鹵家

營業中

休息中

近日經朋友推薦下去咗元朗依間燒味店 "鹵家"，由5星級酒店經驗豐富嘅老師傅用心烹製  ;  所以就揀左今日下午茶時段來品嚐呢度嘅燒味啦 ~ 入到店舖，環境設計簡約，地方潔淨。點選咗兩個下午茶餐，加配小食及老火湯。梅子脆燒鴨米線       $39這個招牌菜梅子脆燒鴨米線，必食推介！燒鴨味道甘香，鴨皮燒得香脆，鴨肉味道濃郁，炭火香味散發出來，烤得外皮香脆，肉質鮮嫩，湯底清甜，米線爽滑。 頭抽豉油雞米線       $39另一款係頭抽豉油雞米線，香味濃郁嘅頭抽，微甜嘅豉油香，雞好入味，雞皮滑嘟嘟，雞肉好爽滑，不會有較多脂肪，就最啱我啦。套餐米線滑嘟嘟，爽口彈牙。話梅涼瓜片      (+$24)小食揀咗本店嘅招牌菜話梅涼瓜片，絕對係清涼嘅小食，推薦！涼瓜完全吸入話梅味，冇本身涼瓜嘅苦澀味，清甜爽脆，口感清新，好美味嘅涼拌小食。拍蒜青瓜       (+$18)另一款小食拍蒜青瓜，味道亦唔錯，清新爽甜，口感好fresh，少少辣少少鹹，十分開胃。套餐加 $12 揀住家老火湯 及 凍檸檬茶 $5，老火湯每日新鮮熬製，聲稱不加味精。今日老火湯係木瓜花生章魚雞腳豬骨湯，湯裡面有好多材料，飲起嚟完全唔

早排試左呢間由五星級酒店老師傅主理既餐廳❤️主打住家老火靚湯同埋鹵水料理，我地2個人試左2份下午茶套餐😆😆先講吓鹵家每日都有既靚湯嗰日係五指毛桃湯，每日都唔同的🤣都要餐廳對自家出品既老火湯有信心，先會一入黎就見到勁大張poster寫埋今日飲咩湯，淨係呢點勁細心，唔使係咁問店員😂🫶🏻個湯好味又足料。有齊蘿蔔粟米同猴頭菇，夠晒足料🙌🏻老火湯味道=飲到媽媽的味道🤣🤣🤣🤣飲完再試埋佢地既頭抽豉油雞米線&秘汁鹵家鴨米線，雞肉口感嫩滑，又夠豉油味。湯汁味道濃郁，同米線幾夾一啖湯一啖米線，加埋豉油雞，非常滿足！😎😎😎秘汁鹵家鴨米線食落鴨肉肉質鮮嫩，秘汁鹵味味道獨特亦推薦！小食方面就分別試左 酒仙醉雞卷😍健康雲耳仔&鮑汁雞腳醉雞卷每片醉雞卷都有配一粒杞子味道主要係甜味為主 淡淡酒味又恰到好處唔會搶走雞卷本身既味道🫶🏻亦有青瓜絲可以中和酒味食落非常滋味開胃🤤健康雲耳仔細細粒既雲耳仔形狀岩岩好兜起酸酸地既汁豐富既爽脆酸味，食落非常驚喜💯鮑汁雞腳鮮味鮑汁加埋雞腳既膠質口感食落唔錯😙😙佢地既下午茶真係好抵食🤯🤯🤯$38一個米線 加埋老火湯$12本身個餐加$18起就有小食😳之前已經同過屋企人食過，真係好抵食😂😂😂

舖仔細細好家庭式餐廳好舒服隔離枱係咁望住張海報一睇嘩！大廚咁大餐廳經驗真係要試試先推介🍚無味精老火湯南瓜蟲草花紅蘿蔔湯簡單食材煲到濃湯 有心思最後飲曬成碗湯其實已經少少飽應該要放到最尾先飲下午茶抵食又多選擇加購小食好優惠有青瓜/雲耳/皮蛋/雞腳🍚拍蒜青瓜份量好多個汁甜甜酸酸好好食🍚梅子脆燒鴨米線皮脆肉嫩仲要係燒鴨嘅左脾微微梅子香好夾再食碗米線清一清香口而不油膩讚🍚涼拌胡麻雞絲冷麵大大碗雞絲又好滑喎個醬汁做到啱啱好入口好順滑🍚酒仙醉雞捲淡淡酒香杞子香雞捲肉嫩又爽口仲要有咁多件 難怪餐廳推介有幾枱都食每款主食小食味道獨特又唔蓋過另一款菜平民價錢大高級餐廳質素每款菜食到‘’正呀正呀”咁叫真係美食😍

