鳳鳴居

營業中

休息中

5:30 食晚餐，不用排隊，直入，但過左一陣就要排隊拎飛啦！果然係人氣世一醉雞麵店👍❇️醉香雞湯米線🌀湯底真係好正😋一試就愛上❤️ 湯底酒味濃郁，而且好清甜，冇味精既湯，直接飲都唔口渴，仲有紅棗、雲耳、蔥做配料。雞件都有6~7件，雞肉嫩滑，亦有酒香味，好好食👍最貼心係附送自家製辣椒豉油，（本人唔食得辣，但都食到）可以令雞肉更惹味。相信日後可以成日去食，變飯堂

🧐 小編依日要出去花墟買花，所以諗住過旺角食埋晏先，醒起鳳鳴居喺旺角開咗分店都未試，就直接去排隊。［ 亂闖試飲試食 ］🍜 自選湯麵 - 秘製腩肉、墨魚丸米線 (麻辣湯底) 😋😋😋😋大部分人去都係叫佢哋出名嘅醉香雞🐥，但小編今次想試下新嘢，叫咗麻辣自選配料。先試一啖麻辣湯，唔算好辣，不過都有刺激感，辣味會令耳蝸痕痕地 😆 秘製腩肉有三片厚切，八分肥兩分瘦；墨魚丸只有兩粒，彈牙爽口，而米線比連鎖米線舖食開嘅幼身啲啲，硬身少少。整體都唔錯嘅～ 😉🥤凍柑桔蜜 😋😋😋😋柑桔🍊味好突出，好解渴潤喉，涼浸浸，好啱配麻辣湯底麵食！午餐 💵 約港幣$50/人💁🏻‍♀️ 小編依日平日撞正lunchtime時段，等咗大約半個鐘先有位。🙈 大家如果想去試嘅話，可以預早啲時間，或索性避開繁忙時間先去幫襯啦～ 🙆🏻‍♀️ 最後，喜歡嘅話，歡迎follow @foodirectory.hk！

🐓醉香雞湯麵 $52湯底好甜，酒味恰當，仲有雲耳同埋蔥做配料😝雞件都幾滑，咁啱仲要比中雞髀😙 而且唔會好油，食醉雞米線最驚就係啲雞油搞到個湯好油，呢度就唔會！佢哋會俾埋碟細嘅豉油，不過啲雞本身都好夠味～略嫌米線有啲太淋，個人鍾意食仲有咬口質感嘅米線🍜整體嚟講呢間性價比都ok，再經過呢頭應該都會食下，星期六嘅午市都排咗一陣隊，不過其實食米線都唔會坐好耐，所以都等得快，想食嘅話可以試吓排下先～🥤凍百香果 (跟餐 +$8)杯嘢飲酸酸甜甜，好解膩，入面仲有啲百香果嘅籽，推薦～-味道: 8/10服務: 8/10環境:7/10回頭率: 8/10總評: 8/10💰人均消費: $65

去咗好出名🕺🏼嘅鳳鳴居 🍜係下晝☀️ 排咗半個鐘⌚️（講緊單丁位🧒🏻）醉雞湯🥂米線 🍜 $52都真係俾好多米線店好 🤪🤪佢個湯底🍲好重酒味 🍻我食完feel到塊面🧒🏻好興😂😂好欣賞佢 🤪食完一啖之後👅👄會有種甜味係個後勁度 🌬同埋佢啲雞🐣 都算幾滑 （當然雞胸都有少少韌）🤣總結：佢嗰湯底 🍲味道 俾我印象🧠好深刻 👀都真係幾好食🤣🤣🍜會想再返去食🏃🏽🏃🏼‍♀️回頭度： 🌟🌟🌟🌟好味程度：🌟🌟🌟🌟============================

今日嚟到旺角食鳳嗚居以前都已經聽過呢間係上水好出名，終於等到佢係旺角開分店啦！！😌😌我當然就會即刻去試下啦晚市一去到真係等20張枱係基本🤣，真係味道嘅保證。而入到去坐都真係比較逼夾，不過都冇計，真係太多人啦。🤫🤫我就叫左一個醉雞湯飯，一飲第一啖湯真係不得了，夠哂濃味，用嚟送飯真係一流。😗😜而醉雞亦都入哂味，食落夠酒味之餘仲夠哂滑(如果第日有得去埋骨就仲好啦，適合夠哂懶嘅我)。另外都加左份辣味豉油，用嚟點雞都加左一份味道，絕對值得嚟試吓！🤩🤩

