驚安燒肉商店

營業中

休息中

見到餐廳新張期間做緊午市七折，即刻約埋一班老友一齊食燒肉🤩 燒肉就梗係要配生啤㗎啦！而家啤酒仲做緊買一送一非常之抵！餐廳通風做得幾好，食完都唔會話成身一陣味😊 一行四人叫咗好多款嘢食，最深刻嗰幾樣分別係-九宮格燒肉盛盒 $288一次過滿足晒你九個願望! 牛肉非常入味，唔使額外點醬食都好得! 唯一可以改善嘅地方就係如果有個牌仔寫返好每一種肉類係咩嚟嘅話就更加好，我哋就咁食完想encore都唔知嗰隻肉叫咩🤣-厚切牛舌 $68呢個牛舌好抵食啊！比起其他燒肉店佢嘅份量真係好多，而且厚切食落亦都非常之有口感😋-柚子漬雞肉山 $38呢個雞肉山真係性價比極高！上枱大家都哇咗一聲！$38有咁多舊雞仲要每一舊都相當嫩滑，食落亦都非常夠味，個人覺得唔需要點醬汁都已經好好食🤩

晚市堂食終於開返，當然要約返班好耐冇見既朋友見吓面，雖然分枱坐，但餐廳都好貼心咁安排大家坐鄰近既坐位☺️燒肉既夾同醬料都好足夠！ menu選擇超多，真係要一大班人先可以試得多款😬厚切牛舌。 8/10厚度適中好肥美～細細塊好易入口👍🏻蒜蓉雜菇。 8/10超級穩陣既組合！蒜蓉味好食過淨牛油燒金菇。燒淮山。 8/10耐燒，唔易燶！爽脆好食😋又健康～雞泡魚乾。 10/10十分推薦！配啤酒一流！ 好快熟好易燒～鹽味檸檬梳打。 9/10大大杯，唔會太甜又夠汽^o^雞翼。 5/10Size正常既雞中翼，都厚身，但冇味，要靠醬料調味～紫菜飯。 5/10冇咩特別嘅飯，牛角飯好食啲🙃仲有好多野未試啊！好想encore!

午市正價單點七折，好抵食。其實d肉唔係d人講到咁差。絕對對得住個價錢。今次試左，1. 九宮格牛拼盤，醃既牛太甜，其他ok ，a4和牛幾好食。2. 厚切牛舌(推介❤️❤️❤️)，完全唔韌又爽。3. 味增豬豚肉 - 本身醃左，有少少甜味，幾好食4. 黑松露雞肉 - 勁大碟，有成十舊都有，不過不失。5. a4和牛牛三角 - (推介❤️❤️) 好嫩滑，唔會太油。6.紫菜月見飯 - 甜甜地，幾好食，入面有味素同d紫菜都夠脆午市7折真係幾抵食。

本身未有尖沙咀分店嗰陣已經勁想試，拖下拖下拖到有分店😂Lunch時段有7折優惠，小編食嗰日仲要係大年初二，所以真係好抵🥰舖頭面積好大，但小編真係唔太鍾意自己嗰個位，所以環境比得較低分🥲食燒肉通常都係坐獨立一張枱/卡位，畢竟食得燒肉都會坐得耐啲想舒服啲，但個日張枱係一張大長枱，小編仲要坐正係中間，距離都幾近下，大家你眼望我眼，聽到曬隔離講乜😫.🥩九宮格燒牛盛盒唔好睇佢每款每人食得一兩片，加加埋埋都幾多下😗肉味幾重不過本身調味較淡，可以自己自行調校鹹度 😗鹹度適中的話，調起陣肉味好好食✨個厚牛舌超正！.🥩頂級牛肉眼壽喜燒牛肉質素好好，燒完好多肉汁🥳不過冇諗過壽喜燒個醬汁有黑松露，好新奇😆雖然小編都係松露愛好者，不過都係覺得最原始嘅壽喜燒最夾牛肉😌.🥩京蔥月見飯好多蔥，食完咁多肉可以refresh下🥰價錢適中不過份量偏小🍂.🍽味道: 3.3/5 🏙環境: 2/5‍👨🏼‍🍳服務: 4/5💧衛生: 3.7/5💰價錢: 3.5/5

