魔膳廚房 (已結業)

同朋友相約喺觀塘區整蛋糕, 早咗到便喺附近揀間餐廳食晚餐.由鱷魚恤中心行落來, 行咗2步見到標榜佔4千多呎空間嘅餐廳, 樓梯2旁都掛滿了小油畫, 餐廳內也掛了不小大油畫, 用心裝飾令整體印象加分.整蛋糕會做到好夜, 所以叫咗 “  二人行大蝦和牛套餐” $398, 食豪佢.是日餐湯, 南瓜湯同羅宋湯, SIDE DISH – 法式焗釀田螺, 田螺都算大隻, 最好味個汁配上滑滑嘅薯蓉, 3樣一次過放入口, 真的回味無窮.MAIN COURSES (1) – 扒大虎蝦配龍蝦汁扁意粉 大蝦肉質夠爽, 龍蝦汁內加少少茄汁中和咗, 令一般龍蝦汁過咸嘅問題解決了, 又不失龍蝦汁嘅味道.MAIN COURSES (2) – 極上和牛漢堡配薯角,薯角香脆, 包皮外脆內軟, 仲夾有生菜蕃茄煙肉, 主角和牛漢堡滿滿肉汁仲有濃郁嘅牛肉味, 跟上一道嘅扁意粉食法完全不一樣, 一個文靜, 一個豪邁.新張期內只有加$1嘅小食, 我地試咗”糯米釀香辣雞翼(2隻)”, 辣味夠, 好抵食.最後仲每人一件蛋糕, 配上咖啡, 見仲有少少時間, 我地2個可以慢慢傾完先去上堂.

呢個位於觀塘工廈嘅魔膳廚房之前已經同老婆食過一次，晚餐價錢相宜而且質素唔錯，係FACEBOOK見到呢度新推出左花藝甜品，賣相非常吸引，今晚收工係地鐵站JOIN埋老婆一齊去試下。😙魔膳廚房雖然係工廈入面，不過非常近地鐵站，由觀塘地鐵站B2出口一出行兩步就到，餐廳裝修好符合店名主題，門面感覺有少少似電影入面嘅魔幻森林，餐廳面積好大，樓底好高，牆身掛了多幅有趣動物掛畫，時尚又有格調。中間位置擺放左自助沙律BAR，但由於餐廳面積大，而且座位寬闊，整體感覺好舒適。👍除左普通晚餐SET之外，另有5款優惠晚餐選擇，價錢由$98至$168，包括餐湯、餐包、主菜同餐飲，我地點左兩個優惠晚餐，另外當然加左花藝甜品晚後食啦。餐湯我地揀左一個雜菜湯、一個忌廉湯，味道正常，不過唔算好突出，反而熱騰騰嘅餐包皮脆之餘又鬆軟。西班牙火腿蝦球扁意粉 $128西班牙風乾火腿我地就食得多，用黎煮意粉嘅火腿我地都係第一次食，火腿軟腍多汁而且油香都好豐富，扁意粉富有彈性，配上微辣嘅調味，味道清爽醒胃。😋美國醬燒BBQ豬肋骨 $138呢個豬肋骨我地已經係第二次食，肉質鮮嫩，而且好大份，兩個人SHARE都好夠食，呢個價錢相當超值。

閨蜜生日，當然要帶她去食好野，俾一個難忘的生日給她。今晚去左觀塘接她放工，之後帶她去「魔膳廚房」食生日飯，呢度除咗環境浪漫舒適之外，食物質素亦非常高，價錢仲好實惠，係一間高CP值的餐廳。餐廳門口是一幅花牆，好似進入秘密花園，餐廳內非寬闊，座位之間唔會太迫，仲有幾張吧枱式的長餐枱，令客人可以於一個浪漫的環境之下品嚐美食。食物方面有好多選擇，除咗單點之外，仲有多款的set dinner 俾客人選擇～而且新張期內光顧set dinner仲可以加一蚊多一款小食或者甜品添，認真抵食！我哋一人點左一個set dinner，另外用咗加一蚊的優惠點左兩款小食～跟餐中有餐包同餐湯，呢度嘅餐包自家製新鮮製作，熱哄哄非常鬆軟，包入面仲有果仁添；餐湯有紅白湯選擇，我哋選擇咗白湯，周打蜆忌廉湯，好稠濃入囗creamy，仲有粒粒嘅蜆肉～加一蚊嘅小食，帕爾瑪火腿配哈蜜瓜，火腿淡淡嘅鹹香配埋鮮甜嘅哈密瓜非常夾～糯米釀香辣雞翼，雞翼香脆可口，仲非常細心拆咗骨，糯米煙靭，美味嘅辣味，野味十足，食一隻有啲唔夠喉～主角出場啦！徳國吼原隻豬手配薯角跟黑椒汁份量驚人，足夠3個人食，大大隻豬手外皮香脆、中間脂肪部份膠質重非常Q彈，

