馬泰

營業中

休息中

終於開返晚市堂食，兩個人去到銅鑼灣想食泰國嘢，見到依間馬泰唔係好多人，就走咗入去試吓。入邊裝修都幾靚，啲位好闊坐得好舒服。一坐低職員就俾咗啲口罩套同濕紙巾我哋，好體貼。海南雞喇沙，海南雞真係好滑好嫩，食落好有海南雞嘅味道，個喇沙好香又唔辣，飲落去甜甜地，入邊仲有兩種麵，真係好好食。菠蘿海鮮炒飯，一啲都唔Hea，入邊好足料好多海鮮，份量都好大，兩個人食都覺得好多，但係炒得好香，平時好少食炒飯嘅我都覺得好好食，真係必叫。咖咉多士椰子醬，多士好脆，入邊啲醬都好多，椰子味好濃，食甜甜地好香口，小食來講算唔錯，價錢又抵，下次嚟到都一定會再叫。佢Menu入邊都有好多唔同嘅嘢食，可惜兩個人真係食唔到咁多野每一碟份量都好大，下次等我再嚟試吓其他嘢先。

好耐無見大學朋友，今次黎銅鑼灣佢帶我黎左間食馬來西亞泰國菜既餐廳。麵食好驚喜✨👏🏻🔅招牌無骨海南雞喇沙佢啲雞幾滑，點嗰個酸醬令到啲雞好惹味，加上佢個喇沙湯底真係無敵，少辣而且椰子味重，我差唔多飲曬😂評分: 4.564/5🔅馬來海鮮喇沙佢啲海鮮都幾足料，有蝦、蜆、魚蛋、魷魚，每款海鮮份量都幾多，可以同frd share一齊食！一樣佢有辣醬撈埋個湯好好飲！同海南雞喇沙一樣佢係摻摻，米粉撈油麵口感好正！評分: 4.543/5🔅龍眼冰佢有粒粒龍眼散發出龍眼獨有既香味同甜味，好清甜！評分: 4.352/5🔅杏仁蝦餅佢個賣相好令，有粒粒杏仁片係個蝦餅到。食落去d蝦膠好厚，feel到係真材實料。評分:4.325/5

星期日嚟到銅鑼灣睇狂舞派😍之後就去食呢間有馬來西亞同泰國菜嘅餐廳食晚飯啦🤪.先點左個軟殼蟹撈檬🦀份量真係唔惹少！女仔應該share食好啲😂 軟殼蟹有一大只，炸得唔油亦幾香口！檬粉入面有d蔬菜撈好食口感豐富🥰.另外點左個椰漿飯😍好耐冇食呢款菜式啦！有d魚干仔、巴東牛肉、蛋同花生🥜 而椰漿飯係creamy & 甜甜地嘅😜撈好食味道好有層次，特別鐘意巴東牛肉，夠哂入味😘.叫左個青咖哩雞🥳食落少少辣，入面用上雞排架，仲要都幾多件！亦有d茄子同豆角😃😃

馬泰平時都好多人食，今日難得嚟到唔多人。餐廳裝修得好靚，座位闊落，好有渡假feel~menu選擇好多，我同朋友揀咗好耐先落到決定配製馬來亞肉骨茶配飯﹕個肉骨茶非常足料，有唔同食材而且好份量十足，我自己一個都食唔晒！不得不提啲肉非常軟身，而且湯味濃，以呢個價錢嚟講真係超值。馬來海鮮喇沙﹕個湯好有鮮味，不過比起一般喇沙嚟講就幾辣，我個位食得辣嘅朋友食到一半都話非常辣~泰式鮮蝦米紙卷﹕皮好薄，不過唔加醬就比較淡味~泰國豆奶紫米冰﹕一飲就愛上咗呢隻豆奶 同平日飲嘅豆奶唔同，呢隻豆奶豆味比較濃，加埋紫米好夾~ 外型仲好fancy tim!馬來特色手拉茶﹕朋友叫嘅，佢話味道有啲似印度拉茶咁強烈，都唔錯~結果我地食咗一餐豪華嘅午餐

