魚米之尊 (已結業)

我今晚同男朋友去左依間咩"魚米之尊", 真係唔知尊0係邊呢?本初都冇抱什麼期望, 但都可以禁失望!d "9唔搭8" 0既裝飾物掛都周圍都係,都係題外話,我見都幾多人食,應該唔會太差, 就order左一個A餐, 1) 海鮮魚湯米線2)小食拼盆3)魚湯灼菜4)飲品+甜品另外加左個黑椒牛柳粒炒西蘭花& 珊瑚魚柳翡翠泡湯評論時間:1) 海鮮魚湯米線- 我發現到有2條菜蟲, 我心諗點解會有菜蟲, 魚湯落菜煲o架咩? 我食左一粒蝦, 我好懷疑佢係點煮0既, 成碟送都係被d薄茨浸著, 樣樣野都係冇味, 冇醃過, 只係d魚柳有落鹽咁囉, 跟本就係每樣野都分開烚, 之後打個粉茨當係一個送, 我都煮得好過佢啦!絕對係冇炒過!2) 小食拼盆- 2粒食左都唔知會咩饀0既卷物,再加多粒凍肉鋪都有得賣0既四方型0既魚粒, 可有可無.3) 魚湯灼菜-我地都唔記得有依咩野,食到最後個waiter問上左依咩野未, 我地話唔要呀~佢就話下次補番,我心諗都唔會下一次4) 飲品+甜品- 冇咩特別, 我阿媽都識整個桂花紅豆糕啦, 唔覺得特別好味道.5) 黑椒牛柳粒炒西蘭花- 牛柳粒已經過鬆肉粉0既洗禮, 加上佢有京都牛柳0既味

食個魚麵餐,有小食三款,油菜,甜品同飲品.魚麵同一般食到白色身o既唔同,佢係灰灰白白咁,睇落好似鯪魚,食落都ok.魚湯都算唔錯,白色一遍,但宜家度度都係咁o既款o既魚湯,麻木晒.小食方面有正方體魚腐一舊,不知所謂,另外有唔知乜野卷,又係差,小食可以不理.油菜為生菜,而甜品則為桂花糕,皆為standard貨式.整體水準只屬一般,應該冇下次.

我地一行10人去食飯...本來不是去這間....睇錯名，所以"誤"上這鋪頭,哈哈！不過亦由於錯有錯著...所以食到這間鋪頭o既野..味道唔錯...價錢唔算好貴...去得過..haha

呢間食肆之前都嚟過幾次, 仲試過佢D私房菜, 覺得幾抵食, 所以都介紹D朋友嚟食. 上星期六, 我朋友又約喺呢度食晚飯, 點知食到一肚氣, 以後都唔會再幫襯. 話說上星期六, 我和3個friend約咗嚟呢度食飯, 其中2人先去攞位. 上到去, 個肥老細就問我個friend 有冇訂枱,佢話冇, 咁個老細就話要齊人先可以入座, 但轉頭, 其中一個waiter就俾我2個friend入去坐, 佢哋驚唔好意思, 所以一坐低就order咗個小吃(雞翼)先, 跟住我就到, 但另一個friend就要耐D先到. 當我們吃緊雞翼時, 個老細行埋嚟問我哋(態度極差):你哋個朋友幾時到架, 我哋唔夠枱喎. 我哋答佢嚟緊. 佢啤吓我哋就行開咗. (真想問他是否要我哋埋單or叫我個friend唔好嚟) 原來之前佢已經鬧咗個waiter俾我2個friend入去坐, 所以好唔likey. 行過都啤吓我哋. 跟住我哋問個waiter係唔係訂咗枱就可以坐低等人, 因為見隔離張枱D人都係我坐低之後先到齊, 佢話冇所謂啦, 因為剛才唔多客又有枱, 所以俾我哋坐囉. 我哋坐咗一陣個friend仲未到, 又call唔到佢, 所以

第一次去係同事介紹覺得好有驚喜!12月帶埋6個朋友再去多次,大家都覺得相當滿意,1.唔使諗食咩,唔使煩,$100一位包飲品2.雖然係中菜但都係幾特別菜色,其中有仿魚生O既素食,味道很好3.上次10個人食有成20碟菜色,今次7個人都有10幾碟.包你食得飽,絕對有'食完未呀?'o既感覺,好多款式都好好味,而每次都有d改動,都講唔出食左d咩,總之有驚喜!4.最好有甜品桂花糕,好精美又幾清甜5.一定要預先訂'木台'lor,但兩次都好順利,入到去即刻有位啊!6.唔使加一,只收現金

