影片
開飯介紹
馬泰 極具異國風情的馬來西亞,泰國小館。
新鮮食材加上廚師們的精彩演繹,當中包括各類多元化美食。新加坡肉骨茶,泰國咖哩,馬來喇沙,特色串燒⋯一次讓你領略馬泰菜的文化韻味。
繼續閱讀
營業時間
今日營業
11:30 - 21:45
星期一至日
11:30 - 21:45
公眾假期
11:30 - 21:45
公眾假期前夕
11:30 - 21:45
以上資料只供參考, 請與餐廳確認詳情
馬泰，銅鑼灣分店，近期都幾紅既店🥳店內裝修好有特色，好有心機咁整咗馬來西亞、泰國嘅特色🌟餐牌當然都係主打呢兩個地方嘅特色菜，選擇非常之多，近期爆紅嘅原因就係$98就食到原隻波士頓龍蝦喇沙🤩GOGOGO🦞原隻波士頓龍蝦喇沙😎超大碗，賣相驚人，相當吸引👍🏻原隻龍蝦配埋手套同鉗，方便啲又過癮啲，龍蝦都幾大隻，搣開肉質非常彈牙😻厚肉，完全滿足到食龍蝦嘅癮🤞🏻蟹鉗肉非常濃味，點下喇沙湯食好正，隻龍蝦都好多膏，加落喇沙湯度好味😋湯入邊係摻摻，喇沙湯有料到！要椰香有椰香，夠濃，辣得來香，高質素嘅喇沙🫶🏻泰式蠔仔蛋，其中一樣我最鍾意嘅泰式菜🇹🇭鐵板上枱好吸引，啲蛋多到有高度，蛋相當嫩滑，加埋香料炒好好味🤤蠔仔好有鮮味，配啲辣椒醬正，估唔到咁多Cocktail特飲，試咗杯Purple Rona🍹Corona系列嘅特飲，用咗蝶豆花天然嘅紫色，睇得又飲得，幾清新👍🏻裝修靚得黎食物有特色👍🏻質素亦都好有水準，相當唔錯嘅東南亞特色菜舖頭，值得再食😆龍蝦同喇沙都會掛住！
繼續閱讀
呢間正呀食泰國嘢喺銅鑼灣嘅佢有分店嘅佢有嘢飲同埋有嘢食同埋全部都係典型嘅白飯咖喱所以好正㗎我好鍾意佢好惹味同埋唔會話好少份量，所以我好鍾意㗎有興趣快啲去食lunch價錢唔會話好貴我好鍾意去呢間食飯㗎我覺得唔錯呀佢有椰汁冰冰好有泰國風味好食呀如果有興趣食泰國嘢一定要嚟呢間啦我都好鍾意嚟㗎我都嚟過一次已經好想再嚟食唔需要等好耐亦都已經有得食啦，所以一定要揀呢間啦，有興趣快啲過嚟啦，唔使等好耐服務質素又好啊
繼續閱讀
友人說吃到性價比最高的泰菜，不用百元吃到原隻龍蝦喇沙，而且不是限量優惠，人人都可以吃到，決定試試，店鋪播住泰文歌，牆上是泰國街頭原隻波士頓龍蝦喇沙$98巨型波士頓龍蝦，可以看旁邊的雞蛋作比例，喇沙湯濃郁帶辣味，椰奶香氣撲鼻，傳統摻摻是油面加米粉，帶來兩種口感，後來看到每台都點了一碗，必食推介泰式無骨海南雞飯 $82黃油雞肉嫩滑，完全無骨，沾酸辣醬吃一流，配油飯和羅白雞湯，雞湯味道清甜招牌泰式冬陰功湯（細） $82酸辣惹味，帶東南亞香料和椰奶的香氣，裡面有大蝦和蜆等海鮮，相當足料
繼續閱讀
講到銅鑼灣搵食，其實選擇真係多到數唔晒，但如果講緊要食到地道又足料嘅東南亞菜，「馬泰」真係唔可以錯過！呢間餐廳以泰國同馬來西亞菜為主打，價錢親民之餘，味道仲好有層次，絕對值得一試。 餐廳位於銅鑼灣一帶，裝修簡約有型，牆上掛住幾幅帶有東南亞色彩嘅畫，配埋木質家具，令人感覺好似真係去咗曼谷或者吉隆坡咁。入到去，座位間隔唔算太迫，燈光溫暖舒適，啱晒同朋友聚餐或者自己靜靜享受美食。 706 曼谷雞絲扎肉湯河粉鮮雞湯 $68第一道上枱嘅係「曼谷雞絲扎肉湯河粉」，湯底係用鮮雞熬製，湯色清澈，但味道一啖落肚就知道係足料熬出嚟，鮮甜濃郁但唔會太鹹。雞絲鮮嫩，扎肉紮實彈牙，配埋滑溜嘅河粉，整體口感豐富又有層次，好有地道泰國街頭檔嘅feel！ 904 健康薏米水 (凍) $18呢杯薏米水真係清熱解渴首選，味道清香順口，唔會太甜，飲完即刻覺得好清爽，仲有助消暑，尤其喺夏天飲一杯真係非常醒神！ 903 柑桔水 (凍) $18呢杯柑桔水帶有淡淡嘅柑橘香氣，入口微酸微甜，感覺好清新，特別啱配搭比較重口味嘅菜式，同時仲可以解膩。 717 馬來椰漿飯牛腩 $78呢道菜真係令我回味無窮！椰漿飯嘅米粒軟硬適中，帶有淡淡嘅椰香，配埋牛腩一起食，簡直係絕配。牛腩燉得又腍又入味，香料嘅層次好豐富，好似喺口腔跳舞咁。旁邊仲有半隻溏心蛋，蛋黃流心得嚟又香濃，真係一口飯一口牛腩，再加埋蛋，滿足感爆棚！ 503 馬拉盞炒通菜 $68呢道菜絕對係飯餸嘅好選擇！通菜炒得火候十足，保持住爽脆嘅口感，而馬拉盞嘅鹹香味徹底滲入每一條菜葉之中，重口味之中仲帶有一絲微辣，真係刺激味蕾。呢道菜特別啱配埋椰漿飯一齊食，絕對係飯掃光光嘅節奏！ 喺「馬泰」食嘢，真係感受到地道東南亞嘅滋味，每一道菜都係用心製作，食材新鮮，味道層次分明。價錢方面亦都相當合理，性價比高，特別適合鐘意泰國同馬來西亞菜嘅朋友。如果你喺銅鑼灣附近唔知食咩好，過嚟呢度試下，真係會有驚喜！
繼續閱讀
收工想食肉骨茶補吓 就叫埋朋友去銅鑼灣嘅馬泰入到去見好多枱都食緊限量發售嘅原隻波士頓龍蝦喇沙勁大份量 搞到心郁郁但見隔離枱食到成件衫都係汁 嚇到我白色衫唔夠膽挑戰住 留番下次再試🍜招牌無骨海南雞摻摻喇沙海南雞滑嫩無骨 加埋摻摻喇沙湯底香濃微辣最底有好多大豆芽 連埋摻摻食 幾重口感佢仲有啲蝦乾一齊煮 🤗🐷肉骨茶 (普通size)湯底藥材香濃 排骨炆得軟腍唔嚡口入口好暖胃夠地道 仲要超多豆卜 嗦晒湯🥬馬拉盞炒通菜通菜爽口翠綠 馬拉盞醬鹹香惹味 帶輕微辣勁 炒得幾有鑊氣🍹凍柑桔水冰凍清新 帶柑香微酸食完重口味嘅菜飲一啖超解膩
繼續閱讀