馬泰

營業中

休息中

嗰日突然個口好想食海南雞飯，於是乎上網search吓屋企附近邊度有得食╮(╯▽╰)╭結果就試咗呢間算係新開嘅海南雞。結果我淨係叫咗一個海南雞飯，佢送咗個湯。其實本來我都想叫一個肉骨茶，但問過佢之後，發覺原來個肉骨茶都幾大，可以有兩碗喎(as per 店員)，我一個人食唔到咁多╮(￣▽￣"")╭，唯有放棄。下一次先至去試啦！海南雞飯啲油飯其實唔係好香，但係就熱辣辣。個雞我唔記得叫走亦，不過佢俾咗雞胸肉我(一開盒，當時心感不妙)。點知啲雞胸都好滑，好淋。完全唔似雞胸擦紙膠！正！個湯就完全唔使提，咸到阿媽都唔認得。鋪裏面冇乜客，得一枱。希望佢哋捱得住！

今日約咗去銅鑼灣做 Body Check，攪完已經接近 5pm，反正都出咗街，今晚就一於偷懶唔煮飯，嚟呢間主打馬來西亞同泰國菜嘅餐廳吃晚飯。店舖門面好 Sharp 醒，青綠色嘅中文字招牌再配以一隻紅辣椒，色澤搶眼，惹人注目。至於室內裝潢亦很有特色，充滿東南亞風情。先睇下店員遞上的餐牌，原來仲有下午茶套餐供應。至於主餐牌，選項就包括有：廚師推介、馬泰街頭小食、特色燒烤、沙律、湯品、菜類、地道咖哩、喇沙、湯粉、飯、娘惹糕點、甜品及飲品等。揀咗一客無骨海南雞飯下午茶餐、馬拉盞炒通菜、咖央多士，另外再加咗一件班蘭蛋糕做甜品。泰式無骨海南雞飯 ($66)  率先送上，雞件分量十足，大大碟，肉質非常嫩滑，食落皮爽肉彈，加上一早已經去咗骨，入口啖啖肉，蘸點旁邊稠而不鹹的黑醬油吃，甚是滋味！油飯水準亦唔錯，吸滿了雞湯精華，入口煙韌軟糯，粒粒分明。食完再飲埋碗湯，非常滿足，湯內有薯仔同雞絲。跟餐飲品點咗滋潤的黑糖薑母茶 (+$8)，成品不大，味道頗薑，很適合冬天飲用！馬拉盞炒通菜 ($62)  一向很喜愛吃通菜，質感滑滑的，非常可口，而今次呢碟就用咗馬拉盞嚟炒，入口鹹香微辣，夠曬惹味。馬來咖央多士 ($

久吾久都會泰國菜癮發作，最近就試左銅鑼灣一間好吾錯既泰國菜馬泰既位置好方便。黎到既時間係下午三點左右，都有吾少客人裝修新淨，燈光光猛，最重要係座位好坐下午茶餐都幾抵食，仲可以以優惠價加配小食，款式都好多，選擇困難繼續發作呢個係印尼娘惹巴東咖哩牛肉配飯，第一次食既感覺好新鮮，同平時食既咖哩有少少吾同，吾會好辣，但好香，牛肉好入味而且吾會韌，將d汁撈埋飯一齊食勁惹味馬來無骨海南雞喇沙，雞肉十分嫩滑而且有雞味，點埋醬汁一齊食好夾。喇沙湯底香濃充滿椰香味，而且吾會太辣，好岩我胃口馬来杏仁蝦餅，比較少見配杏仁，食落有驚喜，原來係咁香脆可口芭堤雅炭燒豬頸肉，好香炭烤既味道，肥瘦適中，食落好爽口，有點焦脆，真係必點既小食呢杯藍洋柚子梳打，一上枱已經覺得好靚，漸變既顏色靚到吾捨得飲飲落好清新，好解渴馬來特色手拉茶，飲落好滑，而且好香奶味，飲到停吾到口以後黎銅鑼灣食泰國菜又多左一個好選擇喇

又來香港食勻全世界系列，今次係位於銅鑼灣既泰國餐廳-馬泰。內部裝修非常有特色，揉合民族風情既擺設，唔講以為係民族博物館！坐低後都花咗幾分鐘去欣賞，心稔淨係個裝修都值回票價。主食 - 菠蘿海鮮炒飯擺盤係我見過最精美嘅菠蘿海鮮炒飯。菠蘿頭切好，棟起身。橫切原個波蘿，放上黃金炒飯，海鮮、肉鬆、大蝦。味道唔錯，對得住價錢有餘。飲品 - 青檸梳打鮮切青檸加梳打水，再用新鮮薄荷葉點綴，非常有泰式味道。總括然而，去開銅鑼灣，又想食平價泰國菜，去呢間就啱啦。