前身係我好中意食既298 Nikuya Kitchen😭而家轉左手 #黃店 變左呢間燒肉，午市無Lunch Set架，唯有散叫，而家新開張午市全單有7折，係幾抵食既😋 不過就唔係樣樣和牛囉，另限時90分鐘九宮格燒牛盛合🐄 $288 整體所有牛都唔鞋唔韌，幾好食，每款有2至3件👍厚切牛舌腩-燒香左好爽口，my favourite😍 A4和牛- 好食Prime牛小排- 好食安格斯牛仔骨- 普通牛仔骨芫茜辣漬牛梅花- 唔覺有呢款，唔知換左咩俾我呢😂薄燒頂級肉眼- 好大塊好薄身，幾好生薑燒小牛扒- 有薑既辣味，我就唔中意薑味壼漬牛肋肉- 醃得都幾濃味，唔錯汁燒護心肉-切得好幼身，無乜口感因為太中意食牛舌，另叫左碟厚切牛舌芯 $78 有5件😋食牛梗係要配白飯，每碗$15青檸菠蘿梳打 $28 大大杯，好多菠蘿粒，好解膩🍹

終於有晚市堂食！第一晚就去食燒肉，我地四人一枱叫左好多款肉😍太多款喇我講返幾樣深刻啲既😍🔸九宮格燒肉盛盒$288相當吸引嘅九宮格，擺盤啱晒打卡😆第一次黎就梗係要試吓啦😝不過呢一路燒嘅時候有幾款都唔知係邊隻肉，如果有個牌仔寫返就好啦，好食嗰啲就再encore！印象深刻嘅有厚切牛舌腩👅質感好正👅生薑燒骰仔牛梅花同壺漬牛肋肉都好入味😋🔸特大薄切牛舌👅$68比起其他燒肉店，佢份量真係超多，好大碟，牛舌愛好姐必點！不過始終係厚切好食好多😍🔸柚子漬雞肉山$38超大份嘅雞肉山，個人覺得真係抵到癲😂我地四個人每人都食到幾舊😆雞肉相當嫩滑，唔需要點醬汁都夠味！🔸汁燒護心肉$72🔸日本A4和牛西冷$168脂肪分布幾靚😍食落好軟淋，小心唔好燒過龍啊😝🔸豪州和牛大腸$48、和牛第一個胃$48😂內臟系列，脂肪比較多，我自已就嘛嘛咁肥，試一次就夠🤣🔸紫菜月見飯🍚$28味素加咗日式醬汁同埋蛋，撈埋超好食😋比起其他日式燒肉店，今晚既燒肉相當高質，性價比超高，叫咗勁多款肉，又一人一杯嘢飲，每人大約$300，好正，呢間絕對要再嚟😝裝修又好似日本咁☺️另外要讚下店員服務好好👍🏻話說坐低無耐睇緊menu個陣，聽到隔離枱個男人好

CP值超高既人氣燒肉店🔥🔥午市做緊單點食物7折！———————————————🔻九宮格燒牛盛合 $298有9種不同味道既牛肉 當中包括A4和牛！😋入口即溶🤤其餘質素都唔錯不過其實冇個牌仔都唔係好知食緊咩肉😂**🔻和牛大腸 $48有少少un😂 勁多肥膏 好邪惡😬**🔻廣島蠔 $28蠔肉夠肥美滑溜 鮮味都夠👍🏻**🔻牛油蒜蓉雜菇 $26大量牛油蒜油浸著 夠哂香口😆**🔻牛油果黑松露沙律黑松露醋汁幾醒胃沙律菜新鮮爽甜 解膩之選👍🏻**🔻紫菜月見飯 $28有味素 紫菜同生蛋黃就咁撈勻就食得蛋黃味香滑濃郁🥰

喺度睇左食評見多個笑，仲要完全冇okay 同喊，啲嘢食圖片又十分吸引，再加上💛，就試吓佢啦!! (唔試吓又點知啱唔啱食呢可~~)⭐️環境係舒服嘅，位同位之間都闊落，滿意。⭐️上菜速度好快，工作人員都對版嘅，滿意。🌚食物呢就。。。。薄牛舌，好多塊，但係好細塊同唔易咬。。。護心肉，有食評大推，肉質係okay, 但個味好有漢陽苑的感覺🌚個馳名九宮隔其實都幾伏🌚原本諗住入面試左邊啲款係鐘意嘅會再order, 但係，試完係冇一款我哋想order返，cry....或者我哋黑仔，睇返啲相真係同其他食評嘅有啲距離吖~~個柚子雞真心唔錯，燒完都仲好嫩👍🏿👍🏿其實我哋對💛個包容程度已經係另一把尺嚟，真心希望佢有所進步。

