鮨瀛海 (已結業)

👩🏻偶爾壽司🍣癮起，經過日式外賣店買份壽司返屋企。超級平民嘅價錢竟然有飛機貨嘅食材，質素亦相當有驚喜。外賣包裝除咗用咗保溫袋仲有兩包乾冰，大熱天時都唔怕。✨飛機直送12貫 $208深海池魚🍣帆立貝🍣目張魚金目鯛🍣油甘魚🍣劍魚腩鰹魚🍣羽太🍣白玉貝松葉蟹棒🍣左口魚邊🍣酢鯖魚✨帆立貝黏黏糯糯，非常鮮甜。✨目張魚肉質實淨，越咬越食到鮮味。✨金目鯛魚肉呈現吸引嘅櫻花色，肉質細膩。✨鰹魚經過所謂燒霜（焼きしも），外面熟透，裏面仲係鮮紅色，將魚肉甜味鎖在其中。✨左口魚邊油香充足，入口即化。✨酢鯖魚醋味柔和，食到鯖魚獨有風味，但一啲腥味都冇。算係少有覺得好食嘅光り物。✨蒜香炸雞軟骨 $42雞軟骨色澤金黃，爽脆鹹香，做下酒菜一流。