好耐冇食鹵水野 行過見到呢間餐廳就入去試下餐牌有勁多唔同款嘅鹵味同燒味揀 咁我地就叫左兩個餐 同加左兩個小食蜜汁叉燒叉燒色澤紅亮 表面微焦帶蜜香 肉質淋得黎又多汁 肥瘦比例恰到好處 仲有少少燶邊 送白飯一流水準唔係講笑 真係可以媲美不少老字號燒臘店 絕對是必試之選鹵水鵝每片鵝肉大小恰到好處 一片一啖 鹵汁入味而不死鹹 肉質好滑 點d醋食仲正話梅涼瓜片賣相好靚嘅一碟小食 苦片切得好薄 爽脆不苦澀 話梅的酸甜完美中和苦味 仲帶d陳皮香 非常開胃 夏天吃尤其清爽 連我平時唔食苦瓜既朋友都食唔停口 鹵水豆腐豆腐索哂d鹵水精華 內裡嫩滑 豆香濃郁 而且仲有d芽菜墊底 口感好夾最後一定一定唔可以錯過個例湯 係合掌瓜紅蘿蔔豬骨湯 味道清甜解渴 一飲就知係足料 冇加味精嘅老火湯

鹵家 (元朗)地址：元朗教育路68號兆豐樓地下10及14號舖黯然雙蛋叉燒飯叉燒燒得啱啱好，半肥瘦夠香口，唔會太乾又唔會太膩。豉油撈飯好入味，雙蛋煎得靚，太陽蛋蛋黃流心，撈飯真係一流！簡單但係好滿足！酒仙醉雞卷雞肉勁嫩滑，酒香淡淡哋，唔會太濃但好入味，食落好清爽。凍食口感好正，夏天食特別開胃。雖然份量唔算多，但味道真係做得精緻，值得叫下！

同屋企人食飯，多數都會揀中餐，今日就嚟到元朗一間人氣好旺嘅港式燒味餐廳——鹵家。未到七點，店內已經座無虛席，睇嚟燒味佢地嘅燒味一定幾出色😋。🍚 皇牌鴛鴦飯 叉燒王配鹵家鴨 $89上枱嗰刻已經被份量嚇一嚇，真係好足！叉燒肉質軟焾又juicy，蜜汁甜香滲到入肉，食到尾都唔覺膩🍯。鹵水鴨每塊厚薄一致，皮香肉嫩，帶出濃郁鴨香🦆。跟餐仲有無味精老火湯——老黃瓜赤小豆湯，清熱去濕又清甜，真材實料，夏天飲一流🌿。🥩 蒜汁豬頸肉 $76蒜汁香濃微甜，蒜蓉處理得恰到好處，完全唔辛辣，送飯一流🍚。豬頸肉爽彈，肥瘦比例剛剛好，每啖都有肉香同油香交織。🥒 拍蒜青瓜 $42青瓜保持咗爽脆口感，配上少少麻辣帶油香嘅醬汁，酸度適中，好開胃。炎熱天氣食落特別清爽❄️。整體嚟講，鹵家出品企理、味道有水準，價錢亦算合理。屋企人食得開心，我都覺得今餐真係幾滿足，下次一定會再嚟試其他燒味組合😋。📍鹵家·元朗教育路68號兆豐樓地下10及14號舖