.📍鳳鳴居｜旺角評分：8/10鳳鳴居係上水起家係上水已經好出名依家仲係旺中對面開新鋪 同樣生意非常好 平時都見到好多人排隊鋪頭主力賣雞米線 配唔同湯底雞肉配搭養生既蟲草花 姬松茸 花膠等 湯底養生健康雞肉嫩滑 可以沾隨麵附上既麻辣醬油 蟲草花雞米線 $59姬松茸雞米線 $59麻辣蒜蓉雞翼尖 $23燜得好淋好入味 係b仔雞翼果種整法 辣得惹味過癮當日見到隔離台食鵝腸 十分大碟 野食價錢親民 而且質素不俗十分推薦比大家人均消費：50-100

之前睇到網上推介，所以前幾日咁啱經過旺角又有時間，就打算入去食返個米線，我唸唔到三至四點都仲要等位，所以應該係好食，所以尼啲時間段都依然可以咁多人黎食👍👍👍入到去服務員招呼得好好，好有禮貌，坐低scan完QR code之後大概五分鐘就已經送到個餐出黎，上菜速度實在太快🙀個蟲草花雞湯米線都幾好食（咁啱我去食嘅時候有幾個米線都已經全部sold out）所以我食左尼一款，湯味濃，米線夠多，而啲雞都好食😋所以我自己都推介尼一間店環境方面，有歌聽，啲客人講野都唔會好大聲，所以環境舒服，坐就還好，木凳，坐得耐就唔舒服，但係for 食完就走嘅話，我覺得坐個張木凳都ok嘅😂😂推介去試下！！！

鳳鳴居在上水的人氣, 令它有足夠的能力能在旺角開分店, 在旺角中心隔離不愁客源, 無論是在附近診所的員工或病人, 又或是在旺角Shopping或工作的一般市民, 也令這裡人潮如湧, 就算是非Rash Hour也要等五張單人枱, 在這逆市也算是奇葩. 這𥚃主打的當然是醉雞米線, 也是這裡最多人點的單品.先說價錢, 五十多元一碗在這百物騰貴的香港已是中等午餐價錢, 碗大湯多米線也多. 米線口感偏腍, 也滲入湯底香味, 當然我更喜歡爽彈一點的口感. 湯頭酒香不是太濃烈, 味道甘甜, 比一般的再易入口一點. 雞件份量多, 肉多骨少, 雞肉嫩滑而雞皮爽彈, 湯頭味道柔和所以能吃得出雞件的鮮味. 整體來說還算不錯. 每次見到有鵝腸也要點, 除了自己是內臟控外, 也是因為處理鵝腸的食肆越來越少. 這裡的辣椒豉油鵝腸口感爽彈, 相當清潔沒異物及異味, 配以辣椒豉油完全沒有問題, 相當惹味, 也是佐酒小食, 可惜午餐不便飲啤酒, 以醉雞湯底代替就是.Feng Ming House is famous for her drunken chicken noodles. The soup is light i

11月嚟旺角時已經想試，今日再嚟終於食到😁未食之前朋友都推介過呢間醉雞米線🍜我哋叫咗醉雞湯油麵同蟲草花雞湯米線醉雞湯油麵湯底花雕酒味算係重手，不過男人飲開烈酒就覺得可以再濃啲。雞肉好滑。另加咗牛腩，普通不過不失，可唔特別試。蟲草花雞湯米線熱食嗰時個湯甜甜地，米線係偏幼細，雞肉都係滑。凍咗之後再試個湯就會有少少鹼水味/水喉水味。以價錢嚟講，對比平時食開嗰間養生米線，相對係平嘅，不過一分錢一貨。我哋覺得ok嘅，下次再嚟可以試其他嘢。