上OpenRice 搵食見到好多人都大讚這間馬泰食店，決定一試，果真沒另我失望，真是平靚正之選。店舖裝飾富馬來特色，座位亦寬闊舒適，有不少打卡位，可以一邊品嚐美食一邊享受馬來風情。秘製馬來肉骨茶我同老公都好喜歡肉骨茶，所以二話不說便點了這個，還以為普通size份量不夠吃，誰知份量很大，除了有肉骨外，還有很多豆卜及枝竹和非常厚肉的冬菇，全部都炆得又淋又入味，相信用了不少時間及火候才可做到，$70多元吃到如此出色的肉骨茶令我兩公婆喜出望外👍🏻！泰式無骨海南雞飯擺盤非常精緻，增添了不少食慾，海南雞雞滑無骨，而且有雞味，配上這個佈滿香氣的飯，叫我倆吃到舔舔脷，就連那例湯都非常出色，沒味精之餘，還很清甜，喜歡那二小片芫荽，另整碗湯畫龍點睛。最後不得不欣賞小店的姨姨細心主動，見我倆一放下口罩便主動戴上口罩袋及消毒濕紙巾。❤️

呢日放工之後去搵朋友食飯，我地搵左間食東南亞菜既餐廳食dinner。打開餐牌，見到有好多好吸引既東南亞菜式　我地點左兩樣野食同兩杯野飲。黎食東南亞菜最鍾意就係點海南雞飯，呢到既海南雞飯幾正宗，啲雞肉非常嫩滑，配埋好惹味既油飯，食唔停啊！海南雞既醬料都調配得好好味，仲送埋一碗清湯，連埋海南雞一齊食好夾！我地仲點左碗泰式軟殼蟹撈檬粉，軟殼蟹炸到好香脆，亦都有好香既鮮味。將酸酸甜甜既撈檬汁倒入檬粉，食落去非常開胃，好正！除左野食之外，呢到既飲品都唔錯，我地分別點左凍馬來特色拉茶同埋魔法梳打。拉茶好幼滑香濃，味道亦都好正宗，唔錯！魔法梳打呢個名幾特別，飲落去酸酸甜甜，幾好飲。呢度啲野食價錢喺銅鑼灣黎講都唔算貴，幾抵食。

嗰日行完街，啱啱好夠時間食下午茶。見到佢啲下午茶幾抵食，就入咗去試吓。只見佢有用膠版隔住二人一枱，衛生措施充足。招牌無骨海南雞飯海南雞份量適中，肉質滑嫩，滑lulu 咁而去左骨的確方便食用，一啖食落口，口感舒服。另外個雞油飯唔會太油，飯粒爽口，食完都唔會覺得肥，而且飯既份量偏多。配埋啲醬汁就10分開胃。曼谷雞絲扎肉湯金邊粉金邊粉口感爽口。雞絲同扎肉好入味，湯底濃郁而唔會有太多味精。份量以下午茶黎講頗多，十分抵食。芭提雅炭燒豬頸肉另外，以下午茶套餐可以以優惠價嗌小食。豬頸肉煎得外脆內軟，一啖入口，好彈口。份量以優惠價黎講適中。泰式鮮蝦米紙卷外貌精緻，包括有米粉，生菜，鮮蝦，味道清新易入口。馬來特色手拉茶同一般奶茶唔同，甜味較重，適合中意飲甜野既朋友。

冇左堂食，夜晚冇得出去食真係勁煩。不過夜因為甘變得早左食飯，食完去行donki消化。餐廳環境睇得出有擺心思，好多泰國食品做既裝飾。因為早食飯，所以要食多d。我地就叫左2個主食同1個小食。價錢合理，唔太貴，銅鑼灣黎講算高CP值🤣🤣🤣小食要左咖央多士，咖央醬幾多不過偏甜。但一定要熱食，凍左多士變得乾乾地，但都ok。主食要左個海南雞喇沙，海南雞係另上，份量多，啖啖肉又夠滑！喇沙小小辣，但冇味精，湯底好香，飲哂都唔會口渴。 另外有個辣醬可以加，不過加小小就夠，因為真係偏辣，加小小吊下味甘。另外就要左個pad Thai,炒得夠乾身，又唔會太油，蝦勁爽口又冇雪味，十分好！不過撈太多辣椒粉，去到最後搞到太辣，唔太食得。🤣