好耐之前聽到呢間餐廳嘅名以為係已經開到周圍係嘅連鎖店，心諗應該無乜特別，’都係個啲，間間都差唔多架啦’，跟住見到佢係openrice係全好評⭐️⭐️⭐️而且仲要係💛💛💛，跟住就message佢地預約(超級爆full，想食嘅朋友仔記得早啲book~)九宮格燒牛盛合$288🍱啲牛牛望落油脂分布均勻，燒完勁重牛味之餘仲好juicy。除此之外，仲食得岀佢地落左啲生果或有果味元素嘅嘢來醃肉😋雖然我望住個list，但我都係分唔曬9格嘅😂唔知你地又得唔得呢？自信漬雞腎$15🍢唔知自信漬係咪即係店家推介嘅意思呢😂食落味道又真係幾唔錯，口感就有咬口得來唔會太爽口(你知啦，有啲會爽口到牙骹痛，更何況我箍緊牙😅)壺漬牛肋肉$88🫖我以為佢同某角一樣會原條上，但原來入面係一舊舊，方便懶人我燒完一啖食🤪食落係濃濃嘅醬汁味，食落稔稔地又唔會痴牙，very good~牛油蒜蓉金菇$26🧈燒肉點少得食牛油蒜蓉金菇，juicy有口感嘅金菇，加埋同牛油溶埋一齊嘅蒜蓉，真係又香又邪惡🤤青檸菠蘿梳打🍍燒肉嘅另一個好朋友就係有汽飲品，呢杯梳打嘅酸甜度恰到好處，而且仲有啲菠蘿果肉可以食下，真係好refreshing架😆*新張期間，午市

今日同事話想試吓呢間燒肉，話個九宮格好特別吸引。我已經提佢睇相已經feel 到唔會好食。但佢堅持要點，唯有試吓。一上枱九格內容，一睇就知道係下欄肉，九格入面只有牛舌可以，其餘八格十分之難食。成餐飯只係杯咸擰七ok.建議大家唔好去浪費金錢。其餘點食物，我覺得似漢陽苑水準。

最近社交平台流傳各種不同種類既食物關注組，意外發現呢間新開既燒肉，個個食完都讚口不絕，決定同朋友平日中午去一戰。我無訂到枱，去到都已經下午2:00，無諗過呢個鐘數都係全場爆滿，好彩我地等左10分鐘左右都安排到入座。店鋪以手機落單，主打食牛肉，牛肉款式都好多，訂價合理。加上午市有7折，呢個價錢真係非常之抵食。必嗌一定係佢地既招牌九宮格燒牛盛盒，$288。呢到一次過可以食晒9種唔同既牛肉，可以試到岩心水既再Encore。呢到大約二人份，每一款都好有驚喜。最鍾意既梗係佢既和牛啦！油脂分佈平均，肥得黎唔會膩，仲好有牛味。可惜得我地兩個女仔食，如果唔係真係一定會叫多份和牛黎Encore呀!!當中有幾款係一D醃制左既牛肉，但相對較重口味，少部份比較咸，相對失色一D。黎到我同朋友一致公認最好食既一款，就係特大薄切牛舌啦！本身諗住見抵食先叫黎食，加上一直無食過一D自己食完覺得好有驚喜既牛舌，食完呢個對牛舌真係令我完全改觀。其實本身正價$68已經好抵，再7折真係抵上加抵。呢個牛舌雖然係薄切，但味道好濃郁，一食難忘。我有時仲會幾塊疊埋一齊黎食添。另外我地仲叫左牛油雜菇、雞泡魚乾，正常發揮。另外想特別講一講

知道了激安燒肉工房在尖沙咀新開了一間姊妹分店，當然要立即去試試啦！新開的驚安燒肉商店，足足有4,000呎，而且餐牌菜式選擇更多，而價錢卻相當平民化，人均只需$2XX就已經可以食到飽，摟住個肚離開。當中的五大名物當然唔可以錯過啦！盛合、和牛、厚切我黎啦！廣島蠔(2隻)經煮熟後的廣島蠔仍然大大隻，而且蒜香味十足。厚切牛舌芯牛舌芯可自己選擇口味，我這次便先試他們的黑椒鹽口味，來到時已見非常厚身，超吸引。火炙後牛味濃郁，有彈性且軟嫩多汁，回味無窮。椒鹽燒大虎蝦名付其實的大虎蝦，足足有筷子咁長，已用竹籤串起，方便燒烤，大虎蝦入口肉質彈牙，勁厚肉，必叫之選。柚子漬雞肉山 驚安抵食就一早知嫁啦，但估唔到雞肉份量都堆到成座山咁多，而且他們自行以柚子醃製保證新鮮。名物柚子漬雞肉果然不同凡響，雞肉肉質細緻嫩滑，入口有種柚子清香感覺，非常Juicy，推介推介！九宮格燒牛盛盒來到今次來食的王牌 - 九宮格燒牛盛盒！！一來到已經心心眼，一次過便滿足了9個願望 （9款不同的牛：A4和牛三角、頂級牛小排、厚切牛舌芯、辣漬翼板肉、Prime牛肉眼、汁燒護心肉、黑毛牛仔骨、紫蘇漬一口牛梅花、一本壺漬牛肋肉，真係相當豐富

