高知駅

營業中

休息中

朋友話有同事推介佢，中環嘉咸街有間居酒屋唔錯，咁就約我一齊去食。餐廳地方唔大，但服務員好nice，老板係日本人，會細心為客人推介食物。雖然餐廳有多款日本酒，但可惜我同朋友都係唔飲酒之人！老板首先推介我哋食鮟康魚肝奈良漬同鰹魚他他，將魚肝同鰹魚他他搽上青瓜上食，味道非常特出，鮮味提升，如用來佐酒就好夾。鐵板芝士炒蛋，服務員在客人面前將蛋倒落煎pan再落鰹魚汁，加上芝士同葱，令到蛋食起上來有拉絲的口感，真的唔錯。螢光魷魚串，用好細細隻的魷魚仔串燒成，係我第一次食咁細隻，肉質juicy幾好味！鰹魚半烤燒，廚師在店內用草薰燒鰹魚，令到本身鮮甜味十足的鰹魚增加了煙薰味，係餐廳主打菜之一。最後係北海道海膽意大利扁麵，不單海膽好味，仲有每條麵都掛住濃濃的海膽味，估唔到係香港都可以食到好有日本 feel 的食物。整體食物質數高，結賬大約六百多元！非常抵食，朋友真係冇介紹錯！

好中意喺soho 一帶搵食，呢間店主打高知產食材，店子唔大不過幾有氣氛～ 最強 Lemon SourLemon sour 都幾款，就試下最勁既～ 一杯差唔多有成個檸檬，勁醒胃！ 電氣Bran High Ball係來淺草既一款brandy，係店家引入所以暫時得呢度飲到。鰹魚半敲燒點少得高知名物，師傅即場用稻草燒鰹魚，熊熊烈火好有氣氛！鰹魚表面輕輕烤至3分熟，逼出表面的魚油，帶點油香又不會太膩，而且還送來微微的草香氣，食時加上洋蔥、柚子汁、薑蓉～ 鰹魚他他魚味鮮濃拌勻香蔥醬油，更有風味層次感鮟康魚肝奈良漬魚肝軟綿，加埋青瓜一齊食勁fresh 長芋山葵漬有wasabi 既辛香，又有鹽漬過咸咸地既味道，口感黏黏爽爽！ 螢光魷魚串串燒會放喺小蠟燭上熱住～平時多數係冷盤既螢光魷魚熱食魷魚鮮味更濃日本黑豚腩肉串鹽燒五花腩肉質爽嫩帶油香，佐酒一流！

讚1 好有日本氣氛 近半客人都係日本人2 部份嘢食係幾好味 燒鰹魚好夠魚味 炸可樂餅外皮夠脆 餡料夠奶滑而幼膩3 日本侍應定老闆好識介紹食物彈1 價錢貴 啤酒貴 六舊水係唔飽既 好似食左頭盤咁

早幾天睇咗個影片分享網站Channel介紹依間日本餐廳，特意來同老公試吓。結果係大部份嘢都得個鹹字！帶子完全冇鮮味，鮟鱇魚乾鹹到暈，海膽pasta完全冇海膽味，得海膽顏色，好似加咗色素！全部串燒燒到好乾，雞胸軟骨串，軟骨大到嚇死人！全晚最正常就係杯生啤。兩個人食咗五百幾，唔算太貴，但份量好少，但因為太難食，唔敢再嗌任何嘢，埋單後去咗附近買咗個Pizza返屋企。店內裝修幾有特色，同埋有個日本人招呼，但食物真係唔得！

店面唔算好大 只有4-5張枱但係環境唔迫 坐得好舒服店長係日本人 好親切咁樣介紹每一碟菜嘅特色話梅水果茄🤩🤩 ($58)蕃茄用咗柚子汁漬好入味 酸酸甜甜好開胃香辣鰹魚片伴牛油果🤩🤩 ($98)鰹魚半敲燒🤩🤩 ($128)高知縣嘅美食 一定唔可以唔提鰹魚正宗嘅做法就係要用稻草燒烤 店員會喺吧枱即叫即燒有好香嘅煙熏味牛油煮硯🤩🤩 ($68)硯全部大大隻好鮮甜好香牛油同蒜頭味串燒: 黑豚腩肉串($38) 雞肝($38) 虎蝦($98)🤩🤩 黑豚腩肉串 - 用鹽燒 唔會燒到乾柴柴 係好juicy同食到豬肉香雞肝 - 用醬燒 醬汁偏甜 但調味啱啱好唔會太重口味

