馬辣台式鴛鴦火鍋 (大鴻輝(荃灣)中心) (已結業)

呢兩日天氣轉涼， 一班荃灣友建議去打邊爐， 我就提議來呢間大鴻輝嘅馬辣鴛鴦火鍋， 因為印像中佢嘅麻辣火鍋真係用料十足，所以我就建議朋友們去試一試!我們點了一個鴛鴦鍋分別係加辣嘅麻辣湯底 胡椒豬肚湯， 都係入秋嘅滋補湯底！麻辣湯底果然冇令我失望，麻辣椒很多，湯底很濃，放入牛肉及海鮮，份外滋味!唔食辣嘅朋友就覺得個豬肚湯底好足料， 豬肚十分爽口!呢間馬辣， 除咗火鍋配料夠水準， 包括有 靚嘅小牛排， 肥牛等等， 仲有海大蝦!真係好新鮮好大隻，我哋點了好多次， 回本有望！除此之外，我覺得新鮮即做嘅韭菜餃，十分好味，韭菜較多亦皮薄！除此之外飲品選擇亦很多，仲有多款小點甜品，蛋糕，啫喱等等...最重要係有靚雪糕，榴槤雪條，榴槤雪糕!我今次介紹班朋友，大家都十分之滿意，滿載而歸，而且呢個價錢十分大眾化，十分抵食!

馬辣向來係我起台灣最愛食的小店之一。黎左香港開左分台之後，就未有機會去試一試今次就同朋友放互後一齊黎我地揀左個傳統的台式麻辣鍋、胡椒豬肚湯一個辣味十足，仲有鴨血起入面煲而胡椒豬肚湯就清清地，當中仲有豬肚提供左好多款肉類，牛梅花、牛小排、安格斯黑牛、牛五花、黑豚五花肉、豬梅花.....要得分咩肉打邊隻，我就唔識咁多啦，不過D肉尚為新鮮，配埋個台式麻辣鍋湯底就味道甚濃服務員的質素非常好，同埋上菜特別的快。因為叫左一次仲未食完，我又再落單都上菜得快出面個成3個大櫃裝左不少菜類、丸類等....當中有元貝、台式甜不辣都好值得食同埋佢地仲有甜品架~~~麵包布丁是一流熱騰騰的，蛋味十足，仲好嫩滑仲有，佢地既雪糕櫃有成3個架dreyer's 有雪芭、新式口味同傳統有成9-10款而雪條都有成好幾隻二百蚊左右都食得好多種類，CP值非常高

今日和老婆在荃灣行街，行咗幾個鐘又開始天黑，又攰又餓，就上網搵下附近有咩好食，任食火鍋啱晒入到店舖2位，店員有禮貌地好快招呼我們座下，這裡環境寬敞，座位感覺舒適，地方乾淨這裡火鍋配料種類很多，豬、牛、羊、雞、魚、海產類等等丸類，蔬菜供應不斷，還有多款甜品果汁汽水任飲我叫了一個鴛鴦湯底，一邊是麻辣湯底，另一邊是胡椒豬肚湯底，湯底放下已經聞到很香嘅胡椒味魚片一疏疏食落囗很鮮甜，蝦和貝類很好吃主角肥牛終於上場，肥瘦均勻，一食落口濃郁的牛肉味灼牛肉千萬不要太長時間，轉色就可以食調味料也相當多選擇，適合曬我還有雪糕任食，今餐非常滿足，價錢大衆化，性價比高

台灣馬辣出名係好食嘅長龍店，香港呢間其實同佢冇關係嘅，所以最好唔好抱住台灣嘅水準嘅試喇！但作為一間火鍋放題，佢又唔差喎！湯底揀咗酸菜白肉鍋+馬拉沙嗲鍋。個人推介酸菜白菜鍋，超驚喜！火鍋配料櫃就任拎任食，有丸類、蔬菜菇菌類、內臟（豬大腸，豬肚，牛肚，鵝腸）、花膠、滑牛肉、粉麵、甜品、雪糕、各式飲料、更有少量熟食，其實已經比好多火鍋放題多！想食靚啲嘅火鍋料就要自己劃紙仔喇！牛肉類全部來自 USA 有安格斯黑牛、牛小排、牛梅花、牛五花。豬肉就有黑毛豬五花肉、梅花肉。仲有羊肉以供選擇。海鮮類有海蝦、脆肉鯇魚腩、鯇魚片，又有是日海鮮（今日係花蛤）。牛肉、豬肉冇醃過，原汁原味，鮮嫰可口。海鮮亦係非常鮮美，特別係啲花蛤，隻隻厚肉彈牙！最最最抵讚嘅係，店員好少漏單，唔會剔十款嚟七款，另外三款不了了之。真係剔幾多嚟幾多（讚）店內卡位寬敞，坐得非常舒適。最啱2~4人同行。總括而言，食物水準中上，價錢合理，位置就腳，係揀佢嘅最大原因！

