鹵家

營業中

休息中

今次就揀咗滷水嘢，因為平時都比較少食🤭我哋就叫咗兩個套餐，一個小食蜜汁叉燒王配白飯叉燒超級軟身，超級入味，而且每一舊都好厚切，份量亦都好多，再加上佢哋自製嘅汁配埋白飯簡直一流，叉燒入口勁有口感，唔會太多肥膏，亦都唔會太瘦冇肉食特製鹽香雞配米線呢個雞真係值得一讚，雞肉好滑，而且都係啖啖肉，仲要係雞髀，真係超級好味，入口有少少鹹鹹地嘅鹽香味，雞肉嚟講都真係算小骨多肉話梅涼瓜片本身都非常鍾意食涼瓜片，估唔到配埋話梅一齊入口酸酸地非常開胃，鍾意食話梅又鍾意食涼瓜片嘅朋友真係可以一試，佢會令你越食越開胃，而且呢一個小食係涼拌，好消暑嘅感覺以上兩個套餐都有配埋住家老火湯，合掌瓜青紅蘿蔔湯，而呢一碗例湯真係佢哋自家煲出嚟嘅，因為飲得出唔係味精之餘，仲要好足料

💡 皇牌鴛鴦拼-叉燒,梅子鴨（白飯）🎀叉燒- 燶邊半肥瘦，食落恰到好處🎀梅子鴨- 鴨脾位，肉質滑溜，配埋梅子醬一流💡 頭抽豉油雞（白飯）🎀都係脾位😍豉油雞唔會過濃，肉質嫩滑💡滷水大腸頭🎀肥瘦適中，唔會滷到過晒龍，滷水汁甘香仲配埋滷豆腐，豆腐亦都好好味💡住家老火湯🎀好有住家味既感覺，飲得出係冇味精，好足料既湯(5🌟為滿分）環境：🌟🌟🌟🌟🌟打卡：🌟🌟🌟🌟🌟味道：🌟🌟🌟🌟🌟價錢：🌟🌟🌟🌟🌟再訪：🌟🌟🌟🌟🌟

頭抽豉油雞配米粉 $72呢個豉油雞小編真係極力推介超級好味。豉油雞就咁聞已經有一浸玫瑰露嘅味道，肉質嫩滑非常入味，而且唔會死鹹！係小編近期食過最好食嘅豉油雞秘汁鹵家鴨配米線 $76呢個都係呢間舖頭嘅招牌，老鴨非常入味，中間唔會太肥，健康人士專用。住家老火湯入面有青紅蘿蔔 炆得好淋，仲有舊豬肉同埋粟米，味道非常清甜熱菜蜜京蔥金錢肚 $48呢個金錢肚小編都非常推薦，金錢肚爽口彈牙，入邊青瓜絲配埋微微辣辣嘅醬汁冷盤非常爽口開胃！

今日又落元朗食晚飯，最近見到好多人都有介紹呢間，附近又有位泊車，就同男朋友好試下同預期一樣好味道.對於我來講，食物同預期同超出預期，係一件不易既事,所以要讚一讚首先1.鹵水鵝飯$78 set lunch味道適中，唔會太咸或者唔夠味，有鵝味，而且皮香肉滑，推1個2.京蔥金錢肚$48好咪爽口，搭配京蔥，咪道夾，作為前菜，係合格之上3.雙併湯餃$46餃子控既我，見到有餃子去邊都會叫來試下，當然鹵家唔係主打，但佢既餃子都合格既，足料自己包，但個餃子就略為差d,所以口應4影響左，但韮菜餃同西芹餃，蔬菜咪都好突出，不喜歡重菜味，不建議試.4.雞絲麻醬麵$45正常發揮，醬汁夠，麵彈牙，雞絲唔“鞋”,中意食涼麵，可以食下，但價錢偏貴一點.

