611
6
8
等級3
66
0
2021-06-08 66 瀏覽
疫情期間去不了日本旅遊,便犒賞自己吃頓高質的佳餚美酒,經過朋友介紹後得知了這間性價比甚高的日本菜餐廳,便立刻致電訂位,與弟弟下班後到此一同晚餐,放鬆一番。梵 艶 純米大吟醸清酒出產自日本福井縣,酒精度為 15.5%,其成品需於攝氏零下五度仔細熟成一年,因而風味富有層次感,前味甘甜,尾韻微辛,回韻則苦,並且有散發著清新的水果香氣。前菜前菜共有三款,從左至右分別為螢光魷魚、松葉蟹肉刺身、靜岡生茄子,味道方面皆各具特色,層次豐富。螢光魷魚頂部放有柚子薑蓉作為調味,入口魚身柔韌多汁,觸鬚鮮甜爽脆,味道有着淡淡微辛清香。松葉蟹肉刺身顧名思義用上蟹肉作主角配料,而底部加入有水髮菜點綴,口感既有蟹肉的甘甜柔嫩,亦有水髮菜的柔軟清香,味道相配鮮味。靜岡生茄子用上山葵作底,入口嬌嫩香甜,茄味濃郁,並散發微微嗆鼻辛辣。熊本縣天草蜜柑鯛刺身蜜柑鯛是飼養的貴價魚類,其薄切的魚片呈現著晶瑩剔透,此魚特色是於幼魚期至成年時均會將蜜柑皮切碎混在飼料中餵食,從而令魚身散發天然的蜜柑味道。食用時油脂甘香,入口即化,毫無魚腥,配搭土佐醋啫喱同食,帶酸的味道令肉質和蜜柑香氣更加突出。白見貝刺身 池魚刺身刺身分別有兩款,左邊
更多
疫情期間去不了日本旅遊,便犒賞自己吃頓高質的佳餚美酒,經過朋友介紹後得知了這間性價比甚高的日本菜餐廳,便立刻致電訂位,與弟弟下班後到此一同晚餐,放鬆一番。
110 瀏覽
0 讚好
0 留言
4 瀏覽
0 讚好
0 留言
梵 艶 純米大吟醸
清酒出產自日本福井縣,酒精度為 15.5%,其成品需於攝氏零下五度仔細熟成一年,因而風味富有層次感,前味甘甜,尾韻微辛,回韻則苦,並且有散發著清新的水果香氣。
2 瀏覽
0 讚好
0 留言
前菜
前菜共有三款,從左至右分別為螢光魷魚、松葉蟹肉刺身、靜岡生茄子,味道方面皆各具特色,層次豐富。
螢光魷魚頂部放有柚子薑蓉作為調味,入口魚身柔韌多汁,觸鬚鮮甜爽脆,味道有着淡淡微辛清香。
松葉蟹肉刺身顧名思義用上蟹肉作主角配料,而底部加入有水髮菜點綴,口感既有蟹肉的甘甜柔嫩,亦有水髮菜的柔軟清香,味道相配鮮味。
靜岡生茄子用上山葵作底,入口嬌嫩香甜,茄味濃郁,並散發微微嗆鼻辛辣。
3 瀏覽
0 讚好
0 留言
熊本縣天草蜜柑鯛刺身
蜜柑鯛是飼養的貴價魚類,其薄切的魚片呈現著晶瑩剔透,此魚特色是於幼魚期至成年時均會將蜜柑皮切碎混在飼料中餵食,從而令魚身散發天然的蜜柑味道。食用時油脂甘香,入口即化,毫無魚腥,配搭土佐醋啫喱同食,帶酸的味道令肉質和蜜柑香氣更加突出。
0 瀏覽
0 讚好
0 留言
0 瀏覽
0 讚好
0 留言
白見貝刺身 池魚刺身
刺身分別有兩款,左邊的是池魚刺身,並配搭有薑醋、紫蘇花調味,以讓鮮味更突出,肉質緊實爽脆,略帶油香,甘甜鮮嫩。右邊為白見貝刺身,是屬於貝類的一種,奉上前會先拍打肉質,務求達致緊實爽口,食用時脆彈清甜,而調味的小量山葵更讓味道提鮮可口。
0 瀏覽
0 讚好
0 留言
熊本縣天草石垣鯛壽司
北海道赤貝壽司
島根縣脂鯉鯛壽司 
壽司款式共有三款,左邊的是熊本縣天草石垣鯛壽司,盛產期為夏季,師傅把其𠝹開數刀後配搭壽司飯製作,味道鮮甜細膩,油脂豐富。
中間是北海道赤貝壽司,又名為魁蚶,主要生活在數米水深的軟泥或泥沙質海底之中,把其橙紅色的肉質配上醋飯,口感爽厚鮮甜,柔軟幼嫩。
而最右方的是島根縣脂鯉鯛壽司,其肉質色澤米白,經過輕微燒灼後再配搭醋飯,口感清甜嫩滑,鮮味十足。
0 瀏覽
0 讚好
0 留言
花竹蝦頭天婦羅
由於下一道菜有花竹蝦刺身,因而師傅便毫不浪費,特意將其蝦頭部份亦保留下來,以製作成天婦羅食用。金黃亮澤的天婦羅炸製得恰到好處,口感香酥爽脆,富有蝦香,而且絲毫沒有油膩感。
2 瀏覽
0 讚好
0 留言
島根縣春香岩蠔
沖繩縣花竹蝦刺身
三文魚子湯葉
此道菜餚同樣有三款口味,先從左上角的島根縣春香岩蠔說起,師傅配以漬物、蔥花粒、酸汁啫喱、醋作為調味,入口蠔味濃郁,爽口甜滑,並有微微海水鹹香。
右上方的是三文魚子湯葉,而湯葉亦即是新鮮的腐竹,味道豆香出眾,清新柔軟。三文魚子顆粒飽滿圓潤,咬開爽脆柔軟的薄膜後,其鹹香鮮美的汁液滿佈口腔,甚是滋味。
下方的刺身是沖繩縣花竹蝦刺身,也就是上道天婦羅菜式的蝦隻下身部份,味道黏稠鮮甜,清香濃郁。
18 瀏覽
0 讚好
0 留言
燒白貝
白貝使用燒灼方式烹調,因而食用時肉質更出眾鮮香,口感緊實彈牙,柔韌香嫩,並且濕潤帶汁,味道亦散發著獨特的濃郁清甜,不禁讓人再三回味。
0 瀏覽
0 讚好
0 留言
三睦縣喜知次壽司
黑松露銀鱈魚壽司
沖繩縣猛者海老壽司
三件壽司從左至右分別為三睦縣喜知次壽司、黑松露銀鱈魚壽司、沖繩縣猛者海老壽司,數款食材皆屬於貴價的海鮮魚類品種,入口均是新鮮肥美。
喜知次為日本深海魚的魚王,有著海中紅寶石的美譽,師傅把其肉質表面輕微灼過後,便加入醋飯製成壽司,食用時油脂豐厚甘香,肉質則細嫩鮮甜。
銀鱈魚壽司頂部加入適量的黑松露點綴,入口清香細嫩,滑膩即化,同時有著黑松露的獨特芳香。
猛者海老壽司來自於日本西南側的沖繩縣,因有著粗野強悍的外表而被稱為猛者,但蝦肉卻是恰恰相反,味道濃稠鮮甜,彈牙濃郁,比一般的甜蝦來得是更為甜香。
0 瀏覽
0 讚好
0 留言
0 瀏覽
0 讚好
0 留言
岩手縣紫海膽刺身
此道佳餚用上全隻海膽奉上,大廚先把內裏的內臟清洗處理,然後再放置入三文魚子作內餡餡料,光賣相已感覺到其矜貴非凡。海膽口感黏滑甘甜,豐腴即化,而三文魚子則鹹香爽脆,濃郁鮮味。
0 瀏覽
0 讚好
0 留言
0 瀏覽
0 讚好
0 留言
0 瀏覽
0 讚好
0 留言
蟹膏撈磯煮鮑魚 北海道北寄貝刺身
兩款菜式用上紫蘇葉作底和花朵擺盤襯托,賣相顯得格外精美且富有大自然感,而且更是屬於餐廳的主打佳餚。左邊的鮑魚呈現片形狀態,表面用上蟹膏撈製拌食,整體口感柔嫩彈牙,滑溜鮮甜,香醇濃郁。右邊的北寄貝刺身伴隨有山葵同食,入口甘甜爽滑,香濃鮮美。
0 瀏覽
0 讚好
0 留言
0 瀏覽
0 讚好
0 留言
和歌山香魚苗天婦羅
師傅把魚隻製得畢直挺身,堅硬得足以可支撐於紫蘇葉上方,由於整條魚已炸得金黃香脆,所以可連同頭部食用,口感酥爽鮮美,細膩嫩滑,帶有魚香,而且毫無腥味油膩感。
0 瀏覽
0 讚好
0 留言
海鰻壽司
鮫鰈魚裙邊壽司
大拖羅壽司
三款口味的壽司先從左邊嚐起,最左的是大拖羅壽司,其色澤粉嫩帶白,肉質含有豐富油脂,入口肥美甘香,濃郁即化。
中間為鮫鰈魚裙邊壽司,鮫鰈魚也就是深海右口魚,由於其游動時會擺動裙邊位置,大量的活動導致裙邊肉質特別爽滑,而且每條魚只得兩片而已,因而是非常矜貴。把肉質稍微炙燒後,可見油脂甚為豐腴,口感緊實爽脆,細嫩焦香。
最右方的就是海鰻壽司,表面肉質可見金黃微焦,配搭上醋飯同食,入口細緻紮實,鮮嫩彈牙,魚味濃郁。
0 瀏覽
0 讚好
0 留言
佐賀士多啤梨天婦羅
士多啤梨選取來自日本九州西北部佐賀的出品,師傅於其表面加入煉奶,並再炸製成天婦羅食用,口感外脆內嫩,香甜多汁,而且草莓香氣極為濃郁。
2 瀏覽
0 讚好
0 留言
玉子布丁
此件布丁外觀方正,色澤金黃亮麗,材料選用上雞蛋製作,咀嚼時滑溜柔軟,幾乎即化,味道香甜嫩口,並散發陣陣雞蛋香氣,絕對是道一流的飯後甜品
0 瀏覽
0 讚好
0 留言
紫菜麵豉湯
麵豉湯特意加入紫菜製作,因而色澤可見呈現微綠,於飲用時只需輕微攪拌即可品嚐。味道濃厚鹹香,鮮味十足,不但可作飯後清味蕾,同時亦有著暖胃之用。
0 瀏覽
0 讚好
0 留言
甜點
最後一道佳餚是靜岡蜜瓜、宇治綠茶蛋糕,來自日本的靜岡蜜瓜是皇室御用的瓜果,特色是甜度極高,味道瓜香濃郁,多汁清香。綠茶蛋糕原料是來自有名的綠茶種植地方,亦即是日本宇治,所以食用時蛋糕特別茶味香醇,微澀清新,綿軟鬆化。

