鮪世市場 (已結業)

坐得舒服，食得自在 環境幾好!食物方面主打手握壽司同丼飯，每款食材都好新鮮師傅會喺bar枱前即叫即整，必試當然有中拖羅、大拖羅、海膽同牡丹蝦特別啲仲有火灸系列、金目鯛同極上本鮪魚鮫，性價比好高刺身壽司，厚切鮮甜入口溶化甜蝦好大隻,夠鮮味夠甜三文魚一件炙一件無炙,炙過香味明顯香好多 魚油味都濃好多吞拿魚手卷夠大隻,仲加埋蔥花食夠香又嫩滑無筋帶子好多隻夠鮮甜 赤貝好彈牙!海膽係加拿大貨,夠鮮味好濃味! 少了日本海膽個種口入即溶口感~將軍澳常寧路2號TKO Gateway東翼地下EF09號舖消費$300

放工係將軍澳附近，搵定有咩日本野食，見呢間餐廳食評好好，決定一試☺️第一輪叫左吞拿魚蓉手卷，同幾款壽司，的確唔錯！特別係火灸左口魚，火炙三文魚🍣，魚油令到口感好好，口內回味無窮😆凡立貝都好好味，已經心思思諗定再Encore 下一輪，玉子都好味，好香蛋味食完第一輪，決定再叫下一輪，赤貝，蝦，encore 火灸左口同三文魚🤤🤤大滿足一路食呢間，都好開心滿足，唯獨附近店鋪油煙有點大，有少少影響進食時個味道感覺，但問題不大，唔影響我下次再黎☺️原來旺角都有分店，有機會都去試下先😋

一心諗住去試吓，等兩張枱，都覺得冇所謂，雖然要排隊等枱都唔緊要，坐低等嘢食嘅過程都唔緊要，但唔知係咪太忙嘅原因，其實當時都係得兩張枱，冇水叫佢斟杯冰水，佢居然話俾兩杯冰我，唔通我要等啲冰溶咩？隔咗一陣叫佢再斟水，因為果次都仲未斟俾我，但佢話電腦hang機，跟住就冇斟，我真係想問斟水同你電腦hang機有乜關係？到後尾過嚟斟水，態度真係超差，我話不如你放低壼水我幫你，唉…食咗六百幾$700蚊，一來唔夠飽二來成肚氣，真係冇下次!!

今日係踩咗入將軍澳去買啲嘢，突然之間想食壽司，咁就搵間好食嘅！咁就搵咗佢啦！見到佢個環境好有日本feel, 咁好嘅環境，啲嘢一定唔錯㗎啦！入到去勁好招呼，沖定茶放低紙仔比客人填👍👍而且都好有禮貌！但係座位就真係少啲啦！10個位都無。講嘢食先！全部都係好新鮮！做到Omakase 既六七成！三文魚係咬落去完全無魚腥味，只有鮮甜嘅魚味 very good👍👍! 蝦都算係大隻！咬落口嘅感覺係新鮮！我對部份蝦係有敏感嘅，食完會塊面好痕，但係今次食完完全無反應，而芥辣八爪魚食落去就好似食緊未死既八爪魚！即係好似喺韓國食生八爪魚咁！感覺係好似同八爪魚戰鬥緊！個口感非常之正！亦都係非常之新鮮！十分鍾意呢個感覺！整體來講！呢間餐廳係非常值得一試，而且旺角都開咗分店！以前佢最大缺點就係將軍澳呢個荒島度！而家冇得去旅行，可以試吓呢間餐廳，或許你會搵到日本嘅風味呢！

推薦不要去食，開頭都幾好既可能，早去到一個女既整賣相都算中規中矩，叫埋生豪，都7百幾蚊，之後想加單，到男仔整就出事，我再叫蠔，蠔身有殻都上，重點唔忙，問佢牌上魚咩來，求其問兩句就算。一個字伏

☆ 𝙈𝙖𝙜𝙪𝙧𝙤 𝙎𝙚𝙠𝙖𝙞𝙞𝙘𝙝𝙞𝙗𝙖鮪世市場將軍澳常寧路2號TKO Gateway東翼地下EF09號舖性價比高嘅壽司小店，即叫即整，見到佢omakase set都係$180(不過我無八卦係有d咩)，除左劍魚腩無端端燒一燒左個面有d怪之外，其他都完全無問題，對得住佢個價錢٩(^‿^)۶值得推薦！！PS：因為坐位唔多，所以大家可能要預左比d時間去等等位啦！！(*´∇｀*)