📍 鹵家（元朗）經常經過都好想食鹵家，今日黎到啦，聽講個蜜汁叉燒好好食，當然要黎拜訪一下✋仲有不同款式既食物🥘主打無冇味精住家湯，每日新鮮制作～家的味道😍🔸蜜汁叉燒王($79)紅潤色澤、誘人的焦脆燶邊、光亮欲滴的蜜汁，再加上幽幽的鹹甜香氣與鬆軟口感，叉燒不愧為我至愛👍🔸秘汁鹵家鴨($76)滷水好香八角味，味道回甘，鴨肉肉質細嫩紮實，咬落有汁，煮得啱啱好😍🔸住家老火湯佛手瓜栗子豬骨湯，可以補氣益血，養顏，抗疲勞，抗衰老。材料十足，無味精，而且味道清甜，好有家的味道👅🔸酒仙醉雞捲($62）帶有陣陣酒香，雪凍後冰涼透心，好適合熱辣辣的天氣食用，雞肉仍然保持嫩滑，愈食愈滋味

星期六下午6點左右 久違地入左元朗 前一晚咁啱睇到YouTube 片介紹 就去左鹵家 食燒味/鹵味 店舖入面唔算有太多客人 但都見不斷有外賣 相信大家都係斬料返屋企加餸第一次食 一行3個人 今次揀左蜜汁叉燒王($79)，梅子燒鴨($76)轉燒鵝(+$15)，燻蹄拼海蜇($78)套餐抵食 跟餐送每日自家老火湯/熱飲(凍飲，汽水，特飲要加錢)主食都可以揀飯轉米線，米粉，公仔麵(拉麵，烏冬，出前一丁要加錢)呢個價錢嚟講 份量算正常 啱啱好食得飽 湯好飲~碟肉都算大碟🤔酸梅醬好味(大家知啦，真係有啲係唔好味😂) 點燻蹄嘅醋汁個人認為可以酸啲 叉燒今次唔係好夠火候 如果脆邊返少少就完美🤏本身想叫多個醉雞卷食 但驚食唔晒 唯有留返下次再嚟食啦另外好想講 員工們都好有禮貌😌🤩總括黎講:🌕🌕🌕🌕(滿分為5分🌕🌕🌕🌕🌕)食物:🌕🌕🌕🌕環境:🌕🌕🌕🌕服務🌕🌕🌕🌕可回頭次數:🌕🌕🌕🌕鹵家 (元朗)元朗教育路68號兆豐樓地下10及14號舖

#元朗#鹵家性價比高既燒味鹵水餐廳😋😋🪭🪭最近天時暑熱 食野無乜胃口口乾乾就想飲啖湯 去到鹵家入面一坐底店員就送上老火湯 -粟米紅蘿蔔湯 之後叫個涼拌小食降降溫1️⃣話梅涼瓜片呢款小食 夏天食就岩哂 好少見其他餐廳有 感覺好特別話梅酸酸甜甜 配上苦瓜 消暑開胃 同時無苦澀味🤤2️⃣蒜汁豬頸肉豬頸肉上鋪滿秘制蒜汁 有啲似豆瓣醬就算平時唔太食得辣既朋友 都可以接受 夠哂惹味 每片豬頸肉爽口彈牙👍🏻3️⃣秘制鹵家鴨拼蜜汁叉燒王鴨片肉質唔會韌 每片色澤均勻好靚仔🤤😍 配搭埋佢既醬料感覺似甜酸醋 幾fresh叉燒肥瘦適中 鹵味係幾有水準高質平民燒味✅經濟得黎 醬汁配料都特別 配飯一絕 值得一試下次再食有啲想試佢既酒仙醉雞卷#18區美食#燒味#鹵味#涼拌#美食日記#小食#餐廳#foodporn#foodphotography#instafood#hkig#hkfoodie#instadaily#foodie

今日帶朋友來到元朗，選了一間在元朗有一定名氣的食店-鹵家。店舖由前酒店師傅主理，質素毋庸置疑。我們兩人點了兩份套餐，加一份小食，價錢非常相宜，性價比高。首先來的是秘汁鹵家鴨，鹵水汁香濃，鴨肉嫩滑。師傅烹調的時間非常準確，鹵水香味既能滲入在鴨肉中，亦不會過熟。接著來的是鹵水大腸頭，大腸頭不會太肥，鹵水香味十足，必食之選！最後來的是蜜汁叉燒皇，叉燒肥瘦適中，邊位有少少燶邊，食落既脆口，肉汁亦十足。叉燒上枱時仍然是熱辣辣，超級好食！套餐除了跟飯外，亦跟無味精湯/飲品，我們點了一個無味精湯試試，湯料十足，味道鮮甜，明顯是無味精的。餐廳除了堂食外，亦設外賣，在我們食晚飯的過程中，已有不少街坊過來斬件叉燒、叫份鹵水鴨回家品嘗，可見元朗人已經對這間餐廳並不陌生。