今晚同朋友去咗荃灣的馬辣火煱食，環境好舒服，又可望到外面夜景，好難忘。店內冷氣充足，最適合食火煱，因為太熱就好難食野。坐位也很多，這家食店场地很多，晚飯時段坐滿约9成客人，刚好需要排隊入埸進食。店員很友善和有禮貌。飲品方面很多款色，有各款果汁同汽水等。蔬菜類也有很多種類，好新鮮。擇咗我至爱生菜，再配火焗湯底，非常好食。其它食材也很多選擇，丸子，香菇，豆腐好新鮮，好入味，好好味道，至於肥牛真係好好味。好難忘，唔多肥肉。叫咗好多碟。蝦也好新鮮，口感一流。至於甜品也有很多選擇，又有牛奶公司的朱古力雪條。至於有一款留槤味雪條，非常好食，十分難忘，一口氣就食咗3條。綜合各方面，環境，食材，價錢及服務質素，絕對會再來光顧這家食店。火煱的首選食店。

開完會成9點幾又攰又餓，一於打個麻辣鍋平衡一下心理，依邊耐唔耐都有去，貪佢食物質素ok，價錢相當合約又多選擇...今次咁夜去終於唔駛等位，一埋位就揀個麻辣湯+芫茜皮旦湯因為我個同事唔食辣喎，跟手就揀埋D牛肉同黑毛五花肉先，依D牛都有成4款我揀，不過我自己就最鍾意頂級牛梅花同安格斯黑牛，牛味較濃，而海鮮我就揀咗海生蝦，脆肉鯇魚腩同是日海鮮，一般佢哋是日海鮮係花甲，D海甲多數都甜，落完order就出去攞嘢飲同揀其他嘢食。行到出去先睇睇仲有無餃子先，因為佢哋D餃子係自家嘅本人最愛係九菜餃同埋個洋蔥牛肉餃，好彩仲有食，再去攞D丸同蔬菜，丸類款款多又好味，樣樣攞2粒又可以食多幾款，而蔬菜我最鐘意個黑木耳食幾多攞幾多，好啱我依D為食鬼

一黎到即刻要Order 湯底我諗都唔洗諗👉🏻酸菜白肉而朋友就叫左👉🏻胡椒豬肚呢個除左好食，最好就係坐既位置好寬敞唔會成班人逼埋一齊個湯底終於黎左唔好睇佢望落咁清淡，其實好野味，鐘意食酸菜既我，最後一條不漏食晒湯底既酸菜淨係湯底已可以令我encore ，加分位係肉通常放題邊爐除非加貴個餐如果唔係肉質都唔係特別吸引但呢到大家一定要留肚食肉因為真係好好食，肉味夠每次唔會俾太多你，可以慢慢食呢個質素百幾蚊位超值

無論咩天氣，塔塔子耐唔耐都會想打邊爐特別係麻辣火鍋今日黎到荃灣比「任食」呢兩個字吸引左，因為實在太餓啦！而價錢更加嚇一跳，平日晚上平到你唔信塔塔只叫咗個鴛鴦湯底，當然有必食麻辣，仲有胡椒豬肚～麻辣湯底唔係好辣，反而好香好惹味！胡椒豬肚就夠哂足料！每款肉類都試一試，每次嘅份量唔會太多，岩哂樣樣想試嘅塔塔子！佢地仲好細心用唔同顏色去區分唔同肉類對返落單張紙～海鮮都好新鮮，有塔塔子最愛嘅蝦蝦自助區包羅萬有，無論係急凍類，肉類，菜類都超多呀～～芝士竹輪好好食烏冬係打邊爐必食嘅！索哂湯底嘅精華～除左罐裝飲料，仲有唔同新鮮野飲～最估唔到係有茶包消膩一流好細心甜品～最吸晴當然係D牌雪糕啦! 正呀可惜塔塔子只有一個胃，如果唔係真係食極都冇盡頭呀！

