鷹巢

營業中

休息中

旺角人多車多，想搵個好地方同朋友、家人舒適寧靜嘅雅致環境「嘆茶」，極推介去鷹巢，包保大家齒頰留香😋！二人行共點咗5樣點心，一個字「正」👏🏻～🍴「啤梨鹹水角」以玫瑰小啤梨🍐造型上碟，別緻可愛亦穩陣之選，與坊間所食嘅鹹水角不同，金黃香脆，完全不油膩。外層用酥皮包裹着餡料，外脆內軟，相當有驚喜👍🏻。🍴「和牛千絲酥」炸得金黃均勻，造型似手提盒🧳，一咬入口內餡啖啖肉，皮薄汁多，口感豐富，高汁點心絕對值回票價🤩！🍴「南瓜金魚餃」上桌時熱氣沸騰，無論外型定擺盤都滿分🐠，皮薄餡靚，把餃裏的精華鎖住，而南瓜甜味亦保留在裏面，鮮甜彈牙，極度惹味🥳！另外一提，服務員整體態度有禮，亦滿面笑容；環境優雅別緻，朗豪坊一出行5-6分鐘就到，地方方便亦寧靜！😁👍🏻各式點心 $48 - $78______📍 鷹巢 (旺角)旺角豉油街2號希爾頓花園酒店2樓

在OpenRice訂枱食飯，主餐牌有八折。地點有少少吊腳，離地鐵站較遠，餐廳環境OK，地方整潔，枱與枱之間有相當距離。當晚叫了片皮鴨兩食，芋蓉帶子，杏汁花膠白肺湯，金牌叉燒蠔油豆和漁港風味籠仔飯。片皮鴨和炒鴨餸美味，但薄餅皮有啲硬，朋友放棄薄餅皮， 單吃鴨片。芋蓉帶子賣相美麗，味道可以。花膠白肺湯足料，超過六碗。金牌叉燒好味道，有八片厚切，建議可以切薄一點。漁港風味籠仔飯味道一般，賣相跟照片好大分別。食物OK😊但係服務一般。

本來係酒店舉辦婚宴後非常滿意仲成為了VIP會員，所以當家人生日時就打算去Eagle Garden食晚飯但係晚飯的服務態度同食物都令人失望首先當晚都女侍應全程得語氣態度非常差本來落單叫了炸子雞，但是女侍應同我地講無曬（其實已經好幾樣食物話無）所以我地就轉左醉雞（因為其他家禽類都話要前一天預定，但醉雞並沒有）點知等左差唔多個半小時都未上，中間已經問過幾次，但都係話製作中（其實都感到奇怪，正常醉雞應該是前一天整定？）中途見到比我地遲到遲落單嘅熟客都同樣叫左醉雞，但一早就上菜到左我地個碟，一上菜已經見到同熟客上菜個一碟唔同樣一食落去，完全無味，甚至鹽味都無正常醉雞都係凍，但佢居然係半凍半熱之後問經理話到底味餸係咪真係咁樣佢同我講話最好要一天前預訂就會安全D （首先個餐牌無註明依個餸要預訂，第二如果唔預訂就會求其煮D野比客人食？）之後佢就話咁直接Cancel就算Cancel其實都浪費客人等嘅時間，食唔飽但一肚氣永不錄用

客人經VIP group 訂座, 職員未有於入座或結賬時說明需即場出示VIP咭才享有折扣, 因為趕返工未有仔細chk單, 當發現計了正價後通知職員, 職員只怪責顧客未有覆單便結賬, 不願意作出任何補償, 生意手法其差...👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻…食物質素也下降不少, 最出名嘅叉燒𥚃面係生, 而且用了非常多筋的部份, 性價比極低…👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻…

大年初一 早上臨時決定去飲茶 網上見這店可以訂位 更可以預約免費泊車位 當然要去試試喇午市由11.30開始 餐廳呈長方形 有一列街景落地玻璃窗 十分開揚 午市食品款式不算多 服務員態度親切因為是第一次來這裡 所以先點了7款 想不到有驚喜 除了蝦餃皮不夠晶瑩通透外 其餘都很好 尤其是香酥形式的鷄蛋撻 金蠔酥 芋角 入口鬆化荷葉飯 軟硬適中 配料多味道又不鹹 蛋黃千層糕 軟滑可口 如果可以椰絲少D 蛋黃多d就更完美吃完這些後 意猶未盡 再添加了四款 酒香豬手 爽口 酒味香羅漢石榴果 外形漂亮 最令我開心是 埋單時服務員問有沒有會員卡 我順口一問是否要收會費 答案是不用 她更説 如果我即時參加 就可以有九折優惠 作為一個精明的消費者 當然立即加入喇星期一至四 更有75折呀

