麗島小廚 (已結業)

今日帶呀b去石門玩playroom, 玩左我成日，已經好攰，手機禁下有咩好野食又要坐得舒服帶埋呀b去 ，搵左間叫（麗島小廚）原來係出名食雞煲，😍😍，1900左右到已經好爆下，等左一張枱就有卡位，我地叫左個麻辣肥腸雞煲$198（半隻）- 辣椒同花椒味十足，半隻雞翼都好滑好大舊，最想讚下個肥腸夠晒肥又洗得乾淨👍🏻👍🏻配料我哋叫咗以下呢幾樣：鮮蝦雲吞八粒$68，手打墨魚滑$66，鮮白鱔片$98 （價錢性價比好高，大碟夾好食，尤其個墨魚滑好彈牙仲有蟹子面，白鱔片切得薄厚適中，夠彈牙有咬口）今日仲有特別飲品（椰青$46），好少打邊爐有椰青配，真係好夾又好正🥳🥳🥰👍🏻埋單一家三口都係500蚊左右 ，坐就坐左幾粒鐘 ，員工服務態度好好，雖然鋪頭裝修唔係好勁個種，但勝在有人情味同味道搭夠晒❤️❤️❤️

仲記得第一次黎係想幫襯佢上手間餐廳，黎到先知已經變咗麗島，見到午餐都係食成set小菜餐，就幫襯咗，今次特登再嚟過食。食過再食當然係覺得好食啦，不過上次有新張期內優惠，今次無咗喇（上次好似有8折，好抵）見到有蒸魚叫即刻叫一客...點知無曬，上次食好正㗎嘛....叫咗其他小菜嚟食。佢呢度d湯我好鍾意，應該好似佢餐牌咁講無落味精嘅~小菜有返咁上下水準，菜芯好新鮮，上次都係菜芯，唔個定咗定間唔中會轉呢？有機會再嚟叫過蒸魚先，上次無影到~

今日去開石門上堂 落左堂就同朋友試左京瑞廣場入面既麗島小廚 一入去感覺環境幾好 舖位唔太大但每個卡位空間闊落 舖面光猛冇壓逼感 我地二人叫左麻辣雞煲半隻($168)，配料好充足 醬汁由好多乾蔥 洋蔥炒起 非常惹味 店員會幫手炒雞煲 好快就有得食 雞件肉質唔錯 好味既五福臨門 ($158)太多手打魚滑選擇既關係，就叫左有哂幾款既五福臨門(墨魚，黑松露墨魚，黑墨魚，鯪魚同蝦滑) 就可以一次過試齊唔同口味，五款各有特色 比較下個人最中意係蝦滑 新鮮 仲好爽口 仲有粒粒既蝦肉 口感超爽 好正呀！另外舖頭推介既黑松露墨魚滑都好特別 松露味唔會搶左墨魚鮮味 夠平衡 調味岩岩好 鯪魚滑處理得幾好 本身少食鯪魚又怕腥既我地都有食哂全部 有鯪魚味之餘唔會覺得腥 另外兩款魚滑都值得一試至尊雪花肥牛(小) ($98)肥牛有番咁上下厚度 唔會切到紙咁薄 雪花分佈平均 偏瘦但淥起泥唔會乾爭爭 食落有牛味 而且肉質嫩滑 好食～響鈴($48)另外見到附近幾枱都叫左碟響鈴 我亦跟住叫左，的確好脆 浸落雞煲既湯底 好入味 唔怪得咁受歡迎藍玫瑰野飲就揀左尼杯有藍蝶 玫瑰同柚子既藍玫瑰 大大杯 漸層好明顯 順便可打個卡 柚

突然很想吃雞煲，所以上Openrice看看發現比較近的有石門，而且有3間是雞煲，就打算去石門吃因為是臨時決定沒訂位，第1家要等30min以上就放棄了，所以就去這家。在花膠雞煲和麻辣雞煲中考慮，個人喜歡有1點點辣，最後就決定試麻辣的，雞煲好好吃。另外，這家蝦滑比起之前吃的其他家好吃，比較鮮，不過墨魚我就不喜歡（個人喜歡墨魚滑口感硬實1點，這個的比較軟）芝士響鈴好吃是好吃，不過還是湯清點比較適合，吃完這個雞煲的湯來煮這個就會偏鹹下次考慮吃花膠雞煲期待ing

