鳳城1954 (愉景新城)

營業中

休息中

衝著「鳳城」這老字號名字以來，實在太失望了，絕對無有下次。 好多炸的東西，但又不是炸得好吃。懷舊蓮藕餅，一D都唔懷舊，$76 - 6件，又貴又油淋淋。春風得意腸要$48,佢就真係春風得意啦，這個貨色收這個價錢，春卷內淋不脆，腸粉好粉。蝦多士，嘩，唔講又至可，一講就把幾火，咁樣收$20一件，油到無朋友，蝦得鹽味，唔講唔知佢係隻蝦囉。$58的。魷魚鬚，奉勸大家唔好叫啦，得炸醬味，魷魚鬚都無咩味咁。胡椒豬肚雲吞湯，得個色，無咩味道，搵笨咗D囉，我自己屋企可以整得好D囉。唔一路飲住杯茶食去唔到D油，真係絕對無第二次。侍應又唔好禮貌，想佢哋幫忙收碗碟就用仇視的眼光對我。今時今日呢仲服務態度係唔得㗎啦。

自從鳳城陸陸續續關閉分店後，幾日前見到愉景新城開咗，今日原本懷住滿心歡喜心情去試，換來嘅係超級失望既心情😕評分（5⭐️為滿分）服務：⭐️食物：⭐️⭐️價錢：⭐️服務：- 職員不論高級低級，講說話都有夾雜粗口（不是對住客人，係一邊執野，一邊講）- 一坐低無人開茶，5分鐘後叫人開茶，呀姐就話：「未開比你咩？飲咩？」當你正想講飲咩，佢話：「其實得一種玄米茶」，頂你，咁駛乜要我叫開茶，你自己唔識攞過嚟？- 食到成檯野都無人嚟執走一個碟- 眼見其他食客都有各種不同投訴食物/價錢；- 腸粉，係叮熱既 ，$36一碟- 豬豬包，最正常，$46三個- 灌湯餃，原本最得我心既食物，從未試過難食到一個點，灌湯餃入面乾憎憎、無味、蟹肉有腥味，$32一隻- 糯米雞，3吋x 3吋，糯米未熟、無味，$39一隻- 五款蒸蘢，普普通通，燒賣既肥瘦肉比例7:3，我真係唔識食，$78一籠總括：永遠無下次 👋🏻👋🏻👋🏻後話：頂佢，2個人食5樣野，$281！叫埋單，呀叔口螺螺話：自己出去埋出到去，經理問，食物ok嘛？我笑笑口答：唔ok、服務、價錢、食物，全部都唔得，拜拜👋🏻

經過呢度幾次，俾門口個招牌吸引到。今次下定決心，星期日先訂位，13時左右來到基本上唔駛等。入座先發現碗有明顯污跡，立即要求更換。睇定之後，我們叫了幾味來試：龍蝦湯腐皮卷：皮帶少少脆，蝦湯較油。味道其實唔錯，值得試試。和牛包：搞雙色，想法幾好。牛肉位置唔係靚，而且得一塊仔，感覺上店家比較孤寒。黃色包入口香脆，似十足炸銀絲卷，好似道者會大愛。牛仔骨陳村粉：呢味第二度有得食，比較之下，這邊份量較少，個粉未煮離，甚缺功夫。櫻花蝦燒賣：蝦味係有，白肉表現正路，整體來說是正常。一隻灌湯餃：明知穿皮漏湯仲上菜... 只好立即叫部長更換...再來，冇穿了。一篤開，湯都唔少，較稠糊，不過料少，味道也不夠。最大敗筆—-唔夠熱！總體講，唔值呢個價。西米布甸：味道正路，有芋泥係燒面之下。今次試完，沒覺得有特別長處，直覺（起碼）未必短期內會再來了。

屋企樓下商場開咗間稍為有名氣嘅酒樓， 佢似小廚形式去經營，所以唔算大間。我同朋友大約十一點去到，門口已經企滿人等位。首先，去門口撳機攞飛等位， 好彩我們只有兩位， 等唔夠五分鐘就已經有枱入座。眼見大枱數量不多，主要以 四至六人為主。 *提示如人多最好提早派代表攞位或訂枱先*食物方面鮑汁糯米雞; 好細隻，一人分量，裏面有一隻鮑魚仔、肉碎、冬菇等……好味，但價錢貴左小小。櫻花蝦煎蘿蔔糕; 冇蘿蔔味、 唔夠鬆軟、可能太多麵粉，口感好硬。鳳城湯水餃; 湯清清地，有幾條生菜。 水餃饀多， 有冬菇、 豬肉、 筍……皮薄，好味。日式煎釀三寶; 釀冬菇兩隻、 釀秋葵兩條、釀紅椒、青椒各一。 可能係用蝦膠釀，所以唔膩。 配埋個日式燒汁，出奇好味。 西米焗布甸; 小小白蓮蓉餡，再配上熱辣辣嘅西米。 真係好食。侍應招呼非常一般， 先講我2張枱，上手碗碟已收好。但未抹枱，已給我2坐下。等左一陣間，無人理會，唯有自己揮手揾侍應。其實等待期間，眼見有一位侍應明顯見到我們的枱需要清潔，但就手旁觀。跟住，旁邊一台食客不停追問關於自己order的一碟小炒， 侍應沒有跟進，只說廚部需要時間處理。最後食客發覺原來落漏單，唯

很差很差的體驗，唔會有下次諗住新開又住附近，就去試下啦3 個人食左個炸蠔餅、蟹肉既併盤、肉絲炒麵同西米焗布甸首先黎左個炸蠔餅：嘩，簡直係垃圾中既垃圾，勁多油都算啦，蠔仔都只係 1 人 1 粒咁多，真係唔洗試之後黎個蟹肉併盤：有 3 件既，包括蟹鉗、蟹蓋同軟殼蟹。又係唔洗再食，黎到係凍既、油既、炸軟殼蟹就林既，失望然後就黎個肉絲炒麵：食完前 2 個都無咩希望，黎到見到肉絲同脆麵分開上，碟銀芽肉絲都無肉絲，銀芽都無乜啦，汁就勁多，再夾起 d 脆麵見到個碟底一樣咁油。最後就係甜品西米焗布甸：成餐最好食都應該係呢樣野總結：茶得一款叫玄米茶，食物唔好叫炸野，成餐除左甜品無樣野食得晒。真係無下次，失望到極