鮨瀛海 (已結業)

之前從朋友口中知道尖沙咀K11附近有間高質外賣壽司店，咁方便今日就走去試下。依度超多款壽司選擇，又有丼飯、手卷等等……，最後揀左12款特色壽司，分別係鮫鰈魚、真鯛、深海池魚、馬面剝、松葉蚧榛、粒貝、白玉貝、魴弗魚、左口魚邊、平目魚、帆立貝及蛋黃酢蚧肉(魚子醬)。鮫鰈魚夠海鮮味，真鯛魚油足，深海池魚有咬口又吾腥，馬面剝鮮嫩有魚香，松葉蚧榛好有蟹肉味，粒貝夠晒彈牙，白玉貝好大塊，魴弗魚入口爽夾清，左口魚邊特別香口、平目魚極鮮甜，帆立貝就入口即溶，蛋黃酢蚧肉有魚子醬又有蛋黃，既矛矜貴又層次感十足。

鮨瀛海 (尖沙咀)尖沙咀加拿分道6D號集友大廈B座地舖呢間舖頭裝修得好靚，係日本嘅簡潔風。食Omakase唔一定貴，日本空運直送，平價都有靚嘢👍🏻👍🏻👍🏻我叫左Omakase 12貫，係隨機按當天新鮮運到食材去拍板而製作壽司🍣和和可以散叫，詳情問返師傅，佢會逐款介紹話俾你聽係乜嘢魚，等你都可以長知識。運用日本米，注意飯粒嘅溫度，攞外賣嘅時候摸下個底，都仲感到飯微暖，加上自家製調配豉油同埋醋，筷子🥢勁靚，估唔到外賣都咁有心思。注重新鮮，即叫即整，包裝勁靚，有冰袋保鮮，外賣之後行幾遠都唔係好驚，係貼心嘅服務態度👍🏻👍🏻👍🏻石鯛夏天時令的高級白身魚，脂肪豐富，肉身充滿甘香油脂，刺身好味😋劍魚腩劍魚腩刺身肉白略帶漂亮的淡紅色，肉質柔軟脂肪多，鮮甜而不油膩肉質具彈性。金線鯛肉質尤其鮮美細嫩，靚到透光。帆立貝肉圓而爽甜，純淨海洋新鮮、甘甜，咀嚼口感更勝刺身魚片。紅酒醬油漬赤身顏色粉紅，脂肪比例較高，魚香持而恰到好處的魚油脂，非常甘香。伊左目肉色白裏透紅，當造期脂肪含量適中，味道清爽甜美，肉質扎實彈牙。油甘魚油甘魚腩刺身，脂肪含量低、蛋白質豐富，營養價值非常高。白玉貝口感鮮甜，肉質厚實，爽脆彈牙。炭

星期六都要返工做野， 點都要食餐好少少既慰勞吓自己Openrice睇左好耐，搵到依間新既外賣壽司，仲推係用飛機貨，咁高質🤔一於試試！地理位置好方便 就係K11附近又近地鐵站門面乾淨整潔，原來仲有日本生蠔出售！餐牌選擇非常多，除咗omakase, 仲有好多款壽司，刺身，沙律，魚生丼等等。個袋幾sharp醒😎海膽魚子蔥拖羅蓉手卷淨係賣相已經令人流晒口水🥰🥰佢哋嘅海膽，全部都係日本海膽，非常鮮甜！齒頰留香！三文魚子大大粒，亦都非常新鮮，每一粒都好鮮甜，配上幾乎入口即溶既拖羅蓉，口感好正👍🏼飛機直送八貫Omakase 一個手卷就當然唔夠喉啦！依一份Omakase充滿驚喜！放第一件入口，你就會感受到：果然係飛機貨！同埋真係平時高質omakase既味道！我依八件壽司包括：平政魚、真鯛、葉血引、平目魚、深海池魚、海膽帆立貝、目仁奈、左口魚邊。其中有一半，都係坊間普通壽司店比較少見🤩🤩海膽帆立貝最深得我心🥰帆立貝好大隻，好厚，鮮甜味非常突出！上面嘅海膽，份量都唔少嘢！兩者融合，兩種唔同鮮甜味溝埋一齊，超正！有兩件火炙壽司，都非常出色！尤其是係左口魚邊，因為係好厚身，經火炙後魚油更加香，推薦👍🏼👍🏼