星期六我同呀媽去銅鑼灣買嘢過年，四周圍都好多人，我哋行咗去鵝頸橋嗰邊食晏。「馬泰」🇲🇾🇹🇭係一間值得推介嘅小店，之前食過覺得可以用平靚正形容。餐廳兩點鐘就已經開始做下午茶時段，週末亦唔例外，所以我哋都等咗陣先有位，人氣超高👏。小店環境唔失禮，有牆畫亦有用粉筆畫嘅食物圖。同時，呢度衛生唔錯，餐具同餐枱都乾淨。下午茶套餐有相當多選擇，定價介乎$52至$66不等，包主菜同飲品，另外仲可以加錢搭配小食。後尾我發現其實午餐都只係每款貴$10左右，喺呢區算幾抵食👍。馬來無骨海南雞喇沙($62)，呢個組合簡直係一次過滿足兩個願望✌🏻。海南雞同喇沙分開上，份量絕對無因為係茶市而減少。先講海南雞🐓，去骨確係方便食用，味道唔錯兼肉嫩，並附有兩款醬汁同花生蘿蔔絲一齊食，夠正宗。但有少少可惜係雞肉偏薄，雞皮同雞肉嘅比例係1:2。喇沙好足料🍜，有豆卜、辣椒醬、蝦皮、半隻蛋以及芽菜等。麵底原來預設係參參，即係油麵拼米粉，不過如果有得揀淨米粉就更啱我。湯頭帶點椰香味，但辣度都唔弱。泰式青咖哩飯($62)，🥘咖哩有得揀牛肉或者雞肉，因為呀媽唔食牛，所以都係揀咗雞，估唔到雞肉係用上大塊煎雞扒，大到可以切成八件，而且外皮

真係好鍾意食泰國嘢♥️♥️♥️🤜🏻🤛🏻依一間泰國嘢真係冇得輸🥳🥳🥳🥳首先講吓佢杯嘢飲！你睇吓杯芒果冰真係幾大杯♥️♥️♥️一直都叫我念念不忘！青咖喱雞又係好好食！勁香😀😀😀😀雞扒亦都燒過🤣🤣超級好♥️♥️♥️♥️♥️♥️食咖喱點會冇蒜蓉包喎！配埋蒜蓉包真係無得輸♥️♥️♥️♥️又係熱辣辣🤣🤣🤣燒豬頸肉♥️♥️♥️♥️啱啱好，真係好好食！到咗最後嘅重頭戲，就係蝦餅呀♥️♥️♥️♥️♥️♥️蝦肉非常之彈牙，配埋杏仁片，口感非常好👍🏼

睇過大家嘅食評之後，決定嚟呢間野度試吓，果然唔錯，我覺得好抵食，$110又食到無骨海南雞，又食到喇沙，又食到杏仁蝦餅，仲要飲埋馬來拉茶，馬來西亞泰國地道嘢食一次食晒，整體樣樣都好食好有水準，好食飽，大滿足！

冇得旅遊的日子, 只可係本地覓食。好彩, 香港仲係美食之都, 好多唔同既菜式都可以食到。今日發現到一間好唔錯既馬來喇沙。這小店係銅鑼灣, 雖然係有d貴, 好彩剛到下午茶時段。 簡左: 無骨海南雞配喇沙, 杏仁炸蝦餅, 手拉凍奶茶。其實只係剛好經過想食亞洲菜就入黎食, 本來冇咩特別期望, 但坐落發覺都算幾多人, 當然唔滿。 而且仲有2枱係外國人。 竟然外國人都會黎食。 佢既海南雞都算幾有水準, 幾爽滑, 唔肥, 雞皮好薄, 令人食埋雞皮都唔太有罪惡感。 我反而覺得個喇沙比較出色。 佢個湯調較得剛剛好, 最重要佢早已幫你落左辣醬係面, 一搞就入左湯。 本來怕會唔會太辣，但竟然係夾好晒，我覺得如果一定唔落反而冇咁好食。 所以喇沙入面既豆腐卜真係好正, 索晒d湯汁勁野味。 而仲係用左2款麵(油麵+米線), 感覺唔會太飽或怕唔夠食。 杏仁炸蝦餅有杏仁香好多, 同埋外面都好少見。手拉凍奶茶真係手拉咁wor, 凍既都會有咁多泡係面, 好明顯唔係港式既。真係有意外驚喜既一餐。