銅鑼灣又有新餐廳開啦，今次一於同朋友一齊去試吓。平時都好鍾意食泰國菜，冇得去泰國，唯有喺香港泰國餐廳止住痕先淨係睇啲相都已經好吸引呀，而且樣樣都係正宗泰國菜！樣樣都咁好食，都唔知點揀好！餐廳裝修都好有心思，裝潢簡單，但係有好有泰國風味！食泰國菜當然要食泰式海南雞飯啦！所以就點左一份泰式海南雞飯套餐，有雞、有油飯，仲有個湯添！個湯非常足料，絕對啱晒一邊食又油飯，一邊消滯！海南雞飯嘅雞都非常嫩滑，而且仲係無骨添呀！啱晒鍾意食雞但係又唔想吐骨嘅我！

週末忙完，喺銅鑼灣見到呢間食東南亞菜，就坐低慢慢食個下午茶。下午兩三點嚟講都算多人，好在一個人唔使等位。下午茶餐都有幾多選擇，又有得追加小食同甜品。我揀咗海南雞喇沙、馬來特色手拉咖啡同追加咗個香芒糯米飯。無骨海南雞喇沙 - 海南雞好滑，就算係雞胸都唔會嚡。兩個醬都好惹味，甜醬油同酸辣汁我都好鍾意。而個喇沙比想像中好食，因為香港好少有正宗嘅喇沙食，呢間算係唔錯。油麵好滑溜，米粉又唔會太淋，恰到好處。喇沙仲有啲豆卜同蛋，都幾豐富。追加香芒糯米飯（加$28）- 口痕想食甜品，整到壽司咁款，幾搞笑。芒果唔係當造，唔係超甜，但都及格。糯米飯仲係暖暖地，好煙韌。值得一讚嘅係唔會好甜，真係食食吓會食哂！馬來特色手拉咖啡 - 一向都好鍾意飲東南亞咖啡，呢杯都好正！呢餐下午茶好豐富，又抵食！

昨天旁晚和朋友收工後來到銅鑼灣覓食，儘管已過了立冬的氣節，天氣本應轉涼，但見街上行人很多還是T卹短褲的打扮。銅鑼灣食肆林立，天氣熱人就食慾難振，面對著這裡這麼多的美食熱點一時不知如何選擇。當我地行到駱克道離遠睇見間燈光火猛的”馬泰”餐廳，天氣熱時食下泰國和馬拉食物倒是不錯的選擇。店內燈火通明乾淨企理，每張台都有隔板防疫措施做得十足，牆上的裝修幾有心思和新意，頗有東南亞是異國情調。餐牌上所提供泰國、馬拉同其它東南亞菜式琳瑯滿目應有盡有。我地點了泰式無骨海南雞飯、雞絲喇沙和芭提雅炭燒豬頸肉。海南雞飯整體份量搭配的很好，去骨雞肉，雞油飯，開胃沙拉和湯，重有食海南雞特備的豉油同醬料。海南雞顏色鮮黃，油脂很少，雞皮鮮嫩細滑，雞肉已去骨隱見血絲，可見火候掌握恰到好處。搭配著豉香濃鬱，質感濃稠豉油，雞肉入口鮮美滑嫩，風味極佳。雞飯顆顆獨立，外表裹著一層金黃誘人的雞油，睇落已是垂涎欲滴，食後更是唇齒留香。雞絲喇沙色彩繽紛賞心悅目，離遠已聞到椰奶飄香。湯底甜夾微辣，椰香混雜蝦膏香味，令人胃口大開。碗內食材十足，有彈牙的大蝦、嫩滑的雞絲和我最喜歡吸盡湯底精華的豆卜。炭燒豬頸肉瘦中夾肥非常鮮嫩，食落微脆爽而