總結而言,餐廳以藍色、木系為主題,配襯上落地玻璃和軟墊座椅,整體是既舒適亦開揚。而菜式方面製作專業高質,擺盤設計精美矜貴,味道亦很是新鮮出色,著實讓人對其念念不忘。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
等級4
286
0
2021-06-06 62 瀏覽
疫情關係,大家飛唔到日本,香港多了很多omakase 嘅舖頭,今日朋友介紹我去了銅鑼灣呢間上樓舖。lift 門打開見到摩登日式裝修,兩邊牆身都係落地玻璃可以睇到外面嘅風景,所以一啲都唔侷促。舖頭細細已經有三個師傅,師傅平均照顧二台客,所以服務好周到。佢哋而家嘅Omakase 係$1280有25種食物,份量都幾豐富。前菜係北海道嘅白粟米爽口清甜,之後嘅沖繩海雲配上松業蟹肉,酸酸甜甜幾開胃,加上蟹肉絲,味都幾配搭。蟹膏豆腐上面有少少魚子醬及香甜蟹肉絲嘅點綴,蟹膏豆腐入口非常有蟹味又帶點甜,又不會太腥。障泥烏賊配馬糞海膽,烏賊非常新鮮,爽口又帶少少粘粘口感,加上三文魚子及海膽有提鮮作用,味道相融。淡路島池魚,有酸酸甜甜,紫蘇花及薑汁配合,魚味夠濃又非常醒胃。北海道八爪魚,都非常新鮮,吸盤非常彈牙,韌性極隹,咬勁十足。鹽燒白貝,非常清甜又爽口。師傅新鮮剝殼的沖繩花竹蝦,蝦肉超級爽口彈牙,新鮮嘅係唔一樣。天草原石雕魚,口感煙韌,非常有油分。金目鯛,有少少木魚碎及炸蒜在面,肉質細嫩,加上蒜香又有另一種風味。富山灣嘅白蝦,肉質帶鮮甜,有小芝麻在面點綴,多了一份芝麻香,托底的檸檬汁滲入飯內,感覺好清新
更多
疫情關係,大家飛唔到日本,香港多了很多omakase 嘅舖頭,今日朋友介紹我去了銅鑼灣呢間上樓舖。lift 門打開見到摩登日式裝修,兩邊牆身都係落地玻璃可以睇到外面嘅風景,所以一啲都唔侷促。
0 瀏覽
0 讚好
0 留言
舖頭細細已經有三個師傅,師傅平均照顧二台客,所以服務好周到。佢哋而家嘅Omakase 係$1280有25種食物,份量都幾豐富。
2 瀏覽
0 讚好
0 留言
前菜係北海道嘅白粟米爽口清甜,之後嘅沖繩海雲配上松業蟹肉,酸酸甜甜幾開胃,加上蟹肉絲,味都幾配搭。蟹膏豆腐上面有少少魚子醬及香甜蟹肉絲嘅點綴,蟹膏豆腐入口非常有蟹味又帶點甜,又不會太腥。
1 瀏覽
0 讚好
0 留言
障泥烏賊配馬糞海膽,烏賊非常新鮮,爽口又帶少少粘粘口感,加上三文魚子及海膽有提鮮作用,味道相融。淡路島池魚,有酸酸甜甜,紫蘇花及薑汁配合,魚味夠濃又非常醒胃。北海道八爪魚,都非常新鮮,吸盤非常彈牙,韌性極隹,咬勁十足。鹽燒白貝,非常清甜又爽口。
7 瀏覽
0 讚好
0 留言
師傅新鮮剝殼的沖繩花竹蝦,蝦肉超級爽口彈牙,新鮮嘅係唔一樣。天草原石雕魚,口感煙韌,非常有油分。金目鯛,有少少木魚碎及炸蒜在面,肉質細嫩,加上蒜香又有另一種風味。富山灣嘅白蝦,肉質帶鮮甜,有小芝麻在面點綴,多了一份芝麻香,托底的檸檬汁滲入飯內,感覺好清新。
5 瀏覽
0 讚好
0 留言
北海道嘅湯葉加上三文魚子,日本嘅湯葉完全將腐皮帶到另一種層次。花雕漬牡丹蝦,牡丹蝦新鮮不在話下,師傅大膽用花雕醃了一日,出奇地發現花雕同牡丹蝦的甜非常配合,特別是頭內啲蝦膏加上酒味,味道提升得更香濃。島根縣嘅春香蠔,海水味非常重,有重金屬味而且帶鹹味,係鍾意食法國號嘅朋友的首選。
1 瀏覽
0 讚好
0 留言
北海道銀雪魚刺身,非常稀有的新鮮銀雪魚,入口彈牙油脂豐富,相對魚味比較淡薄。火炙喜之次魚,日本出名名貴的大眼雞魚,油分非常重,經過火炙帶出油香,入口非常油潤而滑順。岩手縣紫海膽,入口清甜,有海水味,回甘味悠長,因為新鮮關係唔會有明礬的化學味道,而且加上三文魚子配合唔使加豉油,配搭非常之好,鮮上加鮮。
12 瀏覽
0 讚好
0 留言
磯煮鮑魚配蟹膏,鮑魚就爽脆彈牙,配上蟹膏嘅鮮味,口感特別又充滿鹹香。
1 瀏覽
0 讚好
0 留言
西式焗白金鯛,用熱油淋上連魚鳞的魚皮,有米芝蓮feel,魚肉夠油,魚鱗脆卜卜,口感非常特別。
1 瀏覽
0 讚好
0 留言
0 瀏覽
0 讚好
0 留言
大拖羅及醬油漬拖羅,口感都非常豐富。炸穴子手卷,穴子炸過之後更香脆,油份依然突出。
0 瀏覽
0 讚好
0 留言
最後嘅玉子,同平常的不一樣,有少少似布甸口感,有高湯味道,口感比較彈牙。
1 瀏覽
0 讚好
0 留言
甜品蜜瓜同士多啤卷作結尾。呢個份量真係非常足夠,除咗用了新鮮高級食材,師傅喺壽司味道嘅配搭或配料,都花盡心思,加上唯美盤飾,比平時omakase 更具新意,呈現獨有的美感。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
等級4
317
0
2021-06-06 80 瀏覽
疫情下冇得返鄉下,令到香港啲Omagase越開越多。朋友介紹銅鑼灣一間上樓舖,地點方便,環境開陽,收費合理,今晚一於試一試。餐廳叫鮨逸,位於銅鑼灣駱克駅,地鐵站一出對面就係,真係十分方便。食Omagase,我諗坐吧枱都係指定動作,一坐低師父就俾啲漬物我哋開下胃先。第一道上嘅開胃菜係北海道白粟米,清甜冇渣,雪凍咗好好食。沖繩海雲配松葉蟹肉,海雲即係海藻,酸味很強,配淡淡的蟹肉很夾。蟹膏豆腐,蟹膏味很濃,還有少少蟹肉,配淡淡的豆腐口感豐富。障泥烏賊配馬糞海膽,主角係烏賊,新鮮但淡口,配濃味的海膽又係另一種感覺。淡路島池魚,呢個季節嘅池魚當造,切咗條再配酸汁及紫蘇花,感覺清新。北海道水八爪,第一次食,吸盤很爽口,八爪魚身就腍滑,配啫喱酸汁,可以突出八爪魚嘅鮮甜。鹽燒白貝,一個字"鮮"。沖繩花竹蝦,師傅响魚缸一捉上嚟就剝殼,蝦肉仲有啲跳動,鮮甜爽口又彈牙。炸蝦頭是取自沖繩花竹蝦的,送酒一流天草原石鯛,口感煙煙韌韌,白身魚來說油份都算豐富。金目鯛,師傅加咗木魚蒜蓉醬响上面,有食中菜蒜香的感覺,幾特別。富山灣白蝦,黏口有蝦味,壽司飯下面鋪上檸檬,令整件事加倍清新。北海道湯頁配三文魚子,一濃一淡,作
更多
疫情下冇得返鄉下,令到香港啲Omagase越開越多。朋友介紹銅鑼灣一間上樓舖,地點方便,環境開陽,收費合理,今晚一於試一試。
餐廳叫鮨逸,位於銅鑼灣駱克駅,地鐵站一出對面就係,真係十分方便。
食Omagase,我諗坐吧枱都係指定動作,一坐低師父就俾啲漬物我哋開下胃先。
2 瀏覽
0 讚好
0 留言

第一道上嘅開胃菜係北海道白粟米,清甜冇渣,雪凍咗好好食。
沖繩海雲配松葉蟹肉,海雲即係海藻,酸味很強,配淡淡的蟹肉很夾。
蟹膏豆腐,蟹膏味很濃,還有少少蟹肉,配淡淡的豆腐口感豐富。
0 瀏覽
0 讚好
0 留言

障泥烏賊配馬糞海膽,主角係烏賊,新鮮但淡口,配濃味的海膽又係另一種感覺。
淡路島池魚,呢個季節嘅池魚當造,切咗條再配酸汁及紫蘇花,感覺清新。
北海道水八爪,第一次食,吸盤很爽口,八爪魚身就腍滑,配啫喱酸汁,可以突出八爪魚嘅鮮甜。
鹽燒白貝,一個字"鮮"。
0 瀏覽
0 讚好
0 留言

沖繩花竹蝦,師傅响魚缸一捉上嚟就剝殼,蝦肉仲有啲跳動,鮮甜爽口又彈牙。炸蝦頭是取自沖繩花竹蝦的,送酒一流
0 瀏覽
0 讚好
0 留言

天草原石鯛,口感煙煙韌韌,白身魚來說油份都算豐富。
金目鯛,師傅加咗木魚蒜蓉醬响上面,有食中菜蒜香的感覺,幾特別。
0 瀏覽
0 讚好
0 留言

富山灣白蝦,黏口有蝦味,壽司飯下面鋪上檸檬,令整件事加倍清新。
北海道湯頁配三文魚子,一濃一淡,作為過場可以清清口腔。
牡丹蝦花雕漬,很大膽的嘗試,將牡丹蝦用花雕酒浸大約一日,酒味完全滲進蝦身及蝦頭,濃味但又不至於太過分,是今晚比較特別,而又很欣賞的一道菜。
0 瀏覽
0 讚好
0 留言

赤貝,新鮮爽口。
島根縣春香蠔,真係想知道點解日本蠔可以全隻都咁爽口,今次春香蠔海水味特別重,鹹味豐富,食後口腔久久的蠔味都不散去。
北海道銀雪魚刺身,銀雪魚都係西京燒好食啲😅
1 瀏覽
0 讚好
0 留言

炙燒喜之次,魚油豐富,一定要配壽司飯食。
岩手縣紫海膽,鮮甜,用三文魚子代替醬油,又有另一番風味。
粒貝,貝身爽口鮮甜,柱位炭火燒,多了一份炭香。
0 瀏覽
0 讚好
0 留言

磯煮鮑魚配蟹膏,蟹膏裏面還有鮑魚的肝臟,非常濃味,鮑魚慢煮後口感依然煙韌。
白金鯛,魚唔打走鱗片,再用滾油慢慢將魚淋熟,令魚鱗有食薯片的口感,魚肉又剛熟,很好食😋
0 瀏覽
0 讚好
0 留言