麻辣烤魚鍋，少辣魚好味湯底足料，有酸菜，芽菜，蘿蔔蝦滑有調味鮮淮山爽口即炸響鈴鬆化香脆，讚鴨血一般牛舌心同牛胸爽超正牛胸爽有油香味同爽口，少見火鍋店有此餸牛舌心爽口唔靭整體而言服務幾好，價錢合理，星期日都有九折，而且坐位寬敞，亦冇限時，適合聚會

好耐都冇食過重慶雞煲，同男朋友係石門夾完公仔，好想打邊爐，但又想食雞煲，最後去京瑞廣場2期2樓一間叫麗島小廚到食晚餐！星期一至四有7.8折！星期五六日有9折優惠！折完都幾抵食👍🏻除左有雞煲，仲有烤魚、酸菜魚、火鍋⋯我地叫左個麻辣肥腸雞煲半隻，份量好足，味道調味得幾好，麻辣味適中，味道好濃，d雞好滑，另外，值得一讚就係d豬腸，真心好食，有口感，夠曬入味食完雞煲之後，加水打邊爐！火鍋配料都幾多選擇！鮮蝦雲吞，皮薄，好足料，d蝦都好彈牙手切至尊牛頸脊，d牛切得好薄，肉質嫩滑，仲牛味，條紋分明即炸芝士脆響鈴，炸得好香口，鬆脆，咬落口，好多芝士，口感豐富好耐冇食過唐蒿，所以叫黎試下，菜都新鮮冰凍大話七同大檸樂👍🏻整體餐廳都唔錯，個雞煲都幾出色，值得一試！

今日去咗石門麗島小廚食雞煲，但係今日唔係好想食辣，所以叫咗花膠濃湯雞煲，仲有打邊爐必備嘅雪花肥牛，美國桶蠔，即炸脆響鈴，雞髀菇，同埋紅薯粉。個雞煲一上枱，滾咗一陣就試下個花膠湯底，好鮮甜好濃沃嘅花膠同雞味，入邊亦都有六至七大塊花膠，如果鍾意食花膠嘅朋友要試下呢個煲雞，會有專人幫你剪開隻雞，雞好大隻，蚊到好淋，至於個肥牛塊塊都好大塊，而且入口即溶化，好有牛味，美國桶蠔有成八隻，好似唔止一桶，個即炸響鈴亦都係必叫之選，浸落個花膠湯底一兩秒即刻攞出嚟食，個感覺好味到難以形容，出奇地個薯粉撈埋湯底食超正，最後想題嘅係佢哋個環境比較舒適，因為啲枱都比較大，同埋比較多卡位，絕對係可以坐得舒舒服服，朋友聚會亦都可以，一路傾計一路烚下烚下，我下次一定會再嚟試埋佢哋嘅辣雞煲同埋烤魚，絕不能錯過！

雞煲聽就聽得多，食都真係第一次，仲要係「麻辣肥腸雞煲」😄由於唔太肯定麻辣即係有幾辣，保守dd揀左小辣😁雞煲一到成個人醒晒，雞煲既topping係滿滿既芫茜同埋大蔥，一片青青大草園既綠野田園feel，好正呀！呢度service好好，店員會幫你炒香個雞煲，再調低個火，等你keep住warm warm既溫感，慢慢食、慢慢傾。呢個麻辣雞煲炒起既時候，聞起上黎真係勁辣，仲以為食落口都係會好辣，點知又唔係wor，呢個小辣真係好啱想食麻辣但又唔太食得辣既朋友仔黎試下，聞起黎夠晒辣，但食起上黎就係野味既香辣。如果諗住佢係麻辣煲，d雞肉就會一般般，咁就錯晒la，呢個雞煲，唔單止視覺、嗅覺、味覺就齊晒，仲有個咬感就係佢雞肉la，雞肉既口感真係好嫩滑，一d雪味都無，d雞肉夠晒爽口唔肥膩架！🐥如果以為食完個雞煲就完既，咁就再錯多次la，食完d雞肉同肥腸，店員會幫你加清湯，麻辣炒雞煲即時變身火鍋，配料：魚、蠔、蚌、羊、牛、雞、豬...任你點到夠，食到飽。呢次就order左羊肉片、牛舌芯同埋爽脆牛胸爽。唔係笑話黎架，係真架，真係羊有羊味，牛有牛味，重點係一d雪櫃味都無。呢三款配料入面，最特別既就係第一次食既牛胸爽

