馬拉公公

營業中

休息中

無飯mood again‼️放完工好攰💤又要買餸又要煮埋有時真係要偷下懶🤣廢是做死自己🥰所以又拉咗男友出去食啦☺️唔知係未涼涼地好想食啲辣辣地嘅嘢🧐見到呢間都幾多人排隊一於試下先❣️反正平時少食馬拉嘢😂入正題❣️🔺檳城福建蝦麵➕怡保白咖啡❣️我地兩款麵底都係滲滲呀🤤油麵加米粉一個價錢雙重口感❣️湯底都幾紅🧐開頭以為會好辣下🥺但食落又唔會太刺激仲有少少鮮味😛麵不可貌相🤣豆卜好正吸哂啲湯汁🤤精華嚟👍🏻仲有魚蛋同蝦都好彈牙爽脆👍🏻咖啡好香濃😋唔會太甜❣️🔺白咖喱海鮮滲滲➕馬拉拉茶❣️男友唔食得太辣‼️所以食白咖哩就啱啦🙃幾香椰奶味🥰同埋甜甜地🤤當湯飲都得❤️馬拉拉茶有啲似阿華田加奶嘅感覺❣️幾好飲搞到我係咁偷飲😂

好耐冇去gogomall搵食，自從冇左yoga班上，好少去果邊，原來好多餐廳都轉左手，要搵時間逐間試下先得！今次試呢間馬拉公公平民價錢食到正宗馬來西亞娘惹口味，原來老闆爸爸係馬拉西亞人，餐廳嘅醬汁湯包都係馬拉西亞製造！酥炸魚柳配當乾咖哩 $46✨馬拉咖哩好有椰漿香味，餐廳體貼地將個咖哩醬另上，迎合唔同人喜好加多定少，又唔會浸啲飯同魚柳。魚柳雖然已經凍左略腥，但個炸皮仲脆口，咬落唔油膩，點多啲咖哩汁味道其實幾好味。馬拉拉茶(跟餐+$7)✨餐廳用嘅係粉沖馬拉拉茶，奶味較重，本身怕會好甜，但意外地一啲都唔甜，大大杯，怕辣必叫。不過我都係中意飲南洋咖啡多啲。白咖哩海鮮滲滲 $48✨滲滲係油面加米粉，呢間油面比例多過米粉好多，我個人中意食米粉，因為唔中意油麵果陣鹼水味，不過配咗更濃味嘅白咖哩湯底又唔覺有鹼水味，整體都唔錯，性價比高，如果個湯可以多少少就更好。馬拉無糖黑咖啡 (跟餐 +5)✨我的最愛！！南洋咖啡，黑咖啡夠濃，加埋煉奶，絕配！！雜錦囉吔 Rojak $32 👍✨原來我第一次食馬囉吔，算係水果沙律，材料有青瓜、菠蘿、沙葛、豆卜同油炸鬼，撈埋佢地啲囉吔醬，個醬味道有啲似腸粉果啲甜醬有少少

今日係新墟買完野經過gogo mall 上去睇下個food court好乾淨企理座位又大又舒服行左個圈揀左馬拉公公我地都好鐘意食辣野由其係馬拉野餐牌有好多野揀 目不暇給😂😂揀左好耐先揀到揀好左比左個機仔就搵位先等左一陣好快就響今次有咖哩雞好香椰味唔太辣 雞肉好滑送飯一流好快就成碗扒哂另外炸豬扒配干撈麵豬扒炸得岩岩好撈麵下面配左好多馬拉既芽菜 肥肥短短好爽口份量都幾多加埋杯青檸柚子冰飽到捧住個肚離開囉下次再黎試下其他野食先👍🏻

星期日去屯門行完山，就即刻落返去搵嘢食，跟屯門友一齊搵好嘢食佢介紹左我去呢個商場真係有好多嘢食！同時佢都介紹咗呢一間馬來西亞小店，佢話佢已經食過好幾次，今次帶我嚟食！我印象中我好似食過一次😆要再睇吓有咩食先！怡保芽菜海南雞飯老闆娘話用咗怡保嘅芽菜，第一次食試吓咩味先！估唔到咁清爽而且好鮮甜！每一條都肥嘟嘟好飽滿！海南雞啲肉都好滑潤，沾埋個醬汁，雞肉更加鮮味！雞皮唔會好肥食落口非常爽口！唔好睇個飯盒四$50有差唔多成半隻雞，真係好揼本！不過我就嫌啲飯有啲啲硬， 軟身啲就好啦朋友就叫咗個薄荷咖喱蝦飯 佢未食我已經聞到好香濃嘅咖喱味，偷食咗佢一件豆卜，吸滿薄荷咖喱嘅醬汁，咖喱香濃，配埋飯食好開胃，好好味呀！朋友加埋個馬來西亞特產嘅薏米水，佢話可以減低識美食嘅罪惡感😝不過飲落又幾清新解渴而且仲唔會好甜！我飲馬來西亞凍咖啡， 可以一試! 個人重口味啲，鍾意啲重奶味啲🤪見到有咁多款嘢食！其實真係花多眼亂有機會要再嚟！