星期日睡到黃朝百晏，起來都已12點，一家四口梳洗完畢穿好衣服出門都巳1點多，落CWB看看有什麼東西可吃？駕車經過洛克道發現一家新店開張不久，細看這家新店名為"馬泰",顧名思義主打馬來西亞和泰國菜，反正都沒什麼特別想吃，不如試試這家新店。進去後發覺裝修還很新淨。打開餐牌細看價錢也很適中，並不昂貴，特別是那個下午茶套餐，值得推介，當中除了馬來西亞食品外也包括泰國食品，選擇頗多呢！全家人沒意見，交由我發辦點菜，我先來一個冷盤"金柚子大蝦沙律"開開胃,柚子多汁好肉，大蝦甜美，味道調較恰到好處，完全達到開胃效果。接着來一個泰式冬陰公湯，一路喝着一路越有泰國風味，真得想立即飛去泰國。來到馬來亞餐廳，沒理由不叫喇沙，於是叫了一個馬來海鮮喇沙，海鮮足料，味道一流。我家兩個小朋友要些飽肚的，那最好叫個菠蘿炒飯，看似最簡單的炒飯，但原來少一點功力也炒不出這碟好飯。最後來多一個小食"蒜蓉牛油雞翼", 星期日這個懶洋洋的午餐就變得非常滿足了值得一提，到這餐廳你一定不要錯過這裡的飲品，正如他餐牌裡手指公推介的"泰國豆奶紅豆冰"和"班蘭椰汁冰"，外邊餐廳很少喝到，賣相特別，必定令你一試難忘！

這間是半新小店，主打馬來西亞，星加坡，泰國菜，地點駱克道，銅鑼灣至灣仔中間位置，從銅鑼灣地鐵站走過去，大約行五分鐘到，遠處已可以望到佢地個招牌，唔太難搵到店鋪。這天我地一家大小出動搵食，行行下發現呢間小店，一於走入去試吓先店內裝潢，以食物塗鴉形式放在牆上菜式選擇都幾多，以東南亞菜為主先上兩位飲品，分別係泰國豆奶紅豆冰及斑蘭椰汁冰，其中紅豆冰一放上枱，我家中小朋友嘩嘩聲，味道充滿豆奶香，唔太甜招牌泰式冬蔭公（普通size)，酸辣平均，材料充足馬來海鮮喇沙，湯底濃郁，份量都好充夠，配上大蜆，蝦等等配料金柚子大蝦沙律，柚子肉好Juice,大蝦鮮甜，配上泰式酸辣汁蒜蓉牛油雞翼，一拎上黎，wawa...好香！！菠蘿炒飯，好睇又好食，小朋友見到佢地既造型，大愛❤️

上星期我有個舊同事話佢公司附近（銅鑼灣）新開咗間泰菜，想約我一齊去試吓，呢間名叫「馬泰」嘅餐廳都好易揾、喺鵝頸橋附近，可能我哋約嘅時間比較早、而且又係新開，所以好少客人，踏入餐廳侍應已經即時安排坐位比我哋，然後就擺位、放低口罩紙袋同濕紙巾，跟住就落單我哋order 咗一客泰式無骨海南雞飯、一客海鹽燒焗原條海鱸魚，大家share，當等緊上菜嘅時候、我觀察周圍環境，望落去雖然係簡單嘅裝修、但感覺良好！我仲感受到呢度嘅樓面好細心，時刻都會留意我哋嘅需要⋯⋯等唔夠5分鐘個海南雞飯就到喇！雖然成碟都係胸肉、但肉質都好滑，醬汁好味，油飯好香大約5分鐘後條魚都嚟埋！本人好少食鱸魚、因為唔鐘意D肉質好鞋，但估唔到可能條魚新鮮、加上廚師手勢好，肉質都幾鮮嫩成餐飯整體來說都唔錯收費合理、而且仲冇加一

今日黎左銅鑼灣，食tea食著馬泰呢間泰菜。以下午茶黎講，價錢唔算貴，份量大，保證飽，最啱晏小小出黎食晏既朋友仔。我地兩個人叫左一個無骨海南雞喇沙，同一個肉骨茶，另外跟餐叫左兩個小食炭燒豬頸肉同埋鳳爪沙律，另外飲品叫左椰沙冰同豆奶紅豆冰。鳳爪沙律率先上枱，份量係兩人份，酸酸辣辣既鳳爪為下午茶熱一熱身開一開個胃口。無骨海南雞喇沙好香，湯頭飲得出係真材實料，海南雞啖啖肉，配埋喇沙感覺好豐盛。肉骨茶飲落好養生，可能係因為有龍眼同杞子既關係，另外有4大舊排骨，同樣啖啖肉， 另外重有必備既豆卜同油條，將茶加落白飯當湯飯食又係另一種滋味。另一個小食炭燒豬頸肉，同樣好大碟，好香燒烤味。食完野飲埋杯餐飲真係好完滿。