朋友推介呢間外賣壽司店，於是就買番屋企試試。真係好多人幫襯，好好生意，多單到都等左一段時間先有得拎。😂服務好好，而且因為係外賣，都照顧周到，會俾保溫袋同埋放冰係入面，以免壽司變壞。👍🏻Omakaze 飛機直送 8貫壽司 ($148)見到外賣都有omakaze, 幾有趣，就叫個黎試下。😂今次師傅俾左真鯛、赤鯥、帆立貝、伊佐目、愛女魚、黑鯥、目仁奈、左口魚邊。真係每一款都係咁高質，好鮮甜。👍🏻我自己就最鍾意帆立貝同伊佐目，口感好好。壽司飯好有質感，調味都做得好好。👏🏻而且佢鼓油都係自己調配，好香！👍🏻外賣既質素都拍得住出面坐定定食一餐omakaze。😋真係高質之作，抵佢咁好生意！加州手卷 ($18)呢間高質在於連普通加州手卷都好好食！

今日係K11 Art Mall 行街，行到附近見到一間幾特別既日式外賣小店，地方唔大但一望感覺已經好高尚既感覺，就不妨一試。板前Omakase 飛機直送壽司 8貫 $148好意外地發現原來依加連外賣都可以由廚師發辦，而且價錢比正常既Omakase平近一半，甚至更多，好期地一試充滿驚喜！每一款都係連鎖店唔常提供既壽司，店員仲好仔細介紹，分別有赤鯛、伊佐目、炭燒鰹魚、目仁奈、平目魚、赤羽太、白玉貝、帆立貝（圖左順序至右下），款款都好新鮮又幾厚肉，有啲真係之前都未聽過，例如目仁奈、赤羽太、白玉貝，認真一試各有特色！邪惡手卷 $80真心超級邪惡既餐廳特色手卷，只要簡單講講有咩材料都夠曬矜貴：威士忌炭燒大拖羅、日本海膽、魚子醬，3款加埋都係重油香味口感層次滿滿既食材，拖羅入口即溶、魚子醬鹹鮮、海膽鮮甜混合多種層次，非常邪惡！作為一間可以做到Omakase外賣店，貼心既服務由介紹到食材都好用心，驚喜提供日式筷子；米飯、醬油、芥末都係日本製，非凡既享受而且價格真係對得住食物質素！

今日Ot收工都搞到好夜，行去搭車經過呢間壽司店突然好想食😁 而家做緊試業優惠85折，簡單叫左幾件壽司同手卷外賣。又估唔到呢間小店但咁高質👍🏼好抵讚。。深海池魚平政魚葉血引蜜柑鯛炭燒鰹魚白玉貝伊佐目鮫鰈魚肝卷自家製吞拿魚蓉手卷。叫左以上壽司，因為天氣熱，餐廳仲比埋冰同冰袋我裝，返到屋企都唔會變壞。呢一點好貼心🥰 食物方面真心好正，尤其係深海池魚脂厚油香，入口魚油甘香細膩；蜜柑鯛肉質鮮嫩多油份，其他壽司都好令人驚喜。特別讚一讚個手卷，紫菜返到黎仲好脆，吞拿魚蓉好好味。。總括嚟講性價比好高既壽司小店😚

👩🏻偶爾壽司🍣癮起，經過日式外賣店買份壽司返屋企。超級平民嘅價錢竟然有飛機貨嘅食材，質素亦相當有驚喜。外賣包裝除咗用咗保溫袋仲有兩包乾冰，大熱天時都唔怕。✨飛機直送12貫 $208深海池魚🍣帆立貝🍣目張魚金目鯛🍣油甘魚🍣劍魚腩鰹魚🍣羽太🍣白玉貝松葉蟹棒🍣左口魚邊🍣酢鯖魚✨帆立貝黏黏糯糯，非常鮮甜。✨目張魚肉質實淨，越咬越食到鮮味。✨金目鯛魚肉呈現吸引嘅櫻花色，肉質細膩。✨鰹魚經過所謂燒霜（焼きしも），外面熟透，裏面仲係鮮紅色，將魚肉甜味鎖在其中。✨左口魚邊油香充足，入口即化。✨酢鯖魚醋味柔和，食到鯖魚獨有風味，但一啲腥味都冇。算係少有覺得好食嘅光り物。✨蒜香炸雞軟骨 $42雞軟骨色澤金黃，爽脆鹹香，做下酒菜一流。