以前成日因為叉燒而去鹵家，近排突然想食，所以有一晚就去咗食晚餐。7:30鐘左右都要等一等，不過都好快入咗，我叫咗一客叉燒配飯，叉燒偏瘦，而且冇以前咁入味，亦都唔係燒到焦香，仲有少少柴皮添，整體有啲失望。

住咗喺元朗咁耐都仲未試過呢一間，突然想食叉燒就試一試酒仙醉雞卷擺盤算係有心思，每塊雞卷上面都有粒杞子，而且一放上枱已經聞到好香酒味食入後悔先有淡淡藥材味，然後再有酒香味散發出來，有驚喜蜜汁叉燒王套餐（配飯➕凍檸茶）肉質夠嫩，而且蜜汁好夠，再加埋脆邊配飯食真係一流👍🏻絕對推薦例湯都好夠味，無咩味精味，屋企味道秘汁鹵家鴨套餐（配飯➕例湯）新嘗試，鴨肉夠滑，唔算嚡口，而個醬汁就好估唔到，比較濃既藥材味，而且每片都夠入味，唔錯

鹵家元朗教育路68號兆豐樓地下10及14號舖⏰營業時間：星期一至日 11:30 - 22:00 (逄星期三休息)另一半係燒味之愛好者，佢話元朗呢間鹵家係佢食過最正嘅燒味，講到咁誇就陪佢食吓啦！一入店舖見到海報有大廚個樣，原來佢之前係五星級酒店老師傅！即刻充滿期望，食物性價比高，家庭式經營，老闆娘非常熱情親切，睇得出好用心經營呢間餐廳！蜜汁叉燒王舊舊叉燒有烤烘過既微微焦香！醬汁上花了不小功夫調制！叉燒的厚度適中，肥瘦均勻，入口有微微的焦香，加上濃稠入味的醬汁，讓人吃了回味無窮。這道菜的特色在於它的肉質鮮嫩多汁，梅花肉食落鬆軟🥹肥瘦適中，送飯一流！秘製鹵家鴨除了蜜汁叉燒王之外，佢嘅滷水都相當出色！秘製鹵水鴨肉質鮮嫩多汁，入口有微微的嚼勁，加上經過精心調製的滷汁，一試難忘，仲有d豆芽菜舖底。小食我地揀鹵水大腸頭，$48，價錢都好抵！大大碟！肥瘦適中，入口油脂豐富，而且鹵水好香，配埋豆腐食，溫度上枱時偏熱，抵讚，唔同其他餐廳通常係凍，呢間小店好體貼，細節位掌握得非常好！ 老黃瓜赤小豆扁豆豬骨湯（無味精）功效係去濕清熱，生津，降血壓，好適合夏天飲！大大碗湯，材料豐富又夠營養~老火湯無添加味精，入

><識食一定揀飲無味精住家湯佛手瓜栗子南北杏甘筍豬骨湯袪濕清熱 生津降血壓頭抽豉油雞(68)雞皮色澤油潤亮麗皮爽肉嫩帶豉油甘甜底下爽脆芽菜沾上油香梅子脆燒鴨(72)份量慷慨 燒鴨皮薄肉質做到juicy唔嚡口加上梅子醬很下飯鹵水大腸頭(52)腸內嘅脂肪清理得好乾淨 完全冇膩意 爽滑富彈性 滷水香味四溢很入味話梅涼瓜片(42)夏天食啱晒好開胃 酸酸地回甘 平時麻麻地涼瓜嘅我都夾多件><><><><><><><><><><鹵家元朗教育路68號兆豐樓地下10及14號舖

