魚米之尊 (已結業)

聽朋友介紹,以為好抵食,未想到食咩,禁就想下,不過個日企你旁邊,催我落單,之後我想落單,點揮手都無人行過來,已經black list左呢間野!之後,埋單個時仲要受氣,被人問候,我想服務態度差到禁,我一定唔會再去食,食氣都食飽!!

今次是第二次去幫襯，一行三人去到竟然滿座, 但係佢到可以比到一張枱出黎, 可能我地六時半到.太早了,未有客到. 今次有係吃私房菜,菜式跟上次不一樣, 我地只係三人, 前菜四款, 跟住黎左十二款. 有蟹,蝦, 蜆, 青口. 雞, 魚, 菜... 好多好多,每款份量嚇死人~ 大大碟.. 我地飽到不得了, 仲有甜品上枱。每人110元, 飲品仲要任飲tim. 我朋友好鍾意, 覺得好得意, 每次都唔知下一味吃乜野. 因為冇memo睇.

在寫這個食評前, 看過之前的食家評語, 都有小小同感. 這間鋪頭, 如果講食物, 價錢, 都其實值得去試多幾次. 小弟已經試過兩次了, 由於時間相差幾個月, 所食的食物有好大的差別, 但味道都係極好.論私房菜, 我都會再推介俾d 老友, 不過, 會加多一點點忠告. 起碼可以食得好味又開心呀.忠告如下:1. 最多三至四個人去食, 的而且確, 吾同的人數, 所出的份量, 又分別不是太大, 一些以一串串, 或一粒粒計的, 當然冇問題, 但好似炒一碟陳村粉等等, 兩個人食, 同四個人食, 份量一樣, 碟size 更加冇變. 但四個人食, 都絕對夠食.2. 間鋪頭似乎在管理人流方面不是做得太好, 特別係母親節的大日子, 出錯碟的情況都屢見不鮮, 但反之若果在平日(一至四) 或星期日晚上, 可能人流比較少, 出的食物, 又不見得有任何問題.3. 兩次去食, 我都叫了走辣少炸, 但似乎, 佢地只係聽而冇做, 我想, 佢地係這方面的食物出菜方面, 要加多改善.

朋友介紹我們來試食私房菜. 我心想"私房菜"點解可以$110咁平呢? 一入門口見到我們訂張７人枱好細，附近全都是坐滿人，感覺十分親切．在我去廁所的路途上，沿路都有其他顧客夾道歡迎，我要很小心才避得過他們．店員服務態度十分親切，我們未齊人叫佢上菜，佢話唔得，因為食物會變冷，對還未來的人是不好的．終於齊人可以上菜了．很多食物立即蜂擁而上．計落一共食了１９碟，比食法國菜還多了１０碟．飲品仲要無限添飲呢!　我們問店員仲有什麼食物呢? 一共會有幾多食物呢? 她都說不知道．真是很surprise 呀! 這完全是後現代的藝術，我身在這間食店就像在拍王大導的戲一樣．小弟有幸能參與這件盛事，真是此生無憾．至於味道和份量如何呢? 我覺得真是非筆墨所能形容．埋單時店員說只收現金，十分均真．令我充分體會了麻雀館欠1找9的精神．總而言之，好似黃興桂評波咁，我評呢間私房菜，一個字: 超超超超超超超超超超超超...... "surprise”!

見咁多人話魚米唔好,我成日食所以我覺得應該為佢\平反1下。食過魚米好多次`本身係銅鑼灣食,佢\地搬左我仲特登去旺角搵,真係好好食。下午茶真係好抵食,1個麵+揀3樣送,仲有奶油多+野飲.刀係$20,凍飲+$2,(仲有牙!12:30-2:30係$28咖!下午茶先係$20)1定要食佢\個個魚腐,唔係正方型個隻,而係扁扁地1塊好軟個隻,豬扒大塊+入味,但係唔明點解,火腿只得半塊,係切成3角型個隻!麻辣豬肚好正,雞腎刀唔錯,魚皮餃有3隻,正常味,豬軟骨丸好正,墨魚根普通,貢丸根有口感,但好似無晒了(因為佢\每隔幾個月就會換d新野)，魚湯好好飲。但老細就真係好似忽忽地咁XD好神經質feel，waiter1時時啦,男waiter多數睇樣對人<-差,你無咁靚佢\會唔多理你,你靚d就勁多野講勁煩,可能因為我係熟客又識識地個度d人,所以刀覺得可以接受，分量又夠又足料,,加埋個多士女仔食會好飽=)真係唔錯咖魚米,好值得試.不過本人就覺得晚餐\有d貴,除左私房菜算抵食之外.

