鳳城1954 (愉景新城)

營業中

休息中

鳳城酒家專門做順德菜，對順德菜沒有什麼概念，於是來吃吃看。脆皮BB鴿，比較瘦，冇肉汁，好乾。鳳城小炒王，菜沒有渣，有啲腰果、魷魚等等比較脆口，調味比較重手，偏鹹。鑊氣唔係好夠，普普通通。生炒龍躉球，龍躉肉都厚肉，唔會腥，但都無鮮味。蒜心夠嫩，冇渣，還可以。順德蠔仔餅，炸得幾香脆，蠔肉又大粒，而且唔腥，不過蠔餅係冇味嘅，一定要點魚露。龍蝦湯鮮竹卷，鮮竹卷唔入味，有啲似魚蛋，龍蝦湯有啲龍蝦味，幾好飲，但個味道同鮮竹卷係分開嘅，唔夾。西米焗布甸，啲人話呢度出名，但期望越高失望越大，上枱只係微暖，完全唔算熱辣辣，望落個樣已經好乾，食落去非常普通甜品一個，唔香，得個甜字， 十分失望。like 社交平台有七折，但都係得幾枱客，就知個廚真係可以高質d。

authentic Shunde cuisine is served here yet we tried out some Sichuan Dishes like sliced Angus beef in Spicy Mala soup. The beef is tender and soft, soaking up the Mala flavours. The dimsum like the matcha lava bun is ok as it’s molten as stated in the menu. How ever the matcha flavour isn’t deep.

呢間鳳城新開業時，都有到此飲茶。茶市都沒有特別平，正常啦。記得佢嘅「鳳城炒飯」，我覺得幾好食。不過d 包點。。就是普通左。我不是講賣相！賣相有「動物樣」我本身便不感興趣，但不太抗拒。只係味道便一般。但佢整既「蓮藕餅」我就真係覺得幾好食，感覺好傳統。唔錯。另外一讚嘅就係佢有個炸蝦餅，都整得好好食。但佢其他點心，真係一般，麻麻地。加上，之前試過堂食，一個女侍應的服務態度，不是太好的關係，之後，我都沒有再次在此堂食啦。我本身都是因為「鳳城」呢個名先去試下，食下。但，可能期待太高，失望也大。間中食無妨，但絕對不會是第一選擇。

J.World.Food 呈獻 - 環球美食小知識: 點解加水要揭茶壺蓋? 原來同淥熟隻雀有關 話說以前嘅有個人飲茶唔止係飲茶，仲鐘意帶埋隻雀陪自己，廢事隻雀走咗去，叮一聲，有條絕世好橋，就係擺隻雀落茶壺度，結果呢個小聰明就改變咗成個飲茶文化。個侍應唔知茶壺有隻雀，就好自然咁幫個客加熱水，個客又睇緊報紙冇去stop佢，結果隻雀就淥熟咗>.<自此之後，為咗避免再有咩誤會，一定要個客開蓋，酒樓侍應先會加水。呢間本身以為係北角鳯城酒家D friend, 點知原來愉景新城嘅鳯城1954唔同北角鳳城酒家 T.T 兩者冇關係㗎!D食物有幾分表面上相似，但實際上唔喺嗰回事。我地叫咗4樣招牌去試下。1954蝦多士冇北角嘅咁好味，佢油溫唔夠，食落比較油，同埋唔夠熱，同埋餡料都唔夠，舊多士入面冇蝦膠

