影片
更多
2007-05-17
17 瀏覽
前排母親節訂位食私房菜，每位$130，我覺得ok，母親節貴少少，可能野食靚d呢。我坐低一陣等屋企人黎期間，我都未叫起菜，侍應己經多次上錯菜，仲有次個侍應死都話係我哋張枱既，叫我哋食住先。母親節母親都未到食乜鬼姐，但係過咗唔夠兩秒又有第二個侍應埋黎拎走哂d野食話上錯枱。對上幾次黎食都冇咁亂。全家齊人後叫侍應起菜，食既頭盤同上次差唔多但係款就少咗，都係魚皮、鴨舌、鱈魚豆付同薯皮沙律。因為我之前見佢上錯咗果d頭盤裡面有素魚生同墨魚仔，我問吓個相熟侍應，佢叫我哋唔駛急，慢慢黎。轉頭無啦啦又俾碟鴨舌黎，我哋話食咗緊係唔要啦，跟住我吔就見到老細面黑黑衝咗出黎一路啤住我哋一路同佢d員工訓話。食完d頭盤，等咗一陣就上羔蟹炒年糕(唔知點解d份量同兩個人差唔多)，唔駛一陣已經俾我哋掃清，跟手黎個魚湯絲瓜，因為每道菜黎得太慢同埋見隔離枱己經食咗好多海鮮，而我哋淨係食咗一個蟹。催催d侍應，無厘頭咁快就俾個湯黎，跟手黎個蒜蓉多士伴莆汁，再黎個好鞋既豉汁雞同雞肉串燒。見周圍枱枱已經食咗煎封魚腩、蒸青口、蒸魚胶、炒蜆、瀨尿蝦，我哋就黎埋d騎騎呢呢唔係海鮮既菜式，淨係食咗蟹，問多兩問先再黎碟瀨尿蝦。等我以為海鮮陸續有
我坐低一陣等屋企人黎期間，我都未叫起菜，侍應己經多次上錯菜，仲有次個侍應死都話係我哋張枱既，叫我哋食住先。母親節母親都未到食乜鬼姐，但係過咗唔夠兩秒又有第二個侍應埋黎拎走哂d野食話上錯枱。對上幾次黎食都冇咁亂。
全家齊人後叫侍應起菜，食既頭盤同上次差唔多但係款就少咗，都係魚皮、鴨舌、鱈魚豆付同薯皮沙律。因為我之前見佢上錯咗果d頭盤裡面有素魚生同墨魚仔，我問吓個相熟侍應，佢叫我哋唔駛急，慢慢黎。轉頭無啦啦又俾碟鴨舌黎，我哋話食咗緊係唔要啦，跟住我吔就見到老細面黑黑衝咗出黎一路啤住我哋一路同佢d員工訓話。
食完d頭盤，等咗一陣就上羔蟹炒年糕(唔知點解d份量同兩個人差唔多)，唔駛一陣已經俾我哋掃清，跟手黎個魚湯絲瓜，因為每道菜黎得太慢同埋見隔離枱己經食咗好多海鮮，而我哋淨係食咗一個蟹。催催d侍應，無厘頭咁快就俾個湯黎，跟手黎個蒜蓉多士伴莆汁，再黎個好鞋既豉汁雞同雞肉串燒。
見周圍枱枱已經食咗煎封魚腩、蒸青口、蒸魚胶、炒蜆、瀨尿蝦，我哋就黎埋d騎騎呢呢唔係海鮮既菜式，淨係食咗蟹，問多兩問先再黎碟瀨尿蝦。等我以為海鮮陸續有黎之際上咗個排骨蒸河粉(我哋上幾次食都係開邊蝦蒸飯，同埋當時附近幾枱都係食緊開邊蝦蒸飯)，我已經覺得怪怪哋，點知轉頭仲送埋個壽包黎。
我即刻搵個相熟侍應問問，佢問我哋有咩未食?(鬼知咩未食，都冇餐版)我哋唯有話同其他枱相比有好多樣海鮮未食呀。過咗一陣，老細又氣沖沖咁行埋我旁邊態度好差咁同我講：「先生，私房菜係咁架！枱枱都唔同，你唔可以比較架！」
佢咁講簡直侮辱我智慧呀，你估我第一次黎食咩，雖然次次有少少唔同，但係基本有咩食我心裡有數。
我都唔想侍熟買熟，只有好平靜咁同佢講：「我知有機會唔同，但係而家問題係我有既人地枱枱都有，人地枱枱都有既我哋冇喎！如果你話我係因為食咗d咩蒜蓉多士呀、串燒呀，所以冇哂d海鮮，ok，我俾返果d錢你囉！」
跟住佢就九唔搭八話：「你頭先同我伙計話冇鴨舌，佢補返俾你都俾我鬧到死」我心諗有咩關係，同埋我都唔係話冇鴨舌。跟住佢就唔知做乜咁收銀處水吧兩邊走，一路走一路大大聲對住我哋果枱,不斷重覆講：「私房菜係咁，枱枱食d野唔同」「唔好嘈啦！嘈黎為乜！而家整俾你食啦！」d語氣好似講到我哋無理取鬧，貪著數咁，但係最後都係俾多個魚腩我哋姐，食到唔天吊一肚氣誠為$650。
間野我食過好多次都冇問題，唔知今次做乜鬼，好多人都話老細有少少情緒化，可能今次撞啱佢心情唔好啦。而家都仲好想約朋友去食，因為佢d野真係好食，但係條氣又顬住，無理由俾老細咁樣話法都再去食咁死狗架！
唉﹐希望過多一排，等件事丟淡咗先再去啦
張貼