麗島小廚 (已結業)

聽講呢間餐廳嘅午餐好抵食，於是就決定去試吓。兩個人一人一個餐，一個係豉汁蒸倉魚，另外一款就本來想嗌美極一口牛，但係因為賣晒，所以就叫咗菜脯肉鬆煎蛋角。真係好大份，而且估唔到仲跟一碟油菜，另外仲有老火靚湯同埋餐後飲品一杯。菜圃肉鬆蛋角就$49，豉汁蒸倉魚就$65，兩款餸嘅材料都好新鮮，尤其是條倉魚，肉質唔錯，果然真係非常抵食。值得一提嘅係碗老火例湯，真係冇落味精，非常好飲。由於間舖頭本身係做雞煲嘅，所以好多卡位，疫情期間就算去堂食都安心好多。

京瑞廣場食肆甚多，差不多每星期總有兩三餐於此進餐，吃厭了地下路邊那幾間餐廳，嘗試走到上層發掘新美食。首先，個人不喜歡沒帶廚房之小店，擔心食物衞生問題；其次，也不喜歡環境陰陰沉沉，缺乏自然光線的地方。商場繞了一圈，走到高層角位，被麗島門口餐牌「少鹽少糖少油無味精」及「老火靚湯」文字吸引。中菜廚師經常走捷徑，忽略食客健康，如炒鑊時避免黏底加入過多食油、為增強味道下過多雞粉、燉高湯直接外購化學調味代替等等。反之，走健康路線之中菜，使人趨之若騖，特別如我般經常外出用膳之士，每月總有幾天充滿罪惡感，鐵定要彌補腸道安康，找一些多菜、以健康煮法作賣點的食肆光顧。侍應人手只得一個，懷疑廚房也只有一人工作。在這困難歲月，節省成本無可厚非。數據得出餐飲業七月營業額與往年同期最少下跌65%，部分倒不如暫停營業，只蝕租金，總好還要蝕人工食材燃油成本。所以，還選擇開業者值得佩服也。喜歡這個窗口位置，心曠神怡，望著路上人來人往，車輛川流不息。但總提心吊膽，車泊在樓下，屢見警車駛過，擔心抄牌。曾有幾下作過人生決擇：究竟是繼續美食，還是讓它罰款？！【蒸肉餅】先來飲品，味道是茶餐廳水準，合格有餘。點了銀魚仔蒸肉餅，待了

依家有好多小店好值得大家去支持 麗島小廚係我覺得一間非常有水準同埋服務好好嘅火鍋雞煲店 出嚟食飯最重要係感受到人情味，呢間小店絕對可以畀到我呢個感覺呢度嘅食物選擇唔算話超級多， 但係每一樣都好新鮮，而且有質素雞煲絕對係呢度嘅招牌菜，佢嘅秘製雞煲醬汁非常惹味，配料亦十分多 特別有好多好多嘅芫茜啦，洋蔥等等，所以炒起來非常香半隻雞真係半隻雞，完全冇減料，雞肉非常鮮嫩多汁，啖啖都好juicy超正五色鮮蔬籃呢個蔬果籃五顏六色好吸睛，見到都好覺得吸引又有蔬菜又有蔬果，好健康呀至尊雪花肥牛份量唔多，但全部厚切，所以都幾夠食...肥牛肉味甘香，而且好有口感丫鮮白鱔片白鱔新鮮爽脆，冇骨烚一烚好快熟就食得喇大大杯既檸樂

又嚟到朋友好鍾意食嘅麗島小廚, 佢話佢最鍾意食呢度嘅雞煲, 食過呢度之後已經唔想食第三間咁話喎 而家一至四仲有七八折, 好抵食餐廳都有幾多人食,  想黎食最好就book定位啦~~自助醬料區, 有晒基本嘅醬料~~最期待嘅雞煲嚟啦!!!今次要左小辣~~ 一貫嘅好味!!!上枱已經聞到香噴噴既味道喇~~店員好好呀, 會幫我哋炒埋~半隻雞二人份量啱啱好~~佢嘅秘製醬汁真係好好味!!! 配埋滑嫩嘅雞肉簡直冇得頂至尊雪花肥牛(大) 肥牛屬於厚切, 肉質軟腍得黎非常有口感即炸脆響鈴響鈴新鮮即炸, 熱辣辣卜卜脆!!就算唔加湯即食都好好味~加湯烚嘅話只要6一6就可以保留到外脆內軟嘅感覺健康雜菜有好多款新鮮嘅蔬菜, 例如生菜, 白菜, 娃娃菜等.....一之過可以食曬多種菜, 非常豐富!!飲椰青打邊爐真係超爽, 熱氣嘅感覺全消另外飲埋凍檸樂, 冰涼暢快, 簡直無敵呀!!