早排Little K 考完試, 好友就帶左佢去玩 （衷心感謝❤️) 咁我同Daddy 就趁呢個好機會去食久違嘅二人晚餐🍽果日我想食壽司🍣Daddy 就㨂左坑口Gateway 既鮪世市場, 呢間小店鋪仔細細, 大約坐到7至8 人, 嗰日我哋平日嘅夜晚七點去到, 等左大約半個鐘, 最可惜既係果間無海膽供應, 呢樣都真係幾失望🍣我自己本身鍾意食壽司多個刺身, 嗰日叫咗個特大赤海蝦刺身同本鮪刺身, 個特大赤海蝦真係好好食好鮮甜, 手卷同壽司嘅味道都好好, 全部都好新鮮😋美中不足都係果句 - 無海膽🙈 如有有埋海膽真係perfect 呀😋😋😋😋呢間小店真係好多人食, 基本上門口都keep住有人等位, 同埋我唔建議帶小朋友嚟, 最好2個人去就比較好, 因為小朋友未必坐得舒服同埋未必好啱佢哋食, 同埋鋪仔太細所以都要等相當既時間😛#自從2年前無去某間食壽司嘅餐廳後就好小去食壽司#呢間係好食嘅#如果你唔介意等嘅話

運氣唔好既我😂因為黃店，所以黎撐。😂上網見到好多正評，滿心期望坐車入黎食。如果唔係有期望，應該無咁大落差。唔好食既黃店真係好多，次次都中😂所以希望反映下，會有改善。但我今次覺得係運氣差，因為我見隔離枱個啲都唔係咁😂壽司🍣三文魚：中規中矩，合格，無咩特別，正常既👍🏿三文魚腩：少少魚油香，一般既😂中拖羅：😐->🥲->🥺 同個價不符，沒有入口即溶但都唔算唔好食芝士飛魚子：全餐最好食應該係呢個，芝士味濃同飛魚子好夾，份量足夠，好食👍🏿👍🏿👍🏿鵝肝：如果我唔望隔離枱，可能唔會失望。入口有少量肝既油脂感同香味，如圖示好散，唔係以塊既型式（原本都無期望係一大塊，但都無諗到咁散），無入口溶化既感覺，加上舊飯大舊，顯得個肝更加唔好食。☹️加上望住人地枱個舊好飽滿既相比下，心情更加唔好😂鰻魚手捲：鰻魚好食，👍🏿夠熱，唯紫菜太韌。可試鰻魚，但唔要紫菜😂生磨山葵：盒入面自取同魚生丼相比，魚生丼個舊山葵明顯新鮮啲。😂壽司飯：份量剛剛好，溫度我喜歡，係比較暖既，好食，唔太酸👍🏿 魚生丼（海三色之丼）：應該係漏咗單，但我哋冇特別去追單，見佢地好忙，當佢哋發現嘅時候就問我哋係咪漏咗單😂但都唔緊要😂味道先

收工後好想食壽司🍣!!! TKO Gateway呢間鮪世市場成日都好多人排隊，小店本身座位唔多，大約只有十個，7點幾去到無位都幾常見，所以我多數都叫外賣食，等十分鐘左右有得拎喇！火炙三文魚🐟三文魚厚薄適中，好鍾意食個種微微燒焦味，再加上沙律醬，味道好夾特大赤海蝦🦐真係好大隻，蝦尾要屈埋先放到入盒！赤海蝦好新鮮，咬落去蝦肉帶點黏口感覺芥辣八爪魚軍艦🐙八爪魚份量都幾多，佈滿係壽司飯上面，但佢哋嘅芥辣唔算好攻鼻，再點芥辣食先夠辣！外賣就預咗紫菜會淋左，但我自己就唔係好介意整體壽司都幾大件，魚生幾新鮮，加上坑口區冇咩高質壽司店，之後一定會再買嚟食！

之前已試過鮪世市場的外賣，質素高，三文魚肥美，今次來敞堂食🍣鮪世市場位於坑口TKO Gateway地下，整個空間是新式熟食市場，全是餐廳小店，部分更是良心小店，如水門雞，座位不多，未必坐得舒服，但絕對是個搵食好地方。鮪世市場大約8座，半圍繞師傅枱，有點點omakase feel，枱面上的，是一叠蘋果。吸引我的是丼飯，很多選擇，個個都想試。平衡心情與財力，點了中等價位的海鹽輕燒中本鮪魚腩丼～〔海鹽輕燒中本鮪魚腩丼 $198〕鮪魚面頭淺淺燒過，微暖帶點海鹽味道，同時不失juicy油脂，加上碎呑拿魚碎、魚籽伴飯，確是jenggggg💎單點的壽司，新鮮，整體正常發揮，特別是帆立貝大大粒，鰻魚手卷一條食到尾，唔會最後得番飯，值得點評一下果然「外賣好食，堂食也不會差」是金科玉律😌👍🏻good deal〔評分區〕🍜食物質素: 3.8/5🏡環境: 3.5/5🤑價錢：3.8/5 🙋🏻‍♀️回頭率: 3.7/5

