魚米之尊 (已結業)

呢件事發生o係11/12(星期六)下晝，因為好耐冇去，所以入去幫襯，點知冇食過野都要換來一肚氣！！！果個下午茶餐本來$20，2:30pm 後供應，我地大約2:10入座，果時入座率得大約一半，比平時少左，而家知道點解啦！我地入到去，搵個位坐低，諗住等到2:30先落單，加上有個fd未黎。點知隔左一陣，有個waiter埋黎催我地落單，仲獅子開大口話呢個時候果個下午茶餐要$28。搞錯呀？都冇寫明，佢講乜都得啦！我地咪話等一陣先。我同個fd講之前呢度唔係咁架，可以坐到2:30先叫野食，唔知而家做乜唔得。隔左冇幾耐，果個waiter又埋黎催我地落單，佢話要計入座時間喎，唔可以計$20，於是咪又話等一陣先！使唔使咁呀？好似要迫人落單咁！跟住同個fd商量不如走啦！之後都係搵人黎問清楚先，有個waitress過黎，但係佢過黎之前同果個waiter唔知講左d乜，我地問清楚佢，佢都係話要計入座時間，等佢行開左，我地就決定走！！趁d人唔多覺就走，點知去到門口，收銀果個waiter話：「小姐，要收番茶錢。」冇幫襯都要俾錢？俾咪俾囉！每人收番兩蚊。淨係擺低幾杯水就要收錢？邊個話入去就要幫襯架？？一出門口，幾想鬧佢

話說上星期同bf見到個下午茶餐$20,見佢有魚湯同3 麵咪即管試下囉...上到去，門已經唔係自己開都算...d waiter o係度吹水，夠膽死可以係門口嗌出黎"幾多位呀!"仲要粗聲粗氣..{{{{{{{第一次"算!"}}}}}}}坐低左張,得兩張鋪餐紙，咁我地望見個餐牌就叫野食啦,望住個阿姐諗住叫佢過黎落單,佢掛住唔知做乜就叫左個低佢一級既人過黎落單{{{{{第二次"算"}}}}}}}}}個阿姐過到黎，水都無杯，好無禮貌咁將佢隻手"禁"住我地張好型咁問左句"叫野食呀?!"咁我bf已經因為佢地咁"好"既服務態度搞到好慶,佢話"係呀唔通埋單呀?!"之後就落左單{{{{{{第三次"算"}}}}}}

其實我好鍾意飲魚湯, 這裏的魚湯米線確實幾好﹐所以吸引了我一次又一次光顧, 但今次我終於忍唔到了。因為我足足等了半句鐘﹐還催了二次都沒有任何回應﹐只是例牌菜答你我睇下就無下文﹐之前我得閑都會等下﹐因為不只一次﹐但今次我真係唔得閑﹐而且眼見同我差不多時間到的﹐甚至遲我成十五分鐘到的都齊哂食物﹐有一個仲係同我一齊叫米線的﹐甚至食完去結帳﹐我就越加眼火爆﹐終於忍唔住唔等起身走。這裹的侍應表面上有禮貌﹐實則無心做到出哂面﹐話佢都無用﹐不如留返啖氣暖下肚。各位朋友﹐如果你得閑到無地方去又有好好耐性的話﹐不如到這裹試下食米線啦﹗祝你好運﹗

第一次嚟呢度係晚市時段，入到去覺得間嘢裝修得幾靚。我叫咗個"套餐精選"A餐，每個$48，加$3轉飲薰衣草茶。個餐有好多嘢食，其中以魚湯米線同桂花糕最好食。個waiter好搞笑，令到我哋食得幾開心！之後嚟過幾次呢度食下午茶，只係$20，有一碗麵、一塊多士同一杯嘢飲，杯嘢又夠大杯。麵方面最好叫米線，因為係魚湯底，唔會有魚腥味。呢間d嘢食的確係幾好，但係d服務又真係差咗少少。有時d多士要催佢先嚟，同埋要杯茶起碼要叫兩次。不過呢度可以坐好耐，次次嚟都坐成兩粒鐘先走，食吓嘢吹吓水都幾好！

我們兩人各叫了一個午餐, 1) 全桶蒸雞飯餐; 2) 珊瑚魚翡翠米線餐. 價錢太約是三十多元. 蒸飯餐跟一個xx 魚湯, 我們選了海鮮魚湯, 渴了一口即覺味精不少, 扣了些印象分. 蒸飯餐先上, 朋友吃了一半, 米線餐還沒到, 似乎是漏單, 後來追了一次才上. 米線中的魚湯較好, 沒海鮮魚湯那麼多味精, 但質數只屬一般, 而珊瑚魚翡翠, 份量不多, 看上來有點"小家". 我們加了五元要一份油菜, 油菜的份量亦很少, 少得可憐.這一餐最令人不滿的是, 當時全店入座率不到一半, 但我跟隔的客人都有漏單的情況, 而閒著的待應只顧閒談或發呆, 完全沒有留意客人在呆等, 而發現漏單亦沒有半點歉意.整體來說, 食物質數一般, 服務令人失望, 不會再光顧了.

金玉其外服務態度超差，加上唔得醒目，幾次都唔問人就想收起人未食完的食物，係明顯仲有幾多未食果種又好睇唔起既目光同語氣話我們三個人，唔可以只點兩種食物(果時係晚飯時段，唔係得好多客)，但都執正來做，重話第三人要比十元附加費。完全低能既規矩，我本來想起身走，但可惜同行女同事想食佢，又唔想生事，所有都唯有死死氣叫多樣野罷就又唔係好好食，價錢亦唔平，有細Size, 重唔係街舖，竟然侍應玩吊高黎賣，緊係想幫公司倒米，想無得撈，都係既，旺角一帶附近甘多平靚正之選，佢繼續甘落去，應該好快摺埋，拭目以待!!