大拖羅選用近魚鮫的位置,魚肉油份豐富但就沒有根位,真正做到入口即溶。
0 瀏覽
0 讚好
0 留言

吞拿魚醬油漬是我喜歡的處理魚生方法,濃味之餘,魚味有豐富👍
0 瀏覽
0 讚好
0 留言

最後奉上熱湯及甜品甜品有雞蛋布甸,蜜瓜及士多啤梨卷,用甜品作結,超滿足。
0 瀏覽
0 讚好
0 留言

一向食Omagase都有些擔心,一係唔飽一係太飽,今晚嘅份量用料及價錢都拿捏得非常好,性價比很高,值得推薦👍👍
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2021-06-03
用餐途徑
堂食
人均消費
$1400 (晚餐)
等級2
5
0
2021-06-01 87 瀏覽
自己失策唔記得訂壽司bar 所以嗰25貫係幾貫咁送上檯,但未食完就好似快餐咁放上黎,食完整上下幾道,最慘係要熱既唔熱。放落口都知啲料唔係靚料,魚有腥味。一個鐘食完
更多
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
等級4
149
0
最近一年都試左好幾間omakase店,呢間位於銅鑼灣嘅鮨逸算係我食過性價比最高嘅,同一價錢可以食到25道菜,師傅去取花巧嘅伴碟飾同功夫,盡力控制成本,比客人有更多機會去試其他產品,同時,師傅亦都唔願意好死板咁每日做一式一樣嘅菜式,每一日佢哋都會有新嘅創意用唔同方法去烹調。餐廳位於高層,所以景觀都好開揚。除咗有25道菜廚師發板之外,亦都可以散叫,不過當然就好推薦食返呢度嘅廚師發板啦。今次係經理嘅推薦之下,試咗呢款米酒,入口醇滑,好有米香味,細細地300 ml但係好襟飲。首先係靜崗縣水茄子,只有呢款茄子先可以生食,其他茄子生食嘅話會中毒,個口感特別好似啤梨。秋田縣順菜松葉蟹肉,順菜望落好似啲多肉植物咁,個口感好得意,外面好似有層啫喱,本來無味 所以要配醋食。富山灣螢光魷魚,而家暫時仲係螢光魷魚嘅季節尾,非常肥美,咬落啖啖都係爆膏嘅口感。淡路島池魚,細切後配薑蓉同紫蘇花,肉質比其他魚肉個口感較實。北海道白見貝,姐係象拔蚌,肉質好爽好鮮,腹部 火炙過口感更軟同甜。天草縣間八,薄切後包左馬糞海膽,味道非常鮮甜 ,口感creamy,掃上柚子皮更加提升左個層次感。北海道白貝,輕輕咁用鹽燒過,個鮮甜味
更多
最近一年都試左好幾間omakase店,呢間位於銅鑼灣嘅鮨逸算係我食過性價比最高嘅,同一價錢可以食到25道菜,師傅去取花巧嘅伴碟飾同功夫,盡力控制成本,比客人有更多機會去試其他產品,同時,師傅亦都唔願意好死板咁每日做一式一樣嘅菜式,每一日佢哋都會有新嘅創意用唔同方法去烹調。
2 瀏覽
0 讚好
0 留言


餐廳位於高層,所以景觀都好開揚。

397 瀏覽
0 讚好
0 留言


除咗有25道菜廚師發板之外,亦都可以散叫,不過當然就好推薦食返呢度嘅廚師發板啦。
今次係經理嘅推薦之下,試咗呢款米酒,入口醇滑,好有米香味,細細地300 ml但係好襟飲。

2 瀏覽
0 讚好
0 留言

首先係靜崗縣水茄子,只有呢款茄子先可以生食,其他茄子生食嘅話會中毒,個口感特別好似啤梨。

秋田縣順菜松葉蟹肉,順菜望落好似啲多肉植物咁,個口感好得意,外面好似有層啫喱,本來無味 所以要配醋食。

富山灣螢光魷魚,而家暫時仲係螢光魷魚嘅季節尾,非常肥美,咬落啖啖都係爆膏嘅口感。

淡路島池魚,細切後配薑蓉同紫蘇花,肉質比其他魚肉個口感較實。

2 瀏覽
0 讚好
0 留言


北海道白見貝,姐係象拔蚌,肉質好爽好鮮,腹部 火炙過口感更軟同甜。

天草縣間八,薄切後包左馬糞海膽,味道非常鮮甜 ,口感creamy,掃上柚子皮更加提升左個層次感。

北海道白貝,輕輕咁用鹽燒過,個鮮甜味已經好突出。

2 瀏覽
0 讚好
0 留言

平目魚,加左柚子同薑,魚肉味道淡,同柚子味好夾。

活赤貝,配上酸柑汁,肉質彈牙爽口。

島根脂目雕,拎上嚟已經聞到有少許芝麻香,火灸過,所以油脂好多,肉質較實。

湯頁,日本新鮮腐竹腐皮,食落有清淡嘅豆香味,而三文魚籽潰味道偏甜。

3 瀏覽
0 讚好
0 留言

沖繩車海老,姐係花竹蝦,即場睇住師傅係水入面撈上泥劏,蝦肉非常彈牙,蝦頭仲即炸做天婦羅。

島根縣春香岩蠔,海水味偏重,而且好大隻,肉質肥美好實淨好爽口。

赤綠,火灸過所以重魚油香味,好肥美。

1 瀏覽
0 讚好
0 留言

岩手縣紫海膽,真係第一次原隻海膽咁食,紫海膽嘅海水味比較重,味道偏甘,用三文魚子去取代一般嘅調味,即時提升左個鮮味,而食海膽用嘅匙羹仲要係用貝殼制嘅,燈光下色彩變幻,好特別。

刺身級別銀雪魚,肉質滑,油味重,魚味淡最後配 配上黑松露,非常夾。

富山灣白蝦配魚子醬,飯下面有檸檬片,有檸檬味但因為係飯嘅下層,所以唔會搶白蝦嘅鮮味。

0 瀏覽
0 讚好
0 留言


北寄貝,新鮮嘅北寄貝只要加竹炭鹽同酸柑汁已經好足夠,味道鮮甜,肉質爽口。

磯煮鮑魚配蟹膏,多餘嘅肉質係非常彈牙,係新鮮先可以做到嘅口感,而蟹膏在味道濃郁。

炸香魚,粉漿好薄,頭同肚有甘味,加左岩鹽。

拖羅,好肥美同好香魚油,入口即溶。

0 瀏覽
0 讚好
0 留言

鮫鰈魚邊,火灸過好香,而且每咬一口如有就順着紫菜咁樣流落嚟,肉質好滑。

天婦羅海鰻,粉漿好薄,魚肉好滑,即炸即上所以真係要小心。

草莓天婦羅,係師傅嘅新靈感,加左海鹽煉奶,外脆內軟,亦都食得出草莓嘅甜味。

0 瀏覽
0 讚好
0 留言

小龍蝦湯,半隻小龍蝦都係湯入面,可想而知個湯係幾咁鮮甜,而且龍蝦嘅肉都唔少,肉質彈牙。

布甸蛋,上層係布甸而下係玉子燒嘅感覺,呢個組合配搭好特別好新奇。

甜品係蜜瓜蛋捲,中間嘅cream都唔算肥膩,加油淡淡的蜜瓜香。

2 瀏覽
0 讚好
0 留言

呢個價錢食咗25道菜仲有咁好嘅服務,超級抵食。
0 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
等級4
335
0
2021-05-31 70 瀏覽
Dinner set $1280 全25品靜岡嘅生茄子🍆- 食落有淡淡蘋果味松葉蟹肉豆腐- 蟹膏味好濃,豆腐又滑愛知縣平貝- 紫菜包住食,燒得岩好,好爽口淡路島嘅小池魚刺身- 柚子醋同麻香味十足配合少少紫蘇花及醬汁令刺身口感提升北海道嘅活北其貝- 肉質爽口鮮甜北海道鹽燒白貝- 燒得岩岩好,白貝汁好鮮甜蜜柑鯛魚壽司- 真係有淡淡的蜜柑味,夠特別活赤貝壽司-爽口嫩滑地金目鯛壽司- 燒到好香魚油味,魚肉鮮甜石鯛壽司-魚脂油份好重,有入口溶化的感覺富山灣白蝦壽司-配上岩鹽同黑松露醬燒赤鯥魚壽司-魚油味甘香甜美吞拿魚壽司-加上芝麻不覺膩又鮮美,吃完後口腔內滿是吞拿魚油香小肌魚壽司-魚味好濃 食落似鯖魚湯葉配海膽刺身-湯葉就是日本的腐皮配上海膽刺身,一清一濃,配搭唔錯北海道牡丹蝦刺身-原隻大蝦新鮮拆肉,有濃濃的蝦膏同蝦籽生蠔-海水味融合左清新柚子味,creamy又大隻岩手縣的原隻海膽- 大大隻的海膽份量好足料,即開即食,新鮮。配上粒粒三文魚籽令鮮味口感提升北海道原隻毛蟹- 蟹肉慢煮蟹膏鮑魚-慢煮四個鐘的薄切片配上蟹膏令鮮味更出大拖羅-肚腩位夠厚身,肉質新鮮粉嫩和歌山嘅香魚-季節性魚,炸到外脆內軟,
更多

Dinner set $1280 全25品
1 瀏覽
0 讚好
0 留言

靜岡嘅生茄子🍆- 食落有淡淡蘋果味
松葉蟹肉豆腐- 蟹膏味好濃,豆腐又滑
愛知縣平貝- 紫菜包住食,燒得岩好,好爽口
淡路島嘅小池魚刺身- 柚子醋同麻香味十足
配合少少紫蘇花及醬汁令刺身口感提升
北海道嘅活北其貝- 肉質爽口鮮甜
北海道鹽燒白貝- 燒得岩岩好,白貝汁好鮮甜

3 瀏覽
0 讚好
0 留言

蜜柑鯛魚壽司- 真係有淡淡的蜜柑味,夠特別
活赤貝壽司-爽口嫩滑
地金目鯛壽司- 燒到好香魚油味,魚肉鮮甜
石鯛壽司-魚脂油份好重,有入口溶化的感覺
富山灣白蝦壽司-配上岩鹽同黑松露醬
燒赤鯥魚壽司-魚油味甘香甜美
吞拿魚壽司-加上芝麻不覺膩又鮮美,吃完後口腔內滿是吞拿魚油香
小肌魚壽司-魚味好濃 食落似鯖魚

1 瀏覽
0 讚好
0 留言

湯葉配海膽刺身-湯葉就是日本的腐皮配上海膽刺身,一清一濃,配搭唔錯
北海道牡丹蝦刺身-原隻大蝦新鮮拆肉,有濃濃的蝦膏同蝦籽
生蠔-海水味融合左清新柚子味,creamy又大隻
岩手縣的原隻海膽- 大大隻的海膽份量好足料,即開即食,新鮮。配上粒粒三文魚籽
令鮮味口感提升
北海道原隻毛蟹- 蟹肉
慢煮蟹膏鮑魚-慢煮四個鐘的薄切片配上蟹膏令鮮味更出
大拖羅-肚腩位夠厚身,肉質新鮮粉嫩
和歌山嘅香魚-季節性魚,炸到外脆內軟,可以由頭食到落尾