見到成日排哂長龍，於是同男朋友嚟試下。當是排咗大約20分鐘隊就入得，算可以啦～～叫咗一個蟲草花雞湯米線，一個喇沙雞湯米粉同一個黃金魚皮。先講蟲草花雞湯，第一啖飲落去個味怪怪地，好重鹼水味。啲雞都滑嘅，無咩問題，問題出在啲蟲草花上，一食落去勁重鹼水，我都唔明點解蟲草花會有鹼水味。喇沙雞湯比較好，本身味重，食唔到其他怪味，不過啲雞比起蟲草花嗰碗上嚟，比較嚡。不過🙈🙈係咁重味底下，仲聞到隻湯匙好大陣清潔劑味。最後，黃金魚皮。啲魚皮係3樣野入面最好嘅，如果佢唔係落味粉啲話。另外唔知係咪因為天氣凍，佢開行暖氣，令人入到去覺得有啲焗，而且啲位比較窄

我除咗係咖啡控，仲係一個米線控，之前已經聽聞上水呢間飯醉雞米好出名，見到旺角有開分店，拿拿臨排隊試下什麼名堂。 朋友仔就叫咗佢出名嘅醉雞米，我就心思思叫咗佢個蟲草花雞湯米線🍜。係食呢個米線之前，我偷試咗朋友仔嘅醉雞米，好香嘅酒味，但係湯底偏甜，搶曬雞味，唔係我預期嘅味道。我就回歸翻我碗蟲草花雞湯米線，蟲草花同雞嘅份量唔少，湯底都清甜有鮮味，食落肚仔好舒服，雞肉食落好滑唔會太肥同太柴，而且佢配埋鼓油碟，以防你重口味嫌雞肉淡，同埋俾埋碟仔裝雞骨，幾貼心。 不過米線部分就麻麻，啲米線比較爛，而且好易斷，口感一般，有啲減分。

🤑價錢約 $50-100 🪑坐位唔算闊落 weekend 去要拎飛排隊自己用QR Code 落單 方便👍🏻Ⓙ 醉香雞湯麵🍜$52試左佢嘅招牌麵 可選麵底 （米線/出前一丁/烏冬/米粉等）個醉雞湯好香濃 而且雞肉都好嫩滑佢仲會俾碟豉油黎沾雞肉算得上係平靚正😉

今晚經過旺中對面，見到有間米線舖好多人排隊，就去睇下咩料行到去朋友話呢間米線好出名，味道都唔差，咁就去試下啦！我地18:45左右拎飛，都要等接近成20張枱，等左30分鐘左右，都算快～坐低左之後係用qr code落單，我同朋友都叫左醉香雞湯米線($52)，另外我再加左水餃($8)，朋友加左腩肉($8)，不過加既配料都幾少，水餃得2粒，腩肉得3舊...不過啲雞份量就多既，有6-7舊，而且啲雞都好嫩滑啖啖肉好好食！個醉雞湯都唔差，食食下個身會feel到有啲熱熱地同臉紅先醒起個湯底係有酒，好正！但係食完之後都唔係太飽，份量有d少，男仔可能要加底先會食得飽

由上水擴展到旺區，一如既往地，富有濃郁酒香的嫰滑雞件，以及鮮甜雞湯傳來陣陣飄香。(1) 醉香雞湯麵材料有木耳、紅棗，加上雞湯非常適合乾燥又帶涼的天氣。醉雞塊絕對不會令人失望，保留原有味道。俗語有句話：「靚女有得食雞髀。」整碗湯麵誠意十足，唯湯底略帶甜。(2) 蜂巢春卷米網脆卷包裹條條芋絲，口感爽脆。另外，沾上喼汁更可解油膩感。米線方面，不似連鎖店舖般口感偏硬。輕易能掛上湯汁而不軟爛。整體來說，會期待在下一次凜冬嘗試花膠醉雞湯底。

今次黎到近排好出名既鳳鳴居食醉雞米線🍜當日星期五晚，等左成個鐘🥲醉香雞湯麵（$52）蕃茄濃湯雞麵（$52）冇影相🥲蜂巢春卷6條（$30）冇影相🥲醉雞麵既湯好好飲😍好有酒味又唔太濃會有小小清甜🍜好正 打打下又想再去食添😋雞好有雞味有好多舊雞🐤仲俾左個麻辣豉油點雞幾好味😋蕃茄湯麵就真係比下去🫠似係茄汁加茄膏個d混合出嚟相比起醉雞就差啲男朋友都話醉雞好食啲（佢好鐘意蕃茄湯既）之後到春卷，個餡係芋頭絲加d肉絲幾香口幾好食😋