行過觀塘 見到幾得意 入去試下先黎個南瓜湯同包 熱呼呼的 又香又濃漢堡包配薯角 好香口 個醬真夾西西厘大蝦意粉 個汁幾出色兩件cake as dessert 個朱古力蛋糕特好還有兩款茶 清香消膩值得再來~

星期一的Monday blues，還是要用美食舒緩。選擇了鄰近觀塘apm的>>>魔膳廚房<<<。 環境寬敞，也是另一讓人心境舒暢的因素。一月尾還會見到聖誕裝飾，有夠神奇。 晚市優惠限定相當吸引，也就無需多想，直接落單。 先是餐包及餐湯。餐湯可選雜菜湯或忌廉湯，揀前者好處是茄香吸引，藉此多吸收纖維，維持腸道健康。 餐包暖烘烘，軟綿綿。 主菜是香煎深海石斑配薯蓉跟蔬菜汁(HKD138)，賣相精緻，但份量不小巧也不取巧，並非靠擺盤製造錯覺，而是實實在在的兩塊石斑喲。石斑香味不錯，然而入口味道相對較淡，要以蔬菜汁好好調味。薯蓉分量十足，有夠飽肚。 餐茶是水果紅茶，這杯是芒果士多啤梨， 原個茶包奉上，濃濃水果香氣，讓人滿心歡喜。

天氣凍凍地去食大餐真係最開心，雖然餐廳係工業區，但平時經過都好想試下，因為地下有一條樓梯通往二樓，裝修得好整潔舒服，牆邊掛了一幅幅畫，好像想將我吸引入去，哈哈！其實最吸引之處係餐廳地點太方便了，又近商場又近地鐵站。店內的裝修很舒服，坐位超多，好適合同三五知己晚飯兼談心。餐牌上真的很多選擇，樣樣都吸引，最後決定選擇了＂二人行大蝦和牛套餐＂＂南瓜湯＂係我喜歡的那種，南瓜味好濃，又香又滑。＂法式焗釀田螺＂也是我至愛，田螺肉好大粒，而且焗薯蓉上面的調味醬汁有種肉汁味，味道很配。＂扒大虎蝦配龍蝦汁扁意粉＂虎蝦好鮮好彈牙，雖然是龍蝦汁，但蕃茄的味道也很特出，混合在意粉一起吃，味道又不錯。＂極上和牛漢堡配薯角＂和牛漢堡好多肉汁，軟得來有肉質口感；麵包面乾身香口，但麵包質感仍是軟；薯角很香脆帶點鹹味，正！＂TIRAMISU＂這個甜品有好香濃的咖啡味，甜甜地軟軟地，入口很滋味。＂熱玫瑰蜜花茶＂好香花味，甜蜜蜜，好滋潤。另外再加了一個＂魔膳小食拼盤＂樣樣都有，炸春卷入面有蝦肉，很彈很鮮甜；脆炸洋葱圈，很香脆，鹹鹹地又有洋葱甜味；炸紫薯餅，軟心好食，還有炸咖哩角、炸魚條；全部即製即食，都很香脆。

據聞觀塘工廈區好多好野食, 就決定入黎尋下寶, 發掘下d 新奇美食喺附近d '二拉架' 見到呢一間西餐, 上黎試試先一開lift 門, 個感覺就係非常隱世呀一推門入去完全係surprising, 裝修好靚好寬敞, 坐低歎美食一流二人餐份量感覺有d 多, 再睇下d 一人dinner set 先一人set 選擇更多唔係食肉獸既朋友亦都可以揀意大利飯, 意粉先來飲個忌廉湯暖暖胃先, 有香草碎喺面能夠吊起個湯既甜味食個暖笠笠既餐包好大杯凍檸茶呀呢個碎黑椒好方便, 一按即有西冷牛扒黎喇8安士份量絕對唔少架唔想食太生, 所以揀左七成熟, 仍然保留左鮮肉味最後食埋隻芝士煙肉焗蘑菇, 好juicy