屯門gogomall一個food court 入面係咁多間嘢食入面揀咗一間馬拉嘅嘢食冇令人失望👍🏻❤️🔺檳城亞參喇沙米線喇沙湯底好濃味 同一般出去馬拉菜館食嘅唔同 湯底好特別 龍得來但係又唔會膩 真係飲晒啲湯底佢都得😍仲有好爽口彈牙嘅蝦 魚片 白魚蛋 豆卜 雞蛋半隻 配料好豐富 🔺檳城福建蝦面呢個下面就犀利啦 一入口湯底清得黎又好濃蝦味 冇諗過佢個湯底咁清澈但係有咁濃既味😍佢個配料同喇沙米線嘅配料差唔多，但係特別在佢有一個系怡保運送過嚟嘅芽菜 特別爽脆 而且又好咬口👍🏻同平時喺出面食馬拉餐廳加嘅芽菜唔一樣因為佢地用普通芽菜會煮到好林身🔺怡保白咖啡🔺馬拉拉茶第一次飲馬拉奶茶 原來都幾好味 同平時嘅奶茶相比佢冇咁濃茶味 成個感覺入口好順好滑整體來講 食馬拉茶式 真係令我有驚喜☺️，因為之前去過其他地方食都會覺得冇咩特。舖頭嘅老闆屋企系馬拉人，佢話貨源都來自馬啦 令人感覺食緊真真正正嘅地道馬拉菜👍🏻佢亦都好切 會特登走過來問我哋好唔好食啊話俾我哋聽用咩材料整呀 點解啲蝦可以咁爽甜等等 令人覺得有賓至如歸嘅感覺之餘🥰下次嚟到呢個food court我亦都唔會再幫襯呢間馬拉公公👍🏻👍🏻

餐廳係位於屯門嘅雅都商場，去開屯門睇戲嘅朋友，對呢個商場相信都唔陌生㗎喇。餐廳位於商場一樓位置，一樓除咗有好多餐廳之外，仲有一個food court area, 而馬拉公公就係裏面嘅其中一間餐廳，直行入去左手邊最後就係佢啦。講到餐廳最大特色，就係原材料係由馬來西亞進口；當日去嘅時候亦都見到老闆喺舖頭，真係好得意㗎，同招牌真係一樣樣，個logo真係將老闆嘅特徵繪畫得出神入化。哈哈！老闆仲同我講咗句馬拉話添，非常nice~.檳城白咖喱配吉列豬扒飯（$46）白咖喱係唔辣嘅，食落都幾香。.雲吞叉燒黑醬干撈麵（$40）三粒雲吞都用係以鮮蝦製成，而唔知馬來西亞所謂嘅黑醬係咪就係香港嘅豉油，而小妹食落就覺得係甜甜地嘅豉油撈麵。.餐廳價格約$4x-$5x，加幾蚊配飲品，$10配特飲，價格親民，不過我見比較多人叫係佢嘅湯面或者海南雞，我諗依兩種菜式會比較出色。

1.咖喱豬軟骨飯4️⃣0️⃣2.檳城福建蝦面4️⃣0️⃣3.凍怡保白咖啡7️⃣0️⃣4.凍馬拉拉茶6️⃣5️⃣咖喱豬軟骨飯問題出係咖喱🍛度 要左多辣...完全唔辣囉 水汪汪好似湯 又冇咩香味 感覺冇比心機整 豬軟骨/薯仔煮得好淋既 可惜都係冇咩特色 份量okay 但係質素真係窄左啲 蝦面有好多配料 大蝦有兩隻 但係唔新鮮 唔爽口 亦唔入味 蝦湯味聞落幾香 但係好淡同稀 唔夠香濃亦都唔夠辣 再加用個隻麵好大陣鹼水味 搶左蝦味風頭 掛唔到湯 可以+7蚊加杯野飲 見到凍怡保白咖啡就叫返杯啦 係飲到馬拉街邊既味道既 呢度值得一讚👌🏻凍馬拉拉茶女朋友覺得幾好 我自己試就麻麻地啦 不過整體黎講野飲算okay啦！比佢啲野食已經好好多～隔離咁多野食 唔會回頭食呢間餐廳❌

