影片
更多
2020-11-28
531 瀏覽
今日約咗去銅鑼灣做 Body Check，攪完已經接近 5pm，反正都出咗街，今晚就一於偷懶唔煮飯，嚟呢間主打馬來西亞同泰國菜嘅餐廳吃晚飯。店舖門面好 Sharp 醒，青綠色嘅中文字招牌再配以一隻紅辣椒，色澤搶眼，惹人注目。至於室內裝潢亦很有特色，充滿東南亞風情。先睇下店員遞上的餐牌，原來仲有下午茶套餐供應。至於主餐牌，選項就包括有：廚師推介、馬泰街頭小食、特色燒烤、沙律、湯品、菜類、地道咖哩、喇沙、湯粉、飯、娘惹糕點、甜品及飲品等。揀咗一客無骨海南雞飯下午茶餐、馬拉盞炒通菜、咖央多士，另外再加咗一件班蘭蛋糕做甜品。泰式無骨海南雞飯 ($66) 率先送上，雞件分量十足，大大碟，肉質非常嫩滑，食落皮爽肉彈，加上一早已經去咗骨，入口啖啖肉，蘸點旁邊稠而不鹹的黑醬油吃，甚是滋味！油飯水準亦唔錯，吸滿了雞湯精華，入口煙韌軟糯，粒粒分明。食完再飲埋碗湯，非常滿足，湯內有薯仔同雞絲。跟餐飲品點咗滋潤的黑糖薑母茶 (+$8)，成品不大，味道頗薑，很適合冬天飲用！馬拉盞炒通菜 ($62) 一向很喜愛吃通菜，質感滑滑的，非常可口，而今次呢碟就用咗馬拉盞嚟炒，入口鹹香微辣，夠曬惹味。馬來咖央多士 ($
店舖門面好 Sharp 醒，青綠色嘅中文字招牌再配以一隻紅辣椒，色澤搶眼，惹人注目。至於室內裝潢亦很有特色，充滿東南亞風情。
先睇下店員遞上的餐牌，原來仲有下午茶套餐供應。至於主餐牌，選項就包括有：廚師推介、馬泰街頭小食、特色燒烤、沙律、湯品、菜類、地道咖哩、喇沙、湯粉、飯、娘惹糕點、甜品及飲品等。
揀咗一客無骨海南雞飯下午茶餐、馬拉盞炒通菜、咖央多士，另外再加咗一件班蘭蛋糕做甜品。
泰式無骨海南雞飯 ($66) 率先送上，雞件分量十足，大大碟，肉質非常嫩滑，食落皮爽肉彈，加上一早已經去咗骨，入口啖啖肉，蘸點旁邊稠而不鹹的黑醬油吃，甚是滋味！油飯水準亦唔錯，吸滿了雞湯精華，入口煙韌軟糯，粒粒分明。食完再飲埋碗湯，非常滿足，湯內有薯仔同雞絲。
跟餐飲品點咗滋潤的黑糖薑母茶 (+$8)，成品不大，味道頗薑，很適合冬天飲用！
馬拉盞炒通菜 ($62) 一向很喜愛吃通菜，質感滑滑的，非常可口，而今次呢碟就用咗馬拉盞嚟炒，入口鹹香微辣，夠曬惹味。
馬來咖央多士 ($32) 多士可以揀蛋黃、斑蘭或椰子，上桌已一分為二，賣相同一般港式三文治分別不大，不過咬下非常香脆，咖央醬塗得甚重手，食落味道自然，甜度也不高，風味正宗，讓人一口接一口。
壓軸出場的古早娘惹斑蘭蛋糕 ($32) 亦做得很有誠意，件蛋糕應該加入咗新鮮斑蘭汁製作，糕身呈漂亮嘅青綠色，味道清香天然，而且最抵讚就係蛋糕面頭鋪咗層甜度適度中的厚奶，令蛋糕吃起來更加軟綿濕潤，絕對是誠意之作。
張貼
