鮪世市場 (已結業)

收工後好想食壽司🍣!!! TKO Gateway呢間鮪世市場成日都好多人排隊，小店本身座位唔多，大約只有十個，7點幾去到無位都幾常見，所以我多數都叫外賣食，等十分鐘左右有得拎喇！火炙三文魚🐟三文魚厚薄適中，好鍾意食個種微微燒焦味，再加上沙律醬，味道好夾特大赤海蝦🦐真係好大隻，蝦尾要屈埋先放到入盒！赤海蝦好新鮮，咬落去蝦肉帶點黏口感覺芥辣八爪魚軍艦🐙八爪魚份量都幾多，佈滿係壽司飯上面，但佢哋嘅芥辣唔算好攻鼻，再點芥辣食先夠辣！外賣就預咗紫菜會淋左，但我自己就唔係好介意整體壽司都幾大件，魚生幾新鮮，加上坑口區冇咩高質壽司店，之後一定會再買嚟食！