2 瀏覽
0 讚好
0 留言

佐賀縣出產嘅草莓天婦羅🍓
炸草莓我都係第一次食
超薄身的炸漿配上煉奶
令草莓出奇地甜美可口👍🏻👍🏻

玉子布丁
用上高級日本雞蛋煮成
布丁蛋味重,又軟滑

最後仲有湯同甜品係蜜瓜同蛋糕

整體來說性價比極高
份量亦都很足夠👍🏻👍🏻絕對可以再食
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
推介美食
  • 草莓天婦羅
  • 地金目鯛壽司
等級4
278
0
2021-05-31 667 瀏覽
今日同朋友預早慶祝生日,book咗間高級日式餐廳試試,餐廳menu非常簡單容易,就係Omakase Set廚師發辦 ,全數合共25道菜,菜式係根據餐廳當日入貨而決定,希望做到所謂不時不食,給予廚師更大自由度去發揮,每位盛惠$1280,另需加一服務費。餐廳位於駱克道駱克駅27樓,裝修時尚優雅,思鄉病發嘅我,有仿如置身於梅田摩天大廈用膳嘅感覺。大阪泉洲生茄子,味道清新,經理强調只有呢款茄子可以生食,而且產量不多。沖繩水雲配蟹肉,水雲(亦稱為海髮菜)配上酸醋,再加上鮮甜嘅蟹肉,入口非常順滑醒胃。池魚,師傳將池魚切成細條狀,肉質爽滑彈牙,配有少少蔥粒、豉油,魚香味濃。燒白貝,師傅以鹽燒過 ,口感爽甜,完全無痴牙感覺,而且非常鮮味。再嚟就係數款壽司,分別有蜜柑鯛魚壽司、地金目鯛壽司蜜柑鯛魚壽司,表面晶瑩剔透,品嚐時唔會有魚腥味,反而有淡淡清香,而且入口即溶;無需太多調味,都已經覺得非常滋味。地金目鯛壽司,油脂含量適中,肉質細膩。北海道活北寄貝,平時大家食開嘅熟北寄貝通常係紅色,而呢一款係更高級,不但甜度十足、而且味道鮮美,係食日本料理時必須品嚐嘅其中一款海產!考考師傅刀功系列,分別有北海道牡丹蝦
更多
今日同朋友預早慶祝生日,book咗間高級日式餐廳試試,餐廳menu非常簡單容易,就係Omakase Set廚師發辦 ,全數合共25道菜,菜式係根據餐廳當日入貨而決定,希望做到所謂不時不食,給予廚師更大自由度去發揮,每位盛惠$1280,另需加一服務費。餐廳位於駱克道駱克駅27樓,裝修時尚優雅,思鄉病發嘅我,有仿如置身於梅田摩天大廈用膳嘅感覺。
4 瀏覽
0 讚好
0 留言

大阪泉洲生茄子,味道清新,經理强調只有呢款茄子可以生食,而且產量不多。
1 瀏覽
0 讚好
0 留言

沖繩水雲配蟹肉,水雲(亦稱為海髮菜)配上酸醋,再加上鮮甜嘅蟹肉,入口非常順滑醒胃。
0 瀏覽
0 讚好
0 留言

池魚,師傳將池魚切成細條狀,肉質爽滑彈牙,配有少少蔥粒、豉油,魚香味濃。
2 瀏覽
0 讚好
0 留言

燒白貝,師傅以鹽燒過 ,口感爽甜,完全無痴牙感覺,而且非常鮮味。
7 瀏覽
0 讚好
0 留言
再嚟就係數款壽司,分別有蜜柑鯛魚壽司、地金目鯛壽司
1 瀏覽
0 讚好
0 留言

蜜柑鯛魚壽司,表面晶瑩剔透,品嚐時唔會有魚腥味,反而有淡淡清香,而且入口即溶;無需太多調味,都已經覺得非常滋味。
2 瀏覽
0 讚好
0 留言

地金目鯛壽司,油脂含量適中,肉質細膩。
1 瀏覽
0 讚好
0 留言

北海道活北寄貝,平時大家食開嘅熟北寄貝通常係紅色,而呢一款係更高級,不但甜度十足、而且味道鮮美,係食日本料理時必須品嚐嘅其中一款海產!
2 瀏覽
0 讚好
0 留言
考考師傅刀功系列,分別有北海道牡丹蝦刺身、活赤貝、湯葉
2 瀏覽
0 讚好
0 留言
北海道牡丹蝦刺身,師傅細心將所有蝦肉、蝦膏拆好後擺得靚靚,方便客人食用,完全唔需要自己落手,啱哂我呢d懶人。
0 瀏覽
0 讚好
0 留言

活赤貝,肉質爽口彈牙,新鮮爽滑,再配上酸汁,清新宜人。
5 瀏覽
0 讚好
0 留言

湯葉,即係日本嘅腐皮,豆香味十足,以魚子作配形成强烈對比。
3 瀏覽
0 讚好
0 留言

島根縣春香岩蠔,擺放喺磨沙玻璃托盤上顯得格外高貴,連殼有成隻手掌咁大呀,當你嘗試全隻一啖吞落口,蠔味濃郁,一試難忘!

1 瀏覽
0 讚好
0 留言

白蝦壽司,將白蝦去殼放喺飯上面,再加上金箔及黑魚子,高貴得嚟又滋味。
5 瀏覽
0 讚好
0 留言

對馬赤鯥壽司,又稱為口黑,炙燒過嘅赤睦香而有咬口,口感層次鮮明。
0 瀏覽
0 讚好
0 留言

岩手縣紫海膽,吸睛打卡首選,d刺篤落去仲有反應㗎,都唔知幾耐未食過咁新鮮嘅原隻海膽,三文魚子都可憐地被迫淪為配角😆
3 瀏覽
0 讚好
0 留言

1 瀏覽
0 讚好
0 留言

磯煮鮑魚撈蟹膏,煙韌得嚟有彈性,並非死死實實貨色可以相題並論,再喺鮑魚表加上濃濃嘅蟹膏醬,一試難忘。
2 瀏覽
0 讚好
0 留言


2 瀏覽
0 讚好
0 留言

香魚BB天婦羅(春夏季限定,由於佢係草食性魚類,食植物大,所以草青味比較重,近頭部位置會有少許甘苦味屬正常)師傅细心咁將香魚炸至可以企喺碟上,非常立體。
3 瀏覽
0 讚好
0 留言

1 瀏覽
0 讚好
0 留言

麵豉湯,好多人一見到會認為好普通,但當你飲落去,就會分辨到新鮮麵豉湯,同一般坊間提供以味粉開出嚟嘅麵豉湯有幾唔同,呢個留俾大家到訪時嘗試。
1 瀏覽
0 讚好
0 留言

燒玉子,非常滑溜,滿滿蛋香味,小巧精緻。
0 瀏覽
0 讚好
0 留言

最後再以時令日本蜜瓜配朱古力卷作結,濃濃朱古力味,再加上甜度十足、d汁多到要以澎湃去形容嘅蜜瓜,簡直係完美。
6 瀏覽
0 讚好
0 留言


1 瀏覽
0 讚好
0 留言

除咗材料嘅新鮮,師傅技藝嘅高超,經理嘅介紹、細心服務亦係用餐體驗嘅重要一環;呢間鮨逸真係連呢一點都做到稱心滿意,佩服。

當大家勞勞碌碌工作,間中真係要食餐好嘅去獎勵下自己享受一下,咁先至繼續有動力去為生活打拼。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
人均消費
$1300 (晚餐)
推介美食
  • 島根縣春香岩蠔
  • 北海道牡丹蝦刺身
  • 沖繩水雲配蟹肉
  • 岩手縣紫海膽
  • 日本蜜瓜配朱古力卷
  • 磯煮鮑魚撈蟹膏
等級4
308
0
2021-05-27 158 瀏覽
第一次聽omakase有25品,食完真係超級飽超級滿足。前菜係靜岡縣既水茄子,師傅話係唯一一種可以生食嘅茄子,鮮甜得來口感似啤梨。另外仲有秋田縣出產嘅順菜,呢一個口感非常有趣,有一層啫喱包住,咬落去好似海藻咁樣,本身無乜味,所以要配醋去食,再加埋松葉蟹肉,好友海鮮嘅味道。下一道係富山灣螢光魷魚,多膏多到好似牡丹蝦頭咁,師傅話係因為而家當造尾水,我諗如果火炙過嘅話會仲好食啲。之後就開始食刺身啦,首先係淡路島池魚細切,配上薑蔥紫蘇花,魚肉非常之肥美,好有creamy嘅感覺。之後就到北海道白見貝,睇住師傅喺魚缸裏面撈上來,其實即係象拔蚌仔,肉質彈牙而且鮮甜,師傅將腹部火灸過,令到其口感更加淋身軟d 甜好多,估唔到有咁嘅食法,以後都想要求火炙。之後係天草縣出產嘅間八,亦即係鱆紅魚,魚生食囉好似魷魚咁樣嘅質感,相當creamy,夾左根室既馬糞海膽一齊食,海膽鮮味一湧而出,唔知係咪兩樣嘢夾埋一齊先有個咁嘅效果,但係幾乎係我食過嘅海膽之中最好食嘅。下一道係北海道白貝,用咗鹽燒,新鮮大牙好味,但係喺其他咁出色嘅食材當中就比較冇咁出眾。之後就到平目魚,加咗小小柚子去調味,魚肉清新偏淡,肉質彈牙。之後就到
更多
第一次聽omakase有25品,食完真係超級飽超級滿足。

