馬辣台式鴛鴦火鍋 (大鴻輝(荃灣)中心) (已結業)

天氣寒冷，最好就是食火鍋這晚跟家人又再一次到訪喜歡自助取食物，愛吃多少就多少不會浪費湯底可選兩款這晚點了麻辣(大辣)跟西紅柿洋葱海皇鍋大辣比之前小辣好了點，但都是不麻不太辣自助型式食物種類眾多，的確不錯即包餃子很推薦，非常足料！最喜歡甜不辣熱飲除基本咖啡奶茶外，還可以自己冲花茶更有嘉士伯，汽水，果汁每款牛肉也點了是日海鮮有海蝦跟花甲美國頂級牛梅花、牛小排、安格斯黑牛、牛五花任食來說不錯，肉味濃最後當然要用dreyes來做結尾！荃灣眾安街55號大鴻輝(荃灣)中心8樓

天氣凍最岩就係打邊爐， 6點半去到排隊之城， 好彩未排到去城外， 同朋友講下笑就已經有lift了， 上到店面大約7點， 㩒飛發現只需等2個籌， 後來得知要差唔多8點先會有人走, 好彩我地唔肚餓， 等下仲好職員不時會講下幾點左右會有位， 臨尾又問下等位既人要唔要拿野飲下， 非常貼心個場幾大， 同埋幾企理， 算係乾淨了。終於入座啦， 要左蕃茄湯底同黑椒豬肚湯底， 蕃茄湯底好一般， 茄味不足。 但豬肚湯就好夠辣， 幾惹味。肉我地每樣食左一盤， 羊肉少許蘇幾好味， 2款豬肉味濃都唔錯， 3款牛肉以牛小排最好食， prime果款反而較韌。海鮮好得， 3款都好新鮮， 正過食肉！脆肉鯇片幾爽口， 魚腩勁多骨一般般。丸我幾乎試晒， 燒芝心同蟹子包最好食， 個皮蛋薑幾特別但幾乎得薑味， 唔算好正。花膠任夾， 當然唔係高質花膠啦， 但大大片都幾好口感㗎！開始攻甜品， 奶凍最好味呀, 跟住去拿D字頭食， omg, 我地最鐘意既曲奇味同朱古力味無晒呀！！ 得返芒果 草莓 雲哩拿…大失望既關係唔記得影相了, 而且等左半粒鐘都無refill呀， 下次要食左雪糕先…總括黎講好抵食，下次會再黎！

情緒鬱悶時，必須要發洩一下，否則好易鬱到病。聽阿媽講，呢輪家姐唔多開心，鬱悶咗成個禮拜，唔知佢發生咩事，好擔心。我同家姐既然是同一條腸出嚟嘅，唔多唔少都好了解佢，九成又係公司啲小人整鬼佢啦。我咃呢啲做細嘅雖然唔可以在工作上幫到佢，唯有請佢去食番餐，順便聽佢呻下，俾個機會佢發洩下囉！我帶咗佢去食任食火鍋，佢開心到不得了，話要將食物當成班小人咁，淥熟晒嚟食。七點半來到，火鍋店開始人多，煙霧迷漫，能見度急速下降。家姐食興已發，連忙拿起點餐紙，第一round點了【台式麻辣】拼【胡椒豬肚】鴛鴦鍋；【頂級牛梅花】、【無骨牛小排】、【安格斯黑牛】、【精選牛五花】、【黑豚五花肉】、【黑毛豬梅花】、【頂級小肥羊肉】、【海生蝦】各一份。其間，我就去泡制一壺花茶幫佢下一下冤屈氣。自己就整鑵【招財可樂】，貪佢好意頭。之後，佢就去 “混醬”，返來仲話我知，個 “混醬” bar有好多樣嘢俾客人去混，情形就好似佢公司咁，有好多人都好混帳。我就去巡巡場，睇下有咩食、有咩飲。嘢食實在太多喇，講都講唔晒。我都趁下熱鬧，求祈執番一碟番來 share。啲食物出得好快。不過，個鴛鴦鍋就要等多一陣。我哋都明嘅，人多嘛。家姐肚餓了