今晚同老公去觀塘廣場購物，買完野諗住去觀塘APM食晚餐，老公話我倆冇預先訂位，今日係星期六，食肆一定大排長龍，老公建議係觀塘廣場附近尋覓餐廳，我非常同意，於是係附近行了一圈，發覺開源道其實有很多食肆，就在云云眾多餐廳中，找到一間叫~魔膳廚房，我同老公被它的大型餐牌及著燈的箭咀指示所吸引，於是我倆順著樓梯上到餐廳，發現門口裝潢別具匠心，樓梯兩側掛滿圖畫，而且餐廳內裡地方寬敞，燈光柔和，播放着輕鬆音樂，令人有一種舒服自在的感覺。這裡既餐牌很別緻，係用一牌小型木板製作，繫上各款dinner set 及 drink list 既顏色紙張，令人目不轉睛的。首先先來餐湯及餐包，羅宋湯酸酸甜甜，微辣，配合大量蔬菜，完全啱晒我同老公既口味，餐包熱辣辣的送到我俩面前，搽上牛油後，吃着這個中間夾着一塊厚半溶牛油既餐包，份外滋味。之後主菜陸續送上，龍蝦汁海鮮意粉($168)~每條意粉完全吸收了又香又濃既龍蝦汁，而且有多款海鮮，例如有青口、魷魚，尤其大蝦肉質爽甜，令人大快朵頤。香煎帶子黑松露意大利飯($168) ~ 帶子煎得夠香，鮮甜味美，意大利飯煮得夠軟身， 好creamy，加入黑松露醬及雜菌,口感非常豐富

今天又在觀塘附近出沒，老公說在這間餐廳吃過午餐，覺得還不錯，所以帶我上去試試。餐廳在二樓，可以上一層樓梯，或者坐電梯上去，大廈的電梯是舊式的，要手動的。餐廳頗寬敞，而且還保留著聖誕的裝飾。點午餐可以加$20便可以享用任食沙律吧，因為午餐已包括餐包，餐湯及餐飲，所以沒有加到。而且不用加一服務呢！餐湯點了周打蜆湯，有蜆，洋蔥及薯仔粒。我點了個蒜香欖油蜆肉意粉，除了蜆肉，還有帶子粒，蝦乾仔，露筍，番茄仔，紅椒 ，蒜片等，超多配料配上乾身的意粉。老公點了香煎美國西冷8oz配薯菜跟黑椒汁，5成熟，煎完有橫紋，香口。薯角熱辣辣，好香脆。加了糯米釀香辣雞翼呢！星期六的下午，可以吃一件蛋糕，配上一杯咖啡，好寫意呢！

跟好久沒見的好姊妹見面、一定要選一間坐得舒適闊落的餐廳聊個整個晚上。第一次來魔膳廚房、地方敞大、中間設有自助沙律吧。晚餐有主菜、湯、餐包、飲品。餐包暖暖的又軟熟、用來配羅宋湯一流。香煎帶子黑松露意大利飯 $168一送上傳來陣陣黑松露香氣、帶子煎香大粒飽滿、意大利飯好creamy、芝士跟黑松露夾在一起味道濃郁、很不錯呢。意式蟹籽卡邦尼 $98同樣香滑creamy 的carbonara、意粉算滑溜、但畢竟吃罷意大利飯後再吃這個感覺有點膩。下次還是點一個忌廉汁、一個茄汁/香蒜什麼的比較合適。熱蘋果紅茶是普通茶包、味道偏淡。不過整體來說、這裡食物質素還是不錯、亦是跟朋友聚餐的好地方。