上枱個蜜汁叉燒王，油亮亮到反光，叉燒汁「吉」落絲苗白飯度，簡直係靈魂降臨，飯粒吸晒啲汁，食到停唔到口，肥瘦肉比例啱啱好，唔會油到滯又唔會乾到嚡，個名帶「王」字真係冇吹水！金牌燒鵝皇，皮脆到咬落「卡嚓」聲，個脆皮同個肉之間仲有層薄薄嘅脂肪，甘香到痹，點少得酸梅醬中和油膩，根本控制唔到個口！麻香脆海蜇呢個前菜夠晒醒胃，花椒味唔會太搶，海蜇爽脆到好似係口入面跳舞，食燒味之前嚟一碟，個胃口即刻打開晒！住家老火湯，暑氣即時散晒，個湯味濃郁得嚟又唔會太鹹，飲得出係落足時間煲嘅，唔似出面個啲味精湯，飲完仲想添！最後杯檸檬茶，茶底夠強，檸檬夠酸，糖度啱啱好，飲完個口清爽晒，完美收尾！

偶然想食滷味，我都去鹵家，滷味燒味每日由五星級老師傅精心製作，住家老火湯無味精，家的味道。晚市套餐跟絲苗白飯🍚可以免費轉米線 / 米粉 🍜住家老火湯🫕或者熱飲☕️凍飲加$3🥢招牌鹵水鵝$98(餐）鵝片滷得入味，肉質嫩滑，完全唔柴，滷水食品出色。🥢燻蹄拼海蜇$78(餐）以前D人叫海蜇做橡筋，呢度依然海蜇係好爽脆唔韌㗎，燻蹄有彈性，滿滿骨膠原，蘸特製醋解油膩。🥢滷麻豬耳$46(小食）小食豬耳也不馬虎，豬耳爽脆，滷麻汁微麻微辣，好惹味，撈飯撈麵好鬼正。🫕霸王花粟米紅蘿蔔豬骨湯清熱潤燥滋養肺臟，無味精，家的味道。

元朗美味滷味二人套餐，超值之選！✨🍜🦥元朗一間滷味餐廳，真係好抵食，特別推薦佢哋嘅二人套餐！價錢只需$220！正套餐內容：- 燻蹄拼海蜇- 秘汁鹵家鴨-可以跟米線或米粉- 一碟新鮮菜心每樣食材都好有水準，燻蹄肉質軟嫩，海蜇爽脆，鹵家鴨更係入味得一流，真係每一口都令人想返嚟再食！額外推介：- 酒仙醉雞+$12：雞肉鮮嫩，酒香撲鼻，絕對係配搭套餐的絕佳選擇！- 住家老火湯+$8：湯底清甜，滋味無窮，又足料。

入開元朗探親戚，家人推介呢間元朗老店鹵家。餐廳由五星級老師傅主理。午市套餐抵食。我哋叫咗個黯然叉燒雙蛋飯（$65）及金牌燒鵝皇米線（$74）。套餐分別可以配湯或嘢飲。我哋其中一個跟餐湯，青木瓜雞腳湯清甜，冇味精。好似老媽子煲嘅湯，想encore多幾碗。個黯然叉燒雙蛋飯配咗燶邊蛋零舍黯然，叉燒肥瘦適中。蜜汁香味濃郁。金牌燒鵝皇米線個燒鵝肥而不膩，配上梅子醬，令人回味無窮。仲有嗰碟話梅涼瓜片，嘩，簡直為夏日帶來了清爽。平日午餐時段都比較多人，有一種排住隊返屋企食飯嘅感覺。

今日嚟到依間鹵家食佢哋嘅晚市套餐，晚市套餐跟餐有米線/白飯，住家老火湯或者飲品！晚餐都係80至$90不等！住家老火湯好好飲好足料全部都冇味精㗎。蜜汁叉燒王 ($79)超級推介呢個蜜汁叉燒，係佢哋嘅招牌！外面燒到金黃色，有啲脆口，咬落去啲肉仲好juicy好淋。肉質正到爆，用咗半肥瘦叉燒，燒完都keep到啲肉汁，唔會乾爭爭。秘汁鹵家鵝 ($98)鵝肉比較實淨，但係用秘製滷水整過之後，啲肉超嫩滑！滷水嘅鹹香同鵝肉嘅鮮味夾到絕，食到停唔到口！京蔥金錢肚 ($78)煮得啱啱好，咬落去又爽又彈牙，正！啲大京蔥新鮮脆甜，同豬肚夾到絕，食落完全唔膩。