每年新年一定要一家人圍住食盆菜先夠熱鬧🥰🥳 重要節日同摯愛家人一起過，又點會少得美食呢？今次我哋就訂咗旺角希爾頓花園酒店鷹巢出品嘅盆菜🍲✨佢哋嘅頂尖粵菜相當馳名！盆菜果然都超水準👍 ✨✨我哋呢個 #鷹巢鮑魚花膠6人盆菜 食材相當矜貴～材料上乘、新鮮又好味～👍👍 花膠超大塊～～～大蝦啖啖肉肉質彈牙到好似食緊龍蝦咁！仲有爽口嘅髮菜、超厚嘅大花菇、九頭鮑魚、瑤柱甫、鮑汁扣鵝掌、黃金大蠔豉、明爐燒鴨、玫瑰豉油雞等，每款食材都超級新鮮好味✨ 高質食物絕對係過年團聚招呼親朋戚友必備之選！加配埋粒粒分明又香又煙韌嘅 #生炒臘味糯米飯 食到我哋個個都舔舔脷😋除此之外團年飯湯品當然都唔少得，一直都好中意飲豬肺湯但製作過程非常繁複，今次見到鷹巢有就訂咗黎試吓～ #花膠菜膽龍皇杏汁白肺湯 花膠好大塊加入奶白色嘅豬肺湯中夠晒滋潤養顏🥰 湯頭非常清甜～喺食盆菜前大家一齊飲個老火燉湯滋潤一下～感覺真係好似安在家中都去咗酒店中菜廳食咗個晚餐咁滿足🥰✨

13:30坐吓，未夠14:30伙記就把我們的餐具全部收起，雖然問過我們是否嘢食全部來駛，都沒有理用收起晒所有餐具；可能他們趕住做下午茶餐伙記招呼好一般，高級食肆可惜叫伙記才加水茶葉又好一般但收費就好不一般洒店式的價錢，無論食物質素和服務及價錢不成正比1.失望的燒賣連蟹子都沒有2.好一般的叉燒3.懷舊千層糕原來係得兩層冇三層有冇鹹蛋有乾爭爭又唔軟身4.仲有雞粥冇雞味想叫椒鹽九肚魚又話冇晒，叫個樣無個樣（xx春卷)

屋企人加人工 請我地黎到鷹巢食飯 平時唔多機會試酒店中菜廳 今次特登寫返篇食評紀念一下😍😍呢間餐廳地點唔算方便 距離地鐡站都要行大概10分鐘 同長輩去的話可能要留意一下 一坐低覺得環境唔錯 雖然無景色可言 但裝修好柔和😌但坐坐下就開始感覺餐廳既另外一邊很嘈 而且待應更不停地大枱換細枱 令到場面十分混亂 混亂中我更被其中一位侍應撞到後頸 但他卻若無其事🙁🙁食物質素普通 有幾樣特別印象深刻 💁🏻‍♀️叉燒- 過甜 而且肉既位置較肥 食一口己經膩 而燒既時間可以稍耐一點方魚炒菜心- 方魚好較味 為菜心帶來咸香黑松露野菌餃- 好濃黑松露味道 同野菌好夾 皮薄咸魚雞粒炒飯- 完全無味道 感受唔到咸魚既存在 但份量很足甜品- 脆炸芋泥盒子 唔油 好酥脆 而且芋茸唔會過甜 唔錯總括黎講 我覺得唔值呢個價錢 有啲菜式可能普通茶樓會更出色🥲