自從碩門邨正式入伙，石門衣家真係超級旺，尤其是京瑞一、二期兩個商場，星期六黎到，都真係人來人往，成個旺角咁。要搵食，梗係要問下在此返工的友人甲，佢建議我黎呢一間，仲話必試佢嘅老火例湯，於是我就去試了。午市套餐都算多選擇，我點了最貴的$65桂花魚，當然有飲友人話必試嘅老火湯啦。是日例湯係節瓜雞腳煲唐排，真係無落味精，真心正，再加上雞腳係我的最愛，梗係Like爆啦﹗到條桂花魚上檯，都算大條，食落好新鮮，廚師用紫薑同欖角蒸，好入味，餸飯一流。除了條魚同個湯之外，原來仲送一碟菜，咁嘅份量加埋質素，真心物超所值。

天氣凍，一家人最好就係去圍爐打邊爐。石門，有唔少打邊爐嘅鋪頭，今次就去到二期既麗島小廚。由於我哋早入場嘅關係，人流都未算好多。坐低，見餐牌都係以雞煲為主，一望我就俾滋補花膠濃湯雞煲吸引着，所以就叫咗佢！另外叫咗烏冬麵，諗住襯花膠雞湯會好正咁啦，再叫左蔬菜盤，響聆，魚皮餃，同埋係一個叫五福臨門嘅墨魚滑拼盤。一嚟個花膠雞煲，嘩！啲湯色一睇就知道用足料！好濃啊！一飲落去，因為花膠嘅關係啲湯好滑，起曬膠，好濃郁，雞味好重！裏面嘅雞肉好滑好香，淨係飲湯，都要幾碗啊！另外我哋叫咗一個烏冬落落去，諗住趁未有其他味道污染嘅時候就試過清雞湯烏冬，真係好好味！之後就先放蔬菜籃既料，我都覺得好抵食，有我囡囡最鍾意食嘅粟米，蕃茄，同埋有我最鍾意食嘅木耳，蔬菜都好新鮮！打邊爐食材就最緊要，而家嘅食材都令我好滿意呀！另外要推介既嗰個肯定話係即炸嘅響聆，的確卜卜趣，吸左啲湯汁之後食落去，真係一流呀，我覺得係打邊爐必叫之選！魚皮餃呢就普通OK啦！比較特色嘅係佢個五福臨門，五福臨門即係有幾款唔同嘅魚滑，有魚滑，蝦滑，黑松露墨魚滑，黑墨魚滑，同埋墨魚滑。囡囡最鍾意就係魚滑落去！家下有五份俾佢玩，佢整得好開心呀！，全部魚滑

呢個星期日晏晝，又去麗島睇下有無蒸魚食，今次人多又有細路，叫咗3 個套餐。一個係蒸魚，一個蒸肉餅，同小朋友話要食嘅粟米魚塊。呢度出餐一向唔算快，飲咗佢個老火湯先，今次係年藕湯，我鍾意呢度湯次次都好有水準，無味精又飲得到好夠材料。嘢食最先嚟再係粟米魚塊，整得幾好，唔油個皮又少少脆。跟住個肉餅，都好食嘅，但我覺得某一次叫過肉餅印象中嗰次再好食d。最後嚟係個魚，一嚟我哋嘩咗聲，咁大條嘅D汁配得好好味，不過魚大條到d汁點到無曬我都要講多次，點解呢度成日無咩人，明明都算抵食同好食...我好驚佢好似上手間養生鍋咁....無啦啦無咗

上次嚟食食唔到蒸魚，前日紅日11點幾嚟到，又叫蒸魚。間鋪今日唔知點解無咩人，入去時得一枱客，職員話蒸魚要等廿幾分鐘，嘩....不過唔緊要反正唔趕，最緊要由。職員話比住個湯我哋飲住先，呢度湯我一向鍾意嘅，無味清對我嚟講都好夠味。生炒骨嗰set嚟咗先，其實都好味嘅，不過比較嚟講上次蒸肉餅正啲。到個蒸魚嚟喇，無白等，蒸得啱啱好，魚肉滑又鮮加埋d汁一流呀。加埋碟菜份量真係好足，但全程人流都好低，連環境都唔錯，真係唔明點解