2005年10月前食過私房菜3-4次, 基本上一切都非常之好!曾是本人No.1首選聚會之地方!可惜, 10月一次生日會中, 一行20人早在1個星期前訂了檯, 但當日大隊人去到門口時回覆稱"冇訂檯"! 並說明"我們因沒有收到你們的Re-confirm, 所以不會留檯給你們!" 但我們的負責人打死都可以確定訂檯當時沒有要求要自己Re-confirm 人數, 但餐廳負責人就話他們一定一定一定有叫我們自己做Re-confirm這動作! 口同鼻爻, 唯有在15分鐘快快找間可以給我們20人的地方算數,無謂掃興! (就當他們好生意到"唔憂做",反過來要客人Re-confirm至得!)及至到上星期, 朋友問我有關這餐廳資料時, 告知他我們曾有這件事發生, 並叮囑他一定要Re-confirm訂檯; 點知道今次不是檯的問題, 而是食物問題, 居然私房菜食唔飽, 菜色又少, 素食多, 連飯都冇得食...我聽到都覺得好突然! 其他朋友第一回應"100蚊比他們食這般食物,食水深了一點吧!去普通的一些酒樓食晚飯食飽都不用這價錢!"真的! 很失望!

尋晚有人請食飯, 話去食私房菜喎! 個心就諗咁正... 因為自己未食過私房菜, 覺得普遍太貴, 而且未必個個都自己胃口(我是一個煩人)... 不如俾多d食自己一定鍾意啦! 點知去到係間食米線麵店, 感覺怪怪! 到起菜時重怪, 根本就冇菜牌, 連主人家都唔知有乜食, 多又唔知, 少就更加唔知啦! d菜好特別, 出面未見過, 不過問親d waiter個咩名或者係乜, 完全唔識答! 但係總括, d食okay la, 我覺得最好味就係個蒜蓉開邊蝦飯, 好香好味!

無錯呀, 真係私房菜呀, 每位$100, 唔洗加一.佢隨意上菜, 唔知佢下一碟會俾D咩我地食, 相當有趣, D餸有D我都係第一次食, 幾特別, 有一款唔知叫咩魚皮, 怪怪地, 幾好食. 包一柸飲品, 最後甜品係桂花糕, 最好食, 一人一舊都唔夠, 叫佢送多一碟佢都十分樂意. 食完仲問我地飽未, 老闆好nice, 係有時有D賴幽默咁囉....

同男朋友仔行完街差不多9點，都係時候搵個地方醫下個肚，一時唔知食咩好，當行經彌敦道就見佢地大大個招牌有米線，一於去試下! 上到去重有人等緊位，又幾旺喎!所以我地企係門口好耐無人理，跟住有個肥叔叔行左出來，甘我咪同佢講兩位囉，佢就問我姓咩，當時我以為咩事，就問佢係咪要訂位，點知佢就好無禮貌甘答我,話"唔寫低個名輪位又點叫你呀!" 唉!跟住就即刻問我男朋友姓咩! 里D咩服務態度先?我地叫左個二人餐，包括有:1) 餐湯: 要左芫茜皮蛋湯，飲得出係放左味精+胡椒粉既湯，D芫茜皮蛋同皮蛋係好明顯係後加既，不過都無所謂啦，甘樣我明白係食相好D2) 炒飯: 要左蛋白牛柳粒炒飯，牛柳好軟，蛋白好滑，飯唔油，不過唔夠香3) 小菜兩款: 清炒時菜係西蘭花，有個薄獻，都OK; 蜜汁煙肉帶子卷，係用煙肉卷住帶子豬肉碎加炸漿一齊炸，再淋上蜜汁... 里個啱我，因為我鐘意甜!4) 甜品: 一人一小碗花奶涼粉同一件桂花糕，件桂花糕幾精緻，有少少花味!5) 餐飲: 我要左蜂蜜玫瑰花茶，有好大陣蜂蜜味，但係無花香味食味都重可以，但係可能真係忙啦，D侍應叫極都無咩反應! 個肥叔叔又甘惡!男朋友重比左7蚊TIPS添!二人