前菜係靜岡縣既水茄子,師傅話係唯一一種可以生食嘅茄子,鮮甜得來口感似啤梨。
1 瀏覽
0 讚好
0 留言
另外仲有秋田縣出產嘅順菜,呢一個口感非常有趣,有一層啫喱包住,咬落去好似海藻咁樣,本身無乜味,所以要配醋去食,再加埋松葉蟹肉,好友海鮮嘅味道。
下一道係富山灣螢光魷魚,多膏多到好似牡丹蝦頭咁,師傅話係因為而家當造尾水,我諗如果火炙過嘅話會仲好食啲。
2 瀏覽
0 讚好
0 留言
之後就開始食刺身啦,首先係淡路島池魚細切,配上薑蔥紫蘇花,魚肉非常之肥美,好有creamy嘅感覺。
1 瀏覽
0 讚好
0 留言
之後就到北海道白見貝,睇住師傅喺魚缸裏面撈上來,其實即係象拔蚌仔,肉質彈牙而且鮮甜,師傅將腹部火灸過,令到其口感更加淋身軟d 甜好多,估唔到有咁嘅食法,以後都想要求火炙。
1 瀏覽
0 讚好
0 留言
之後係天草縣出產嘅間八,亦即係鱆紅魚,魚生食囉好似魷魚咁樣嘅質感,相當creamy,夾左根室既馬糞海膽一齊食,海膽鮮味一湧而出,唔知係咪兩樣嘢夾埋一齊先有個咁嘅效果,但係幾乎係我食過嘅海膽之中最好食嘅。
下一道係北海道白貝,用咗鹽燒,新鮮大牙好味,但係喺其他咁出色嘅食材當中就比較冇咁出眾。
之後就到平目魚,加咗小小柚子去調味,魚肉清新偏淡,肉質彈牙。
1 瀏覽
0 讚好
0 留言
之後就到赤貝,加咗小小酸柑汁,赤背非常之彈牙,又冇腥味,濃濃嘅海鮮感覺湧入口中。
在下一道就係島根既脂目鯛,呢一個真係好少聽到,師傅話呢一條有10kg好少有,識落魚肉嘅質地非常之軟熟,而且油份高,令到啲魚肉好易咬開,好有甘既味道。
中間有一道素菜清一清味蕾,湯葉亦即係日本嘅新鮮腐竹,比起香港食到嘅話好多,好有大豆味道,直頭係入口即溶。
2 瀏覽
0 讚好
0 留言
之後又去返壽司,沖繩車海老,亦即係香港叫嘅花竹蝦,又係睇住師傅喺魚缸裏面撈上黎,仲係好生猛嘅時候即刻拎來做刺身,睇到都覺得新鮮,識落比平時食到嘅甘蝦彈牙。
2 瀏覽
0 讚好
0 留言
然後就到島根県春香岩蠔,相對地都好大隻,而且海水味重,唔算creamy 蠔身反而幾,實淨 鹹味重。
在下一道就到我好期待嘅赤鯥,本身呢一款魚非常重油香,食落個味道重濃烈過拖羅,所以成為我嘅至愛。
3 瀏覽
0 讚好
0 留言
再之後竟然有富山白蝦,我都好多年冇食過白蝦啦,果一種甜味果一種creamy真係難以形容,搵唔到替代品。
食完白蝦之後就到食刺身級別銀鱈魚,魚味好輕但好有油香,魚肉嘅質地好煙韌,同時間又好啊,魚味要食到最後先出黎。

1 瀏覽
0 讚好
0 留言
之後師傅竟然捧住個原隻海膽上嚟,岩手縣紫海膽,今次真係我第一次咁樣食海膽,以前喺日本都未有機會試到,絕對係一個新奇有趣嘅試驗,海膽唔夠之前食到嘅馬糞海膽咁甜,但係淨係個賣相都已經贏咗。
1 瀏覽
0 讚好
0 留言
海膽之後就食生北寄貝,用咗竹炭鹽酸柑汁,最鍾意睇住師傅拍佢一下,生嘅會慢慢收縮起嚟,睇到都覺得新鮮。

下一味就係磯煮鮑魚伴蟹膏,味道好濃烈,鮑魚嘅質地好彈牙但又帶點軟熟,火候啱啱好。
2 瀏覽
0 讚好
0 留言
之後係炸香魚bb ,個size有啲似喺台灣食到嘅炸池魚,個肚同頭小小甘味。
之後就到必食嘅拖羅,個油香簡直係唔使講,而且去晒筋,入口即溶。
3 瀏覽
0 讚好
0 留言
之後到鮫鰈魚邊,亦即是係右口魚邊,同樣都係啲有心咗落去個紫菜入面,食完之後仲有齒頰留香嘅感覺。
最後就到穴子,即係海鰻,完全冇骨,魚肉好軟熟,用天婦羅嘅方式令到個口感更多層次。
最後就係草莓天婦羅,好少見會攞生果做天婦羅,再加少少煉奶,有啲奇怪但係又幾好味。
食完主菜之後就上咗個真係有半隻龍蝦係入面嘅龍蝦湯同埋兩款甜品,分別係蛋布甸,同埋蜜瓜蛋糕去做收結,真係25道食足三個鐘,第一次嘗試,飽到捧住個肚走。影咗嘅相都多到放唔晒。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2021-05-13
用餐途徑
堂食
人均消費
$1550 (晚餐)
等級4
802
0
2021-05-27 67 瀏覽
好耐無食過omakase喇! 今日就同好朋友食餐好,對自己好啲!食omakase係一種享受,享受最時令嘅食材同時,又有一份期待,不時仲有唔同驚喜。 朋友推薦呢間「鮨逸」,omakase只有一款,共25品,另外仲有湯同甜品,價錢係$1280。 店員話每三日左右就會換一換食材,保證材料新鮮同埋有新鮮感,就算隔幾日嚟再食過都唔會悶!餐廳地方唔係話好大,但坐得好舒服。餐前會提供一啲漬物,紅色嘅醃蘿蔔我就一向最鍾意,清新好味。叫咗杯梅酒,用上不锈鋼冰磚,保存溫度又唔會減淡味道。第一道菜係蟹肉水雲、生茄子、海膽豆腐,茄子嚟自大阪泉州所以可以生食,我係第一次食,幾爽口,有少少蕃石榴嘅味道同質感。 我最鍾意係蟹肉水雲,柔軟順滑,夾有蟹肉鮮味又帶點醋酸,凍涼開胃。接住係新鮮北寄貝、加咗土佐醋啫喱嘅松葉蟹肉、少少薑蔥提味嘅池魚。 北海道白貝燒厚肉多汁,飲埋啲汁更鮮!蜜柑鯛、地金目鯛、車海老壽司。 地金目鯛係第一次食,係金目鯛中嘅貴族,魚肉更細膩,加咗少少辣味,味道層次豐富。跟住係北海道牡丹蝦、赤貝、湯葉。島根縣嘅岩蠔蠔肉飽滿,肉質爽滑。鰤魚、對馬赤鯥魚、白蝦壽司。白蝦壽司有金箔同黑魚籽裝飾,亦加咗少少薑蓉
更多
好耐無食過omakase喇! 今日就同好朋友食餐好,對自己好啲!

食omakase係一種享受,享受最時令嘅食材同時,又有一份期待,不時仲有唔同驚喜。 朋友推薦呢間「鮨逸」,omakase只有一款,共25品,另外仲有湯同甜品,價錢係$1280。 店員話每三日左右就會換一換食材,保證材料新鮮同埋有新鮮感,就算隔幾日嚟再食過都唔會悶!

餐廳地方唔係話好大,但坐得好舒服。
14 瀏覽
0 讚好
0 留言

餐前會提供一啲漬物,紅色嘅醃蘿蔔我就一向最鍾意,清新好味。叫咗杯梅酒,用上不锈鋼冰磚,保存溫度又唔會減淡味道。
1 瀏覽
0 讚好
0 留言

第一道菜係蟹肉水雲、生茄子、海膽豆腐,茄子嚟自大阪泉州所以可以生食,我係第一次食,幾爽口,有少少蕃石榴嘅味道同質感。 我最鍾意係蟹肉水雲,柔軟順滑,夾有蟹肉鮮味又帶點醋酸,凍涼開胃。
0 瀏覽
0 讚好
0 留言
1 瀏覽
0 讚好
0 留言

接住係新鮮北寄貝、加咗土佐醋啫喱嘅松葉蟹肉、少少薑蔥提味嘅池魚。
1 瀏覽
0 讚好
0 留言
0 瀏覽
0 讚好
0 留言

北海道白貝燒厚肉多汁,飲埋啲汁更鮮!
0 瀏覽
0 讚好
0 留言

蜜柑鯛、地金目鯛、車海老壽司。 地金目鯛係第一次食,係金目鯛中嘅貴族,魚肉更細膩,加咗少少辣味,味道層次豐富。
0 瀏覽
0 讚好
0 留言

跟住係北海道牡丹蝦、赤貝、湯葉。
0 瀏覽
0 讚好
0 留言

島根縣嘅岩蠔蠔肉飽滿,肉質爽滑。
1 瀏覽
0 讚好
0 留言

鰤魚、對馬赤鯥魚、白蝦壽司。白蝦壽司有金箔同黑魚籽裝飾,亦加咗少少薑蓉調味;鰤魚壽司面頭就加咗少少漬物,令到味道更加出。
0 瀏覽
0 讚好
0 留言

岩手縣 紫海膽好新鮮,原個即開,味道甘香。 仲配搭三文魚籽,好正!
1 瀏覽
0 讚好
0 留言

車子(即係瀨尿蝦)同北海道帶子。
0 瀏覽
0 讚好
0 留言

磯煮鮑魚加入蟹膏,味道更濃郁,質地嫩滑又有咬口!
0 瀏覽
0 讚好
0 留言

脆炸和歌山香魚BB,細細條,炸到好似企喺度咁,好有趣。
0 瀏覽
0 讚好
0 留言

食埋海鰻、赤身醬油漬、大拖羅壽司都已經幾飽。
0 瀏覽
0 讚好
0 留言

飲埋用新鮮紫菜煮嘅面豉魚湯同食埋迷你玉子燒,好滿足。
0 瀏覽
0 讚好
0 留言

最後甜品原來仲有日本蜜瓜同朱古力蛋卷,兩種滋味,開心仔~
0 瀏覽
0 讚好
0 留言

慢慢食慢慢歎,同時享受各款精緻美食,心情倍感愉悅。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
等級4
322
0
2021-05-24 65 瀏覽
今晚同朋友嚟銅鑼灣食飯,餐廳嘅裝修簡約,座位大概有20幾個,今晚嘅晚餐係25道菜嘅omakase ,睇到餐牌都已經覺得好豐富。經過店員介紹,我哋另外點左一支清酒,好易入口,而且甜甜地,好符合我嘅口味。一開始嘅前菜有蕃茄,螢光魷魚同蟹肉水雲。蕃茄好甜而且多汁,螢光魷魚配上酒盜汁,味道好濃郁,蟹肉水雲好開胃,而且海帶好滑身,係一道好好嘅開胃菜。然後就開始食好多款不同嘅壽司同刺身,其中有幾款令我印象深刻。已調味既深海池魚味道層次好豐富,新鮮帶子鮮甜美味、經過炙燒嘅地金目鲷油香濃郁、鮨鲷等等嘅魚類全部都好新鮮。春香岩蠔好大隻,醬汁更加提升到好嘅鮮味,好清新!北海道赤蝦十分鮮甜,再食蝦膏蝦子,一試難忘!海膽鮮甜美味,恍如置身於日本咁,好出色!食到最後甜品都有幾款,包括士多啤梨天婦羅,玉子燒,同埋蛋糕,十分滿足!
更多


今晚同朋友嚟銅鑼灣食飯,餐廳嘅裝修簡約,座位大概有20幾個,今晚嘅晚餐係25道菜嘅omakase ,睇到餐牌都已經覺得好豐富。
9 瀏覽
0 讚好
0 留言


經過店員介紹,我哋另外點左一支清酒,好易入口,而且甜甜地,好符合我嘅口味。
5 瀏覽
0 讚好
0 留言


一開始嘅前菜有蕃茄,螢光魷魚同蟹肉水雲。
蕃茄好甜而且多汁,螢光魷魚配上酒盜汁,味道好濃郁,蟹肉水雲好開胃,而且海帶好滑身,係一道好好嘅開胃菜。
2 瀏覽
0 讚好
0 留言