無論咩天氣都會好想打邊爐。想試這間馬辣非常耐，任飲任食兩個鐘超抵，見今日平日少啲人，唔使排咁長龍，這晚跟家人特意前來試試看。店內以卡位為住，坐得舒適。自助飲品區係我其中一個飛佛，選擇很多，更有啤酒，汽水等等，還有我最愛的自冲花茶。湯底有多款任君選擇，包括台式麻辣鍋、胡椒豬肚鍋、西紅柿洋葱海皇鍋、馬拉沙爹鍋等。因為有小朋友一齊食，所以就放棄咗麻辣鍋，下次一定要試吓。點菜可以劃單選擇，上菜速度也頗快。其他食材非常多樣化，有不同類型的丸、餃、內臟、菜蔬、麵等等。醬料也選擇多，可自行添加。最推介係呢一個餃子，即場包㗎！當然，還有自助甜品區，無論是熱食或是雪糕等凍食的，都應有盡有。我最鍾意梗係雪糕la~

見到咁抵食，就同朋友仔黎打邊爐，book 左檯唔洗等直入，個場好大，有飲料櫃，有飲品機，有咖啡機，花茶，雪條，雪糕，火鍋料，生果，甜品。。。太多了。。。湯底可以揀兩個，咁梗係揀兩個啦！蕃茄湯同沙嗲湯，味道唔算好濃。靠點醬加味，我自己混既醬好好食，哈哈。醬油+蔥+芝麻油+麻醬+莞茜+羅白蓉+辣椒=正啊個獨立包裝既係台灣朋友介紹我食既，佢好似湯丸咁，好軟熟，我幾鍾意食。其他丸類我都試過曬，都好味，無雪藏味。精明的我無意中發現職員 refill 食物竟然換左盤唔知乜成為帆立貝！！上次黎都唔見有，可能畀人拎曬啦？帆立貝無沙，幾好味，當想再拎時，又轉左其他食物了。芋頭好好食，滾到淋曬好粉好香寫紙仔可以揀蝦同埋是日海鮮，d 蝦唔大隻，但勝在都新鮮無蝦屎牛肉不過不失，都係要寫紙既。不過呢個價錢任食仲想點。哈哈。個蛋餃我好喜歡，唔係度度有蛋餃食咖呢度仲有個芝士獅子狗勁好食的。仲有得食花膠啊，死未？仲有手包餃子，兩個味，我鍾意豬肉果款多d,牛果款太多蒜，反而唔好食。呢個慕思就不過不失，只係朱古力 cream 黎。大讚佢雪糕勁多種，佢有三個雪糕櫃的，一個放左 dreyer's , 味道係： 1. 曲奇味

天氣不似如期，居然下起大雨，既然如此，就得找個地方先醫肚，再去shopping .今次來到吃到飽的台式火鍋，馬辣一向人氣旺盛，我們六時來到，不用等候 。$158 任飲任食兩小時，如果19：30前離座，只需$148，都算抵食的。海鮮有海蝦和沙白，海蝦彈牙鮮甜，點了幾轉！任點肥牛質素真的不錯，我最喜歡的是這款美國prime頂級牛梅花入口很香，肉質也腍，大大片的，相當有口感！打邊爐又怎少得炸魚皮，魚皮新鮮香脆又惹味，食到停唔到口！脆肉鯇也不錯，肉質爽脆呢！芝士獅子狗魚蛋，半溶的芝士，提升了魚蛋的味道，芝士控必試！這粒薑汁皮蛋貢丸又是新口味，內有薑泥和皮蛋，很喜歡那種薑的辛辣味道！加入了墨汁的墨丸，彈牙之餘，味道更鮮！芝麻味麻吉燒當然又是必吃啦！ 煙煙靭靭，qq的，甜度適中，很好味！甜品又是驚喜啊！每款都不會過甜，而且味道真的不錯。尤其喜歡這新鮮即製的香蕉斑戟，蛋白燉鮮奶，焦糖布丁，真的是又滑又香又好味！還有榴槤雪糕、青檸雪葩、薑味雪糕、 蜂蜜牛奶、益力多等獨特的口味， 個人尤其喜歡薑味雪糕，薑味很濃，驅寒驅風。 榴槤雪糕也是必吃，入口有很重的榴槤味,比起早前m記的d24好吃！ 除此之外還有幾