<中環高質高知県居酒屋>🤩這間位於中環既居酒居, 係以日本四國高知県既美食為主打, 每一道菜都十分精緻特別, 絕對有別於其他居酒屋😋必食推介高知県特產😍 稻草燻烤鏗魚{$128}😋 專人係你面前燒👍厚切一塊塊魚肉, 入口有燻烤過的特別口感香味. 魚鮮加焦香味, 入口一試難忘.<香辣鰹魚片伴牛油果>{98}😋 另一種食法, 以刺身凍身再夾埋牛油果一齊食, 別有一番更鮮甜口感.<金宮燒酎汁浸帆立貝> {$88}😋 鮮甜帆立貝, 再有蕃茄片, 連埋酸甜開胃汁, 正呀!<虎蝦> {$98}🤩 係我近期食過最好味既烤蝦, 熱辣辣脆卜卜, 入口仍然有好香既蝦膏味, yummy!<蛤蜊> {$68}😋 用以牛油煮, 大大隻而且份量多, 絕對係性價比高.食左咁多佐酒美食, 點可以冇酒呢😍 來自高知既<鳴子舞 深海酒> {$280 / 300ml} , 入口芳香清純.值得回頭再試. 餐廳更有

雖然這是一間細小的居酒屋，但裝潢非常有日本feel，絕對沒有侷促的感覺！原來店後面還有一個開放空間，最適宜用來開party!日本酒：文佳人純米吟釀（$300）高知駅釀製的清酒，帶點果香，非常易入口。前菜：榨菜漬($28) - 唔辣又爽口。串燒： 鷄腎串 、鷄尾串、日本鷄肝師傅燒烤得恰到好處，最喜歡鷄尾串，鷄尾嫩滑又帶點油香，餐廳又為每枱客人準備一個爐仔來保温串燒，非常體貼，值得一讚！👍稻草熏烤鰹魚Bonito Tataki ($128）唔好錯過食鰹魚，因為係高知縣特產，師傅用稻草煙熏鰹魚，鰹魚除咗加添煙熏香味，還能保存到魚肉嫩滑！油甘魚琉球（$88）來自沖繩島的油甘魚，預先要浸係醬汁一會，然後才切開，厚切有口感，非常鮮味。金宮燒酎汁浸帆立貝（$88）帆立貝首先也是用金宮燒酎浸過，中間夾雜著蕃茄，酸酸甜甜好開胃。我哋兩個係「問題女子」😜😜，但日本經理非常有耐性講解每一道菜色做法和特色，今晚除咗食到美味的食物，還可以增加知識添！

店面已很吸睛,內裡前舖有四張枱及吧枱,後舖露天還有多張小食企位高枱,很有風味。日籍店員精通英語和粵語,而且態度親切,殷勤地介紹各式食品的做法和來源,當然來居酒屋自然要飲酒,各叫了梅酒和大大杯High Ball。前菜很特別炸菜漬物,串燒就叫了雞腎、雞皮和雞肝,都很惹味,魚生店員就推薦厚切油甘魚和甚有特色的金宮燒酎汁浸薄切帆立貝,好鮮味而且份量也不少,更有飛機貨白珠牡蠣,當然必試,廚師即席汁燒上枱很鮮味,之後餐廳音樂突然轉為地道鼓樂且加大音量,原來廚師即席表演稻草熏烤鰹魚,頓時全場香氣撲鼻,上枱的厚切鰹魚配乾蔥蒜泥及沾上柚子汁,實在超正,好一頓充滿純正日式氣氛的居酒屋。

高知駅 餐廳中環蘇豪嘉咸街46號地下G/F, 46 Graham Street, Soho, Central新開的居酒屋呢, 門口刻意的雜亂在中環多是靚妝餐廳形成了一個強烈的對比。每發現新餐廳, 都會想先人一步去試詆水準。串燒有個爐一路保持溫度。燒大蝦，大隻肉質彈牙哦，去掉蝦腸位置抹上了蒜汁來調味。燒豚肉大蔥，油香豐富。中，用了黑胡椒調味冷盤蕃茄加話梅汁，去了皮，吸了酸酸甜甜架梅香，好多汁juicy 雞肝刷了層燒醬汁，好粉好食鏗魚salad ，炙燒了面層，加牛油果同淋上醬汁辣辣地，問了是泡菜蜜糖汁，鏗魚食落質地結實，有咬口。牛油洋蔥麵豉湯煮蜆，好重牛油香，一吃愛上牛油濃郁的湯另一道是煙燻鏗魚，也是出名的菜式之一。蘸酸汁享用，同平時食刺身的體會分別好大的。見到佢成條魚肉串起燒，陣香味即傳到成餐廳每個角落，燒到表面熟，1成熟中間仍是刺身。Highball ,是日本whisky 加冰