然後就開始食好多款不同嘅壽司刺身,其中有幾款令我印象深刻。已調味既深海池魚味道層次好豐富,新鮮帶子鮮甜美味、經過炙燒嘅地金目鲷油香濃郁、鮨鲷等等嘅魚類全部都好新鮮。
5 瀏覽
0 讚好
0 留言
5 瀏覽
0 讚好
0 留言
5 瀏覽
0 讚好
0 留言

3 瀏覽
0 讚好
0 留言
6 瀏覽
0 讚好
0 留言

春香岩蠔好大隻,醬汁更加提升到好嘅鮮味,好清新!北海道赤蝦十分鮮甜,再食蝦膏蝦子,一試難忘!
5 瀏覽
0 讚好
0 留言


海膽鮮甜美味,恍如置身於日本咁,好出色!
6 瀏覽
0 讚好
0 留言

食到最後甜品都有幾款,包括士多啤梨天婦羅,玉子燒,同埋蛋糕,十分滿足!
2 瀏覽
0 讚好
0 留言
3 瀏覽
0 讚好
0 留言

(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
等級4
508
0
2021-05-24 462 瀏覽
今日來到最近新開的廚師發辨餐廳 鮨逸,我們期待已久,好興奮啊!餐廳開張大吉,環境設備新穎,我們最喜歡到新餐廳用餐,因為特別有新鮮感,特別令人期待。 我們預早訂座,順利坐上壽司吧枱。能夠與廚師好好交流,用餐過程特別開心。師傅親切又有善,我們食得好開心啊! 廚師發辦 $1280/位 一千多一位的廚師發辦,包含25款食物。即使師傅一道接一道呈上,我們也吃了兩個小時,食物超多,好飽好滿足。 靜岡縣蕃茄沙律,好甜好新鮮。 松葉蟹肉前菜,蟹肉鮮美,滑溜溜,好順口。 富山的螢光魷魚,一咬爆膏,鮮味突出。 北海道的白貝,爽口鮮甜,帶有海水味道。 北寄貝,清甜爽脆,味道都幾好啊! 我和朋友都好愛吃炙燒過的金目鯛,魚肉鮮甜,好食啊。 第一次食日本腐皮,豆味好濃,加上馬糞海膽和紫海膽,好特別啊。富山的白蝦,好清甜,加上德國黑魚子,更加有鮮味。加了炸蒜的北海道銀鱈魚,燒後好好食,油份好足,想食多一件啊。 好誇張的紫海膽,竟然全個給我們,有驚喜又開心!海鮮好新鮮,加上三文魚籽,超正! 第一次食日本的香魚,師傅可以炸成站立姿勢,好西利啊! 獲朋友大讚的吞拿魚腩壽司,好肥美,入口即化,非常好食! 小肌魚被稱為光り物
更多
今日來到最近新開的廚師發辨餐廳 鮨逸,我們期待已久,好興奮啊!

餐廳開張大吉,環境設備新穎,我們最喜歡到新餐廳用餐,因為特別有新鮮感,特別令人期待。 我們預早訂座,順利坐上壽司吧枱。能夠與廚師好好交流,用餐過程特別開心。師傅親切又有善,我們食得好開心啊!

11 瀏覽
0 讚好
0 留言

 廚師發辦 $1280/位 一千多一位的廚師發辦,包含25款食物。即使師傅一道接一道呈上,我們也吃了兩個小時,食物超多,好飽好滿足。 


3 瀏覽
1 讚好
0 留言

靜岡縣蕃茄沙律,好甜好新鮮。 


3 瀏覽
0 讚好
0 留言

松葉蟹肉前菜,蟹肉鮮美,滑溜溜,好順口。 


2 瀏覽
0 讚好
0 留言

富山的螢光魷魚,一咬爆膏,鮮味突出。 


2 瀏覽
0 讚好
0 留言

北海道的白貝,爽口鮮甜,帶有海水味道。 

2 瀏覽
0 讚好
0 留言

北寄貝,清甜爽脆,味道都幾好啊! 

我和朋友都好愛吃炙燒過的金目鯛,魚肉鮮甜,好食啊。 


7 瀏覽
0 讚好
0 留言

第一次食日本腐皮,豆味好濃,加上馬糞海膽和紫海膽,好特別啊。


2 瀏覽
0 讚好
0 留言

富山的白蝦,好清甜,加上德國黑魚子,更加有鮮味。


加了炸蒜的北海道銀鱈魚,燒後好好食,油份好足,想食多一件啊。 


1 瀏覽
0 讚好
0 留言

好誇張的紫海膽,竟然全個給我們,有驚喜又開心!海鮮好新鮮,加上三文魚籽,超正! 


33 瀏覽
0 讚好
0 留言

第一次食日本的香魚,師傅可以炸成站立姿勢,好西利啊! 

1 瀏覽
0 讚好
0 留言

獲朋友大讚的吞拿魚腩壽司,好肥美,入口即化,非常好食! 小


1 瀏覽
0 讚好
0 留言

肌魚被稱為光り物,品嚐它的最佳季節快結束,要食就快啦。 

15 瀏覽
0 讚好
0 留言

最後的最中薑汁雪糕好好食,甜中帶辣,比一般餐廳供應的紅豆、豆腐、抹茶雪糕好多了。
8 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2021-04-26
用餐途徑
堂食
等級4
841
0
2021-05-23 55 瀏覽
今晚點咗廚師發辦25點套餐 ($1280),我哋坐Bar枱可以全程睇住師傅烹調同埋方便講解每一道菜。 靜岡水茄師傅介紹呢款茄子可以當水果咁食,味道清新。 蓴菜蟹肉蓴菜係一種湖泊植物,口感好滑,配埋酸酸甜甜嘅柚子汁,以及蟹肉嘅海水鹹味,開胃之餘十分鮮味。 蟹膏豆腐豆腐好滑,帶住淡淡豆味,配上蟹膏同魚子醬,鹹鮮味好突出。 淡路島池魚池魚切成細條,再配上紫蘇花、青蔥等配料,魚味濃郁甘香,肉質嫩滑。 北海道大溝貝師傅將大溝貝分兩部份上,貝身肉質好滑好鮮甜,裙邊就爽口彈牙。 天草間八魚海膽卷間八魚味道清甜,師傅將魚薄切,再捲咗海膽晌裡面,一啖放入口,咬開感受到濃濃嘅海膽甜味,兩者配合得好好。 北海道鹽燒白貝白貝好大隻,簡單鹽燒,已經食到白貝嘅鮮味,連汁都飲埋。 北海道鮫鰈魚壽司鮫鰈魚嘅肉質好有彈性,師傅晌魚肉上面加咗肝醬,令呢道菜多咗一種濃郁嘅鮮味。 活赤貝壽司赤貝肉質爽口,食得出好新鮮,再配上酸柑汁,更加清新。 地金目鯛壽司相比一般金目鯛油份較高,師傅再炙燒令更多油脂釋出,魚皮亦帶少許焦香,加上肉質肥美,令人感覺滿足。 海膽湯葉湯葉即是鮮腐皮,豆味很重,配
更多
今晚點咗廚師發辦25點套餐 ($1280),我哋坐Bar枱可以全程睇住師傅烹調同埋方便講解每一道菜。
4 瀏覽
0 讚好
0 留言

靜岡水茄
師傅介紹呢款茄子可以當水果咁食,味道清新。

蓴菜蟹肉
蓴菜係一種湖泊植物,口感好滑,配埋酸酸甜甜嘅柚子汁,以及蟹肉嘅海水鹹味,開胃之餘十分鮮味。

蟹膏豆腐
豆腐好滑,帶住淡淡豆味,配上蟹膏同魚子醬,鹹鮮味好突出。

淡路島池魚
池魚切成細條,再配上紫蘇花、青蔥等配料,魚味濃郁甘香,肉質嫩滑。
3 瀏覽
0 讚好
0 留言


北海道大溝貝
師傅將大溝貝分兩部份上,貝身肉質好滑好鮮甜,裙邊就爽口彈牙。

天草間八魚海膽卷
間八魚味道清甜,師傅將魚薄切,再捲咗海膽晌裡面,一啖放入口,咬開感受到濃濃嘅海膽甜味,兩者配合得好好。

北海道鹽燒白貝
白貝好大隻,簡單鹽燒,已經食到白貝嘅鮮味,連汁都飲埋。

北海道鮫鰈魚壽司
鮫鰈魚嘅肉質好有彈性,師傅晌魚肉上面加咗肝醬,令呢道菜多咗一種濃郁嘅鮮味。
2 瀏覽
0 讚好
0 留言


活赤貝壽司
赤貝肉質爽口,食得出好新鮮,再配上酸柑汁,更加清新。

地金目鯛壽司
相比一般金目鯛油份較高,師傅再炙燒令更多油脂釋出,魚皮亦帶少許焦香,加上肉質肥美,令人感覺滿足。

海膽湯葉
湯葉即是鮮腐皮,豆味很重,配上紫海膽,味道又滑又甜,兩種食材都係重點。

北海道牡丹蝦
師傅將蝦嘅每一部份都呈現晌食客眼前,蝦身起肉之後,上面放咗蝦膏、蝦籽,蝦膏呈深啡色,蝦籽呈粉藍色,賣相十分吸引。蝦肉好厚身,亦都好彈牙。
2 瀏覽
0 讚好
0 留言


