酸辣米線，想必係招牌，試過真係好好味。腩肉煮到好入味，咬落有彈牙而且切成一片片，可以卷埋一啖食落去。依間既酸辣米線係愈食愈辣，心心叫左小辣都食到有d頂吾順。*因為辣，心心叫左凍飲，先勉強食到三分一。提提大家，食得辣先好叫。*埋單都係41，價格合理。*一個人，朋友聚餐都非常適合。太多人就不建議，因為位子小，比較逼迫。*喜歡既請關注我：VictoriaChan1008#foodie #foodporn #Openrice #instalikesandfollowers4u #tbt #rocket_hastags #l4l #instadaily #commentforcomment #picoftheday #takeaway

炸酥肉小酸辣米線($31)+可樂($6)酥肉似炸完攤左好耐，唔脆又唔熱，食落似食緊麥樂雞既感覺，但唔好食。”友人”覺得小酸辣都好辣，普通酸辣米線。(個人口味：3.4/5)麻辣雞($34)麻辣雞無得揀部位，有雞脾雞胸雞背等，係冷盤，似口水雞， 滿滿既麻辣醬味，辣辣地，越食越想繼續食，幾好味。雖然大件，但雞肉較少，大部分係雞骨，同埋有d雞骨碎。”友人”就形容為白烚雞加辣。(個人口味：3.5+3.4/10)香草烤雞翼($22)雞翼煎炸得好香口，肉質都幾嫩滑。餐牌上寫只有4隻雞翼，可能有隻雞翼比較瘦，所以鋪頭都送埋俾我地食？(個人口味：3.5+3.6/10)餐廳好細間，枱同枱之間好逼，轉個身位就會撞到人，不過好多人等位同買外賣。對比同商場既其他餐廳，麗江真係好熱鬧，人來人往。不過我地應該唔會再去。

由於太多好多朋友同我講 天水圍麗江米線好好食 所以要突登黎朝聖🤓店舖座位比較少同迫，會坐得比較辛苦。#腩肉麻辣小辣小麻米線 （$31）一開始比層油嚇親，以為會好辣。。但其實一啲都唔辣超足料既腩肉，有好多塊！大塊都幾薄身，好入味但比較「鞋」😐米線份量好多，比較爽口。湯底味道比較淡，得啲油味。😳-同行的兩位朋友都唔覺得要山長水遠入黎食🤔相信唔少住大西北既朋友都會食過，好唔好食真係睇各人口味🤔*每人最低消費$35

麗江真係中學回憶 不論幾點好多人排隊我都算係麗江的常客 平均一個星期一次講到米線 佢個麻辣湯底米線真係世界級好難係出面食到相似 重點係佢好麻 又濃而餸黎講 雞翼係必叫 每次都係熱同酥脆 但又冇炸咁熱氣 重點一提既係佢既麻辣雞 又便又好食 又要入味 重點係便 抵食 兩個人兩個麵 一碟雞 兩杯飲品都係一百頭 岩哂學生 糧尾順帶一提 麗江差唔多每日咩鐘數都係好多人 如果唔想等咁耐咁辛苦 可以打電話去拎定位 佢會俾個no.你 如果夜晚 最好打電話去留份雞 因為有時都會賣哂！

男朋友又帶我係天水圍覓食，帶左我黎新北江聽講呢個商場係天水圍黎講都幾多野食，不過好逼同超多人我地訓到好試先起身，大家都超肚餓，但諗唔到食咩行到黎新北江，其實選擇都好多，我地諗左好耐都諗唔到食咩喎。咁岩行行下經過呢間米線聞到好香同埋超多人等緊位，咁就一於食米線啦！排隊排到有d唔耐煩，因為太肚餓，條路又窄，勁多人等位企到兩邊爆哂，仲要中間比條路其他人行最後等左成廿分鐘先入到去坐......好彩米線間間既種類都差唔多，唔洗等好耐就叫得，叫左個腩肉雞翼酸辣米線（小辣）等左唔係好耐就有得食！首先，試舊腩肉先，味道唔錯，但因為塊肉太薄所以有d鞋。雞翼超好味，一碗雞翼淨係可以跟兩隻雞翼，所以我叫男朋友加多兩隻雞翼湯底同我平時食開果間好似，一樣咁濃味，夠酸夠辣！好好食

每次飯點係過北江，都會見好多人排左係廁所出面，行開北江既都知，佢地都係等緊食麗江呢間米線鋪面好細，如果唔想等就要避開食飯時間，今日同呀媽去北江買衫，行到五點幾都肚餓，見麗江有位就即刻去食啦！我叫左個麻線米線配雞翼腩肉，小辣已經好頂癮，雞翼炸到好脆，我諗黎呢到食米線既唔少都係為左雞翼黎，我媽媽就係其中一個腩肉都唔錯，咬落去有陣甜甜地既味，一d都唔似普通豬肉但後尾買左次外賣，外賣無論係湯定雞翼都好似差d,建議大家要食就堂食啦！

成日黎天水圍 都會食麗江 因為我覺得麗江既米線真係好正叫左碗小麻辣米線 加雞翼仲叫左酥肉同麻辣吐絲酥肉超級好食 炸到勁脆 仲要勁大兜 不過閒日先有吐絲又係 好有咬口 米線麻辣好正 食完個口麻哂不過位好迫

麗江可說是天水圍居民的飯堂🤤🤤🤤元朗人都要過黎食，名氣比譚仔還要大👍👍👍無論何時，餐廳都幾乎滿座。就正如食碗米線都可以令區內人滿足感爆棚。地方細細要食好嘢就要等一等座位麗江主打麻辣米線及酸辣米線，必點一定是香辣中翼麻辣米線（可選大、中、小辣），它的湯底麻而香辣，令人愈食愈上癮。與一般雲南米線一樣，湯底有芽菜、肉碎、酸菜、腐皮等配料，米線煮得軟硬適中，份量剛好。口感十分q彈，重要的是湯頭十分美味。 香辣中翼雞翼炸得外脆內嫩，只得兩隻確實唔夠喉！炸酥肉必點亦是餐廳的人氣小食，不過只限4pm後供應，光吃會覺得太乾身，沒甚麼味道，記得一定要沾上湯汁。 👍👍👍一定要黎試試👍👍👍老闆娘重要好熱情，好好人架