餐廳位於元朗，主打港式燒臘快餐，裝潢樸實，座位寬敞，環境整潔，適合想食得快又有質素嘅人。今次去食午市套餐，套餐可以選擇老火湯或飲品。🍗 金牌燒鵝皇跟絲苗白飯燒鵝外皮燒得香脆，鵝肉厚身唔鞋口，脂肪分佈平均，食落油香但唔膩。配埋熱騰騰嘅絲苗白飯，飯粒乾身唔黐笠，吸收咗鵝汁後更惹味，燒臘迷會滿意。🍜 胡麻雞絲冷麵冷麵煙韌彈牙，胡麻醬香氣突出但唔會太濃，雞絲嫩滑，配上青瓜絲，食落清爽冇負擔。醬汁分量剛好，夠掛麵唔會漏汁，消暑一流。🥒 拍蒜青瓜青瓜切得厚薄適中，保持爽脆口感，蒜香突出但唔會搶味，輕輕加咗少少辣椒，食落開胃，同主食一齊食可以平衡味道，唔會覺得太單一。

鹵家教育路68號兆豐樓地下10及14號舖元朗呢間鹵家，我哋經常都會經過。 今日終於有機會入去試吓。 店鋪唔算大，但係都算乾淨，舒服。 侍應服務態度好好，好有笑容。 我哋坐咗上座位之後，佢為我哋介紹咗二人套餐。 住家老火湯非常足料，有佛手瓜，青紅蘿蔔，豬肉等等，湯味好濃，一啲都唔係溝稀咗嘅例湯，亦感覺唔到有味精。話梅涼瓜片侍應話唔好睇少呢個簡單嘅菜。 其實，製作方法非常複雜，又有好多嘅步驟，我相信都係嘅，因為食落去真係好好味，絕對係用心之作。燒味叉燒同埋頭抽豉油雞，睇個樣都知靚，食落亦都非常好味。肥瘦程度剛剛好。鮑汁雞腳估唔到一碟少少嘅小食，意外地好味，佢醃得好入味，咬落好香口。好容易食完一隻又一隻。總體嚟講，我會覺得呢一間係有誠意嘅良心小店， 用心製作，味道可口，價錢亦唔貴，服務態度良好。#thelufamily2016#鹵家#元朗#元朗美食#燒味#鹵味#老火湯

鹵家係元朗小店，由五星級酒店老師傅主理，堅持每日新鮮制作燒味同無味精住家老火湯，價錢經濟實惠，元朗嚟講屬於窩心美味之選☺️✨二人套餐 $220 👍🏻👍🏻👍🏻👍🏻蜜汁叉燒王叉燒肥瘦適中，邊位燒得有少少燶，食落脆口，蜜汁好香甜，唔會死鹹，配搭叉燒啱啱好，不愧為餐廳嘅招牌菜😋頭抽豉油雞豉油雞好好食，雞肉嫩滑，肥瘦適中，每一啖都feel到豉油同醬汁入晒落啲雞肉度以上套餐都跟絲苗白飯、菜心同住家老火湯 (+$8)老火湯無味精之餘又好足料，有好多湯渣，好清甜🤤海蜇醉鴨 (+$18)賣相好吸引，醉鴨肉好鮮嫩，海蜇好彈牙，每一啖都食到好濃嘅酒香味🤩👍🏻👍🏻👍🏻👍🏻👍🏻（最推薦）- 👎🏻（可以唔使試）

講到我最喜歡既叉燒 一定要數元朗小店-鹵家舖面細細但富有人情味 係我元朗飯堂之一由前酒店大廚經營 用心出品自家制燒味 價錢非常親民-食神叉燒飯：皇牌選擇！個人鐘意瘦叉 所以每次都會特別request 佢絕對唔會難捨捨 口感依家鬆軟而且入味而且冇咁滯 但當然大家可以跟返自己喜好 朋友平時叫半肥瘦都一樣咁靚仔-梅子脆皮鴨併叉燒 配例湯：燒鴨起骨啖啖肉 鴨皮烤得脆口唔肥 肉唔會好靭咬唔開 值得一提個例湯好足料👍🏽 每日選擇都唔同但日日都超足料冇味精 連腌尖既媽媽都讚 -鹵水鴨：同樣都係起左肉而且仲有髀🤗 媽媽讚鹵得非常夠味 而且口感好好 而芽菜吸左個鹵水都好好味真心推薦既小店 元朗友可以絕對一試