放假近近地去屯門行街，又去左食馬拉野～～～之前已經食過呢間既白咖哩滲滲，覺得幾好食，所以今次又翻黎試其他野～呢到雖然只有小小一間店，但係有好多唔同既馬拉特式食物，而且價錢親民，值得一試架！咖哩雞可以選擇單點/跟白飯/跟椰漿飯，咖哩汁超香濃惹味，辣度適中，唔會太嗆口，撈飯食一流！雞肉質地尚可，雖然肉質唔係十分軟滑，但帶肥瘦適中既雞皮，而且份量足夠。肉骨茶配料有蛋，豬肉，冬菇，油炸鬼，豬肉略嫌唔夠淋，但帶軟骨位。冬菇同蛋超入味，好好食！呢間既肉骨茶唔重藥材味，反而好似帶少少胡椒既香味，撈飯食或者就咁飲都唔錯～飲品我地叫左凍檸茶同凍拉茶，檸茶正正常常。而拉茶方面係好飲既，茶底不嬲香，但今日既拉茶略嫌唔夠濃～

初嘗馬拉晚餐-馬拉公公星期日番到屯門既雅都商場，聽聞呢到開左好多新既餐廳，就決定同男朋友仔黎試下。見到間馬拉餐廳幾吸引，就決定試試佢～餐廳既選擇都好多，我地最後決定叫雲吞黑醬干撈麵同白咖哩雞絲滲滲（飯）🔻黑雲吞黑醬干撈麵味道：7/10價錢：$40用上左左拌麵，幾有咬勁，而且佢用黎撈麵個隻醬好香，咸香得黎又唔會令你感到好口渴，正～而雲吞都有4隻，入面有啲豬肉餡同蝦肉，再加埋附上既醋，好食～🔻白咖哩雞絲飯味道：7/10價錢：$48白咖哩唔會太辣，岩曬唔食得辣但又想食咖哩既朋友，而且咖哩好香，好好餸飯～白飯既份量都多。我地仲叫左一杯美碌恐龍，一杯凍既美碌飲品地址：馬拉公公 (屯門)屯門屯門鄉事會路112-140號雅都商場Go Go Mall1樓S69號舖

檳城福建蝦面一上菜已經見到好多配料 入邊有半隻白灼蛋魚蛋 魚片 豆卜 同埋剝殼大蝦🍤 蝦湯味香但係唔會太鹹 小編唔食辣就覺得夠辣，至於質感方面 因為佢採用粗身手打嘅黃面 好有咬口👍🏻配上蝦湯一流凍馬拉拉茶加$7可以叫杯野飲 奶味比茶味重 適合較鍾意奶味嘅朋友 咖喱豬軟骨飯咖喱飯分量超多 豬軟骨煮得好淋好入味 而且佢落咗好多洋蔥 所以除咗本身咖喱嘅辣味之外仲有微微嘅刺激感 飯係用左細粒既泰國香米 好重東南亞風 好似返左馬拉食街邊野🥰凍怡保白咖啡怡保向來都係馬拉最出名既手信 估唔到呢度嘅白咖啡咁認真用返馬拉既咖啡牌子 奶好香滑 一流😚⭐️

原來以家雅都商場裝修左，1樓有個food court.見到呢間食馬拉菜既馬拉公公。hk 本身都少馬拉食物，所以見到就試下la.叫左佢既招牌菜，蝦麵同喇沙。檳城福建蝦麵 $49碗湯好紅，一開始以為會好辣，點知唔算辣，反而好重蝦味。碗麵有半隻蛋，魚片，蝦，豆卜同豬肉。每樣都可以食到少少，幾好。檳城亞參叻沙米 $48味道對比下就冇咁濃，友人話咁仲好食。配菜同蝦麵差唔多。南乳雞翼 $20外脆內嫩，非常好吃。第一次食呢種味道既雞翼，極力推薦。凍白咖啡 +$7係東南亞味道既咖啡，+$7 值得比。