餐廳係以家庭式經營，大廚退休前係米之蓮一星餐廳做過，燒味十分出名店舖簡約黃色燈光，令人好暖好似返咗屋企感覺🤣座位唔多，繁忙時段就一定要排隊，建議早啲去 🟡鹵家鴨 $72肥美嘅鴨底層有芽菜，有菜又有肉，個豉油汁甜甜哋仲有白醋附上，一般嘅滷鴨好多都唔夠入味好淡，佢哋夠味又唔會好咸👍🏻🟠叉燒王$78個人喜好鐘意瘦叉，佢係一舊肉再痴住少少肥膏，都可接受，佢做到外皮焦香。追求肥叉嘅人可能會失望花雕鴨舌拼海蜇 $74鴨舌好爽 好香又入味 好重酒香👅海蜇爽爽哋 夏天必食 舌王要選擇🤙🏻佢哋湯水都係好健康無落味精，完全係mami嘅味道，晚上諗唔到食咩 又係一個好選擇

每次經過呢間都係出面聞到鹵水香味不過每次都話下次經過再黎食 🥲而且門口成日都好多人排隊 🤔由細住到大係元朗一次都無黎過 😂今次真係吸引左入去食一次 🤤聽講係由五星級酒店既師傅打理 😧相信都一定食物品質保證 👍🏻🌟老火湯第一啖飲落口 😳飲得出的確唔係味精湯黎⁉️豬骨肉都煲到冧哂 配埋老黃瓜 夏天清暑清熱既作用💦岩哂呢排咁熱既天氣補返下 🫶🏻飲湯下所謂連渣都食埋代表一定係好飲 🤣🌟話梅涼瓜片 💰$42一道非常令人開胃既菜式 🤤首先好用心擺盤 切得好靚好夠薄片 細個最怕食涼瓜 因為覺得好苦 😵但呢到浸埋梅子既清甜味蓋過左涼瓜原有既苦澀反而再有回甘既口感出黎 🍋又清涼爽既感覺 真係食到停唔到口 🤟🏻🌟秘汁鹵家鴨配白飯 💰$72滷水野真係整得好出色上枱擺得好齊整 靚靚仔仔 🙆🏻‍♂️滷水味都好入味 滲透肉既每一層 🤤令到肉汁保持到鮮嫩 唔會令人食落感覺好鹹 推返左我都滷水既認知 😳😳又可以配搭白醋一齊食🌟蜜汁叉燒皇配白飯 💰$78十分推介 👍🏻👍🏻身為一個叉燒 點會唔試下佢地既叉燒 🍖半肥瘦適當 🤤叉燒邊燒到有些小脆 面頭又有蜜糖味 🍯肉質又唔會覺得柴口同靭 配埋白飯一齊食真係飯都想食多幾碗 🤣🤣

【元朗•鹵家】✨ 🐝@thelufamily2016————————————————————————平民食肆之性價比高燒味鹵水餐廳 由五星級酒店老師傅主理 窩心美味之選 每日新鮮製作 茶餐廳格調 食物性價比高 啱曬我呢啲成日食燒味鹵水既麻甩妹😋🍯｜皇牌鴛鴦併：蜜汁叉燒王+梅子鴨｜HKD 88 舊舊叉燒有烤烘過既微微焦香 入口味道有別平時食既 醬汁上花了不小功夫調制 梅子鴨重點落於醬料 梅子味濃 鴨肉肥瘦均勻 肉質嫩 兩者比較下叉燒更為出色 🍚🥩🪿💦🍯｜話梅涼瓜片｜HKD 36好好味 每片苦瓜都經過精心雕琢 擺盤有賣點 切得大細均勻 口味清新 陣陣嘅梅子味包住咗苦瓜 咬落去仲有梅子嘅清甜味散發出嚟 有五星級酒店水準 健康之選 值得推介🫐🫑🫑🏋⛹🤾🍯｜酒仙醉雞卷｜HKD 52每片醉雞卷都配上杞子 雞卷塊塊大細適中 酒味唔會太濃 入口感覺到皮肉 雞肉小量脂肪 性價比高 食完一舊又一舊 🍶🐔🐤🐥🥠🍵｜住家老火湯-佛手瓜栗子南北杏甘筍豬骨湯｜跟晚市套餐送冇味精住家老火湯 味道清甜足料 岩曬我呢啲鍾意飲湯既人 仲要跟餐送 真心覺得無味精 好有住家感覺🍵🥕🌽💦🐖🦴