限聚令無得開晚市，想出街食唯有黃昏時候早些去食下午茶當晚餐吧！去了銅鑼灣的馬泰，有下午茶套餐更抵食！見下午茶套餐價錢很經濟實惠，送指定熱飲，凍飲加$3,或其他價錢升級特飲，還可以加配小食更化算。點了扎肉雞絲撈檬粉下午茶餐$52, 扎肉和雞絲份量算多，墊底還有很多生菜絲，喜歡吃撈檬粉因為感覺夠清新，拌魚露吃更開胃。魚露的確是助食佳品，味道每家店都不同，這裏的魚露味道偏酸不辣，所以不用下太多。檬粉和扎肉雞絲吸收魚露味道，感覺更新鮮爽口。加配的小食，泰式無骨鳳爪$22,這個必點，因為味道不錯，酸和辣比例各佔一半，夠濃味，而且鳳爪爽口無骨，可以開懷大嚼，是推介的小食。招牌泰式冬陰功湯$72,是普通size, 人多可選大鍋的。普通size份量二人分剛好，味道偏辣的，有大辣程度，酸味中度，椰汁味相對少的，配料有很多雜菌、香茅，還有一隻蝦，淆冬陰功湯必備的，喝下很重香茅味，又香又辣，吃得過癮！辣完要喝飲品， 餐飲一杯西洋菜蜜，另點一杯熱咸柑桔水$14，特別要推介咸柑桔水，去辣味一流，而且天氣乾燥，飲咸柑桔 對喉嚨非常好，味道其實不會太鹹反而有清新的桔子皮味，入口回甘，好味！最後來個甜品馬來椰絲卷$3

朋友一向對馬來西亞野情有獨鍾行經銅鑼灣見到一間新開嘅主打馬來菜式又係限眾令嘅關係所以我哋大概5:00入座就當食埋晚餐餐牌係下午茶價錢都幾合理唔使$70有主食加飲品另外仲可以加小食同埋甜品身為海南雞愛好者一定要試吓佢嘅招牌泰式無骨海南雞飯上菜嘅時候擺碟好精緻個tray好整整齊齊放好晒湯飯同埋雞感覺好整理雞嘅份量都好多肉質亦都嫩滑多汁個薑黃油飯油香亦都好勁加埋佢個酸辣汁，三樣嘢配起嚟非常之好味另外叫咗個馬來海鮮喇沙望落去非常足料湯底非常之濃烈如果唔食得辣嘅朋友千祈唔好撈勻所有嘅辣椒醬因為真係勁辣麵質亦都處理得唔錯芭堤雅泰式豬頸肉燒得啱啱好配埋佢嘅醬汁十分之野味加上佢原本嘅豬頸肉選材好好油脂比例相對地高食落去一啲都唔柴口感勁邪惡馬太香芒糯米飯真係令到我哋勁驚喜以一個泰式嘅食物用一個日式嘅方式嚟表達望落去勁似壽司椰汁嘅味道非常之香雖然芒果而家唔當造但係都唔會酸用嚟打卡簡直一流凍馬來特色手拉茶茶味濃郁亦都唔會死甜味道非常之唔錯Ma Thai 魔法梳打會配有一個汁店員話將個汁到入去呢杯紫色嘅梳打就會變咗顏色感覺好新奇有趣仲可以少甜少冰合適返唔同人嘅口味

晚市收咗，唯有早小小去食！太耐無去街食飯，好興奮🤩佢個位好易去，一出地鐵站一直行就到！！坐底咗之後，佢就俾咗口罩套同濕紙巾我地消毒！十分之貼心！可以安心食飯🤣肉骨茶 勁大碗肉骨茶，仲配咗個飯同油炸鬼！啲湯好足料，又有枝竹，豆卜，仲有好多杞子同龍眼肉！排骨都多有成5舊！不過最滿意係佢個湯！！！真係好啱冬天食！！海鮮喇沙佢係調整咗香港人口味嘅喇沙，甜甜地，佢都放咗啲辣醬係上面，都幾正！！好多海鮮，而且很地道咁係米粉加油麵！斑斕椰汁冰Highlight!!!食辣必備！！！有斑斕嘅jelly!!香芒糯米飯見好多人都推薦！！好搞笑，佢present係一舊壽司禁，好得意！！！不過花生味好重，芒果唔算好甜！打卡必備！斑斕蛋糕with厚奶斑斕味都重，而且濕潤！不過食上去，入面係凍😆厚奶咸咸地，配斑斕味好match wor又！！！