天氣涼，特別口淡淡，今日決定食辣，刺激味蕾，無做運動都可以出一身汗我屋企附近無馬拉菜，所以朋友帶我去這家吃馬拉菜式。白咖哩雞絲滲滲湯底非常惹味，香濃又有點點辣，辣味慢慢滲出喉嚨，雞絲肉質細嫩，豆卜吸收晒湯精華，配上爽甜芽菜，口感豐富。辣死你嗎配炸小雞腿菜式名非常特別，吸引我去試，外表是雞腿飯，主角在辣醬，辣度高，迅速冒汗，雞腿炸得香脆，好刺激。薏米水凍飲好解渴，解辣又少甜，更健康。菜式選擇多，上菜快，夠刺激，不錯！

自從雅都一樓變左成層做食肆都無去過，今次特登去試下食個晚飯。原來係food court 形式，兜左個圈就揀左間食馬來西亞茶既馬來公公。檳城肉骨茶配飯： 一向都好鐘意食肉骨茶，但有時會好怕太重藥材味，而馬來公公既味就岩岩好，入面有足料既肉，煮到入晒味，另外仲有一隻蛋同油炸鬼，吸晒湯底既味，呢個價錢其實好抵食，仲有一大碗食唔晒既飯，所以下次要叫少飯唔好浪費。個餐再配多份怡保芽菜，好爽口，配埋黑油同鼓油就更加好味。想講杯咸檸七好好飲，咸檸都係打碎晒，所以成杯野既味道都好均勻，夠晒咸檸味飲到最後都唔會好淡。另外酥炸魚柳咖喱飯，個炸魚柳就普普通通，但個咖喱汁就比較出色，我地叫左微辣但食落就覺得咖夠辣，但個味道好好，如果再辣啲就更加好送飯。結論係呢間野都幾抵食，但foodcourt既環境就麻麻地，如果住附近叫外賣就一流選擇。

成日諗唔到食咩就會係嗌依間嘅food panda通常嗌外賣就會嗌一個粉再加個薄餅咁，好味又夠飽食咗咁多次，今日第一次嚟堂食價錢都幾平又多款式選擇同朋友嗌左一個滲滲同一個肉骨茶share白咖喱海鮮滲滲 $48🍜之前都食過幾次個湯底好香好濃郁再加少少辣好惹味配料多款，份量又多😂有蝦有魚片有魚蛋最正一定係吸晒湯嘅豆卜檳城肉骨茶 $52 🥣好正宗好有風味入面有好多舊肉肉不過最吸引我嘅係佢會配個馬拉黑醬油個醬油少少辣好香配肉同撈飯食都好味😂怡保白咖啡 $7 🥤個frd一見到就話想嗌嘅咖啡聞落真係好香好濃郁嘅咖啡味加埋先係$100多少少，好味又抵食

👩🏻‍💻今日落堂之後，就順便食埋飯先返屋企，食呢個係炸小雞腿配冷凍乾咖喱飯，店員好細心，都有問我食唔食得辣💕☺️怕辣親我，突然好期待個飯，難道真係好辣🌶？🥰​​🍛炸小雞腿配冷凍當乾咖喱飯 HKD$45​🌟炸雞🍗色、香、味俱全，雞肉鮮嫩肉質都好Juice🤤好特別嘅係小雞腿係有用咖喱醃過，咬開會見到啲肉上咗咖喱色，微微既咖喱味🤤👍🏻炸得恰到好處，外皮香脆💕👍🏻​咖喱汁用個盒裝住，客人想食幾多、食幾辣、點雞、送飯食都得👍🏻好細心💕味道都好惹味，咖喱汁入邊有薯仔蓉，醬汁都好潔身🤤佢既辣度係，入口果下辣，但好快就消失，唔會辣到食唔到落去🥰如果唔食得辣真係唔好加咁多汁，而我係加晒落去既🤣🤣💕yummy💕小雞腿無論就咁食或點咖喱汁都好香口，而小雞腿份量都唔少‼️配菜用咗芽菜，令到雞腿🍗冇咁油膩👍🏻💕配搭得唔錯👍🏻芽菜都好新鮮，清甜多汁，飯既份量都幾多🍚，口感軟綿，唔會硬身，真係好大碗好抵食👍🏻💕🥰係商場食到呢個質素真係好開心‼️💯​​🍹怡保白咖啡(凍)配餐+HK$7​🌟我慶幸今日無飲到咖啡，因為呢到有提馬來西亞著名白咖啡‼️☺️💕食辣野再配一杯凍飲真係好正啊‼️💯​​✒️小記：呢度搵位唔容易，因為疫症關係要隔開坐