那一天等了又等，陽光穿透她尾端的秀髮，射進了我的眼晴，剛巧遇上了那一陣清風，鼻子因而聞到一陣洗髮水的清香，她終於出現了。我知道她想吃廣東菜，特意帶她來吃鳳城1954，天性多疑的女人帶著懷疑的目光："你咁熟既，係咪帶其它女仔黎過?"我唯有急急如律令解釋："我自問了解我為人，雖然我做到善解人意的地步，但是未至於達到善解人衣的程度。" 蟲草花燉豬展湯$58：紫砂壸，的骰杯，如飲茶般飲湯。雖說蟲草花，蟲草花卻不是花，正如熱狗也不是狗，而是一種真菌類，功效近乎冬蟲草，清甜、滋潤、養顏。金皮炸子雞(半隻)$168：炸子雞是鳳城招牌菜式，經由塗抹醬料猛火油炸的白切雞，而雞皮的飽和脂肪在高溫之下不斷被燒而不焦，呈現出金皮，皮光肉滑，猶如見到一個個戴口罩的女人，見到都流口水。脆皮BB鴿$58：本來已夠飽肚，但一想起BB鴿的花容月貌，再想起可以沾上少許五香粉與花椒粉混合的華鹽，對它的思考就有如水庫泄洪，洪流滾滾，好似男朋友對女朋友講想食左佢落肚一樣的感覺，不過，上枱後，雖然BB鴿尚算脆皮滋味，但是他們竟然說BB鴿夠味，不須華鹽，我的感覺就有如見到一個除低了口罩的女人一般失落，而家咁多病菌，做咩要除口罩啫?

雖然等位嘅時間唔算好耐，疫情關係佢只係用一塊布去抺。嗰塊布不停再重抹其他枱衛生問題要重點處理！！但不得不承認佢嘅烏龍茶好好飲，極力推薦。有回甘味而且水溫好熱佢同一般茶樓冇分別都係用點心紙，但份量偏小價錢唔太合理。-炸軟殼蟹得兩件，而且唔係新鮮炸出嚟有少少偏凍🥺-口水雞,個醬汁係幾好但份量偏小而且肉老如果係冇牙好難食到-豬仔叉燒包,溫度啱啱好偏室温。得賣相呢一次用餐經驗非常之難忘，因為成餐飯覺得價錢唔合理偏貴而且食物質素非常之麻麻🤕🤕🤕

如題、見食評好似唔錯仲話apps訂位有折、上星期日一起身call阿媽去飲茶。地方比預期細。可能時較早、安排上還可接受。食品點左招牌：蝦多士：失望、無乜特別、略油、流廢食其他野既quota上湯粉果：有驚喜、帶有懷舊味道三色飽：眼睛大滿足、其中斑斕包味道古怪鮑魚珍珠雞：上枱個下好 surprise因為真係好就珍好珍貴、但真材實料味道唔錯彩色蝦餃：普通魚鬆炆米：同食開做法唔同、好似先煮好個火、再用魚肉加「軒」汁淋上面、無味道、好飽肚今極都食唔晒最後、太飽而且整體一般、所以放棄左最想食既西米焗布甸如果無折、可以話唔抵食。服務一般。

相隔一個月第二次食鳳城，好好彩攞到6:00半價訂位，今次唔會好似上次咁博老命喪剔野食。巧合地坐返上次張枱，沖左普洱茶同上次一樣會配多壺滾水比客人，值得加分👍🏻👍🏻。先黎個‘小鳥依人’（鳳梨酥）3隻小鳥放係個小鳥籠內，好得意呀🐤🐤！頭同尾巴都係酥皮，鳳梨餡唔多勝在夠熱救返D。乳鴿正常冇咩特別！蝦多士清脆香口蝦膠打得好有蝦味 ，必點👍🏻👍🏻！再黎個‘金磚豆腐’好大盆好多，仲要粒粒脆口面面金黃，豆腐好滑但淡左少少。‘虎蝦金波羅炒飯’賣相已經有驚喜，佢連個蓋都有設計過🎉🎉，虎蝦只得一隻有蝦味但鞋左d!低讚係炒飯內有6-7隻水晶蝦，波羅新鮮配臘肉炒得飯粒粒分明，好好味！‘奇脆菊花包’其實係炸饅頭，以紅豆、菊花蓉做內餡，兩款料味淡唔係好食得出，敗北處係包面雖然好脆（接近係硬）但非常之油最後來個蛋散收尾可惜上枱時係凍，味道就變得好一般！今次炸物比較多，整體都唔錯，75分啦！🤣