要數到喺荃灣百零蚊就可以兩個鐘任食，而質素平均又多選擇的火鍋店，相信非〈大鴻輝〉的〈馬辣台式鴛鴦火鍋〉莫屬！！之前假期去過，超級多人所以今次選擇閒日去，但都等咗一陣，冇法啦抵食又有質素嘅店要等一陣都好合理！由於老婆唔太食得辣，所以揀咗一隻辣椒辣度的〈台式麻辣鍋〉拼〈杏仁蜂巢豆腐鍋〉。麻辣真係好鬼死香喔等待湯底滾起之時當然要出去睇下今次有咩食同有咩飲。我之前來過，所以嚇我唔到嘅！有十幾款罐裝飲品又有咖啡機又有花茶，我一早知啦。〈馬辣〉會出名的其中一個原因，相信是因為食物選擇非常之多！淨係凍肉類，丸類同菜類都放滿四大個棟櫃。打邊爐，醬料都好重要，見到有咁多款醬料包括生熟蒜，辣椒等那些基本外，還有麻油，沙嗲醬等，絕對合格收貨有餘！！肉類當然揀點餐紙另外點的那些！在外面我衹是取了丸類，當然平心論唔會超高品質，但勝在因為多人幫襯所以流動率高，所以冷藏食物都唔會係雪咗好耐的那些〈賣淨蔗〉。當中必食回本〈花膠仔〉！花膠仔唔腥，肉質很厚，有口感得來又夠淋夠滑，滿滿的骨膠原絕對是老婆的大愛。重頭戲當然是點餐紙上的精選肉類，雖然要另外畫紙仔，但嚟得好快而且冇漏單，絕不欺場。打到咁上下開始無乜湯，但最貼心的

12月中同幾個friend去食荃灣馬辣，因為之前去台灣都有朝聖，覺得抵食，所以今次試下食香港馬辣，睇下攞唔攞得番台灣感覺我地訂左食19:00，上到去已經坐無虛席，門口仲有好多人等位，好在我地有訂位。入面有好多野食、配料自取，又有飲品區同甜品區，雖然無台灣咁大咁多野食，但食物質素真係唔錯，啲肉類例如牛肉、肥牛、黑豚肉，都好新鮮點完d點菜紙，好快上，$158/位，唔算太貴，不過限時2小時，有少少食唔切既感覺，依間火鍋，可以encore

前幾日太得閒由坑口渣車去左荃灣周圍搵食周圍行周圍行行行下見到有間馬辣叫左鴛鴦湯底 但從來無食過唔辣個邊因為個麻辣湯真係辣得黎又夠香 好正d羊同牛自助餐黎講真係好高質

老公愛上台式火鍋，想不到近近地既荃灣，都有台式火鍋，仲要係馬辣！當然要去試一試！淨係出面任拎既品種都夠晒多了吧？眼看都有幾十款！呢度出名抵食，果然名不虛傳！！飲品方面，除咗罐裝飲品，仲有沙冰等等！有著多款雪條，仲有雪糕，仲要係Dyers既雪糕添～～甜品方面，款式都有好多種，影都影唔晒！寫紙仔，都有好多款肉類可以揀！仲有海鮮添～～呢度啲肉類款式有好多，豬腩肉，肥瘦均勻。牛既款式都有近十種。以呢個價錢黎講，好抵食。牛肉質素不俗，而且都夠新鮮。點了鴛鴦鍋，清湯以及台式馬辣鍋！當然要一試！絕對要食上蜂巢豆腐，食起上黎，辣勁更十足！而且呢度既水餃仲係新鮮現包！一定要食！雪糕當然不能錯過！

其實來過幾次，好大間，所以好易book枱同就ㄧ定有位，食物選擇算多同質素ok，丸有好多款，要自己出去拎，肉主要有牛豬羊，就寫紙廚房出，湯底能可以㨂兩款。。飲品有汽水，韓國飲品，鳥龍茶等等。。餃就有人即場包+非常新鮮，甜品好多選擇，有dryes雪糕，雪條，自家制甜品等等.. 抵食之選。。方便ㄧ大班人來，好多大枱，地方算乾淨，服務正常，但搭lift真係一個問題，事關成橦大廈太多餐廳，等lift要好耐。。要預早啲