今日做完facial係尖沙咀😌行過見到有間新開嘅壽司舖🤩門面睇落好靚好高級😋仲話所有魚生都係喺日本直送嘅添✈️所以我就即刻買黎試下啦～😎OMAKASE 壽司八貫 🍣 $148我叫左個8件嘅壽司omakase😋等師傅黎介紹佢地邊款壽司比我👍🏻👍🏻我收到嘅八款壽司就係😚：羽太壽司、深海池魚壽司、平目壽司、真鯛壽司、炭烤鰹魚壽司、白玉貝壽司、目仁奈壽司 同埋左口魚邊壽司八件壽司都好新鮮、拎到返屋企都冇變質～我最鍾意係左口魚邊壽司 因為佢好多油脂🤤🤤燒完好香☺️食落口感覺超幸福🤤🤤紫蘇吉列廣島蠔 🦪 $26紫蘇葉係出面唔常見😳而且又平 所以我就叫左佢返到屋企仲暖暖地 我就用微波爐叮左30秒鐘出爐熱辣辣又唔會唸晒😙超正呢一個小食好推薦呀👍🏻

今日係k11行完街之後搵野食🤤🤤行行下見到呢間新開既外賣壽司鋪🥳裝修得好整齊、光猛同舒服😄😄除咗凍櫃嘅壽司盤、生蠔同沙律，仲可以單點自選想食既壽司🤩🤩平時港式壽司鋪黎黎去去都果幾款，呢度既種類真係多好多，我簡左以下嘅壽司試下😍😍彷彿魚、中拖羅、飛魚、油甘魚、赤貝、帶子、鰹魚、平目、真鯛、金目鯛、左口魚邊店員會免費幫你將壽司擺係冷袋再封口，相當貼心，如果真係好肚餓都有立食既位置，但我見外賣包裝咁好，個忍一忍口返屋企先食魚生味道好鮮甜，魚油香濃郁，夾壽司果陣飯粒唔會容易散開，比得上堂食！下次會試埋其他野

外賣壽司都可以好正，最近就食左呢間禮盒壽司。K11對面的小小店子，提供壽司，刺身，丼飯，小食，亦有空運生蠔，食物款式相當多。飛機貨食材，食物即叫即做，高性價比，外賣壽司都可以好正。全盛三文魚禮盒雖然是外賣壽司，但製作非常認真，禮盒精美，食外賣都好似送禮咁，絕對不失禮。仲有冰包同保溫袋，咁熱既天氣都冇有怕。打開禮盒，用鮮花點綴既壽司同樣吸引。以三文魚做主打的一系列壽司，有魚腩，火炙，驚喜位是連皮燒既三文魚壽司，再配搭海膽花之戀壽司，性價比相當唔錯。日式明太子雞翼配柚子山芋泥雞翼中間啖啖明太子，自家製柚子山芋泥口味清新，同明太子帶出對比。

朋友帶我黎食呢間新開張既飛機✈️貨外賣lunch，餐牌選擇多到癲左，四張A4紙都幾乎寫唔曬，如果心思思中意咩都食啲既朋友仔就一定啱食，咁多款總有一樣你想食！🤣壽司、手卷、丼飯等樣樣都好吸引，最後我哋熟食同丼飯各叫左啲，首先必定要試下佢哋飛機新鮮貨既廚師發辦啦，佢哋有好多種特別既日本魚，但我最愛一定係火炙中拖羅，火炙過令到油脂感大大提升，真係超級好食，有入口溶化既幸福感，但同時有中拖羅稔身既質感，脂肪魚肉比例平均分佈，好正！海膽魷魚都好好味，鮮甜海膽，十分濃郁既海膽味，搭配滑嫩魷魚包着壽司飯，yummy😋黑蒜油滑蛋豚肉飯都好好味，滑蛋真係炒得好似牛奶咁滑，吉列豬扒又煮得夠稔，比較印象深刻反而係佢個前菜，帶子裙邊煙韌爽身既口感，廚師加左啲特製醬汁令味道更fresh，非常開胃既前菜，甜品既泡芙做結尾，good🤩