有6折優惠就試試這間質數，晚上5:30到達，時間尚早只有2-3台客環境顯得比較清靜。可能最近食得多點心放題，一時忘記就喪點野食，好彩都食得曬！今次比幾款得意可愛點心吸引左，‘包羅萬有’一籠有三個唔同動物造型包點，分別係叉燒🐽、奶黃、抹茶，後兩款真係好流心又濃味，感覺好似飲緊d餡咁！🥰🥰‘天鵝榴槤酥’外表好睇但食落就麻麻地三式炸作個蘿蔔型鹹水角好cute cute 仲有彩色蝦餃幾靚不過肉就鞋鞋地！最驚喜係‘金光炸粉果’炸得非常香脆又唔油👍🏻正🥰今次可以話又玩得又食得，會返黎再食試下其他😁😁

現在經愉城尊用作order 外送WhatsApp,可獲七折,外賣自取也可七折．另送一張$50 cash coupon.可作下次滿$100以上便用．但只限用於愉城指定七間restaurants.本身「鳳城」比較貴．D野又mini. 現有七折,值得一試．------------------------------全部都好好味！！只係D包類麻麻．例如,豬外型係（叉燒包) 綠色包係（青奶皇,可能奶皇加左D蔬菜類) 橙色包係（流沙包,但不流沙D．)另外：糯米雞好吾值．只係平時食開既4分1size. 只係做法可能吾同D．有D新鮮感．

荃灣愉景新城開了鳳城酒家，用apps訂枱仲有折添，幾好喎，又唔使等位又有折店子不算大，但座位亦很濶落呀。一籠入面有三款包，仲要好可愛，豬仔好得意，叉燒包夠軟，叉燒也ok不肥，黃色心心眼是流心奶皇包，真是好流心的，唔係好甜，綠色心心就是綠茶流心奶皇包，味道都可以，綠茶不會太苦。懷舊灌湯餃，好大隻餃子，傳統灌湯餃是包住湯料係入面，仕應叫我們盡快食，因會硬，不過要好小心的放落碗，如果唔係好易穿。皮的邊位有d硬，入面也足料，蝦，翅，肉等等。。蝦多士，多士鬆脆，上面有蝦膠，夠爽。鳳城水餃，飽滿，個皮好薄，睇到入面配料，啖啖蝦，木耳，好正。帶子紅娘，賣相好靚，啖啖帶子，Good。豆腐好滑，油了d車仔腸粉，腸粉不算好滑菠蘿炒飯，好靚，好多蝦，夠爽，炒飯乾身，好多菠蘿，好正。糯米雞，賣相精緻仲有咸蛋同一隻鮑魚

難得有酒樓夜晚都有點心食，就訂左下午五點去食個早晚餐。去到無咩人，得兩枱客同一枱員工用膳👀， 餐廳光線足， 又唔嘈， 環境唔錯，餐具都整齊清潔，又有特色。 所以入到去感覺良好。 入到去就落咗第一轉單1） 蟲草花燉豬展湯足料，飲得出有肉味， 有甘甜的感覺， 略嫌有點鹹；最緊要係佢哋用咗紫紗茶壺來裝湯， 夠特別之餘，仲真係發揮到保暖功效。2）蝦多士蝦係原隻蝦，唔係蝦膠，不過都係冰鮮貨，無蝦味， 預咗；但係個多士真係就要彈一彈， 係脆口的， 但太油膩了， 一放入口係成口油，完全係油浸完，無大火炸多陣收返乾Ｄ油，因此咁油，總之油到我頂唔順3）大良炸鮮奶一望就覺得好厚粉咬落去， 粉堅係厚， 而且一啲都唔酥脆，好在係一上菜食嗰時，裡面都勉強做到嫩滑的但係過左陣食，入面已經凝固咗， 硬身啫哩咁嘅口感。同埋都係同一個問題太油3）三式炸作蒜香蝦春卷正常味道，今次終於唔會太油，但係雖則叫蒜香蝦春卷，但蒜味一點兒都食唔出甘荀咸水角外形特別有加分味道ok, 外皮煙韌，無酥脆但有嚼口，可惜內餡太少牛肝菌腐皮卷太油，　完4）鳳城水餃全餐最高質， 皮薄餡足， 蝦同其他料的比例剛剛好，咬到蝦的彈牙，其他料的配搭，口感