是否我的食評有任何問題?煩請指正!

前排母親節訂位食私房菜，每位$130，我覺得ok，母親節貴少少，可能野食靚d呢。我坐低一陣等屋企人黎期間，我都未叫起菜，侍應己經多次上錯菜，仲有次個侍應死都話係我哋張枱既，叫我哋食住先。母親節母親都未到食乜鬼姐，但係過咗唔夠兩秒又有第二個侍應埋黎拎走哂d野食話上錯枱。對上幾次黎食都冇咁亂。全家齊人後叫侍應起菜，食既頭盤同上次差唔多但係款就少咗，都係魚皮、鴨舌、鱈魚豆付同薯皮沙律。因為我之前見佢上錯咗果d頭盤裡面有素魚生同墨魚仔，我問吓個相熟侍應，佢叫我哋唔駛急，慢慢黎。轉頭無啦啦又俾碟鴨舌黎，我哋話食咗緊係唔要啦，跟住我吔就見到老細面黑黑衝咗出黎一路啤住我哋一路同佢d員工訓話。食完d頭盤，等咗一陣就上羔蟹炒年糕(唔知點解d份量同兩個人差唔多)，唔駛一陣已經俾我哋掃清，跟手黎個魚湯絲瓜，因為每道菜黎得太慢同埋見隔離枱己經食咗好多海鮮，而我哋淨係食咗一個蟹。催催d侍應，無厘頭咁快就俾個湯黎，跟手黎個蒜蓉多士伴莆汁，再黎個好鞋既豉汁雞同雞肉串燒。見周圍枱枱已經食咗煎封魚腩、蒸青口、蒸魚胶、炒蜆、瀨尿蝦，我哋就黎埋d騎騎呢呢唔係海鮮既菜式，淨係食咗蟹，問多兩問先再黎碟瀨尿蝦。等我以為海鮮陸續有

其實好鍾意去呢度食私房菜，去咗五六次，食到d伙計都認得我哋全家。上次出post係第一次食，兩個人真係好多野食。之後叫埋阿爸阿媽屋企人，一行五人去咗幾次，佢哋都好鍾意，不過都試過有d疑問。因為有d菜式(羔蟹年糕、瀨尿蝦、炒河)兩個人食又係咁多、五個人食又係咁多，有時見其他極都未食完，我哋食咗一陣就黎甜品。問下侍應，侍應都好有禮貌話私房菜枱枱都唔同，有時睇吓你男多d定女多d，大人多d同細路仔多d，份量會有少少唔同。當時都唔係咁同意，但係當中冇真正比較自己同人地食咗d乜，拗落去都冇謂，加上食開食熟，費事搞到咁僵，埋單走人。噚日為預祝母親節book咗位，黎到全場爆哂，坐低冇耐，有個新面口既女侍應問我個女幾大，我話三歲，佢話三歲都要收半價，我話黎咗食幾次未收過，同埋你又唔自助餐又唔係任食，你咪預返五個人份量，bb食得幾多。見侍應同老細gary哥哥講果時，已見gary哥哥板起塊面，心知不妙。可能當晚太忙太多人，我哋未叫起菜已經先後幾次拎d頭盤黎，轉頭又話俾錯拎走返。到我們起菜先黎頭盤，老婆發覺點解頭拎錯黎果d有墨魚仔，我哋就冇，侍應哥哥都好有禮貌好幽默，叫我哋唔好咁心急。點知轉頭又拎多碟鴨舌黎，我