朋友食過一次呢道既雞煲之後念念不忘, 要再食過咁話喎餐廳係石門站一出既商場裏面又真係幾方便~星期日黎食, 6點幾已經有唔少人喇~好彩我地有BK枱, 唔洗等就入得呢道既職員好好禮貌, 做野又快手, 讚餐牌一張紙,過 底面2板~有5款口味雞煲揀~唔食雞煲既淨打邊爐都得....仲有酸菜魚食添呀!火鍋配料有多款選擇~例如手工滑, 丸, 餃, 海鮮, 豬牛羊, 蔬菜等等~另外仲有小食添呢...自助醬料區, 乾淨企理麗島麻辣雞煲 (半隻) $168大大煲, 賣相非常吸引~~配料好豐富, 有大量芫茜, 洋蔥等配料半隻雞既份量都幾多, 2個人好夠食~職員幫忙炒拌~邊炒邊聞到陣陣香噴噴既味道~醬汁十分濃郁而且非常惹味~雞件肉質鮮嫩, 雞肉索晒D汁, 超正丫叫埋碗飯撈汁簡直perfect至尊雪花肥牛 (小) $98以性價比黎講係超值~靚肥牛~ 牛味濃, 肉質軟腍得黎有咬口~好好好味即炸脆響鈴 $48新鮮即叫即炸熱辣辣卜卜脆~即炸比起平時食既差好遠~鬆脆好多, 必叫鮮黑雲耳 $36大大兜, 食極都有丫~雲耳夠爽口又滑~健康雜菜 $68食左咁多肉點可以唔食返D蔬菜呢~叫雜菜既好處就係可以試多D款式, 唔洗淨係

咁岩做野要去石門，以為附近都無咩野好食，點知一早地鐵就見到個廣告牌，好似好吸引咁，就食左一餐美味雞煲！同同事兩個人叫左三人份嘅野食，一個廣島麻辣雞煲，響鈴，安格斯牛，松露墨魚滑同蔬菜籃。雞煲我地叫左中辣，唔係好辣，好香薑同蔥蒜芫荽，個汁好濃，雞肉都幾嫩滑。食完個煲就加清湯煮牛肉，同墨魚滑，材料係意外地高質，最推介個墨魚滑，夠彈牙同有濃濃墨魚香味。個響鈴非常大同厚料，同埋蔬菜籃都好足料。總括黎講，今餐係非常滿足，材料貨成貨實，地點都ok ,就係地鐵格離。值得一試

經openrice訂枱有9折喎，睇介紹有酸菜魚食，咁就訂枱試一下啦。 早左小小去到問下職員係咪有酸菜魚食，點知原來要訂架，職員都好好，介紹其他野食比我知，不過我一心想食酸菜魚，咁唯有下次打去訂啦。我見入面環境都幾舒服，卡位都好闊。下次有機會要試吓

一出馬鐵站就見到商場大大個牌寫住麗島小廚咁同媽媽係無計劃既情況下就嚟咗睇下呢間餐廳食啲咩原來係打邊爐嘅🤭🤭我同媽媽一見到有花膠雞煲 $198就二話不說揀咗呢個因為又唔熱氣又好似幾滋補咁-蟲草花鋪在半隻雞上呢半隻雞既份量都唔少@0@-滾起後，店員好細心咁幫我剪開做細既雞件雞肉好入味，充滿住花膠湯底既味道兩個人食半隻都有少少多3個人食應該岩岩因為我同媽媽食完已經6/7成飽😂-係真係有大大塊既花膠👍🏻抵讚既係打完邊爐唔口渴，證明呢個湯底唔會似市面上其他餐廳咁重味精👍🏻👍🏻-估唔到呢間火鍋店入面最平既雪花肥牛（小）$98質素已經唔錯，雖然油脂唔多，但肉質香腍，輕輕淥一淥入口感覺滿足-墨魚滑幾好食🥰-食材新鮮，下次會想來試埋佢既烤魚😍