上去餐廳的電梯係full既，仲要排長龍添。訂了枱有得即入，雖然時間尚早，店內已經有不少人。門口也有不少人等枱或等人。有卡位坐，尚算闊落，但張枱大些會更好，未取東西吃都差不多冇位放其他野了。食物分門別類，放在不同位置。雖然東一處，西一處，但都幾整齊。食物質素中等，合理。D丸全部內有特別餡，如芝士和明太子。即包餃子好好吃！心太軟最靚但不好吃。自己出去取的滑牛的牛味好過單點叫的侍應定時推住個車仔出來檢查每一枱客的湯夠唔夠，並加湯，值得讚。唔知點解，個蔬菜湯全程冇滾過，100%冇滾起過，為什麼呢？好在另一邊的沙爹鍋冇問題。惟一不好的是有些小孩不停把已經取走的雪糕雪條放回雪櫃，之後再取其他口味的雪糕雪條。

難得咁凍既天氣，點可以唔打邊爐🤤今晚約左幾位朋友荃灣晚飯，朋友揀左呢間任食，我未試過呢間，又可以試下新野😎質素方面，其實我覺得同出面出名果幾間任食邊爐差不多，無話有咩好大驚喜～但全包$180/位唔洗黎講，食物飲品款式都算多，又有雪糕啫喱咁，算係咁～四個人比左卡位長枱，坐得好舒服👍🏻啤酒方面有嘉士伯、獅威罐裝款式都ok亦有自己斟既洛神花、涼茶咁另外重有熱既茶包同花茶供應湯底揀左麻辣同酸菜白肉麻辣頭一轉真係幾辣，重好油；但加完湯就淡曬，唔會越煲越辣反而酸菜白肉有驚喜，酸菜味好出但又唔會過酸，湯底唔錯食材款式都好多，基本大路野都有～新鮮，不停有人添加肉亦都有5、6款可以不停寫紙添加，當然同散叫質素不能比，但食落都新鮮的

食麻辣，最怕就係遇到果啲打着麻辣嘅旗號，但其實係一煲辣油加幾粒花椒廿八角就算嘅火鍋~不過呢間食咗第一次之後，一星期內忍唔住要去第二次，因為佢個湯底夠堅料，食完全身都沾滿麻辣香呀～抵讚!唯一要改善嘅係衛生同服務，其他無補充!都幾多選擇，最重要係款款有其味，唔係一樣味~海鮮有蝦有蜆，八爪魚仔有啲靭，但蝦就好ok叫咗個鴛鴦鍋，但麻辣太好食，有啲後悔唔叫成鍋自助區好多選擇，我自己就鍾意淥返啲台式嘢，好似海帶、燕餃等飲嘢選擇都唔少，咖啡奶茶之外仲有好多花茶汽水口百幾蚊位仲有dreyer's雪糕,你贏晒啦喂～

早前係面書見到有個Post，話有種人問佢食d咩 一定答【打邊爐!!!!】 最好仲要係任食個d ，雖然食材一定唔係咩靚料 但係對於我地呢d 有時唔知諗食咩好 又或者想食飽d，除左放題打邊爐絕對係我不二之選 早前去開荃灣剪頭髮， 再Join 番老公同Gogo真係唔知去邊度食飯好 想去食鐵板餐，個度又迫又細又入唔到BB 車 去食沙X王又話唔好食 問佢再食放題好唔好又話唔想咁快又食 突然醒起，我朋友仔講過荃灣有間任食打邊爐係抵食架啵 即刻問佢係邊間啦?原來又係餐廳集中地 而我地今次既目的地就係馬辣台式餐廳火鍋 講下有咩咁抵食，首先只係$158加一可任食任飲兩個鐘 我地屋企附近d 酒樓都唔多,仲要冇咩野食揀 另外湯底即使兩丁友都可以有兩種湯底 岩曬你想食辣我又食唔到辣既朋友 不過由於我地都驚Gogo 要食既問題， 所以就叫左胡椒豬肚同埋莞茜皮蛋湯底 講起任食問題，呢度既任食食材真係好多 真係你講得出既丸類都有，仲有一些海鮮類啦 同埋d 麵呀同烏冬等等 少不了當然有蔬菜啦 對於飲品，好多人會認為一定又係汽水啤酒呀 其實係呢度真係有好多熱飲揀，好似有自己揀既花茶 有茶包，有涼茶亦都有乳酪飲品