環境方面: 晚飯時間多人所以比較嘈吵味道方面: 我和姊妹都叫了同一個【煎金菇肥牛魚湯米線】,魚湯的味道不是人人都可以接受,味道有點兒怪怪的。金菇肥牛吃了第一件都還可以,第二件開始有點厭,再也吃不下第三件。我和姊妹都覺得小販檔的金菇肥牛好吃過它的過百倍。米線份量少。凍奶荼+$6 普通不過不失。服務方面: 那位女侍應(3x,40歲)的態度真的不要得,凍飲加錢只是幾元,不需要你再三的提醒,一種看不起人的感覺。落單自己聽不清楚便以責怪的語氣對待我們,並全程黑面。未開餐便受了一肚氣!但老闆在我和姊妹結帳後主動幫我們拍照,落樓梯上電梯2次,仍然笑面迎人,值得一讚。抵食方面: 味道不太討好所以覺得不太抵食。乾淨方面: 普普通通不過不失。

基本上，下面個食評已經寫得好詳盡，小弟就多左碟炒蜆、豉油皇煎蝦、豉汁排骨蒸河粉同奶皇飽，而我最欣賞係佢地每個菜色既味道分明，而且全部即整，上檯熱辣辣，絕冇楂流攤，食唔晒仲可以打包，$110 蚊成廿個菜色，免茶芥同加一，現今社會黎講都可以算得超值，味道方面亦頗滿意，招呼就一般啦，咖啡、奶茶、檸水、杏霜之類仲冷熱任飲，對得住你有餘添啦！我見到下面幾位食評家有所爭拗，小弟睇完亦有感而發，覺得時下年青人愈黎愈不負責任，訂檯之後唔去又唔會打電話去取消，訂左私房菜又可以拉大隊走，當然，一般私房菜會預早兩日收齊錢先開餐，都癈事同你嘈，但係魚米之尊連訂金都冇收，所以先有咁既事發生，如果，大家同意做人應該有誠信既話，咁係咪應該為自己所犯某些錯誤而負上責任呢？覺得道理不在己方既時條，就搬阿劉德華金句上檯，其實服務業雖則以顧客為先，但並不代表你可以當人下人咁駛；易地而處，如果你成班朋友約上你屋企搞大食會，叫你俾住錢買食物先，到時又一句唔黎又唔俾錢，理由係Ｄ食物咪叫你屋企人食晒佢囉，你地又冇蝕底既？咁你又覺得點呢？如果你話店方態度唔好，係店方理虧，如果你話店方唔老實，我覺得唔老實既係你臨時取消又唔肯俾錢既朋友

間野我第一次去食，係朋友食過話D海鮮OK拉我上去食。一坐低睇MENU都有幾多野食，但係發覺海鮮唔太多，又搵唔到私房菜MENU。一問之後先知私房菜係無MENU既，但係就有110同160同個價錢，但係因為我地得兩個人會貴少少，收130。我覺得OK呀，又唔駛加一加乜加物，仲有大大杯凍飲任飲，一於試一試先，菜式計有：1.魚皮- 未食之前驚又腥又林，點知一入口，口感好似海哲，醃得好好味，加少少蔥同薑仲正2.炸鱈魚豆府- 幾好味,幾滑3.素魚生- 第一次食, 幾得意, 我諗都係D「擧藥」整既4.煎封魚腩- 個汁好正好惹味，魚皮部份煎得好香好脆口，魚腩又甜又滑，不過食時要小心骨5.椒鹽瀨尿蝦- 預咗唔會大隻，不過都有十幾隻，新鮮味道OK6.羔蟹炒年糕- 一擺低就勁香，份量起碼有兩隻蟹，有好多蟹羔，D薑蔥炒得好香，唯獨係D年糕硬咗少少7.魚湯浸絲瓜- 好清甜，連D湯都飲埋8.蒜蓉粉絲蒸扇貝- 一人一隻，呢個冇乜特別9.蕃茄魚湯- 蕃茄味勁濃、蓋過咗魚味10.剁椒蒸魚雲- 食得辣既會覺得好好味11.鐵板洋蔥豬柳- 好多洋蔥、少少黑椒，惹味12.鵝肝釀雞翼- 鵝肝甘香，雞翼炒得香13.翠塘炒河- 清得黎又