某次星期六晚上十一點幾去食，正！味道好，環境唔錯，但服務就一般，不過不失。但唔鍾意佢細，有人吸煙既話，就等於半個場吸晒佢ｄ煙。但總結黎講都幾好~~ ^^

睇完呢一道0既食評, 真係令人難相信係同一家食堂.今日{2005年3月16日}我同我女朋友約0左係旺角食飯, 本來想去王家沙食上海食物, 但係去到門口見到有好多人排隊, 所以決定轉去呢一間食堂{魚米之尊}享用晚膳....一入門口feel到個環境都唔錯, 而且0的waitress好迅速bring us to a 雙人位座下, 跟住仲give us their updated meuns instantly. 當我們都唔知想食什麼0既時候, 個女waitress 好識做咁介紹0左兩款小菜給我們, 跟住我們自己又choice了several 食物.... 包括: chicken sauce 煎肉餅{一定要try, 好好食}, 鮑片米線set dinner {ok wor}, 4只蒜茸粉c蒸貴妃蚌{ok}, 仲有個d set dinner 0既配菜都quite good wor..... 食物水準我個人feel 係水準standard.d waitress service 都唔差wor, 佢0地

不幸地, 尋日女友陪我夜晚十點幾來食夜宵, 之前未睇過呢度的網評, 真係好死後悔, 結論就係以後唔駛指意我去lor.尋晚有幾件事令我好不滿；1) 我地一坐底落單叫左個米線餐,本來個menu 上都無寫住有野飲送, 不過個長毛待應問我要唔要野飲, 我以為佢有得送我唔知, 咁咪問佢係咪跟餐送,佢竟然唔知,仲要諗下諗下咁, 話要check check,頂, 我叫個過係26 蚊餐好普通野jar wor, 佢check 完之後拿口拿面咁話無得送, 咁我是旦啦, 無咪唔要lor. 但係覺得佢的態度唔好lor.2) 食野個陣仲騎呢, 有個貌似老細既肥佬係bar table 附近大一大聲咁鬧自己的侍應, 又話佢傻既, 又咩又咩咁, 喂, 我地來食飯, 可唔可以靜的呀, 你又唔係荼餐廳, 打仔唔該行開的啦3) 最慶都係走個陣, 我地埋單時佢見我地倆個人都係叫得個一個餐, 跟住就好灰氣話, 有無人同你地講剩飲茶要俾十蚊, 我話「下, 唔係呀化」, 無人單個聲wor, 咁諗住佢照收26, 頂...點知佢問都唔問, 就話三十蚊啦, 咁做生意都得？呢間野完全唔尊重的客, 唔摺有鬼。

我和女友在29號晚買了UA朗豪坊7點鐘戲飛, 然後去這店吃米線, 誰知吃到一肚火!!話說我們6時15分坐下, 20分落order, 我們叫了兩客套餐, 到6時35分(15分鐘後)只來了其中一個套餐的一碗麵, 我便向其中一個貌似店長的中年男人詢問, 他拿起我們檯上的單一看, 便說:"你們叫的大頭蝦是要煎熟的,要多些時間". 我跟他說:"我們買了戲飛, 可否催一催?". 那男人竟然說:"那些蝦不煎熟不行, 我給你一些生蝦可以嗎?" 嘩, 這是應該對客人說的話嗎?結果我們的食物在6時45分才到齊, 我們帶著一肚火離開.這種餐廳不用錢也不要幫襯!!

上星期日行開旺角，見未試過呢間食市又好似幾多人等位，以為係好野咪試下o羅! 等左10分鐘被安排入坐近廚房的兩人桌，叫左一個一人餐，加一個魚米線及一個雲吞雞湯，同男友仔一齊分。<服務太差>首先佢D位好迫，加上我地坐近廚房出入口，那就更見擠迫。D待應出入執野都好唔小心，好多次都差D整到我地，咁我地咪諗住快快手手食完就閃人，點知一轉頭，其中一個侍應倒瀉左手上的東西，是人客吃完的碗碟.....那時我正在講電話，沒留意原來佢已經整污漕左我放在大腿上的大褸。我講完電話先發現... 怪不知個待應方才個表情咁怪啦..... 就算我講緊電話，又假設佢只係在我身邊倒瀉野而無弄污我件衫，係咪都應該同我講聲唔好意思呢?!??!?! 但個侍應同在佢身邊的其他侍應，包括個類似經理/店長的人都一齊睇住件事發生，但無一個做過任何野喎!! 真係完全「無服務」!!!!<食物欠水準>件褸比人整到已經唔高興，點知D野食都唔好食。除左一人餐個油菜幾好食之外，其他都係淡而無味!! 就連雲吞雞湯D湯都淡到好似飲水咁...... 真係好難明白點解一間由服務到食物都咁無水準的食店為何會有人等位。

我yesterday去食下午茶，叫左個18蚊茶餐，有碗通粉、煎雙旦、奶油多同餐飲，d魚湯確係幾好味，價錢都好抵，d野都好快黎，但service就一般。我本人好怕響煙民隔離食野，見到有第個位咪想轉啦，點知個waiter竟然話落左單唔準調位喎…真係好笑!