重質也重量@馬辣台式鴛鴦火鍋 天氣開始涼，大家都會想食火鍋，荃灣大鴻輝那裡都開滿放題式餐廳，馬辣台式鴛鴦火鍋是我和家人最喜歡的一間 百多元的放題基本上大家都沒有什麼期望，(家陣去食快餐店一人邊爐都要$8,90元)百多蚊在香港實在不是什麼錢但馬辣絕對是超值之選 但來馬辣必須有等候的心理準備，在餐期來分分鐘要等上一個小時，但原來他們是可以訂位的，來食飯前不妨先訂位比較安心 一望無盡的自助區，什麼食材都可以搵到，新鮮食物源源不絕 飲料是自助形式的，有糖無糖有酒精無酒精一應俱全 啤酒都是任飲的 涼茶 湯底一共8款特色湯底，包括台式麻辣鍋、胡椒豬肚鍋、西紅柿洋葱海皇鍋、馬拉沙爹鍋等，任選2款 喜歡食牛的朋友最開心!美國頂級牛梅花、牛小排、安格斯黑牛、牛五花等都是任食 每一款都非常之新鮮，看起來色澤鮮紅 美國頂級牛梅花油脂分佈平均，厚薄適中，食落好重牛味 牛五花肉質較腍，油脂較多，有入口即溶之感 牛小排脂肪較少，健康之選 魚片也很新鮮 混醬區也很有規模 我們點了鴛鴦火鍋．台式麻辣鍋和胡椒豬肚鍋，台式麻辣鍋看起來辣其實不是很辣，不食辣的朋友相信都可以挑戰一下小辣的，食

天氣反覆無常 , 穿起冬裝又怕熱 , 穿少一些又怕著涼 , 真麻煩 .... 這種情況 , 最好就是吃個麻辣鍋出一身汗 , 而麻辣鍋又分很多種 , 四川的, 重慶的 ... 當天我就選擇去吃台式的 , 過江龍 " 馬辣 台式鴛鴦火鍋 " 就有夠出名 ~馬辣台式鴛鴦火鍋 , 是任飲任食的 2小時 放題 , 不同日子和時間有不同的收費 , 入座前要了解清楚 ~食物是自助任取 , 種類多不勝數 , 各式其式任君選擇 , 全部任吃 , 總有一款合心意 , 筆者並非報紙佬 , 更不是打手 , 所以不會向各位詳盡介紹各款食物 ~飲品都是自助任飲的 , 最特別就是可以隨自己的喜好 , 自己泡花茶 ~點單紙 ~我們點的是 胡椒豬肚鍋 拼 台式麻辣鍋 , 胡椒豬肚鍋夠胡椒味豬肚夠軟淋 ; 台式麻辣鍋 , 其味道就跟 台灣 當地的 馬辣 的味道差不多 , 食物材料也夠豐富 , 鴨血和豆腐就少不了 ~我的心水選擇食物當然就是牛肉 , 美國 Prime頂級牛梅花、美國 CAB 安格斯黑牛 , 肉質都相當不錯而且牛肉味道濃郁 , 我個人就覺得好對辦 ~吃得火鍋 , 當然也不會錯過吃各式各樣的丸子 , 魚皮餃、水

呢間餐廳好多野供客人自用, 其中好似呢個咁,有花茶俾客人沖黎飲,勁得意, 場好大, 但基本上都滿人,出面仲要排晒隊, 真係勁旺.茶包又有啦~普通野飲都有, 基本上咩客都滿足到!雪糕佢有2隻牌子, 好似係雀同埋Dy有樣野要提既係, 佢d 稻庭烏東係放係雪櫃唔係出面= =因為出面有普通烏東個d ,唯獨稻庭烏東係放係雪糕個頭, 我開頭以為呢間餐廳無稻庭烏東食tim ,好彩俾我發現到!野食選擇算多, 要自己出去拎, 都係自助型式, 食到幾多拎幾多嫁啦!唯獨牛羊豬呢d要落單叫, 都係任食, 牛比較出色我覺得, 豬羊就中中上上啦, 牛既肉質感比較好食, 味道都比較濃.醬料黎講都有勁多選擇, 不過唔好睇圖好似咁多野選, 去到中間開始係重複, 佢咁多放出黎係方便俾大量既客人拎醬咁解姐~湯底唔算太濃,但就幾香, 照舊點左2個湯底for唔同人既口味啦整體服務就都算ok嫁啦, 因為真係太大間, 太多人, 服務員都未必應得切你環境算舒服, 大大張桌同椅.