影片
更多
2018-01-09
3713 瀏覽
情緒鬱悶時，必須要發洩一下，否則好易鬱到病。聽阿媽講，呢輪家姐唔多開心，鬱悶咗成個禮拜，唔知佢發生咩事，好擔心。我同家姐既然是同一條腸出嚟嘅，唔多唔少都好了解佢，九成又係公司啲小人整鬼佢啦。我咃呢啲做細嘅雖然唔可以在工作上幫到佢，唯有請佢去食番餐，順便聽佢呻下，俾個機會佢發洩下囉！我帶咗佢去食任食火鍋，佢開心到不得了，話要將食物當成班小人咁，淥熟晒嚟食。七點半來到，火鍋店開始人多，煙霧迷漫，能見度急速下降。家姐食興已發，連忙拿起點餐紙，第一round點了【台式麻辣】拼【胡椒豬肚】鴛鴦鍋；【頂級牛梅花】、【無骨牛小排】、【安格斯黑牛】、【精選牛五花】、【黑豚五花肉】、【黑毛豬梅花】、【頂級小肥羊肉】、【海生蝦】各一份。其間，我就去泡制一壺花茶幫佢下一下冤屈氣。自己就整鑵【招財可樂】，貪佢好意頭。之後，佢就去 “混醬”，返來仲話我知，個 “混醬” bar有好多樣嘢俾客人去混，情形就好似佢公司咁，有好多人都好混帳。我就去巡巡場，睇下有咩食、有咩飲。嘢食實在太多喇，講都講唔晒。我都趁下熱鬧，求祈執番一碟番來 share。啲食物出得好快。不過，個鴛鴦鍋就要等多一陣。我哋都明嘅，人多嘛。家姐肚餓了
我帶咗佢去食任食火鍋，佢開心到不得了，話要將食物當成班小人咁，淥熟晒嚟食。
七點半來到，火鍋店開始人多，煙霧迷漫，能見度急速下降。
家姐食興已發，連忙拿起點餐紙，第一round點了【台式麻辣】拼【胡椒豬肚】鴛鴦鍋；【頂級牛梅花】、【無骨牛小排】、【安格斯黑牛】、【精選牛五花】、【黑豚五花肉】、【黑毛豬梅花】、【頂級小肥羊肉】、【海生蝦】各一份。
其間，我就去泡制一壺花茶幫佢下一下冤屈氣。
自己就整鑵【招財可樂】，貪佢好意頭。
之後，佢就去 “混醬”，返來仲話我知，個 “混醬” bar有好多樣嘢俾客人去混，情形就好似佢公司咁，有好多人都好混帳。
我就去巡巡場，睇下有咩食、有咩飲。嘢食實在太多喇，講都講唔晒。
我都趁下熱鬧，求祈執番一碟番來 share。
啲食物出得好快。不過，個鴛鴦鍋就要等多一陣。我哋都明嘅，人多嘛。
家姐肚餓了，唔等得咁多，竟然先吃【燉奶】和【雪糕】，還大讚好味!
期待以久嘅火鍋終於出場，食物多到整檯都係。
家姐話，通常，其他的火鍋店的檯都比較細，唔似得呢間有咁大張檯，放多啲食物都無問題。
滾呀滾，食呀食!
羊肉、牛肉都好新鮮，好美味。
海蝦都唔錯，肉質夠爽口彈牙，一次過，每人食咗四隻。
家姐一路食一路呻，越呻越亢奮，越食越凶狠，我終於明白佢有幾憎佢班同事。
欲罷不能，我又幫佢點了些食物，包括【脆肉鯇魚腩】和追加了一些海蝦、豬、牛、羊。
脆肉鯇魚腩
29 瀏覽
0 讚好
0 留言
唔好俾佢停! 再執多一碟番嚟。
家姐好欣賞呢個鹵大腸。佢話，佢公司有條友叫盧泰祥，花名就係叫做鹵大腸，為人陰濕到無人有，所以要狠狠地大啖食佢落肚。
鹵大腸
21 瀏覽
0 讚好
0 留言
我就好欣賞粒【薑汁皮蛋貢丸】，夠創意，咬落去爆晒啲薑汁出來，非常過癮。
薑汁皮蛋貢丸
36 瀏覽
0 讚好
0 留言
最後，食埋個【台式鹵肉飯】和【焦糖燉蛋】，家姐嘅冤屈氣都發洩得七七八八。
佢回復正常狀態後，讚呢間火鍋店夠大，坐得舒服，食物種類多，加添食物速度又快。我就話: “呢間火鍋店價錢大眾化，平日每人都係$158，好抵食! 你要來發洩多幾次都問題。”
差不多十點，還有人在等位，可想而之，呢間火鍋店是幾咁受歡迎。
張貼