沒什麼裝潢的麗舥小廚，中間館的格局，座位也不少，還有些靠窗位置，可以看著街外的環境。以雞煲烤魚為名，沒想到火鍋一點也不差，食材新鮮，味道香濃，網上訂位還有折，價錢又優惠，確實是不錯的火鍋小店。*****************************麗島小廚位於石門瑞京廣場2期商場3樓，鄰近石門地鐵站，從地鐵前來幾分鐘便到達，非常之方便。 麗島小廚沒有什麼豪華裝潢，地方也不算小，以中菜館格局，座位絶對充足。晚上供應雞煲、烤魚、酸菜魚或火鍋，還有火鍋配料，包括手工魚滑、肉丸和餃類。此外，還有不同肉類和海鮮選擇。此外，蔬菜、配料選擇也不少，火鍋以外，都有小食供應。飲品有汽水、茶飲等等。星期一至四晚巿有7.8折，星期五六日晚巿還有9折，如此優惠當然要好好品嚐。午巿以套餐供應，方便在附近上班人仕。醬油相對比較簡單，包括了蒜蓉、蔥粒、芫茜粒、辣椒粒和醬油。雞煲或烤魚雖然較為聞名，還是選上了吃火鍋湯底，香茜皮蛋鍋 HKD68。湯鍋放滿了不少芫茜，芫茜味道香濃，相信芫茜控會喜歡這湯底，價錢如此抵食，絶對不能錯過。蜂巢豆腐 HKD48，看賣相有點但冰條，但當放入湯鍋之後，蜂巢豆腐口感還是帶點嫩滑口感，

最近約咗一位好耐冇見嘅朋友喺石門呢邊食飯，平時真係好少嚟呢邊原來多咗兩個大嘅商場，走嘅路線比較平民，而朋友提出想食雞煲，所以就一齊試試呢間。環境都唔錯好闊落，坐得都好舒服，有幾張大圓枱好適合一大班人聚餐。《麗島麻辣雞煲》$168因為之前食過一間類似嘅都係石門，不過麻麻哋，所以原本都冇咩好大嘅期望，點知有意外驚喜！雞件好嫩滑👍🏻👍🏻食雞煲最怕就係好鹹，但呢個完全唔會，又好夠味，整體都唔錯。 配料方面有：《鮮蝦雲吞》大大粒好足料！《五福臨門》黑松露墨魚滑、黑墨魚滑、鯪魚滑、蝦滑、墨魚滑。全部都係手打，好正，而且口感都幾爽彈，墨魚滑能夠食到粒粒墨魚。最愛係黑松露墨魚滑，好香黑松露味👍🏻👍🏻《炸魚皮》同平時一般食到嘅完全唔同，呢個一整塊片狀的魚皮，略嫌有少少韌，唔係幾夠趣，但係勝在夠新意，一試無妨。 店員嘅服務態度幾好，而且食物質素都OK，價錢都好合理，行開附近可以黎試吓。

剛出外旅遊回來，仍未收拾好放假的心情，今晚還是出去食晚飯。由於近來市面的氣氛不佳，所以還是在附近食會比較安全些。東歐旅遊期間，就吃了四餐豬手，其中有一餐更是每人一大隻豬手，所以回來都是要轉一轉口味。去到石門，有一間之前曾惠顧的已不見了，同一位置開了一間港式雞煲火鍋店，看來光猛人氣不錯，就入去一試。據店員所說，新店開了兩個月，店子裝修簡約，店內整齊清潔，沒有多少油煙，總算給人舒服的感覺，而且全女班的店員服務態度良好，反應也很快。我們點了滋補花膠濃湯雞煲半隻($198)、一碟特級羊肉片($88)、一碟鮮白鱔片($98)、一份菜心苗($33)、一份紅薯粉($26)及兩杯鹹檸七(每杯$32)。先來的當然是滋補花膠濃湯雞煲半隻，濃湯雞煲看得出是煲了很長時間，雖然雞肉較腍，但味道很濃郁甘香，還有大大片的花膠，店員更為我們將那半隻雞剪開，方便進食。我們趁其他火鍋料未到，就先喝了兩碗老火湯才準備開始火鍋，果然是足料靚湯。除了雞及花膠外，湯內還有蟲草花及紹菜。特級羊肉片都很大片，只需灼到粉紅色就可以食，十分嫩滑有羊味。鮮白鱔片看樣子已經見到新鮮，肉質光亮，口感爽脆，煙韌有嚼口。菜心苗新鮮而腍甜，很快就可