同友人係呢頭整完頭髮岩岩好又到開餐時間, 行過去工廠區實搵到野食, 呢間西餐廳係門口有侍應積極落力推介, 一於試下!行上樓睇就見到餐廳面積寬敞, 入座率都有七成, 裝飾走簡約工業風打開餐牌有幾款晚市套餐供應, 價錢都幾大眾化唔想諗太多就叫套餐, 包餐湯及餐飽, 另加$38 就可以有自助任食沙律吧, 胃口唔太大, 無要自助沙律!同友人分別點左紅白湯, 友人話個白湯係忌廉磨菇湯, 湯底夠杰身及好香菇味, 唔錯; 而我個紅湯就偏甜左少許!  個餐飽夠熱, 外脆內煙韌, 有驚喜呀!係個超值套餐裏點了呢個意式蟹籽卡邦尼 ($98)一客份量都唔少, 碟夠深, 香滑忌廉汁包住每條有口感意粉, 配料有菇粒及煙肉片, 煙肉片唔太肥亦唔會過咸, 意粉配上脆口蟹籽口感幾過癮!另一客主菜係紐西蘭頂級西冷牛扒(8安士)($198)點左七成熟, 份量幾對眼, 唔會有條肥膏"痴"住切開仲見到微紅色, 咬落肉汁仍有, 有少少嚼口, 肉味可以!新張期內, 惠顧套餐加$1可以多一款小食/甜品我地點了呢客糯米釀香辣鷄翼 (2隻)熱辣辣上枱, 咬落漲卜卜既鷄翼入面係有糯米飯, 煙韌感十足, 話就係香辣鷄翼, 但味道唔辣, 反

I was walking along Kwun Tong area, looking for what to eat during lunch. As i walked past Yip Fat building, there was a staff recommending their lunch set outside the building. Since their menu looked quite attractive, I gave them a try. MS kitchen was located at Yip Fat building, just couple of minutes walk from Kwun Tong MTR.Their lunch set was divided into 2 parts: one during Monday, Wed & Fri while the other was during Tue and Thurs. Their lunch set included soup, bun and drinks as well. Th

星期六放工又相約我條佬黎官唐lunch，經過見到大廈鐵閘貼住大大塊Lunch set menu，我地就停低腳步睇下👀 望落款式都幾吸引，就決定喺呢度食⋯⋯ 準備入去之際，原來係要行一層樓梯，沿路有不少裝飾添，好有心思環境非常寬敞，空間感十足！旁邊係沙律吧～Lunch Set 包餐包餐湯餐飲，重可以加$20 享用任食沙律吧，另外重可以加錢追加小食 & 轉其他飲品⋯⋯選擇蠻多！ 不過我地食量不大，所以就無加到沙律吧同小食嚕～ 只係加$3轉凍檸蜜同加$10轉Ice Mocha餐湯分別係雜菜湯同甘筍忌廉湯，重有暖笠笠又鬆軟的餐包，中間重有提子粒架！正吖～龍蝦汁露筍海鮮意大利飯材料相當豐富！賣相吸引！鮮甜既青口，魷魚、爽彈有口感既大蝦，重有不少蜆肉混合喺意大利飯中，每一啖都好滿足啊安格斯牛仔骨配日式燒汁跟飯一出場己經香噴噴，牛仔骨好大塊！肉厚鮮嫩，好有咬口，配燒汁更加香口惹味，撈飯岩曬！重有蔬菜伴碟，健康有益又可以減低油膩感呢個Lunch set 份量大之餘又有水準，員工又有禮貌，下次一定會再黎～

星期一的中午,和同事去了觀塘開會後, 順道去吃埋LUNCH就返公司。同事好醒目知道2點後入去有8折，仲有LUNCH係免加一。能夠避開中午最繁忙的時間。觀塘真的很多人, 所以食肆的要求性好大。「魔膳廚房」去過幾次，食物質素都好好，上次和小學同學聚會, 仲有間房比我地。加上鄰近APM, 我地係APM行一陣就可以係向鱷魚裇大廈的電梯落去，然後轉左，不到1分鐘就到！ 上到去2點多，已經坐滿8成，原來除左我地都有不少人選擇2點後黎食，8折真係好吸引。LUNCH SET分開星期一,三,五及星期二,四兩類。每一類有11款, 價錢由$63起, 已經包括 : 餐湯, 餐包及飲品。免費飲品除檸茶檸水外, 還可以有百事, 七喜, 伯爵茶或水果紅茶。另加$3或$5已經有特飲。還有一入餐廳已經見到有自助沙律吧，每人加$20可以任食。我和同事都係沙律愛好者，一於去食埋先。我和同事最後揀左：美國醬燒BBQ豬肋骨配薯角 $88蒜香欖油蜆肉太子貝意粉 $68任食自助沙律 $20磨菇湯及雜菜湯磨菇湯充滿磨菇粒，入口香滑，好味道。雜菜湯味道不錯, 紅蘿蔔也不少麵包麵包送上黎是暖烘烘，新鮮軟熟，真係好想食多個。自助沙律自助沙