好耐都沒有吃火鍋放題，今日心血來潮，再加上蝦子餅喜歡，所以就來個火鍋放題之夜。那些年，還記得一大伙兒去台北，晚上排了一小時才能入座的馬辣，今天就和蝦子餅回味一下吧！價錢都的很吸引，如果7：30前埋單，讓可以減$10一位 。座位也很寬躺舒適，桌子也夠大放上不同的食物 。有各種不同的調味，超過二十種，任君選擇！除牛肉和海鮮落單任點，其他的火鍋配料就要親自去拿取 ，食幾多，攞幾多。飲品和啤酒任飲，也有十多款甜品和雪糕任吃！蝦子餅話緊係要食豬大腸，豬大腸相當大件，沒有肥膏，若淥得夠的話又入味又腍又香，不錯啊！魚腐也很香，浸滿了火煱汁，又軟滑又入味，不過小心燙口呢！芋頭好味到震，好粉好香，愛吃芋頭的必試！海鮮方面只有海蝦和沙白，不過海蝦夠新鮮，沙白也很鮮甜！即場新鮮製造的餃子，我試了韮菜豬肉餃，足料味道好！還有花生和芝麻麻吉燒，煙韌軟糯，甜度適中，必試啊！牛肉好靚， 油脂分佈平均，而且入口即溶，肉質軟嫩，可以無限encore蝦子餅都說好味的鮮奶蛋白布甸， 軟滑非常，甜度剛好！總括而言，兩個字，「抵吃」，有機會要帶家人前來一起烚下烚下呢！

又係大食先生出動既時侯，今日我地食馬辣！一聽個名就知火鍋底一定要係麻辣火鍋啦，我哋再配左另一邊係清清地嘅芫荽皮蛋鍋。除左鍋底，飲品都好重要， 超多選擇，連ASAHI都有，連唔飲凍野嘅女士都照顧到，有唔同種類嘅花茶甚至咖啡俾你選擇未攞嘢食就要混醬，配料應有盡有，生熟蒜辣椒蔥花一應俱全！誇張得連冰櫃都有四個，店式丸類五花八門，大腸雞蛋蓮藕蘿蔔粟米南瓜花膠講得出嘅都有任食嘅鋪頭竟然有手製嘅水餃！有兩款一款係洋蔥牛肉餃（有驚喜！）另一款韭菜豬肉餃，大食先生都話正！所有牛肉我地都有點，好多時送到黎我哋都唔知邊樣打邊樣，唔使驚！唔使問店員！盤子小角落唔係花左，咁樣對一對個顏色你就自己食緊乜嘢喇！聰明又方便嘅一個方法咁多款我最中意安格斯黑牛，牛肉味夠晒重估唔到吃到飽都有咁嘅質素！打邊爐食到尾總係好想食個麵！連烏冬都有兩款選擇！ $158 竟然有日本稻庭烏冬，不得了！！火鍋配料以外，都有小量熱食：例如台式滷肉蛋仲可以配飯！！最後最後要食甜品啦都有三個櫃俾你揀！個櫃有雪條啊大腳板糯米糍，另外有兩個櫃嘅雪糕，有一個櫃係dreyers雪糕。如果唔鍾意食冰櫃呢啲唔緊要，仲有選擇，另一邊有Pancake食，仲見

來到荃灣中心打邊爐，記得一定要預留最少30分鐘，因為排隊搭升降機需時很久。來到馬辣，湯底當然要選擇台式麻辣鍋，另外一鍋則選擇了胡椒豬肚。台式麻辣味道香但不算辣，胡椒豬肚略嫌味道太淡。牛肉絕對值得推介，個人喜歡安格斯黑牛和牛小排，兩者吃落口都十分軟熟，油脂分布均勻。其他配料如丸類、菜類或甜品都是要自行出去夾，地方夠大，不易發生碰撞。唯一美中不足的是，油煙太多，整個場地都煙霧瀰漫。另一不足之處是，電磁爐受熱不太均勻，經常只有一半湯底滾起來，另一半湯底久久未滾。但以百多元價錢來說，都很滿意了。

其實每次去親台北，我都會食馬辣做宵夜，朋友同我講原來係香港已經開左分店，作為台式火鍋死忠fans，一定要黎朝聖！價錢非常合宜，同台灣既定價差唔多食得台式火鍋，麻辣湯底係基本，另外一邊就揀左胡椒豬肚湯醬油區有好多不同既調味料，任君選擇肉同海鮮都要寫紙落單，其他配料就係自助形式牛小排，肥肉較少，肉質算係咁安格斯黑牛，脂肪分佈較平均 ，咁多款肉之中最愛呢一隻蝦同脆骨鯇，不得不讚下d蝦，任食黎講真係超晒班，蝦肉好爽又多肉，叫左好多份是日海鮮：蜆，雖然唔算大隻但好鮮甜魷魚自助火鍋配料入面最好食既一款，咬落去超多汁仲有好多款蔬菜任揀，我最喜歡既都係生菜除左火鍋外，呢到仲有超多款既飲品，甜品，生果！其中雪糕係最受大家歡迎既。以後就算拎唔到假去台北，都可以黎呢到食番台灣既味道