餐廳：麗島小廚 (沙田)地址：沙田石門安群街1號京瑞廣場2期2樓225號舖星期一至日11:30am-3:00pm有特惠午餐精選套餐🍽，價錢大概都係五六十蚊👍🏾，唔算太貴，肉餅、蒸魚🐟、口水雞🐔、煲仔飯、糯米飯等都有，以少鹽、少糖、少油同無添加味精嘅方法去整，夠哂健康我就叫左個荷葉籠仔蟲草花蒸雞($62)，仲送一碗是日章魚蓮藕煲唐排湯同一杯熱飲☕️，碗湯仲好足料好多蓮藕，無味精亦唔會好濃好鹹😍，岩哂我呢啲鍾意健康嘅人士即叫即整，絕無假手，等左大概10分鐘就有得食😋，蟲草花蒸雞飯以籠仔上枱，仲有碟芥蘭送，未食已經聞到雞香🐔，熱辣辣嘅籠仔飯夠哂風味，雞肉亦都好鮮味，撈飯食一流平時食飯時間都好多人🙈，要食就預早少少去喇

原本在尖沙咀返工，最近公司搬左去沙田石門，這裏除咗有寫字樓之外，還有商場當然少不了食肆，今晚約左個同事去到京瑞廣場二樓(麗島小廚)餐廳設計以舒適為主，食材新鮮有水準，店員服務都很好，最好就是全單有九折優惠，非常抵食，咁我哋嘅飯堂將會搬到麗島小廚。最初以為不辣的雞煲，沒有什麼味道，食落又估不到是這麼滋味。麗島雞煲半隻$168，有不辣至大辣，我哋揀咗食不辣，店員將芹菜、芫茜、蔥段、洋蔥等配菜連同雞件一起爆炒後，雞件依然嫩滑，十分惹味。鮮白鱔片$98將新鮮爽口彈牙的鱔片，放在鍋裏恰2分鐘都不會過老。珊瑚蚌$128，一看便知非常新鮮，食落仲好彈牙。手打靚蝦滑$78

石門兩個廣場真係好多好野食，離車站又近，於是今日就去試左麗島小廚。呢排凍，食熱辣辣嘅雞煲就啱啱好啦。呢度佔位都唔細，間隔整齊，坐落好舒服。通風好，周圍D鍋興恰恰都唔會攻到好大味。Menu選擇不少，雞鍋都至少五款，加上烤魚，火鍋等，非常豐富。配料都有齊基本平時會食到既野，夠食有突。由於朋友唔食辣，所以我哋揀咗海南椰子雞煲。半隻$198，首先上雞，肉質鮮嫩，完全唔老亦都無雪味。個湯底更加正，店員係我地面前加左成隻椰青汁落去，無花無假，超正！淨落個椰青肉仲可以慢慢食。湯底料多，椰子味濃，配合雞同配料，清新又入味！呢個湯底真係俾足100分。配料當然唔少得雪花肥牛（$98），牛味重，厚度有返咁上下，又有湯底加成，加左不少鮮甜。另外有豬頸肉片（$88）， 份量都幾多下，入口爽滑彈牙，點汁唔點汁都好食。響鈴（$48），佢有芝士響鈴不過個人唔太鐘意芝士就無點。響鈴值得一贊，因為佢真係超新鮮，上台仲係熱哄哄咁，應該真係新鮮炸起，食落超香口！建議絕對要一試。另外仲有雜菜，烏冬之類，每一樣野都唔令人失望。服務態度亦好好，星期一至四晚市仲有折，CP值高，值得一試！

終於有冬天既感覺喇，即刻約朋友打返個暖笠笠既邊邊。呢間店環境光猛，通道闊落，同隔離枱保持一定距離，同朋友傾計就可以更加暢所欲言。打邊爐首要選擇當然係湯底啦。鴛鴦湯底（皮蛋香茜&沙嗲）就滿足到我同朋友嘅唔同喜好。配料方面當然唔少得一定會出現嘅重要角色 - 肥牛！呢度都有幾款牛肉可以選擇。我哋就揀咗至尊雪花肥牛（小）。好欣賞佢有大小份量嘅選擇，咁花心嘅朋友仔就有更多空間去試其他配料啦！至尊雪花肥牛顏色已經好吸引，唔係嗰種好多白色脂肪嘅肥牛。滾大概10秒，就可以食到濃香牛味又唔肥膩嘅肥牛啦！手打黑墨魚滑墨魚滑好多地方都有得叫，但黑墨魚滑我就第一次食。墨魚滑入面仲有粒粒墨魚肉，增加左墨魚滑口感嘅層次。巧手韮菜餃人手包嘅餃子，材料新鮮。皮夠薄，隱約可以睇到入面嘅韮菜同豬肉。出面食嘅韮菜餃，韮菜份量一般都過多。呢度嘅餃子，韮菜、肥豬肉同瘦豬肉嘅比例剛好，咁就唔會俾韮菜搶晒fo喇。即炸芝士脆響鈴金黃色好靚。建議用陰力夾起，因為真係好鬆脆。放入湯底3秒就啱啱好！芝士少少溶，配埋少少林又有少少脆嘅外皮，真係好好味！我哋仲叫咗兩款健康食品 - 鮮黑雲耳同白菜仔嚟中和下上面咁邪惡嘅食物。另外仲叫咗一支啤酒啤