島根春香岩蠔
岩蠔極之肥美,有手掌咁大,屬於海水味較重嘅類別,又係一滴汁都冇剩。

石鯛壽司
師傅加咗柚子胡椒,食起上嚟有少少辣味,幾特別。

富山灣白蝦壽司
呢款壽司由好多白蝦肉堆砌而成,蝦肉呈乳白色,再灑上柚子鹽,口感綿滑。

對馬島赤鯥壽司
赤鯥魚肉豐滿柔嫩,油脂豐富。
2 瀏覽
0 讚好
0 留言


北海道根室馬糞海膽
師傅以青瓜舖上海膽,簡單的配搭完全帶出海膽嘅甜美。

蟹膏磯煮鮑魚
磯煮鮑魚沾滿蟹膏,鮑魚好稔好易入口,加上蟹膏嘅甘香,帶出咗鮑魚嘅鮮味。

北寄貝
簡單加咗竹炭鹽,酸柑汁,食得出北寄貝好新鮮。

和歌山香魚BB
師傅只用咗薄薄嘅炸粉,香魚外脆內軟,魚頭魚尾會有少少苦味,幾得意。
2 瀏覽
0 讚好
0 留言


藍鰭吞拿魚腩壽司
藍鰭吞拿魚腩好肥美,入口即溶。

吞拿魚醬油漬壽司
好少食醬油漬壽司,食落魚肉會有較濃嘅醬油味道,別有一番風味。

海鰻天婦羅手卷
呢款都好有驚喜,炸完嘅海鰻並唔油膩,熱辣辣咬落好厚肉好滿足,用紫菜包住食令口感再脆啲,醬汁更加係錦上添花。

草莓天婦羅
呢個煮法都好特別,草苺一啲都唔酸,做成天婦羅後外脆而裡面好多汁,加上海鹽煉奶令味道更順滑,食完好想再食。

玉子布甸
好香蛋味,小小一份啱啱好。
2 瀏覽
0 讚好
0 留言


最後店員奉上味噌湯及甜品,味噌湯好足料,食完咁多嘢飲返碗湯真係好舒服。甜品係芒果蛋糕加夕張蜜瓜,感覺非常滿足。
2 瀏覽
0 讚好
0 留言
3 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
等級4
725
0
2021-05-21 141 瀏覽
第二次食omakase,今次揀呢度嘅價錢係$1280一位,性價比甚高。餐廳晚餐只有一個Menu,有足足25品,質素同埋服務都好到位。1. 靜岡縣水茄:第一次食生嘅茄子,感覺好似食緊生果,少少爽。2. 秋田蓴菜: 師傅話呢種菜係湖泊植物,通常高級日本餐先有,個汁有啲柚子味,加埋上面啲蟹肉食,幾清新。3. 蟹膏豆腐: 豆腐用咗蟹膏整,滑溜溜,蟹膏味唔算濃,上面有滿滿蟹肉。4. 池魚:上面有啲紫蘇花,好靚,味道有少少紫蘇味,池魚切細條狀加入柚子豉油伴食。5. 北海道大溝貝:有兩個部位,貝肉軟滑,群邊就爽脆,鮮味。6. 章紅魚海膽卷:味道較淡嘅章紅魚捲着鮮味甘香嘅綿綿海膽,正。7. 北海道鹽燒白貝:簡單落咗啲鹽燒嘅白貝好鮮味,連啲汁飲埋,白貝一啲都唔韌。8. 北海道鮫鰈魚壽司:魚肉爽帶膠質而且有油香,上面加咗啲肝醬,甘香。9. 赤貝:肉好爽脆,加左少少酸柑汁,同鮮味好夾。10. 地金目鯛壽司:油份比一般金目鯛高,火炙過令油香更加散發出嚟。11. 海膽湯葉:即係鮮腐皮,豆味好重,好似濃豆漿,加埋啲海膽,口感又綿又滑。12. 北海道牡丹蝦:蝦肉爽甜之餘,仲有埋蝦膏、蝦子食。蝦膏鮮甜甘香,蝦子爽脆鮮
更多
第二次食omakase,今次揀呢度嘅價錢係$1280一位,性價比甚高。
465 瀏覽
0 讚好
0 留言
餐廳晚餐只有一個Menu,有足足25品,質素同埋服務都好到位。
3 瀏覽
0 讚好
0 留言

1. 靜岡縣水茄:第一次食生嘅茄子,感覺好似食緊生果,少少爽。
2. 秋田蓴菜: 師傅話呢種菜係湖泊植物,通常高級日本餐先有,個汁有啲柚子味,加埋上面啲蟹肉食,幾清新。
3. 蟹膏豆腐: 豆腐用咗蟹膏整,滑溜溜,蟹膏味唔算濃,上面有滿滿蟹肉。
4. 池魚:上面有啲紫蘇花,好靚,味道有少少紫蘇味,池魚切細條狀加入柚子豉油伴食。
5. 北海道大溝貝:有兩個部位,貝肉軟滑,群邊就爽脆,鮮味。
6. 章紅魚海膽卷:味道較淡嘅章紅魚捲着鮮味甘香嘅綿綿海膽,正。
7. 北海道鹽燒白貝:簡單落咗啲鹽燒嘅白貝好鮮味,連啲汁飲埋,白貝一啲都唔韌。
8. 北海道鮫鰈魚壽司:魚肉爽帶膠質而且有油香,上面加咗啲肝醬,甘香。
9. 赤貝:肉好爽脆,加左少少酸柑汁,同鮮味好夾。
5 瀏覽
0 讚好
0 留言

10. 地金目鯛壽司:油份比一般金目鯛高,火炙過令油香更加散發出嚟。
11. 海膽湯葉:即係鮮腐皮,豆味好重,好似濃豆漿,加埋啲海膽,口感又綿又滑。
12. 北海道牡丹蝦:蝦肉爽甜之餘,仲有埋蝦膏、蝦子食。蝦膏鮮甜甘香,蝦子爽脆鮮味。
13. 島根春香岩蠔:海水味較濃,蠔肉爽滑,大隻飽滿。
14. 石鯛壽司:呢個加咗少少柚子楜椒,有少少辣嘅。
15. 富山灣白蝦壽司:有好多隻白蝦仔,口感綿綿,加左少少柚子鹽,帶出鮮味。
16. 對馬島赤鯥壽司:呢個都係火炙過,油香魚香豐富。
17. 根室馬糞海膽:馬糞海膽不得了,非常鮮甜美味,綿綿嘅海膽加上爽脆嘅青瓜,正正正。
18. 北寄貝:呢個北寄貝刺身爽口,加左竹炭鹽、酸柑汁,調出淡淡的鮮甜味。
8 瀏覽
0 讚好
0 留言

19. 磯煮鮑魚伴蟹膏:鮑魚應該經過長時間烹調,非常稔身,入晒味,件入蟹膏,味道層次再昇華,鮮味甘香。
20. 和歌山香魚BB:條魚炸到可以企喺度,好得意。魚仔外脆內軟,頭同尾特別甘香。
21. 藍鰭吞拿魚腩壽司:藍鰭拖羅非常肥美,油香豐沃,入口即溶感覺。
22. 吞拿魚醬油漬壽司:呢個係背脊位,比較瘦,但係一啲都冇筋唔嚡,醬油漬過帶點膠質,魚味濃。
23. 海鰻天婦羅:肥美嘅海鰻天婦羅,油香加上魚肉juicy,熱辣辣用脆紫菜包住啲壽司飯食,加上燒汁好正。
24. 草莓天婦羅:好特別,未食過士多啤梨天婦羅,加咗海鹽、煉奶,士多啤梨香甜多汁。
25. 玉子布甸:布甸香滑,主要食個蛋味,唔會死甜。

食完25品之後,店員送上熱辣辣嘅湯,應該係用魚骨熬成嘅麵豉清湯,非常鮮甜美味。最後仲送上甜品,係夕張蜜瓜同埋芒果蛋糕,為呢一餐畫上完美句號。
10 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
用餐時段
晚餐
等級4
100
0
2021-05-16 59 瀏覽
第一次食有25道菜嘅廚師發板,真係好誇張,每樣嘢食都好精緻同新鮮,廚師好有心機介紹食物的出產來源地及優點。當你品嚐每一道菜時,能細味每道菜的優點。食日本菜,當然要配日本清酒。呢支清酒入口香甜清純,十分易入喉,連不同太多愛烈酒的太太也讚。第一道菜看似平凡,但採用左靜岡縣出產嘅蕃茄 ,入口清舌甘爽口,不是一般蕃茄能媲美。松葉蟹肉配上水雲,又是一道開胃菜。爆膏螢光魷魚產自富山灣,現在正是最肥美的季節。調了味的九州池魚仍然保留魚本身濃郁的鮮味。間白魚卷海膽,海膽十分鮮甜期間,廚師配合我們進食的速度,安排一道道刺身及壽司上枱。這種互動有交流的食法,才能真正品嚐到美食的意義。深海池魚夠鮮甜燒北海道白貝 ,保留海鮮的原汁原味。 第一次品嚐這種極鮮味的北寄貝刺身火炙地金目鯛,魚嘅油分十足,甜度十足。湯葉、海膽的組合相當新鮮,但出奇地夾。花雕漬牡丹蝦都係第一次食,淡淡的酒香能帶出蝦的鮮味。難得可品嚐產自北海道香春岩蠔,味甜、口感帶爽黑陸魚喺日本國內嘅海鮮料理屬於超高級食材,今日能夠品嚐脂肪豐厚的火炙魚片。黑松露銀雪魚,黑松露配上野生刺身級銀雪魚,香氣四溢。富山灣白蝦仔壽司,一件壽司上鋪滿10幾隻小小的蝦
更多
第一次食有25道菜嘅廚師發板,真係好誇張,每樣嘢食都好精緻同新鮮,廚師好有心機介紹食物的出產來源地及優點。當你品嚐每一道菜時,能細味每道菜的優點。
372 瀏覽
1 讚好
0 留言

食日本菜,當然要配日本清酒。呢支清酒入口香甜清純,十分易入喉,連不同太多愛烈酒的太太也讚。
5 瀏覽
0 讚好
0 留言

第一道菜看似平凡,但採用左靜岡縣出產嘅蕃茄 ,入口清舌甘爽口,不是一般蕃茄能媲美。
8 瀏覽
0 讚好
0 留言

松葉蟹肉配上水雲,又是一道開胃菜。
6 瀏覽
0 讚好
0 留言

爆膏螢光魷魚產自富山灣,現在正是最肥美的季節。
9 瀏覽
0 讚好
0 留言

調了味的九州池魚仍然保留魚本身濃郁的鮮味。
間白魚卷海膽,海膽十分鮮甜
8 瀏覽
0 讚好
0 留言

期間,廚師配合我們進食的速度,安排一道道刺身壽司上枱。這種互動有交流的食法,才能真正品嚐到美食的意義。
深海池魚夠鮮甜
燒北海道白貝 ,保留海鮮的原汁原味。
第一次品嚐這種極鮮味的北寄貝刺身
火炙地金目鯛,魚嘅油分十足,甜度十足。
湯葉、海膽的組合相當新鮮,但出奇地夾。
5 瀏覽
0 讚好
0 留言

花雕漬牡丹蝦都係第一次食,淡淡的酒香能帶出蝦的鮮味。
4 瀏覽
0 讚好
0 留言

難得可品嚐產自北海道香春岩蠔,味甜、口感帶爽
1 瀏覽
0 讚好
0 留言

黑陸魚喺日本國內嘅海鮮料理屬於超高級食材,今日能夠品嚐脂肪豐厚的火炙魚片。
黑松露銀雪魚,黑松露配上野生刺身級銀雪魚,香氣四溢。
富山灣白蝦仔壽司,一件壽司上鋪滿10幾隻小小的蝦仔,鮮甜美味。
貴妃蚌
三文魚子塞滿在岩手紫海膽內,廚師影真大手筆,食完已經飽咗大半。
2 瀏覽
0 讚好
0 留言

象拔蚌
慢煮鮑魚 。香園但口,帶有濃濃的蟹膏香味。係我最欣賞的一道菜。
1 瀏覽
0 讚好
0 留言

火炙吞拿魚腩
鰻魚壽司
醬油漬赤身
最後上枱的甜品有兩款,第一次食日本草莓天婦羅
,感覺好特別,最後上咗牛奶雪糕,帶有微微薑味,食落幾清新。
1 瀏覽
0 讚好
0 留言