同貓生今日又嚟到荃灣搵食，鳳城1954座落喺愉景新城，俾我嘅感覺係一間經典嘅酒樓，今日就同貓生嚟試吓招牌1954蝦多士果然係好好味，多士軟硬適中，蝦同多士兩個好夾呀龍蝦湯鮮竹卷俾我想像中一般，因為個湯唔係好濃冇乜味，不過呢個配搭都幾新穎熔岩流沙包正常，造型可愛最期待嘅金皮炸子雞冇令我失望，外脆內軟好Juice，連貓生唔係咁鍾意食雞都大讚金磚豆腐新鮮熱辣再嚟一個風騷蛋散，落咗啲花生騷好香口總結鳳城1954值得再嚟，抵食夾大件，高cp不過要改一改舊式嘅服務態度，與時並進會更加好

自疫情開始，一直都沒有去酒樓喝茶，今日「出山」第一首選便是鳳城。鳳城酒家自1954年開業，在香港歷經幾十年風雨，至今仍屹立不倒， 現在更把傳統菜式注入創新元素，讓一盅兩件更趨年輕化，因此旗下有「鳳城1954」。原來，點心師傅曾到日本工作，點心的賣相都曾設計，令人期待。*玄米茶每位$12* （外賣自取 7折）《紫砂茶壺燉螺頭湯1位 $58》每日只賣20盅的足料螺頭湯，以紫砂茶壺盛載，一壺兩杯，賣相典雅，而且紫砂亦可吸油，使湯油份減少之外，又可保持湯的熱度。湯料有雞腳、雞件、圓肉、豬肉、美國螺頭、瑤柱、火腿，杞子及陳皮，燉幾個鐘，入口清甜無比，潤肺止咳、補而不燥，特別適合秋冬飲用啖啖精華。一壺可供大約8杯，足夠幾位淺嚐。《古法灌湯餃 $32》經典懷舊菜式之一，由於工序繁複，坊間已很少機會可吃到。單是那每隻灌湯餃皮足有20幾摺，內裡蟹肉、瑤柱、冬菇及素翅及高湯，份量足，夠滋味。《櫻花蝦煎蘿蔔糕(4件) $39》外層煎至微脆，絲絲蘿蔔藏於其中，並灑上了提味的櫻花蝦和蔥花，蘸上豆瓣醬更惹味。《帶子紅娘 3粒 $48》粉粉紅紅又是吸睛之作。除了賣相吸引外，每夥更用上了原粒帶子之成，再加入蝦和蟹肉，

鳳城1954為咗飲茶，食到好食嘅點心，去到荃灣係值得㗎！🤟呢度每一款點心都好精緻，完全啱晒港女打卡！🥳 有心心眼嘅包，又有豬仔樣嘅奶皇包！而且精緻外表之餘，味道亦非常唔錯🥳🥳我最鍾意嘅係呢度嘅燒賣，最普通嘅點心先係最難整得好食。食呢粒燒賣完全feel到廚師嘅用心同埋落足材料！有大大隻蝦，又彈牙又爽口。而且一定要讚嘅係乾炒牛河，坊間好多牛河都係好濕，冇做到”乾”呢個精妙所在。而且炒得好均勻，唔會一啲重味一啲無味。呢度嘅牛河將牛肉嘅鮮味，豉油嘅香味都混合係每一條嘅河粉入面！令人百吃不厭。我都好鍾意呢度嘅鹹菜豬肚湯，雖然唔係平時食到嘅胡椒味，但係就好重奶味。又係另一番滋味！👍