見到DINNING CITY出左鷹巢既LUNCH SET TASTING MENU, 於是就BOOK左, 不過睇睇下覺得好似好多人都話呢度唔錯,於是就唔訂DINNING CITY轉投OPENRICE既15% BEA CARD啦, 心想, 可以自己選擇。一來就第一時間叫左一份「叉燒」, 見到佢地好似好自豪佢地個叉燒咁, 一定要試啦。之後就再點左幾個點心 「黑松露素菜餃」、「蟹粉小籠包」、「金巢香酥帶子芋角」 同 「豉油皇煎腸粉」。再叫左個主食 「砂鍋乾炒牛河」。一路食都無咩大問題, 點心都係正正常常, 唔可以話嘩一聲, 不過都算OK, 而且個「豉油皇煎腸粉」因為係砂鍋上重幾香口添。食哂主食同點心後, 一直期待的叉燒一直無來, 咁岩D WAITRESS 姐姐走來同我講LAST ORDER 問我有無野要加, 我就同佢追下個叉燒未來啦, 佢都好快返來同我話再等多5分鐘. OK等, 唔通係即整咁好?來到上檯, 第一時間見到個樣都唔係好對路, 點解一D燶邊都無既? 算啦, 咁就夾左一舊放入口, EEEEE, 點解係舊肉之間, 有一堆好似未熟的粉狀物係度既? 攪唔掂, 2XX一個叉燒, 唔係咁既QU

可能身邊唔同嘅朋友都話俾你聽佢屋企又好，出去食又好，都有一幅幅全部都係膏嘅大閘蟹，但係假設如果唔食大閘蟹，又有乜好食呢。 可能鷹巢知道總會有人未必食大閘蟹，反而出左個小眾d嘅奄仔膏蟹龍躉套餐。 $1688四位用，酒店餐廳來講可以話係幾平，仲要唔算難訂位，環境又舒服，又唔係啲好偏遠地方嘅酒店，去過一次之後，偶然都好想去番呢到，因為總有場合啱食。 記住，呢個餐真係唔係啲乜嘢神級，但係同屋企人唔使諗又要喺酒店坐得好食得唔錯，可以選擇呢到寫下俾大家睇。 金牌叉燒皇拼香蔥海蜇頭，其實好多酒店嘅叉燒都好出名，呢度唔敢講話係神級，但係叉燒夠厚身，甜度剛好。 入秋冬前食呢個真心得，生拆蟹肉冬茸羹滋潤得來啖啖入口都係蟹肉，好正。 愛魚人必定愛上荷香雲腿蒸龍躉球，完全冇骨嘅龍躉球配上荷葉香又真心幾好，不過要快啲食，唔係好快就會無哂，個個搶因為個龍躉皮煙韌得不行。 重點係呢個薑蔥粉絲奄仔膏蟹煲，嗰兩隻奄仔蟹都幾大隻，而且膏蟹當然有唔少好澎湃嘅膏，但最緊要嘅就係啲薑蔥粉絲吸盡兩種唔同蟹肉嘅精華，好得，絕對係今晚嘅重點。 食完啲咁濃味嘅嘢，當然要食番清清地，魚湯鮮蟲

依家正是食大閘蟹的好季節，一行六人就去了希爾頓花園酒店的鷹巢，分別試了金秋大閘蟹饗宴二人餐及奄仔膏蟹龍躉套餐四位用，兩個餐齊齊分享一齊食，大家都食得好滿足。奄仔膏蟹龍躉套餐$1,688 (四位用) ，先來個金牌叉燒皇拼香蔥海蜇頭，招牌蜜汁叉燒，入口肉質又好嫩，好味又幾入味，香蔥海蜇頭爽口又有點蔥香，不錯。生拆蟹肉冬茸羹湯頭好鮮甜味美，配上新鮮手拆蟹肉，蟹肉的鮮甜味，冬瓜蓉的綿滑好好味。荷香雲腿蒸龍躉球入口肥美的龍躉球帶點荷香味，還有雲腿的鹹香，大大提升了魚肉的鮮甜度。薑蔥粉絲奄仔膏蟹煲 (兩隻) 大大隻的奄仔蟹，膏蟹鮮香不在話下，最精彩是薑蔥粉絲吸收奄仔蟹的鮮甜，粉絲更成為了全場搶攻的主角，真是牡丹雖好在綠葉的扶持下更相得益彰。魚湯鮮蟲草花浸時蔬 濃郁的魚湯湯底搭配蟲草花及蔬菜，原味鮮甜，滋味無窮。大澳牛崧炒飯超濃味的牛崧，配上好夠鑊氣的炒飯，這個完美組合，更是令我有驚喜，好美味。桃膠八寶茶 最後再來個桃膠八寶茶，不甜但好滋潤，絕對是女士們滋補的恩物。另一款金秋大閘蟹饗宴$1,088 (兩位用)，就有清蒸大閘蟹(每位壹隻)，利用紫蘇葉去除大閘蟹本身的寒氣，保留原汁原味，入口肥美多膏，餘