尖沙咀新開左間新鮮空運日式外賣店！我呢啲打工仔緊係要即刻衝去幫襯下啦，師傅用料上乘，全部選用飛機到港食材，連外賣都食到廚師發板嘅質素😁朋友叫咗個黑蒜油自家製滑蛋吉列豚肉扒飯，以為佢唔係好多份量啦，點知原來個碗好深，非常之足料，米飯用左珍珠米，口感十分煙韌，滑蛋煮得啱啱好，加埋醬汁有甜甜既味道，平時洋蔥好難入口最怕好生，但佢哋都煮到，加埋甜醬汁同紫菜拌飯就好好食，豚肉好鬆化，大大塊，性價比極高都只係盛惠$93，同普通豬扒差好遠個口感，飛機菜果然係另一個水準😂跟住我哋就叫咗一系列八件壽司，包括金線鯛、深海池魚、石鯛、油甘魚、左口魚邊、赤伊佐日、火炙中拖羅及海膽魷魚，有我最鍾意嘅食嘅深海池魚，口感爽脆嫩滑，味道鮮甜，平時omakase先享受到既材料而家平民價都食到了，完全係尖沙咀lunch恩物，仲有赤伊佐木，一種好少見既魚類刺身，口感較鮮嫩，仲有個柚子油甘魚，油甘香重柚子味香，簡直係完美配合😋😋

✨呢間新開嘅外賣壽司店包裝精美又好食😆打卡一流嘅全盛三文魚禮盒（$158）有我最鍾意食嘅火炙壽司，仲有花之戀，好有誠意㗎。特色手卷蟹霸王（$45）全部都係蟹肉!! 講緊係手卷中間都有😍仲有個薯餅都唔好睇小，用咗甘栗紫芋製作，加埋特製嘅芒果海膽醬一啲都唔油膩～佢哋仲做緊開業優惠有八五折去到月尾，大家快啲試吓😆✨.This gift box ($158) contains all types of delicious salmon sushi 😍 The thick-cut salmon was with 4 different flavour, my fave one was the roasted one💓The Crab Feast Uni Special Hand Roll ($45) was literally a feast🦀 The crab meat was filled until the middle part of the roll😍

外賣店標榜所有都係日本空運到港 絕對新鮮 佢哋會揀選唔同嘅時令鮮魚刺身 務求比到客人食到 要Omakase先食得到野 但價錢係平好多😍😍而且可以外賣返屋企慢慢嘆😉😉 佢哋選擇都幾多 有刺身 壽司 手卷 沙律 魚生飯 卷物 小食🥰🥰真係應有盡有 佢哋仲用日本米添😉 店主好有Heart💪🏼 連豉油都是自己調校 一啲都唔馬虎👍 板前Omakase飛機直送 8貫壽司$148白鳥貝（梅醬）🍣赤身🍣日本帶子🍣深海池魚（三升漬）🍣金木叼🍣海膽魷魚🍣左口魚邊🍣火焰愛女魚🍣全部都新鮮到冇得彈😎 非常鮮甜 好重魚味 肉質細緻 口有餘香😋 我最鍾意海膽魷魚壽司及左口魚邊壽司🍣油脂滿滿，充滿魚香 白鳥貝爽彈 金目鯛鮮甜肥厚👍一般壽司店冇得比 真係好高質 大推👍👍靜岡自家製唐揚炸雞$38熱辣辣 炸粉好薄 好香脆😉😉正呀！我下次要試吓佢啲手卷同其他小食😎😎🎈鮨瀛海 (尖沙咀)尖沙咀加拿分道6D號集友大廈B座地舖kfoodie #hkfood #hkfoodblogger #hkfoodlover #香港美食 #香港必食 #hkfoodpic #hkig #food #foodie #foodstagram #fo

鮨瀛海 (尖沙咀).呢間真係要強烈推薦，喜歡食日本野嘅不容錯過。位於尖沙咀勁近地鐵站，外賣壽司手卷，仲有seasonal廚師發辦，但價錢比起堂食平一大截！我由尖沙咀拎番將軍澳都保持完整，仲會根據你嘅距離比相應冰袋💜.▪️Omakase 廚師發辦十二件 $208▪️.壽司次序由近至遠，分別係:真綢配梅醬羽太配肝醬大部分香港人都愛嘅中拖羅加上山葵漬飛魚配上三星色葱紅酒醬油漬赤身金目綢深海池魚鮫蝶魚卷包住芽葱，上再加肝醬，食落有芽葱嘅微辛辣彷彿魚配肝醬伊佐目燒得香口最後係個餅托住蛋黃醬蟹肉，加上魚子醬蟹子，好鮮(⁎⁍̴̛ᴗ⁍̴̛⁎).唔似出面連鎖外賣壽司一式一樣，根據時令嘅飛機貨再去比最新鮮嘅食材你(˶‾᷄ ⁻̫ ‾᷅˵) 雖然呢至無左堂食睇師傅表演嘅過程，但價錢相較相宜好多！📌 鮨瀛海 (尖沙咀)尖沙咀加拿分道6D號集友大廈B座地舖環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️.