呢餐由頭到尾都係精美嘅食材,全場已經冇飽肚野。我哋由頭食到尾,每道菜都極之欣賞,但坐在我們旁邊的一對夫婦,可能太細食,好似是撐住個肚咁食,都戥佢辛苦。如果太細食嘅人,真係唔應該挑戰呢一款咁豐富嘅25道菜廚師發板。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2021-04-28
用餐途徑
外賣自取
人均消費
$1600 (晚餐)
等級4
488
0
2021-05-11 729 瀏覽
難得今晚是朋友生日的大日子, 當然要早些預約餐廳, 大家對日本的美食也情有獨鍾, 所以今晚便揀選了銅鑼灣這間鮨逸大吃一餐廚師發辦。岩鹽靜岡水果蕃茄首先師傅為我們炮製的是來自日本靜岡的水果蕃茄, 蕃茄表皮柔軟, 色澤鮮艷, 但不大的生澀味, 水果蕃茄體積比普通蕃茄小, 但甜味和營養價值非常高, 岩鹽令蕃茄的清甜味道更突出, 作為第一道菜, 非常開胃醒神。水雲松葉蟹肉乍聽之下, 不知什麼是水雲, 原來它是來自沖繩的琉球長壽藻, 因為它的質地柔軟, 隨海漂浮, 所以當地人便稱它為水中的雲。它有點像髮菜,呈褐色,但又比髮菜粗,一絲一絲纏在一起,浸在日本醋中,進食時感到十分黏滑,有點像啫喱給人的口感,跟醋的酸味十分配合,產生一種開胃的感覺。松葉蟹肉肉質軟滑, 味道鮮甜, 啖啖蟹肉, 美味大滿足。富山灣螢光魷魚來自富山灣的螢光魷魚, 入口時有一種濃烈的海水鮮甜味, 一咬爆膏衝擊味蕾, 螢光魷魚不但美味, 而且營養價值高, 含有豐富牛磺酸, 可以幫助降低膽固醇。九州細池魚來自九州的時令細池魚, 大多數在吃omakase時才會見到, 因為它富含澎湃的魚油, 濃郁的魚鮮味令人回味無窮, 魚油甘香芳醇,
更多
難得今晚是朋友生日的大日子, 當然要早些預約餐廳, 大家對日本的美食也情有獨鍾, 所以今晚便揀選了銅鑼灣這間鮨逸大吃一餐廚師發辦。
岩鹽靜岡水果蕃茄
18 瀏覽
0 讚好
0 留言
岩鹽靜岡水果蕃茄
首先師傅為我們炮製的是來自日本靜岡的水果蕃茄, 蕃茄表皮柔軟, 色澤鮮艷, 但不大的生澀味, 水果蕃茄體積比普通蕃茄小, 但甜味和營養價值非常高, 岩鹽令蕃茄的清甜味道更突出, 作為第一道菜, 非常開胃醒神。
水雲松葉蟹肉
12 瀏覽
0 讚好
0 留言
水雲松葉蟹肉
乍聽之下, 不知什麼是水雲, 原來它是來自沖繩的琉球長壽藻, 因為它的質地柔軟, 隨海漂浮, 所以當地人便稱它為水中的雲。它有點像髮菜,呈褐色,但又比髮菜粗,一絲一絲纏在一起,浸在日本醋中,進食時感到十分黏滑,有點像啫喱給人的口感,跟醋的酸味十分配合,產生一種開胃的感覺。松葉蟹肉肉質軟滑, 味道鮮甜, 啖啖蟹肉, 美味大滿足。
富山灣螢光魷魚
6 瀏覽
0 讚好
0 留言
富山灣螢光魷魚
來自富山灣的螢光魷魚, 入口時有一種濃烈的海水鮮甜味, 一咬爆膏衝擊味蕾, 螢光魷魚不但美味, 而且營養價值高, 含有豐富牛磺酸, 可以幫助降低膽固醇。
九州細池魚
8 瀏覽
0 讚好
0 留言
九州細池魚
來自九州的時令細池魚, 大多數在吃omakase時才會見到, 因為它富含澎湃的魚油, 濃郁的魚鮮味令人回味無窮, 魚油甘香芳醇, 留下難忘餘韻。
北海道白見貝
7 瀏覽
0 讚好
0 留言
北海道白見貝
白見貝亦即是象拔蚌, 肉質爽彈, 味道鮮甜清新。
間白魚馬糞海膽
16 瀏覽
0 讚好
0 留言
間白魚馬糞海膽
天草縣的間白魚配上馬糞海膽, 配搭清新得宜, 味道清甜的間白魚薄切, 裡面包住濃郁鮮甜的馬糞海膽, 一濃一淡的組合為整道菜提昇了鮮味的層次感。

北海道燒白貝
8 瀏覽
0 讚好
0 留言
北海道燒白貝
新鮮的白貝清甜無比, 白貝肉身豐厚爽彈, 經輕輕一燒後, 海水被收乾了少許, 更能突出鮮甜味。
深海池魚壽司
10 瀏覽
0 讚好
0 留言
深海池魚壽司
日本深海池魚肉厚刺少, 肉質鮮嫩肥美, 脂厚油香, 入口魚油甘香細膩, 刺身能帶出池魚令人齒頰留香的油分。

活赤貝壽司
6 瀏覽
0 讚好
0 留言
活赤貝壽司
新鮮赤貝刺身外表呈橙紅色、帶光澤,食落肉質爽厚,鮮味十足,而且富營養價值。
金目鯛壽司
4 瀏覽
0 讚好
0 留言
金目鯛壽司
金目鯛肉肥而鮮美, 無腥味, 金目鯛富含鈣質, 愈大條油分愈甘香, 經火炙後的金目鯛壽司, 可以燒出油脂的香味。

湯葉紫海膽
10 瀏覽
0 讚好
0 留言
湯葉紫海膽
湯葉亦即是腐皮, 清清的豆香味配上極級濃郁的紫海膽, 味道相輔相乘, 配搭得宜。

北海道牡丹蝦
18 瀏覽
0 讚好
0 留言
北海道牡丹蝦
擺碟精緻吸睛, 大大隻牡丹蝦份量十足, 塞滿了整個玻璃碗, 師傅加入了花鵰酒及鰹魚豉油, 漬了一晚令味道更為入味香濃, 有點像醉蝦刺身的感覺。

香川縣岩蠔
17 瀏覽
0 讚好
0 留言
香川縣岩蠔
岩蠔的蠔身比真蠔巨大得多, 岩蠔依附在岩石上, 所以一般都會帶有濃厚的礦物味, 岩蠔吸收了日本清澈的海水, 亦帶有海洋味。

黑鯥壽司
11 瀏覽
0 讚好
0 留言
黑鯥壽司
黑鯥屬於鱸魚目鯥魚科, 是一種深海型肉食性魚類, 肉質鮮甜無比, 連魚皮微炙, 逼出魚油, 令口感更香滑。

富山灣白蝦壽司
8 瀏覽
0 讚好
0 留言
富山灣白蝦壽司 
來自富山灣的白蝦, 外表晶瑩剔透帶一點粉紅色, 師傳灑上少許岩鹽, 已經很能突出白蝦本身甘美的味道和細而綿的質感。

北海道銀鱈魚壽司
12 瀏覽
0 讚好
0 留言
北海道銀鱈魚壽司
師傅特地用上了刺身級的北海道銀鱈魚, 油脂豐富, 肉質嫩滑, 配以適量的鰹魚豉油, 鮮味更昇華。

岩手縣原隻紫海膽三文魚籽漬
12 瀏覽
0 讚好
0 留言
岩手縣原隻紫海膽三文魚籽漬
一般人吃的一板板海膽都會加入明礬, 一種化學添加劑去防止海膽肉損壞及溶化, 令海膽獨有的甜味同鮮度大受影響。原隻紫海膽的海膽肉比較厚大﹑淡黃色﹑少少回甘苦味, 清甜有海洋香味, 才能令人品嚐到原汁原味的海膽。而且師傅還細心地加入已調味的三文魚籽漬, 用以取代一般的刺身豉油, 鮮味感即時提昇。

鰤魚頭
6 瀏覽
0 讚好
0 留言
鰤魚頭
熟成了12日的鰤魚肉質甜美, 脂膏豐腴, 口即能融化在舌尖之上, 是日本料理裡的頂級食材。

蟹膏磯煮鮑魚
5 瀏覽
0 讚好
0 留言
蟹膏磯煮鮑魚
磯煮鮑魚口感爽彈鮮甜, 配以濃郁的蟹膏, 兩種鮮香味互相配合。

岩鹽香魚
7 瀏覽
0 讚好
0 留言
岩鹽香魚
炸香魚的炸粉層很薄, 不會影響到肉質嫩滑香魚的口感。

藍鰭吞拿魚腩手卷
5 瀏覽
0 讚好
0 留言
藍鰭吞拿魚腩手卷
藍鰭吞拿魚的體型飽滿, 肚腩位更是肥嘟嘟, 那正是最受香港人追捧的拖羅(Toro), 中拖羅色澤是深粉紅, 脂肪沒大拖羅那般豐盈, 但照樣油香四溢, 肉較有質感。

海鰻手卷
5 瀏覽
0 讚好
0 留言
海鰻手卷
海鰻顏色比一般的鰻魚較白, 油脂更豐富, 火炙後香味四溢, 口感嫩滑無比。

吞拿魚醬油漬壽司
12 瀏覽
0 讚好
0 留言
吞拿魚醬油漬壽司
本來平平無奇的吞拿魚刺身, 師傅用了醬油醃製後, 竟能把它的少許腥味也蓋過了, 真是神奇。

草莓天婦羅
6 瀏覽
0 讚好
0 留言
草莓天婦羅
這道菜真的是第一次見, 用原粒清甜的草莓炸成天婦羅, 香脆口感但吃到的卻是草莓味, 很特別。

雞蛋布丁
8 瀏覽
0 讚好
0 留言
雞蛋布丁
蛋味香濃, 布丁口感嫩滑。

薑汁雪糕
4 瀏覽
0 讚好
0 留言
薑汁雪糕
很多味道的雪糕我也品嚐過, 偏偏就是在這裡第一次吃到薑味的雪糕, 薑汁的份量還真足夠, 像是在吃一塊冰凍的薑片一樣。
12 瀏覽
0 讚好
0 留言
78 瀏覽
0 讚好
0 留言
386 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
推介美食
岩鹽靜岡水果蕃茄
水雲松葉蟹肉
富山灣螢光魷魚
九州細池魚
北海道白見貝
間白魚馬糞海膽
北海道燒白貝
深海池魚壽司
活赤貝壽司
金目鯛壽司
湯葉紫海膽
北海道牡丹蝦
香川縣岩蠔
黑鯥壽司
富山灣白蝦壽司
北海道銀鱈魚壽司
岩手縣原隻紫海膽三文魚籽漬
鰤魚頭
蟹膏磯煮鮑魚
岩鹽香魚
藍鰭吞拿魚腩手卷
海鰻手卷
吞拿魚醬油漬壽司
草莓天婦羅
雞蛋布丁
薑汁雪糕