月頭試過訂大閘蟹番屋企食，都感受到今年較為遲會更好的感覺，不過訂左出來吃飯，見到有大閘蟹推薦，又無理由唔食吧。估不到原來咁多地方都有大閘蟹餐，今次食嘅係係旺角Hilton酒店中菜鷹巢，地方好方便，而家感覺幾舒適。又無諗過價錢一點也不貴，令人吃得滿足，全因吃過一次晚飯，四百一位有雞有海鮮龍蝦鮑魚，全係呢個原因先會決定來。金秋大閘蟹饗宴一千到兩位，是晚都有十幾枱食，好受歡迎。由於媽媽都幾愛吃大閘蟹，咁就決定訂位食。鷹巢三小碟花雕醉香雞、蒜泥拍小黃瓜、香蔥海蜇頭，感覺唔錯，醉香雞味道好濃，最愛爽都不行的海蜇頭，夠大隻，麻油香又濃。蟹粉小籠包雖然不是大驚喜，但一人兩隻叫你吃得好高興。一定要有主角清蒸大閘蟹吧，一隻可能不夠喉，但要加碼俾錢就得，五両一隻，腳好大隻好厚肉，我覺得都幾好。當然要飲湯，飲嘅係大西洋螺頭燉花膠筒，螺頭勁大隻，燉花膠當然不錯，唔知單點會幾錢，值得要試下。干燒酒釀蝦球鍋巴，我覺得最無興趣，但原來又幾好食，個干燒酒釀味道特別好，特別香，蝦球大隻又爽。蟹粉扒豆苗較為細碟，但蟹粉算係我食過最好的，扒豆苗好鮮甜又嫩綠。老實說，食到呢到已經好飽，生炒糯米飯炒得濕濕地，糯米飯幾好，質地唔

又有蟹宴，今年第一次食左金秋大閘蟹饗宴 ，本來想食。鷹巢三小碟有花雕醉香雞、蒜泥拍小黃瓜、香蔥海蜇頭，我最愛食海哲頭。蟹粉小籠包，每人竟然有兩隻，隻隻都好豐滿，蟹粉夠多，又香又甜，我最愛呢隻。清蒸大閘蟹，今晚食乸，膏自然多。燉湯係大西洋螺頭燉花膠筒，足料無比，花膠筒好好食，講真，湯頭清得來，飲到思思的香。驚喜還有干燒酒釀蝦球鍋巴，酒香夠，鍋巴脆。蟹粉扒豆苗好的骰，幾好。生炒糯米飯，食到呢到已經好飽。薑茶湯圓，係常識吧。推廣限定$1,088，兩位用，每個人都係$600到，有興趣就2021年10月1日至11月30日 ，快行動。

係時候食蟹喇，朋友帶咗我黎鷹巢食飯，地方唔係好大所以坐得幾舒服，四個人唔使煩，嗌咗個膏蟹四人餐，荷葉蒸龍躉好正！一開蓋陣魚油味勁香，食落又滑，幾surprise蟹方面，套餐包咗薑蔥粉絲蟹煲，好惹味！粉絲唔使講入晒味，奄仔蟹都幾多膏覺得唔夠喉，散嗌咗花雕蛋白蒸蟹，酒味好香，再加蛋白+蟹肉+膏，食到成手都係但真係好正。見到做vip即時有75折，400唔使就食到，唔錯啦！

晚飯所有個菜式都滿意。 真材實料， 雖然價錢唔平但係都覺得值得value for money. 環境亦都ok. 但酒店地點有點遠由地鐵出嚟真係要行十多分鐘先搵到。但餐廳值得一試。我叫咗一個套餐。 焗芝士蟹蓋喺個入面有好多蟹肉。另外嗰個蟹肉燕窩都好足料同好好味。當然最主要就係佢個鮑魚鴨掌冬菇。鮑魚都算大隻， 炆得好林同埋冬菇鴨掌都好入味。最後加埋個豬柳肉同荷葉飯及甜品-蛋白杏仁茶，真係食到飽到唔識旭。