好耐無去過日本，好掛住日本居酒屋… 老公同事介紹完全有日本feel居酒屋，連侍應都係日本人識講中文，仲見有日本人常客入去店內濃厚日本居酒屋色彩，似高知縣做主題，每晚師父示範傳統烤高知最有名 - 鰹魚，一邊飲酒一邊欣賞黑板寫上是日精選，經常會轉每次都要望一望，待應非常friendly會介紹有咩新鮮貨到店內有outdoor，壁畫畫上高知縣名物，高知城、桂濱、弘人市場、坂本龍馬….前菜炸菜漬中國炸菜食得多，第一次食日本炸菜，店員介紹前菜漬都係日本婆婆醃製送到香港，本店獨有！炸菜漬入口唔咸，似新鮮泡菜，雖然醃製，但入口仍然食到菜本身爽甜電氣Bran High Ball店員介紹電氣Bran High Ball，用日本電氣白蘭 (Denki Bran) 加梳打，微微焦糖味道鳴子舞高知出產清酒「鳴子舞」入口好醇清爽，唔辛口，好適合女仔飲牛油果蟹肉沙律見到一梳梳蟹肉加埋牛油果同清新青瓜，作為前菜又清新又鮮甜，上面仲有魚子同蟹子加添幾分鮮味稻草熏烤鰹魚 Bonito Tataki鰹魚係高知縣特產，用傳統嘅方法稻草熏烤，外層熏過，內面肉質仍然保持鮮嫩，夾旁邊茗荷絲、炸大蔥一齊食，呢個食法香港少有，唔駛去到

朋友又有好介紹，趁著星期五心情靚靚去拜訪，近 Soho 呢間高知駅。日本人做經理，廣東話口音未正。佢非常熱情介紹食物，我接受了佢嘅建議，先點了電氣 Bran High Ball，因為特別，混合了威士忌及大量香料，比一般 highball 無咁濃，冇咁辣，我覺得配串燒非常啱。同伴嗰一杯係男梅酒，非常濃郁的紫蘇葉香，味道甜美，好飲。先講重點稻草燻烤鰹魚，喺香港真係唔見有第二間做，用正宗日本稻草，明火在面前燒烤，等於表演一樣，聞到香噴噴的煙熏味，真係冇理由唔點，一各四片，都只不過係$128，完全唔貴，味道非常特別，極之香，軟林林的質地，完全冇鰹魚一般的腥味。仲食咗兩款鰹魚菜式，鰹魚他他，混合了高知農作物之一的青蔥，夾埋啲洋蔥絲及薑絲食，幾好味！香辣鰹魚片半牛油果，配搭唔同，呢款有啖啖肉口感，另一風味。串燒食咗三款雞尾串肥嘟嘟，日本雞肝非常香，雞胸軟骨串極爽，剛好坐吧枱看着面前燒烤，每台客人都有一個爐仔放串燒保溫，好細心，燒得好好。鐵板芝士炒蛋，在面前混合日本蛋、蔥及木魚，而之前雞蛋已加了味醂、水及豉油調味，芝香加蛋香，食得滿足。魚香辣雞翼，非常酥脆。員工很有禮貌，店子雖然細細，但佈置得很有氣

朋友👱🏻‍♀️知道我鍾意食日本🇯🇵料理，每發現有好嘅日本🇯🇵餐廳🍴都會介紹俾我，呢次佢👱🏻‍♀️仲叫埋我一齊去添，咁我就梗係開心出席啦🤩餐廳名字叫「高知駅」，多年前去過 高知，不過就唔太熟悉 高知 有乜嘢美食😅，呢日終於飛雲嚟啦 🤩，我哋一邊食，餐廳總廚 同 日籍員工 經常為我哋介紹，等我哋知多啲👍，餐廳多使用產地直送形式購買，可以買到好多特別又新鮮嘅食材🤩$240「金紋世界鷹 純米吟醸 300ml」：係「小山本家酒造」嘅產品，淡麗辛口型，有清爽口感同果香，非常容易入口，有頗長嘅 aftertaste😋$28「開胃菜 Starter」：係「漬榨菜」（ザーサイ、漬物の搾菜），一啲都唔辣，味清、口感爽脆😋，幾特別🤩$88「油甘魚琉球」：呢個係時令菜式，「油甘魚」非常普遍，呢個「油甘魚琉球」就油份極充足但係又唔膩，甘甜鮮味😋$68「牛油果蟹籽沙拉」：牛油果🥑加蟹籽加大量蛋黃醬造成嘅沙律🥗，簡單好味😆$68「白酒牛油蛤蜊 Clams」：蛤蜊好肥美，每一隻都幾乎填滿個殼，用白酒牛油煮增添香味😋$128 「吞拿魚尾扒」：呢個「吞拿魚尾巴」形狀係一個大圓圈，好似一隻巨型啡菇咁🤩；魚皮燒到脆脆哋仲有少少c