之前其實已經想去筲箕灣抵食燒肉店，見佢喺尖沙咀開左分店，仲做緊新開張午市全單7折同埋生啤買一送一優惠，機會難得即刻搵日訂位晏晝去食，天寒地凍去食燒肉。黎到必叫九宮格燒牛盛合，一次過試哂9款唔同牛嘅部位，啱哂我呢d咩都想試下又怕食唔哂嘅人，分別係A4和牛、頂級牛小排、厚切牛舌腩、Prime牛肉眼、安格斯牛仔骨、骰仔牛梅花、壺漬牛肋骨、芫茜辣漬小牛扒、汁燒護心肉，每款有兩三塊到，啱哂牛魔王呀！店員溫馨提示我地食左無調味個幾款之後先食有調味嘅。。9款之中A4和牛油脂滿滿，入口即溶😍；厚切牛舌腩肉口感爽口彈牙，無調味嘅係好食過有調味嘅。黑松露漬雞肉山份量好多，調味幾好而且舊舊都大件仲要係雞脾肉，特大薄切牛舌又係抵食之選燒整都仲有。食燒肉限時90分鐘時間啱啱好，坐位闊落食得安心，要讚下抽風系統做得幾好，食完都幾乎無咩油煙味💯店員服務態度積極有禮，不時幫我地換網，好耐無食燒肉，呢間比左我唔錯嘅用餐體驗👍🏻個日平日食晏晝都幾乎滿座，去食嘅話記住訂左位先保証有位唔洗等😉

餐廳：驚安燒肉商店 (尖沙咀)地址：尖沙咀金馬倫道48號中國保險大廈3樓C號舖筲箕灣燒肉黃店激安燒肉工房啱啱12月喺尖沙咀開咗新分店💛，踏入牛年🐮，緊係要食吓燒肉♨️，嘆吓佢地最近喺IG火熱吸睛嘅九宮格牛肉啦🤤依家限時新張午市優惠，正價單點食物仲有七折，以下我點嘅所有食物都有七折，成張單夾埋都係三百幾蚊咋😍九宮格燒牛盛盒 $288呢個簡直係牛魔王嘅恩物😍，九款牛有紫蘇漬一口牛安格斯、黑毛牛小排、草飼牛肋條、A4和牛、安格斯牛三角、黑毛牛梅花、安格斯牛仔骨、prime級牛小排同草飼牛護心肉，高質得嚟有唔同部位比你多種嘅享受🐂，兩個人開心share就啱晒日本味噌黑豚五花 $68黑豚五花腩片燒完逼出肥膏油香😋，薄薄一片入口即溶，用日式味噌醃製夠哂惹味🇯🇵，鍾意濃味同五花腩嘅朋友可以一試😌食咁多肉緊係要食返啲蔬菜啦🥒，叫咗個野菜六盛盒($58)，裡面有冬菇🍄、翠玉瓜、白筍、秋葵、粟米芯同萵筍各兩片；另外仲叫咗個飯團($18)，燒完有少少飯焦嘅感覺，放上紫菜包住嚟食，熱辣辣好滋味🍙；最後有日本奶油泡芙($12)做甜品，一客有四粒，七折計返都係兩蚊粒咋😂餐廳牆上句「No Beef No Life」講

之前已經有留意到 @gekiyasu_yakiniku 呢間燒肉店，不過佢哋第一間分店係筲箕灣，唔係我常去嘅地方，所以一直都冇機會支持～依家係尖沙咀開咗新分店，咁方便梗係要去支持下啦！新分店地方好大，坐得好舒服！員工服務又好～人大左真係重質不中量，坐得舒舒服服慢慢食！而且午市仲有七折，整體性價比好高呀！.bookmarked @gekiyasu_yakiniku for a long time now 🤤 but this bbq place was all the way in shaukeiwan so it was a bit too far 😂 but they recently opened a new branch in tst 👍 perfect!! super big place & the seats are very comfy 😊 service is great 😌 food quality is amazing as well! & there’s 30% off for lunch!.!!.💫整體體驗 𝐎𝐯𝐞𝐫𝐚𝐥𝐥 𝐄𝐱𝐩𝐞𝐫𝐢𝐞𝐧𝐜𝐞✨食物 𝐟𝐨𝐨𝐝 7