今日因為要做例行檢測行過東港城，由於天氣太熱，好想吃壽司清爽一下，上 OpenRice 搵咗一陣，發現呢間壽司店，轉來轉去都見唔到，佢原來係 TKO Gateway 樓下 Food Lane 入面，而且我過咗營業時間，要等到5:30 先再營業。於是我又再商場行來行去，等在5:30 先再開返。試咗幾款壽司，食材好新鮮，壽司飯又唔會太酸，終於滿載而歸。

放工黎到坑口搵食💛💛係坑口一個類似熟食市場裏面 與眾不同🍣🍙 鋪頭好細疫情下都係坐得3枱每枱2個人~海三色丼($135)除佐三文魚呑拿魚油甘魚之外，我都唔係太識分其他魚生叫咩名🙈 三色丼顧名思義就有三文魚油甘魚同海蝦🦐魚生唔算太厚切，不過確實幾新鮮🤟🏻顏色好靚同入口好嫩滑幾肥美😋丼飯上加上芝麻粒增添香氣💛薑片比平時既特別脆身，薑味十足唔會淨係得醋味🤙🏻🤙🏻🤙🏻推介🌟🌟葱吞拿魚腩海膽丼($135)試佐男朋友既呑拿魚腩蓉都幾好味😋油脂豐富好岩撈飯食🤩個人唔食海膽無comment🙈唯一係食完痴佐啲油煙味😂因為對面鋪係炒野既，等位既時候吸曬上身😂為食指數: 3.5/5性價比指數: 3.5/5推介指數:3.5/5

因為鋪頭座位唔多，想試佢嘅壽司但又唔想排隊，所以今次用左openrice外賣自取，好方便。叫咗好多款壽司，大部份都食得出材料好新鮮，特別要推介佢嘅帆立貝塊肉超級厚身又鮮甜。特大赤海蝦都真係特大，香蔥吞拿魚腩都做得好唔錯，以呢個價錢來講算係超值。⚠️用app叫手卷mark-up左算幾多，大家可以考慮直接同餐廳落外賣單，不過依家好多信用卡外賣自取都有特價，所以大家運用精明眼，睇吓點樣最抵食！

因為經常去厚德街市買餸有時都會經過食街,已經留意到一間細型極具日本風格嘅食店— 鮪世市場因為佢只有一條吧枱,只有8座位,而疫情關係縮減至六人座,基本上每次都見到有人排隊,亦都可以✔️紙,外賣自取,早兩日的起心肝同老公等咗大約45分鐘堂食,冇得去日本近近地搵間有日本小店感覺嘅舖頭回味下,竟然有意外驚喜翻開餐牌,價錢其實都幾平民化,一般壽司由$9起跳至$50幾不等,亦有刺身,手卷及海鮮丼當日點了接近十款不同壽司都係由兩位師傅即時製作最印象難忘的頭四位：⚫️特上海膽軍艦：鹹中帶甜、濃郁的味道，質感軟軟的，入口即溶🍣大本鮪魚腩壽司：接近中拖羅的感覺,顏色粉紅，脂肪比例較高,入口非常甘香💛火炙鵝肝壽司：表面焦黃濃香，內部卻保有溫潤柔滑的口感🦐特大赤海蝦：大大原隻赤海蝦,肉身晶瑩,非常鮮甜爽滑兩個人埋單七百幾蚊 但係意想不到嘅新鮮海鮮壽司同店舖精神非常滿足嘅一餐

我睇一睇OpenRice先至知道原來呢一間係將軍澳人氣極高壽司小店 有日見到勁多人喺門口度等外賣 就好好奇睇吓點解咁多人排隊 原來係高質之餘仲要抵食 咁當然我都要試吓有幾好食啦😂😂由於唔係太肚餓 叫咗一款試吓就算 最開心嘅就係佢哋有灸燒左口魚裙邊壽司🍣我開心到叫咗四件😂😂左口魚裙邊而家真係好少地方有 以前x氣壽司都有既 而家冇左 但應該好多人會諗😏有都唔會去食啦我師傅真係即叫即整 我等咗起碼15分鐘 但真係值得 因為佢哋啲灸燒左口魚裙邊真係入口即溶好重油香 壽司飯味道好適中😋真係好回味