呢間馬泰食lunch都幾抵, 仲有下午茶!見到餐廳門口主打正宗肉骨茶, 所以我地就叫左肉骨茶, 同埋喇沙~~再加左份小食同埋串燒~肉骨茶就算係下午茶, 都係超大份, 有3大條骨, 肉質超淋好入味!湯底果然有藥材味, 真材實料,,加埋油炸鬼真係好正宗好好味!另外喇沙朋友話唔錯, 同埋幾多料!!下午茶可以加配小食, 蝦餅外面有D杏仁片, 更加香口~串燒都唔錯, 有牛有雞, 仲有幾塊多士,幾好食架!特別推介杯特飲, 黎果陣係藍色, 加埋檸檬汁就變紫色!MAGIC!!! 

今日出去銅鑼灣想食埋嘢先返屋企，就諗住食碗麵🍜，記得之前睇過有間新開東南亞餐廳想試，咁食碗喇沙就啱啱好。去到門口見到佢有下午茶，個配搭又好吸引，朋友都ok就入去試吓啦！因為新開，成間舖頭感覺都好新淨，再加埋我去嘅時間唔多人，所以坐得好舒服。下午茶都叫有好多選擇，我就叫咗馬來無骨海南雞喇沙，朋友就叫咗秘製馬來肉骨茶配飯，跟住再加咗$28升級加個芭堤雅炭燒豬頸肉，飲品就每人加$8叫咗個斑斕椰汁冰同馬來特色手奶茶。每樣嘢食個賣相都好好😍，個份量應該同正餐一樣咁大份，用下午茶價錢，食平時散嗌份量，仲要包埋嘢飲，真係好抵食！影完相就要試味啦！我叫嗰個海南雞雞味唔夠，但都算滑，喇沙可以👌🏻，不過個人比較鍾意椰香味重少少。朋友個肉骨茶反而比較出色，雖然唔太聞到陣肉骨茶味，但食落就好夠味😋。個炭燒豬頸肉切到好薄，但就燒到脆卜卜，好香口。兩杯嘢飲睇落都好靚，朋友杯斑斕椰汁冰睇落好吸引，不過我冇試到😅，我杯手拉茶就好夠茶味，冇我想像中咁甜👍🏻👍🏻。整體都滿意😌，$164埋單

馬來杏仁蝦餅 (3件) $68好鍾意呢個蝦餅，外層鋪上杏仁片，令口感更脆丶更香口，蝦膠算厚身丶彈牙，比起其他泰菜嘅蝦餅更有質感，推介！馬來海鮮喇沙 $78喇沙係摻摻底，米粉加油麵，海鮮料算豐富，蝦丶蜆丶魷魚圈丶蟹柳丶魚旦丶豆卜丶蛋… 特別估唔到嘅係2隻蝦幾鮮甜，喇沙醬放中間，可自己調節辣度，啱哂只接受到微辣嘅我。泰式無骨海南雞飯 $78見到在場幾枱客人都有點，就跟風試吓。海南雞肉質嫩滑，雞皮爽脆，我就比較鍾意蘸黑醬油，好快就食晒成碗飯 斑蘭椰汁冰 $28有斑斕嘅香味，無想像中咁甜，唔錯順帶一提，店員姐姐服務好好，態度友善，見我等緊”塞緊車在途中”嘅朋友，主動先比杯水我，真係好細心！呢餐朋友都表示滿意，話會帶家人再嚟試 😋

今日喺銅鑼灣做gym，就喺附近食完個晚餐，先至去做運動。行到銅鑼灣呢條街，見到有間新開嘅馬來西亞泰國菜餐廳，覺得個Menu都幾吸引，就入去試吓佢。嗌咗個金邊粉，馬拉盞椰菜苗，我就轉用蒜蓉炒因為唔係咁食得辣。另外再嗌個斑蘭蛋糕，睇相見到上面鋪左層厚奶，好似啲奶蓋咁，睇落好吸引，想試吓個味道係點。泰式檸檬茶有泰式香料好香。我炒金邊粉有花生碎、蝦、芽菜，豆腐呢啲配料，金邊粉食落幾彈牙。炒椰菜苗好爽口，炒得幾有鍋氣。食完之後，就上甜品。個班蘭蛋糕真係非常之有驚喜，食落班蘭香味超級濃郁，蛋糕又夠鬆軟濕潤，連埋層奶蓋一齊食仲正，更增添奶香甜味。埋單發現原來冇加一，呢到坐得都舒服，都喺食晚餐嘅好選擇。