呢間野, 你話佢串又得, 話佢有風格亦得, 但我絕不認同樓下所言話佢屈客, 更對其亂評分感到反感: 自己冇上過去就全部填晒最差, 毫不中肯之餘, 更是意氣用事。不如我解釋佢個訂位程序, 尤其是樓下果位, 睇下誰對誰錯。食私房菜, 係有私房菜ge 規矩:私房菜唔係佢ge 本業, 所以一定要訂先有。佢係按人頭收費, 分$110, $160, $250三種。收到電話訂枱, 佢就按人頭買’送’, 保証食得飽, 拎得走, 如果要改人數, 就煩請當日1600時前通知, 因佢要買’送’, 就算一位改唔切, 佢都會蝕. 以上都係我訂枱時佢同我講得清清楚楚.我3月10日都同個fd慶祝生日, 知佢鍾意食海鮮, 女友又話e間好, 所以就試下$160果個. 果晚8時入席, 有2個fd 唔舒服冇泥, 佢都有嘈(肥老闆態度唔係人人受, 有d 詹瑞文格), 咁我地都話收足數. 我d fd 都係d 儉人, 初時都怕佢地唔岩食, 同嫌貴. 先上d 冷盤魚皮, 齋魚生, 好似好細碟咁, 跟住泥左d 鍋, 青口, 螺; 但又怕佢地話冇米落肚, 好彩戲肉係芝士龍蝦伊面. 點解我自己訂位都好似唔知有咩菜上枱? 又係e 度特色(

之前同朋友黎過呢度食私房菜, 雖然唔係話特別好食, 不過勝在夠抵, 所以尋晚諗住同一班同學黎食, 為左同其中一個同學補祝生日。本來我地一共有11人, 所以我就定左11位, 不過有兩個臨時黎唔到, 我都係七點幾至知(我定左7:30), 跟住我地9個人一齊由地鐵站行過去, 去到同佢講我地得9個人, 佢就好惡咁話做乜唔一早打電話話佢知, 我同佢講我都係早佢少少至知, 佢話留左張10人俾我地, 要轉9個人好難, 佢仲話一係我地9個人食, 但上10個人既份量俾我地(即係收我地10個人錢, 因為係計人頭收費), 一聽到呢句就覺得佢地勁賤, 擺明想屈我地。跟住我地9個人出門口諗住商量一下, 佢又走出黎, 仲惡到死咁, 語氣又差, 所以我地尋晚都無食到呢間, 費時食到一肚氣.....其實我之前個次黎都無問題, 我地都係去到至話有一兩個唔黎得, 而家又話唔得喎, 都未見過d餐廳咁唔老實

我公司於２月１０日到魚米之尊食年夜飯，是其中一位同事推介。想不到食物如此唔掂，除了食物熱度及份量ｏｋ，但好多野好味精，田螺又有沙，仲有第一次見到有人將普通既菜心放係冰上面咁比客食。位好迫，ｄ野不斷上但又冇人執野，所謂特飲其實係ｄ柑桔既野，又未溝好就比人飲．．．．．雖則話野飲任飲，但每個人１６０食埋ｄ　ｃｈｅａｐ野，仲話係私房菜，完全好失望，我好多同事（成２ｘ人）都話唔會再幫襯呢度，我地個晚之後，有人肚痾同嘔。

心血來潮，Tea Time 來光顧今次試左「養生餐」河粉餐，配豬扒，魚彈條，豬肉丸$20（凍飲+$2）1.河粉多，保證食飽2.豬扒香脆入口3.豬肉丸非彈牙，而是有手打的肉醬感，少少黏的4.魚彈條就冇特別5.湯底，充足的魚湯味，入口會想像到魚仍在游總結：$20咁多野食好抵