店內麻雀雖少卻五臟俱全 菜式用上地道的高知縣材料 侍應會在現場介紹每道菜式 誠意滿滿 感覺到這裡的菜式都是用心之作.日本高知縣面向太平洋而盛產豐富的海鮮料理 其中鰹魚產量更居日本之冠 提到高知鄉土料理 熏烤鰹魚更被視為高知縣的靈魂美食 稻草大火高溫將表面炙烤成半熟 與赤身軟腍的魚肉交織出外酥內嫩的口感 稻草煙薰時更為鰹魚增添一股煙燻風味🐟.鮟康魚肝奈良漬於坊間居酒屋較少見 鮟康魚肝調味得宜且口感順滑 搭配清新的青瓜片 能中和濃烈的魚乾味道 另外也很喜愛手作免治雞肉蓋 市面大多是月見雞肉棒 以雞肉餅呈現的相對較少 焦脆的雞軟骨串混合金黃色的蛋黃 咬下去雞肉及雞軟骨的比例恰到好處 滋味可口🍳.小店坐落於中環嘉咸街的斜路上 幾張木枱十多個坐位 配以牆上一些日本海報 頗地道的日式風味 放工後想與朋友小酌一番 這間居酒屋會是不錯的選擇🍶

星期五一定要食好D! 🥰 同朋友本身想食其他野 但無哂位 見到有間裝修好日式既居酒屋 決定去試試!雞頸肉串 ($19)日本黑豚腩肉串 ($38)去居酒屋又點可以唔叫串燒呢! 大推腩肉串!! 肥瘦適中 好適合送酒!鮟康魚肝奈良漬 ($58)鮟康魚肝好特別! 平時食既係硬既一塊塊魚肝, 但呢度係將佢打成蓉 再撈埋奈良漬 好有口感!! 😍 同埋配左青瓜來食 好解膩! 稻草燻烤鰹魚($128)呢個係高知既名物! 廚師用燒稻草的煙慢慢煙燻鰹魚肉 再放人冰水緊實肉質 食個陣可以加上蒜 蔥 去除腥 大推點酸汁食 !! 好提鮮 未試過既一定要試下! 🌟話梅水果茄 ($58)金宮燒酌汁浸帆立貝 ($88)柚子魚生沙律 ($98)高知料理中意用水果入饌 所以我地叫左3款都係有水果係入面既! 魚生沙律用左高知既柚子 配埋幾款魚生 魚子同埋帶子 酸酸甜甜 做starters岩哂! 😋文佳人 純米吟釀 ($300)呢個係高知縣釀造既清酒 好易入口 有少少熱帶水果既香甜 輕鬆就KO一支! 🤣餐廳仲無限時 可以慢慢坐慢慢食慢慢傾計 好正!! 😍

等朋友喺中環放工，朋友介紹話呢間居酒屋d野食好唔錯，於是今晚決定去呢間日本居酒屋食dinner。一入到去日本老板好熱情，介紹特色野食比我地，我地就叫咗幾招牌菜。先黎一個開胃菜先，野菜燉牛舌，燉得好淋好入味。燒虎蝦， 蒜蓉汁同呢間店嘅特制汁，蝦殼燒到脆卜卜，好香蝦味，個汁同蝦都非常夾。鰹魚他他，係用大蔥，明河，味噌，醬油一齊撈埋食，好fresh,好青新。燒日本播磨白珠牡蠣，師傅用話清酒同自家制浜燒汁一齊燒，隻蠔非常肥美，好鮮甜，配埋個汁都好惹味。稻草熏烤鰹魚，師傅係用日本稻草燒再煙熏一下，老板話同埋大蒜絲夾埋燒堅魚一齊食，點埋佢地嘅秘制醬汁，鰹魚外面熏得好香，鰹魚非常新鮮，都係第1次食，非常唔錯。去居酒屋唔少得叫d酒飲吓，我比較鍾意飲甜d嘅酒，就叫咗白桃濁酒，好香白桃味，酒精濃度唔算太高，好啱女仔飲。