收工想打邊爐，就近近地去咗呢間試下。星期一至四有7.8折，兩個人食就叫咗個鴛鴦火鍋底同幾樣配料: 👎🏻鴛鴦鍋底$78 : 沙嗲味太淡，唔辣，皮蛋莞茜都正常，但味道都係唔夠濃。手切至尊安格斯牛(大)$238 :算係咁多個配料最好味的，牛味幾重，口感順滑，但份量唔算多，性價比不太高。(*圖中我已食咗兩片才影)👎🏻蜂巢豆腐 :$48 :一d蜂巢豆腐的質感都無，中間無乜蜂巢狀小孔，口感麻麻。👌🏻韮菜餃（$58） ： 呢個都幾大隻，有八粒，算比較抵食，味道算正常，韮菜都算新鮮。👎🏻芝士響鈴 $68 : 得五舊，唔脆的，滾幾下食，都係有點韌，只係響鈴入面有少少芝士比較特別，但味道都唔太濃👌🏻淮山 $43 : 味道正常，份量算多(*圖中我已食咗一大部分才影)手打黑松露墨魚滑 $78: 份量都ok，一份墨魚滑有兩條，但黑松露味唔算重。兩個人無嗌飲品，打完7.8折，埋單都接近$550，食物質素就一般，呢個價錢黎講唔算划算，應該唔會黎第二次。

石門真係我個飯堂，每次吾知食咩好就會去石門逛逛，成日都會有新的可能性；今日天氣超凍，去到石門諗緊韓燒定打邊爐，最後選左麗島小廚。我地點左個醉雞鍋。藥膳醉雞煲半隻（$138）待藥膳湯水滾後放入已用酒泡好的雞件煮5分鐘便可。雞肉超滑而且雞味頗濃，黃油出晒黎，吾係冰鮮雞，藥材味唔係太重，唔會掩蓋醉雞味，食完個人超暖，簡直係黃油加身。美國桶蠔（$138）有3隻超大隻生蠔，手掌連手指咁大隻，超新鮮，完全冇嚟未超新鮮，完全冇黎泥味，肉質勁飽滿，超正。巧手韭菜餃八粒（$58）菜與肉比例剛好，韭菜好鮮甜，越食越想食，一個人食八粒都可以。日本蟹柳（$48）正常蟹柳質素。五色鮮蔬籃（$72）蔬菜超新鮮，冬天最適合就係食菜心，菜心當造，蔬果吸晒藥材同醉雞味，菜甜中帶有隱約的藥材味。讚岐烏冬（$26）重點並唔係烏冬但又係烏冬，原因係因為烏冬吸晒所有嘅精華，所以每啖烏冬都係藥材加最雞再加其他材料嘅甜味。😋味道：7.5/10🙃回頭：8/10💰消費：220（每人）

雖然石門開左好多間餐廳，競爭相對大，但呢間雞煲店既生意真係好好，全部坐滿，完全係信心保證😛唔算等好耐，而且侍應服務態度幾好👍🏻佢有酸菜魚、豬骨鍋、皮蛋鍋、仲有好多款雞煲比你揀😭 超貼心～最後揀左半隻麗島麻辣雞煲 ($168)，不過我地叫左唔辣😂就睇下佢夠唔夠味點知係勁濃味!! 連調味都完全唔洗出去拎，同埋入面都幾多雞，如果兩個人食，建議唔好叫咁多肉😆至尊雪花肥牛 (小) ($98)餐牌上都有好多牛肉比你揀，第一次試就揀左呢款肥牛，雖然唔係最貴，但質素好高😍👍🏻👍🏻一來塊肉都幾厚，二來肉味好出，唔洗點醬，試原汁原味係絕對有驚喜!!!手打墨魚滑 ($66)墨魚味好出，兩個人食既份量都夠多，食落去好彈牙😋之後再叫左巧手韮菜餃 (8粒)($58)、讚岐烏冬($26)、即炸脆響鈴(5件)($48)、娃娃菜($33)都係唔錯的，最欣賞既係佢每樣配料都寫得好清楚有幾多件數，令客人都能夠預計自己既食用份量，最後埋單都係每人$2xx。不過下次都係一大班朋友黎食可以試多D野🤣星期一至四仲有7折!抵～